Morgunblaðið - 06.01.2003, Page 1
VITAÐ er með vissu að yfir 20
manns dóu og um 100 særðust
þegar tveir sjálfsmorðingjar
með 10–15 kíló af sprengiefni
innanklæða gerðu árás í tveim
þröngum götum er liggja að
gamalli strætisvagnamiðstöð í
Tel Aviv í Ísrael í gær á mesta
umferðartíma við lok vinnu-
dags. Mennirnir tveir
sprengdu sig með nokkurra
mínútna millibili.
Fjöldi fátækra, erlendra
verkamanna, margir án at-
vinnuleyfis, býr í hverfinu er
nefnist Neve Shaanan og er
talið að mörg fórnarlömbin
hafi verið úr röðum þeirra.
Helstu ráðherrar í stjórn Ariels Sharons, forsætisráðherra
Ísraels, voru þegar kallaðir saman á bráðafund til að ræða við-
brögð við tilræðinu. Skýrt var frá því í gærkvöldi að ísraelskar
herþyrlur hefðu gert flugskeytaárás á palestínsk skotmörk í
Gazaborg og sögðu sjónarvottar að rafmagn hefði farið af í
borginni. Heimildarmenn úr röðum palestínskra lögreglu-
manna sögðu að skotmörkin hefðu verið tvö verkstæði en Ísr-
aelar segja að þau séu oft notuð til að framleiða sprengjur.
Ekki varð mannfall en átta manns munu hafa særst lítillega.
Er síðast fréttist var talið að auk
árásarmannanna tveggja hefðu
23 menn látið lífið í Tel Aviv.
„Sumir voru útlendingar, sum-
ir Ísraelar,“ sagði Yossi Landau
sem sinnti neyðarhjálp á staðn-
um. „Um aðra var ekki hægt að
fullyrða neitt af því að andlitið
var svo afmyndað. Nokkrir voru
enn við meðvitund, aðrir æptu.
Einn hljóp um eins og hann væri
orðinn óður áður en hann féll til
jarðar og dó.“ Landau sagði að
líkin hefðu verið sundurtætt og
líkamshlutar hefðu þeyst langar
leiðir.
Arafat fordæmir voðaverkið
Erfitt var fyrir björgunar-
menn að aðstoða særða vegna
þess hve göturnar eru þröngar.
Vegfarendur rifu hurðir af hjör-
um og notuðu þær fyrir sjúkra-
börur.
Lögreglan hvatti í gær ólög-
lega, erlenda verkamenn í Tel
Aviv til að aðstoða við rannsókn
málsins og leita hiklaust til
sjúkrahúsa ef nauðsyn krefði
enda þótt pappírarnir væru ekki í
lagi. Var tekið fram að lögregla
innflytjendaeftirlits væri ekki að
störfum á svæðinu.
Stjórn Yassers Arafats Palest-
ínuleiðtoga fordæmdi þegar
hryðjuverkið og sagði í yfirlýs-
ingu frá henni að hún myndi
leggja sig fram um að leita uppi
þá sem hefðu skipulagt voða-
verkið. Jafnframt voru Ísraelar
hvattir til þess að leita ekki
hefnda, slík stefna myndi aðeins
halda við vítahringnum. En
Sharon sagði að Arafat hefði
stutt hermdarverk gegn Ísr-
aelum og bæri hann því ábyrgð á
atburðum dagsins.
Tveir hópar íslamskra hryðju-
verkasamtaka, Herdeildir Ez-
zedine al-Qassam, er tengjast
Hamas-samtökunum og samtök-
in Heilagt stríð, lýstu í símtölum
við fjölmiðla verkinu á hendur
sér.
Reuters
Ísraelskir lögreglumenn og liðsmenn björgunarsveita leita að vísbendingum á vettvangi eftir sjálfsmorðsárásina í Tel Aviv.
Yfir 20 látnir og
um 100 slasaðir
Hlúð að fórnarlambi í Tel Aviv.
Tveir sjálfsmorðingjar gerðu árás
í Tel Aviv – Ísraelar réðust með
þyrlum á Gazaborg í gærkvöldi
Tel Aviv, Jerúsalem. AFP, AP.
