Morgunblaðið - 29.01.2003, Blaðsíða 44

ÍÞRÓTTIR
44 MIÐVIKUDAGUR 29. JANÚAR 2003 MORGUNBLAÐIÐ
er hægt að fara fótgangandi til austurs yf-
ir landamærin en taka þarf ferju til þess
að komast yfir landamærin norður af Cam-
inha.
Sigfús Sigurðsson fór í lyftingasal hót-
elsins á meðan aðrir voru úti að skokka
enda er hann enn ekki búinn að ná sér full-
komlega í ökklanum eftir meiðsl sem hann
hlaut í riðlakeppninni í Viseu.
Guðmundur Þ. Guðmundsson
Guðmundur
hljóp til
Spánar
ÍSLENSKA landsliðið í handknattleik
skokkaði í rúman hálftíma fyrir hádegi í
gær í strandbænum Caminha og var farið
um skóglendi og út á ströndina fyrir neðan
hótelið, Porta Sol. Guðmundur Þórður
Guðmundsson þjálfari liðsins fór ekki með
að þessu sinni enda sagðist hann hafa
skokkað til Spánar í fyrradag og það væri
nægur skammtur af hreyfingu fyrir sig í
bili.
Landamæri Spánar og Portúgals eru að-
eins nokkrum kílómetrum frá Caminha, og
BOGDAN Zajaczkowski, þjálfari pólska
landsliðsins í handknattleik, sagði í samtali
við pólska ríkissjónvarpið í gær að lið sitt
hefði náð viðunandi takmarki á heimsmeist-
aramótinu í Portúgal, þriðja sætinu í sínum
riðli. „Ég veit að við erum ekki taldir sig-
urstranglegir gegn Íslendingum, sem eru
með mjög sterkt lið og urðu í fjórða sæti í síð-
ustu Evrópukeppni. En að sjálfsögðu munum
við gera allt sem við getum til að komast á
Ólympíuleikana. Ég þekki íslenska liðið vel
því við höfum mætt því tvívegis á und-
anförnum tveimur árum. Við unnum annan
leikinn og Íslendingar hinn og það getur því
allt gerst í þessum leik,“ sagði Zajaczkowski.
Pólskir fjölmiðlar hafa annars ekki gefið
heimsmeistarakeppninni mikinn gaum, enda
er handbolti ekki sérlega vinsæl íþrótt í land-
inu. Dagblaðið Przeglad Sportowy var þó
með skemmtilega lýsingu á leikmönnum Ís-
lands þar sem þeir gengu út úr rútunni fram-
an við hótelið sitt í Caminha. Blaðið sagði að
þeir hefðu verið „mjög yfirvegaðir og það
sáust engin svipbrigði á andlitum þeirra“.
„Þykjum ekki
sigurstranglegir
gegn Íslendingum“

ARON Kristjánsson er eini leik-
maður íslenska landsliðshópsins sem
hefur glímt við magakveisu undan-
farna daga. Aron hefur verið kraft-
lítill en segist vera mun betri en um
sl. helgi þegar leikið var gegn Katar
og Þjóðverjum. Nokkuð hefur verið
um það hér í Portúgal að landsliðs-
menn hafi fengið magakveisu og
fengu nokkrir sænskir leikmenn í
magann í riðlakeppninni.

CHRISTIAN Zeitz, landsliðsmað-
ur Þjóðverja í handknattleik og eini
leikmaður landsliðsins sem leikur
með 2. deildar liði, hefur ákveðið að
yfirgefa herbúðir SG Kronau/Östr-
ingen í vor og ganga til liðs við þýsku
meistarana Kiel.

MAGNUS Andersson, einn reynd-
asti leikmaður sænska landsliðsins í
handknattleik, fékk þær sorgarfrétt-
ir í gærmorgun að faðir hans hefði
látist um nóttina. Hann var 93 ára
gamall. Andersson sagði að fréttirn-
ar hefðu ekki komið sér á óvart því
faðir hans hefði lengi verið sjúkling-
ur. Fréttirnar breyttu engu um að
hann léki með sænska landsliðinu á
HM þar til mótinu lýkur.

PETER Gentzel, annar markvörð-
ur sænska landsliðsins, hefur enn
ekki jafnað sig í baki og ekkert geta
æft með landsliðinu síðustu daga.
Vonast er til að hann geti verið til
taks þegar Svíar mæta Ungverjum í
dag ef Tomas Svensson nær sér ekki
á strik í markinu. Svensson segist
búa sig undir að þurfa leika alla leiki
Svía sem eftir eru í keppninni en
vonast samt til að Gentzel jafni sig
og þeir geti skipt næstu leikjum á
milli sín eins og þeir hafa gert í öllum
stórmótum frá 1997 að Gentzel kom
inn í sænska landsliðið.

