Morgunblaðið - 18.09.2002, Blaðsíða 15
LANDIÐ
MORGUNBLAÐIÐ MIÐVIKUDAGUR 18. SEPTEMBER 2002 15
VINNA við nýjan brimvarnargarð á
Húsavík, svokallaðan Bökugarð, er
nú á lokasprettinum og garðurinn
óðum að taka á sig endanlega mynd.
Að sögn Reinhards Reynissonar
bæjarstjóra hefur verkið gengið vel
en er þó nokkuð á eftir upphaflegri
verkáætlun en verklok eru áætluð í
októbermánuði. Það skýrist annars
vegar af magnaukningu efnis í garð-
inum og svo aukaverka sem verktak-
inn, Ístak hf., hefur tekið að sér á
verktímanum.
Bökugarðurinn, sem hannaður er
af Siglingastofnun, er ein stærsta
framkvæmd á núgildandi hafnar-
áætlun og kostar tæpan hálfan millj-
arð króna. Garðurinn er tæpir fimm
hundruð metrar að lengd og í hann
fara um 300 þúsund rúmmetrar af
efni sem kom úr tveimur námum í
nágrenni Húsavíkur.
Á höfðanum ofan við brimvarnar-
garðinn nýja komu Húsavíkurbær
og Ístak hf. upp skilti með upplýs-
ingum um framkvæmdina. Þar segir
m.a að garðurinn sé af svokallaðri
bermugerð, hann einkennist af til-
tölulega þykku grjóti til að verjast
öldunni. Mikilvægur þáttur í gerð
garðanna er að hæfilega mikið hol-
rými sé í grjótvörninni utan á garð-
inum. Á þann hátt gleypir grjótvörn-
in ölduna þegar hún gengur inn í
mannvirkið í stað þess að öll orkan
leysist úr læðingi yst á grjótkápunni.
Garðar af þessari gerð hafa reynst
vel hér á landi og eru margir, nægir
þar að nefna t.d grjótvörnina utan á
Norðurgarðinum hér á Húsavík, ytri
garðinn á Þórshöfn og garðana á
Dalvík og Bolungarvík.
Húsvíkingar vilja ekki láta staðar
numið þótt brimvarnargarðurinn sé
kominn upp, Reinhard segir að frá
upphafi þessara framkvæmda hafi
tilgangurinn verið að opna höfnina
fyrir stærri skipum. „Þar koma bæði
til hagsmunir okkar vegna almennra
vöruflutninga, ný verkefni eins og t.d
kísilduftverksmiðjan í Mývatnssveit
sem kemur til með að skapa mikla
flutninga og svo aðstöðu fyrir stærri
skemmtiferðaskip að ógleymdum
stærri fiskiskipum. Þessi markmið
nást ekki nema með byggingu stál-
þils með steyptu dekki innan á Böku-
garðinn en gert er ráð fyrir að hann
verði 150 metra langur,“ sagði Rein-
hard.
Hefur þegar sannað gildi sitt
Af öðrum framkvæmdum við
höfnina í sumar, að undanskildu
venjubundnu viðhaldi, er það að
segja að ráðist var í uppfyllingar
sunnan Suðurgarðs. „Við vorum
annars vegar að ljúka stækkun lóða
GPG ehf. og hinsvegar búa til lóð
undir byggingu væntanlegrar
Glúkósamínverksmiðju. Í þetta fóru
tæpir 20 þúsund rúmmetrar af
kjarna og grjótvörn og heildarflat-
armál þessara framkvæmda var um
3.500 fermetrar,“ sagði bæjarstjóri
að lokum.
Hinn nýi brimvarnargarður hefur
nú þegar sannað gildi sitt, í norðvest-
anskotinu í byrjun september var
fjöldi skipa í höfninni. Stefán Stef-
ánsson hafnarvörður sagði t.d að
stórt rækjuskip hafi legið við norð-
urgarðinn í sambærilegu veðri í vet-
ur sem leið. Þá hafi skipið sífellt ver-
ið að slíta af sér landfestar en nú hafi
það varla hreyfst við bryggjuna því-
lík breyting væri orðin á höfninni til
batnaðar.
Morgunblaðið/Hafþór Hreiðarsson
Eins og sést á þessari mynd er Bökugarðurinn engin smásmíði og liggur hann utan við Norðurgarðinn.
Brimvarnargarður-
inn að verða tilbúinn
Húsavík
FYRSTA safn í Höfðabrekku-
afrétti var smalað í blíðskap-
arveðri. Smalarnir leggja af stað
snemma morguns og ganga allan
daginn, ekið er á bílum inn að
Mýrdalsjökli og hluti af smölunum
þarf að ganga yfir jökul.
Margar leiðirnar sem farnar eru
í smalamennskunni eru erfiðar yf-
irferðar enda er landslagið óvenju
hrikalegt og skorið af djúpum gilj-
um. Til að vera stöðugri í erfiðu
landinu eru smalarnir með fjalla-
stangir sem eru sérsmíðuð sköft
með broddi á endanum. Mörgum
sem eru að fara í fyrsta sinn finnst
hálfbjánalegt að bera þessi prik
með sér en um leið og menn hafa
vanist þeim verða þau ómissandi.
Útsýnið í afréttinum er óviðjafn-
anlegt og þó að menn séu ákafir
að ná heim kindunum sínum er
ekki hægt annað en að stoppa
öðru hverju til að dást að landinu.
Morgunblaðið/Jónas Erlendsson
F.v. Gunnar Valgeirsson, bóndi Norður Fossi, Ingvar Þórisson kvik-
myndatökumaður og Ragnar Indriðason bóndi.
Skimað eftir kindum
Fagridalur
RÖÐ myndlistarsýninga heldur
áfram á sjúkrahúsinu og heilsu-
gæslustöðinni á Akranesi í tilefni
50 ára afmælis stofnunarinnar. Nú
sýnir Skagamaðurinn Björn Lúð-
víksson verk sín í anddyrinu.
Björn er fæddur árið 1960 á
Akranesi og alinn þar upp. Hann er
að mestu sjálfmenntaður en hefur
sótt myndlistarnámskeið hjá
Hrönn Eggertsdóttur og Bjarna
Þór Bjarnasyni. Björn hefur haldið
tvær einkasýningar, árið 1993 hélt
hann sýningu á Hótel Djúpavík á
Ströndum (Kvennabragginn) og ár-
ið 1995 í Upplýsingamiðstöð fyrir
ferðamenn á Akranesi. Auk þess að
hafa tekið þátt í samsýningum hef-
ur Björn sent inn myndir á mynd-
listarvefsíður tónlistarmannsins
Davids Bowie, www.davidbowie-
.com, og nokkrar af myndum hans
hafa verið valdar Mynd vikunnar
þar af meðlimum netsins.
Á sýningunni á SHA kennir ým-
issa grasa en þar er um að ræða 17
verk, unnin með olíulitum, past-
ellitum og blýanti, bæði gömul
verk og ný.
Yfirlitssýn-
ing í and-
dyri SHA
Akranes
Ljósmynd/Jón Á. Gunnlaugsson