STOFNAÐ 1913 4. TBL. 91. ÁRG. MÁNUDAGUR 6. JANÚAR 2003 mbl.is
Áheims-
mælikvarða
Argentínsk tangótónlist í
Salnum í Kópavogi Listir 30
Stríðsminjar
áStokksnesi
Aukinn áhugi á verndun mannvirkj-
anna á Höfn í Hornafirði 12
Spennumyndir
í öndvegi
Vinsælustu myndböndin frá
því á síðasta ári Fólk 47
ÚTGÁFA Morgunblaðsins á mánudögum hefst í
dag samkvæmt þeirri ákvörðun sem stjórn Árvak-
urs hf., útgáfufélags Morgunblaðsins, tók á fundi
sínum 28. nóvember sl. Morgunblaðið er þó ekki að
koma út í fyrsta skipti á mánudegi í dag ef litið er
yfir tæplega 90 ára útgáfusögu blaðsins. Fyrstu
sex útgáfuár Morgunblaðsins, sem hóf göngu sína
2. nóvember árið 1913, var blaðið gefið út reglulega
á mánudögum.
Í blaðinu í dag er rakin saga útgáfu Morgun-
blaðsins á mánudögum allt frá stofnun blaðsins.
Þegar fyrsta tölublað Morgunblaðsins leit dagsins
ljós sunnudaginn 2. nóvember árið 1913 var því lýst
yfir á forsíðu að blaðið kæmi út á hverjum morgni.
Annað tölublað Morgunblaðsins varð því fyrsta
mánudagsútgáfa blaðsins. Árið 1919 varð lands-
málablaðið Ísafold vikuútgáfa Morgunblaðsins og
kom út á mánudögum fram á síðari hluta árs 1921.
Útgáfudögum Morgunblaðsins var ekki fjölgað
aftur en hins vegar litu mánudagsútgáfur dagsins
ljós, þegar mjög sérstaklega stóð á. Kom Morg-
unblaðið m.a. út mánudaginn 27. júní 1921 í tilefni
af konungskomu Kristjáns tíunda til Íslands. 1939
komu út tvö aukablöð Morgunblaðsins; mánudag-
inn 1. maí og mánudaginn 4. september þegar blað-
ið flutti fregnina; „Það er stríð“. Mánudaginn 19.
júní 1944 kom Morgunblaðið út með forsíðufyr-
irsögninni; „Ísland lýðveldi“. Morgunblaðið var
gefið út mánudaginn 13. október 1986 vegna leið-
togafundar Reagans og Gorbachev í Reykjavík og
mánudaginn 3. janúar árið 2000 var gefið út sér-
stakt aldamótablað Morgunblaðsins.
Morgunblaðið
kemur aftur út
á mánudögum
Sjö daga útgáfa á ný
eftir um 84 ára hlé
Moggi kemur/22 og 24
Leiðari/26
BARÁTTAN sem háð var um yfirráðin yfir Fjár-
festingarbanka atvinnulífsins og Íslandsbanka er
átakamesta viðskiptastríð sem háð hefur verið í ís-
lensku viðskiptalífi í áratugi. Í greinaflokkinum
Baráttan um Íslandsbanka, sem hefur göngu sína í
Morgunblaðinu í dag, rekur Agnes Bragadóttir
blaðamaður þriggja ára sögu þessara átaka, sem
að mestu leyti fóru fram á bak við tjöldin.
Nokkrir athafnamenn gerðu ítrekaðar tilraunir
til þess að ná meirihluta í Íslandsbanka, með kaup-
um í bankanum sjálfum og Tryggingamiðstöðinni
og Fjárfestingarfélaginu Straumi.
Rakið er í greinunum hvernig því var afstýrt,
jafnan á elleftu stundu, að yfirtökuáformin yrðu að
veruleika. Áhrifamenn í banka- og viðskiptalífi
tóku höndum saman, með vitund og samþykki
valdamikilla stjórnmálamanna, til þess að koma í
veg fyrir að völd þau og áhrif, sem fylgja því að
ráða yfir mörgum tugum milljarða króna í eigu
sjóða, banka og almenningshlutafélaga, lentu í
höndum nokkurra fjárfesta.
Átakamikið
viðskiptastríð
Baráttan um Íslandsbanka/14–18