Morgunblaðið - 29.01.2003, Blaðsíða 4
Morgunblaðið/Þorkell
Tilnefning Þingvalla á heimsminjaskrá UNESCO var undirrituð í Þjóðmenningarhúsinu. Björn Bjarnason, for-
maður Þingvallanefndar, og Tómas Ingi Olrich handsala samkomulagið með Davíð Oddsson sér til fulltingis.
ÞINGVELLIR voru í gær til-
nefndir á heimsminjaskrá Samein-
uðu þjóðanna og verður tilnefn-
ingin afhent í höfuðstöðvum
UNESCO í París fyrir 1. febrúar
nk. Niðurstöðu er að vænta að
loknu matsferli Nefndar um arf-
leifð þjóðanna á næsta ári, á 60
ára afmæli lýðveldisins.
Með tilnefningunni, sem undir-
rituð var af Davíð Oddssyni for-
sætisráðherra og Birni Bjarna-
syni, formanni Þingvallanefndar,
fylgir ítarleg greinargerð um stað-
inn með nákvæmum staðarlýs-
ingum og rökstuðningi fyrir vægi
staðarins í menningarsögulegum
og náttúrufarslegum skilningi, auk
þess sem gerð er grein fyrir rétt-
arstöðu staðarins og verndun
hans.
Um 730 staðir í 125 ríkjum eru á
heimsminjaskrá UNESCO og eru
þeir taldir vera einstakir í heim-
inum og sameiginleg arfleifð
mannkyns. Þess má geta að til
þess að fá samþykki á heims-
minjaskrá þarf að liggja fyrir skýr
og full sátt um verndun og umsjón
viðkomandi staðar auk rekstrar-
fyrirkomulags. Meðal staða á
heimsminjaskránni eru pýramíd-
arnir í Egyptalandi, Stonhenge á
Englandi, Kínamúrinn, TjaMahal
á Indlandi, Galapagos eyjar og
Miklagljúfur.
Skaftafell tilnefnt
fyrir febrúar 2004
Björn Bjarnason, formaður
Þingvallanefndar, segist þeirrar
skoðunar að enn frekar verði
vandað til verka í tengslum við
uppbyggingu á Þingvöllum fái
staðurinn þá viðurkenningu sem
felst í að komast á heimsminja-
skrá.
„Menn vænta mikils af því þeg-
ar þeir koma á slíka staði og Þing-
vellir eru það frá náttúrunnar
hendi og sögunnar hendi. Mann-
virki af okkar hálfu verða síðan að
vera þess eðlis að þau standi undir
væntingum,“ segir hann.
Íslendingar gerðust aðilar að
samningi Menningarmálastofnunar
Sameinuðu þjóðanna, UNESCO, í
desember 1995 en umsjón með
framkvæmd samningsins er í
höndum menntamálaráðuneytisins.
Í byrjun árs 2001 veitti Þingvalla-
nefnd heimild til að tilnefna stað-
inn á heimsminjaskrá og í árslok
sama ár lá fyrir staðfesting rík-
isstjórnarinnar, þá var jafnframt
ákveðið að tilnefna Skaftafell á
heimsminjaskrána. Að sögn Tóm-
asar Inga Olrich menntamálaráð-
herra er stefnt að því að ganga frá
tilnefningu Skaftafells á heims-
minjaskrá fyrir 1. febrúar 2004.
Ríkisstjórnin hefur einnig sam-
þykkt lista yfir staði sem hugs-
anlega verða tilnefndir á heims-
minjaskrána. Staðirnir eru Breiða-
fjörður, Núpsstaður, Keldur,
Gásir, Reykholt, Víðimýri, Surts-
ey, Mývatn, Herðubreiðarlindir og
Askja.
Þingvellir tilnefndir á
heimsminjaskrá UNESCO
Morgunblaðið/Júlíus
Auðunn Kristinsson stýrimaður tók á móti hópnum. Auk hans má hér sjá frá vinstri Adolf Steinsson, lögreglumann í
hverfastöðinni í Mosfellsbæ, Kristínu Sigurðardóttur og Odd Ólafsson, sem bæði eru í almennu deild lögreglunnar.
LÖGREGLUMENN heimsóttu
Landhelgisgæsluna í gær, skoðuðu
björgunarþyrluna TF-LÍF og
kynntu sér búnað sem Landhelg-
isgæslan notar. Ágúst Svansson, að-
alvarðstjóri á aðalstöð, segir að lög-
reglan heimsæki
Landhelgisgæsluna og slökkviliðið
reglulega til að heyra af nýjungum
og tengja starfsemi lögreglunnar
betur við þetta samstarfsfólk sitt.