SVÍAR eru afar óhressir með allan
viðurgjörning sem þeim hefur verið
boðinn á meðan HM í Portúgal
stendur yfir. Í San Joao Da Madeira
þar sem þeir léku í riðlakeppninni
voru þeir á hóteli með landsliði Alsír,
stuðningsmönnum danska landsliðs-
ins og sænskum blaðamönnum. Í
fyrradag fluttu Svíar sig um set og
leika í milliriðli í Espinho og þá tók
ekki betra við þegar í ljós kom að
þeir gista á sama hóteli og Slóvenar.

SVÍUM er mjög í nöp við Slóvena
um þessar mundir eftir að hafa tapað
fyrir þeim í riðlakeppninni og af
þeim sökum eru Svíar stigalausir í
milliriðlinum. „Svona nokkuð gerist
aðeins í handknattleiksmótum,“
sagði Bengt Johansson, landsliðs-
þjálfari Svía, í Expressen í gær þar
sem stemningunni við morgunverð-
arborðið var líkt við biðsal dauðans.

ERIK Veje Rasmussen var í gær
ráðinn þjálfari danska úrvalsdeildar-
liðsins Århus GF. Rasmussen tekur
við liðinu í sumar þegar samningur
hans við Flensburg-Handewitt
rennur út. Tveir Íslendingar leika
með Århus GF, Róbert Gunnarsson
og Þorvarður Tjörvi Ólafsson.
FÓLK
Spánverjar á heimavelli
SPÁNVERJAR verða nánast á heimavelli þegar þeir mæta Íslend-
ingum í íþróttahöllinni í Caminha annað kvöld. Uppselt er á leikinn
en höllin, sem byggð var fyrir fjórum árum, rúmar tæplega 3.000
manns. Segja má að Spánverjar verði á heimavelli enda eru landa-
mæri Spánar aðeins 5 kílómetrum frá Caminha og meirihluti áhorf-
enda verður því örugglega frá Spáni. Íslendingar munu þó vænt-
anlega eiga einhverja stuðningsmenn á pöllunum annað kvöld en
íslenskir starfsmenn SÍF hyggjast mæta til leiks og styðja við bakið
á íslenska liðinu.
Íslendingar og Pólverjar áttust við íleik á æfingamóti í Danmörku
fyrr í þessum mánuði og þar fögnuðu
Íslendingar örugg-
um sigri, 29:22. Ís-
lendingar höfðu tögl
og hagldir í þeim og
áttu ekki í vandræð-
um með framstæða vörn Pólverj-
anna og að skora framhjá pólsku
markvörðunum sem voru slakir í öll-
um leikjunum á mótinu í Danmörku.
„Sá leikur gefur ekki rétta mynd
af pólska liðinu. Pólverjar voru án
tveggja lykilmanna í þeim leik sem
báðir leika í Þýskalandi, Likjewski í
Flensburg og Tkaczyk sem er miðju-
maður með Magdeburg og því þýðir
ekki að vera að velta þeim leik of
mikið fyrir okkur,“ segir Guðmund-
ur. „Við gerum okkur grein fyrir því
að Pólverjar eru með sterkt lið sem
við tökum mjög alvarlega. Það er góð
breidd í liði þeirra, skytturnar góðar
og ég veit að leikurinn verður okkur
mjög erfiður,“ sagði Guðmundur
Guðmundsson við Morgunblaðið í
gær en lærisveinar hans höfðu þá ný-
lokið við að skokka á ströndinni og
teygja á stirðum vöðvum eftir átökin
við Þjóðverja.
Það má kannski líta á leikinn við
Pólverja sem eins konar úrslitaleik?
„Hiklaust má segja það og hann
skiptir okkur og ekki síður Pólverj-
ana gríðarlega miklu máli upp á
framhaldið í keppninni. Með sigri
tryggjum við okkur sæti á meðal
efstu þjóða á mótinu og eigum þá í
vændum annan úrslitaleik ekki síður
mikilvægan en þennan. Ég segi hik-
laust að ef við náum að laða fram
góðan leik í okkar liði á móti Pólverj-
unum þá er engin spurning að við
stöndum uppi sem sigurvegarar. Það
er hins vegar langt frá því að það sé
eitthvert borðleggjandi dæmi, að við
löbbum létt í gegnum leikinn. Við
þurfum að hafa fyrir hlutunum og
leggja okkur fullkomlega fram og
rúmlega það. Við vitum alveg hvað
við erum að fara út í og erum meðvit-
aðir um hversu mikla þýðingu leik-
urinn hefur.“
Hafið þið séð til pólska liðsins í
leikjum þess í mótinu?
,,Því miður er videoþjónustan á
mótinu mjög slöpp. Við áttum að
vera búnir að fá myndir af leikjum
Pólverjanna en það er eins og allt
annað hérna í Portúgal. Okkur hefur
verið lofað að fá spólurnar í hend-
urnar en þær er ekki komnar ennþá
en vonandi ná þær að birtast okkur
áður en undirbúningnum lýkur.“
Ræði ekki um
einstaka leikmenn
Margir eru þeirrar skoðunar að
leikmenn eins og Dagur, Patrekur
og Sigfús hafi leikið undir getu. Ert
þú sammála því?
,,Ég út af fyrir sig ætla ekki að
fara út í það að ræða um einstaka
leikmenn heldur vil ég ræða um
stöðu okkar í dag sem liðs. Þá tel ég
að við höfum sýnt að varnarleikinn
þurfum við að bæta og við verðum að
geta spilað sterka vörn í 60 mínútur.
Í leiknum við Þjóðverjana var vörnin
léleg til að byrja með en hún kom síð-
an sterk upp en ég tel það mjög mik-
ilvægt að við getum haldið út leikinn
með öflugum varnarleik og ég tala
nú um leikina sem fram undan eru.
Ég tel að að það búi meira í liðinu
hvað sóknarleikinn varðar og
ákveðnir leikmenn og liðið þar með
getur gert meira. Við höfum verið að
glíma við það í sumum leikjanna að
Ólafur Stefánsson hefur verið klippt-
ur út og fyrir vikið verður sóknar-
leikurinn kannski ekki áferðarfalleg-
ur. Við höfum samt komist í gegnum
þetta ágætlega en ég tel þó að við
getum bætt leik okkar verulega.“
Samvinna Rúnars Sigtryggssonar
og Sigfúsar Sigurðssonar í vörninni
var einstaklega góð á EM í fyrra og
lagði grunn að góðum árangri.
Finnst þér samvinna þeirra ekki
hafa gengið eins vel á þessu móti?
,,Á köflum hefur hún verið fín en
stöðugleikann hefur vantað í varn-
arleikinn sem við höfum þurft á að
halda. Það eru kannski ýmsar ástæð-
ur fyrir því. Mér fannst til dæmis
vanta meiri grimmd í vörnina al-
mennt í leiknum við Þjóðverjana en
þegar vörnin hefur smollið í gang þá
hefur allt gengið betur.
Vörn og markvarsla er mikilvæg-
ur þáttur í handbolta og ef þessir
hlutir eru ekki í lagi þá getur oft ver-
ið erfitt að vinna andstæðingana.“
Eftir því hefur verið tekið að þú hef-
ur verið iðnari við að gera breytingar
á liðinu og nota fleiri menn heldur en
til dæmis á EM?
,,Við höfum reynt að dreifa álaginu
og ég held að það eigi eftir koma okk-
ur til góða þegar á mótið líður. Þetta
mót er allt öðruvísi en EM. Í Svíþjóð
var leikið við sterkar þjóðir í hverj-
um leik en núna höfum við mætt
slakari liðum inni á milli sem hefur
gert okkur kleift að nýta fleiri menn.
Núna er staðan þannig að við
mætum bara sterkum liðum það sem
eftir er og við þurfum þar af leiðandi
að spila á sterkasta mannskap eins
lengi og hægt er. Vissulega mun ég
reyna að rúlla mannskapnum eins og
hægt er en fram undan eru úrslita-
leikir þar sem ekkert má fara úr-
skeiðis,“ sagði Guðmundur.
Guðmundur Þ. Guðmundsson fyrir viðureignina við Pólverja
Getum bætt leik
okkar verulega
GUÐMUNDUR Guðmundsson landsliðsþjálfari segir að íslenska
þjóðin megi ekki halda að leikurinn við Pólverja verði auðveldur við-
fangs en Íslendingar mæta Pólverjum í fyrsta leik sínum í milliriðli
heimsmeistaramótsins í handknattleik í Caminha í dag. Leikurinn
er íslenska liðinu ákaflega mikilvægur en með sigri tryggir liðið sér
sæti á meðal átta efstu þjóða en það ræðst ekki fyrr en eftir leikinn
við Spánverja hvort Íslendingar komist í leikina um verðlaunasæti
eða leika um sætið fimm til átta.
Morgunblaðið/RAX
Jóhann Ingi Gunnarsson, formaður landsliðsnefndar, ásamt
Rúnari Sigtryggssyni í fjörunni við Caminha.
Guðmundur
Hilmarsson
skrifar
frá Caminha