„Við fórum yfir umgengni við
þyrluna og nýjan búnað. Þetta er
allt kennt í Lögregluskólanum og
var þetta því upprifjun. Við lendum
oft í því að taka á móti þyrlunni, við
þurfum að halda okkur við og gera
okkur enn betri til starfsins. Þetta
var mjög fræðandi og góð heimsókn.
Það er alltaf gott að heimsækja
Landhelgisgæsluna,“ segir Ágúst.
Lögreglan í Reykjavík hjá
Landhelgisgæslunni
FRÉTTIR
4 MIÐVIKUDAGUR 29. JANÚAR 2003 MORGUNBLAÐIÐ
♦ ♦ ♦
TVÍTUGUR karlmaður var
dæmdur í 15 mánaða fangelsi í
Héraðsdómi Reykjavíkur í gær
fyrir að stinga annan mann með
hnífi í brjóst og andlit í ágúst síð-
astliðinn.
Sá sem stunginn var hlaut stór-
hættulegan áverka á brjóstvegg
og fyrir heppni lenti hnífurinn
ekki í augnkrókum hans þegar
hann var stunginn í andlitið.
Ákærði neitaði sök en blóð með
DNA sniði þess særða fannst í föt-
um hans. Dómurinn gekk út frá
því að ákærði hefði lent í átökum
þegar hann ætlaði að freista þess
að stilla til friðar í átökum milli
brotaþola og annarra manna á
Laugaveginum. Var litið til þess
að hann átti ekki alfarið upptökin
að þeim en á móti kom að hann
beitti hættulegu vopni gegn
brotaþola þannig að hending ein
réði því að ekki fór verr.
Valtýr Sigurðsson héraðsdóm-
ari kvað upp dóminn. Guðmundur
Óli Björgvinsson hdl. var verjandi
ákærða. Sigríður Jósefsdóttir,
saksóknari hjá ríkissaksóknara,
sótti málið.
15 mánaða fangelsi
fyrir hnífaárás
Stjórnvöld
tryggi eðli-
lega neyt-
endavernd
NEYTENDASAMTÖKIN hafa ósk-
að eftir upplýsingum frá Sturlu
Böðvarssyni samgönguráðherra um
hvort ný flugfélög séu tryggð komi
til vanefnda. Hvetja þau stjórnvöld
til að tryggja neytendum eðlilega
neytendavernd á þessu sviði.
Í bréfinu sem samtökin sendu
samgönguráðherra í gær segir að frá
því að nýtt lággjaldaflugfélag, Ice-
land Express, tók til starfa hafi fjöl-
margar fyrirspurnir borist Neyt-
endasamtökunum. „Fyrirspurnirnar
lúta fyrst og fremst að því hvort
óhætt sé fyrir neytendur að kaupa
farmiða með þessu flugfélagi með
margra mánaða fyrirvara og hvort
viðkomandi flugfélag hafi einhverjar
tryggingar, sambærilegar við ferða-
skrifstofur, ef til rekstrarstöðvunar
kemur og sem viðskiptavinir geti
sótt í til að fá bætur vegna van-
efnda,“ segir í bréfinu. Samtökin
lýsa ánægju með aukna samkeppni á
sviði ferðamála og vona að vel takist
til í rekstri hins nýja flugfélags, svo
neytendur megi njóta vel og lengi.
INFLÚENSA A hefur verið staðfest
með veiruræktun á Rannsóknar-
stofnun Landspítalans, rannsóknar-
stofu í veirufræði. Jóhann Tómasson,
heilsugæslulæknir í Mjódd, greindi
inflúensuna í tveimur börnum sem
eru nýkomin til landsins frá Banda-
ríkjunum og er þetta fyrsta inflúens-
an sem rannsóknarstofan greinir í
vetur.
„Inflúensa sem hefur gengið í Evr-
ópu og Bandaríkjunum á þessum
vetri er af stofnum sem við þekkj-
um,“ sagði Sigríður Elefsen, líffræð-
ingur á rannsóknarstofu í veirufræði.
Sigríður sagði ennfremur að bóluefni
vetrarins réði ágætlega við þá stofna
sem hafa verið að ganga í Evrópu og
Bandaríkjunum. Ekki er enn vitað
um nein sérstök einkenni inflúens-
unnar. Gera þarf fleiri rannsóknir áð-
ur en hægt er að segja frekar til um
hvaða inflúensu A stofna er að ræða.
Tvö tilfelli
af inflúensu