Morgunblaðið - 10.02.2003, Blaðsíða 31

MORGUNBLAÐIÐ MÁNUDAGUR 10. FEBRÚAR 2003 31
Nýr og betri
Sýnd kl. 6, 8.30 og 11. B.i 12 ára.Sýnd kl. 5.40, 8 og 10.20. B. i. 12.
Sýnd kl. 5.30, 8 og 10.30. B.i. 12. Sýnd kl. 10. B.i. 14.Sýnd kl. 6 og 8.
GRÚPPÍURNAR
Búðu þig undir D-daginn 28. febrúar
Hverfisgötu
551 9000
RENÉE ZELLWEGER CATHERINE ZETA - JONES
RICHARD GERE
Kvikmyndir.com
Magnað meistaraverk í anda Moulin Rouge.
Hlaut þrenn Golden Globe verðlaun á dögunum
sem besta myndin ásamt bestu aðalleikurum.
Missið ekki af þessari.
i í li .
l l l l
i ll i .
i i i i.
Sýnd kl. 6.
Sýnd kl. 5.30 og 9. B.i. 12.Sýnd kl. 8 og 10.15. B.i. 14.
Magnað meistaraverk í anda Moulin Rouge.
Hlaut þrenn Golden Globe verðlaun á dögunum
sem besta myndin ásamt bestu aðalleikurum.
Missið ekki af þessari.
l t r l l r l
t i t t ll i r .
i i i f ri.
Frábær ævintýra
og spennumynd fyrir alla fjölskyl-
duna.
RENÉE ZELLWEGER CATHERINE ZETA - JONES
RICHARD GERE
Sýnd kl. 5.30, 8 og 10.15.
Kvikmyndir.com
Búðu þig undir D-daginn 28. febrúar
BROADWAY. Seiðurinn, kraftur-
urinn, glitrið, eftirvæntingin; Töfr-
arnir tengdir þessu dulúðuga nafni
sameinast að talsverðu leyti í
Chicago, söngleiknum fræga sem nú
hefur verið kvikmyndaður með hríf-
andi árangri. Broadway-uppfærslan
var að miklu leyti hugarsmíð Bobs
Fosse, snillingsins geggjaða sem
lyfti söngleikjaforminu í nýjar hæð-
ir með takmarkalausu hugmynda-
flugi í leik- og dansstjórn. Fosse
þótti ekki síst djarfur og bersögull,
eða svalur, „cool“, eins og sagt er í
dag og Chicago er svöl, grípandi og
yfirbragðið kynþokkafullt.
Aðalpersóna Chicago er Roxie
Hart (Renée Zellwger), ein kunn-
asta persóna Broadwaysöngleikja,
sannkallaður harðnagli undir krútt-
legu yfirbragði. Gift meinleysingj-
anum Amos (John C. Reilly), en
lætur það ekki aftra sér frá því að
beita allra bragða til að komast í
sviðsljósið. Í þeim tilgangi sefur hún
hjá Fred (Dominic West), ófyrir-
leitnum náunga sem dregur hana á
tálar. Hann hefði betur látið það
ógert því Roxie skýtur Fred til bana
er hún kemst að því að þau eru af
sama sauðarhúsi. Leiðin liggur
beint í svartholið, þar sem Roxie
kynnist revíustjörnunni Velmu Kell-
ey (Catherine Zeta-Jones), sem
prýtt hefur forsíðurnar að undan-
förnu – eða frá því hún kálaði manni
sínum og systur er hún kom að
þeim á óþægilegu augnabliki.
Hörkutólin bítast um frægð í fjöl-
miðlunum þar sem Roxie ýtir
Velmu út í kuldann. Að lokum verða
þær að sameina krafta sína þegar
nýtt morðkvendi kemur til sögunn-
ar og hremmir alla fjölmiðlaathygl-
ina.
Til sögunnar kemur Billy Flynn
(Richard Gere), glerháll lögfræðing-
ur sem lofar að bjarga skjólstæð-
ingum sínum frá gálganum, auk
fjölda litríkra aukapersóna með
fanggæsluna „Mama“ Morton
(Queen Latifah), í fararbroddi.
Það er sem sagt engin tilviljun að
myndin gerist í Chicago, frægasta
rokrassi og glæpaborg veraldar á
sögutíma myndarinnar, bannárun-
um á þriðja áratug síðustu aldar.
Myndin er fimleg flétta glæpa og
glaums, söngva og dansa, fantasíu
og raunveruleika. Andrúmsloftið
gjörspillt, persónurnar eggjandi og
varasamar í senn. Manískur andi
Fosse svífur yfir vötnunum, leik-
stjórinn og dansahöfundurinn Rob
Marshall hefur fangað tvírætt og
æsandi andrúmið sem einkenndi
magnaðar Broadwayuppfærslur
Fosse líkt og Dancin’, Sweet Char-
ity og All That Jazz. Marshall sækir
einnig í smiðju Baz Luhrmans,
brýtur upp söguþráðinn með firna-
sterkum og áreitandi dans- og
söngvaatriðum í reykmettuðum
næturklúbbi sem minna meira en
lítið á Moulin Rouge. Tónlist Johns
Kanders er jafnan í fyrirrúmi,
Chicago er eitt af bestu verkum
manns sem á að baki fjölda heims-
þekktra stórvirkja á söngleikjasvið-
inu, eins og Cabaret, Zorba og
Gypsy.
Leikkonurnar eru hrikalega
svæsnar báðar tvær sem flögð undir
fögru skinni, kunna upp á 10 að
beita lostafullum kynþokkanum í
öllum sínum leggjalanga glæsileika.
Dansa og syngja með slíkum til-
þrifum að áhorfandinn hugsar alla-
vega ekki um annað á meðan. Satt
að segja bjóst maður tæplega við
því að Zeta-Jones byggi yfir þessum
heillandi hæfileikum í sínum fögru
fótleggjum og grípandi útgeislun.
Zellweger er hinsvegar til alls vís og
gerir háskagripnum Roxie mögnuð
skil. Mest kemur á óvart sveiflan
hjá Richard Gere, sem sannar enn
eina ferðina að hann hefur verið
vanmetinn leikari og lengst af sett-
ur í klæðskerasniðin hlutverk að
karlrembuímynd sinni. Gere á eitt
af bestu augnablikum Chicago, í
glaðbeittu Razzle Dazzle-atriðinu
Hreint út sagt ótrúlegur, lúrandi á
dansaranum í öll þessi ár. Reilly á
enn einn stórleikinn og gaman að
bera saman frammistöðu hans hér
og í hinni gjörólíku Gangs of New
York, sem er væntanleg á næstunni.
Þvílík breidd. Queen Latifah og
Christine Barinski (Mary Sun-
shine), eru meðal eftirminnilegra
leikara í aukahlutverkum.
Chicago er spáð mikilli velgengni
á næstu Óskarsverðlaunaafhend-
ingu og Bretar tilnefndu þetta
magnaða augna- og eyrnakonfekt í
einum 12 flokkum. Hún getur hæg-
lega hlotið sæmdina besta mynd
ársins, eins ætla ég að vona að þau
Gere og Zellweger fari ekki tóm-
hent heim. Það væri þó vissulega
kaldhæðnislegt ef Chicago ynni
helstu Óskarana þar sem Moulin
Rouge var nánast hunsuð á síðasta
ári, betri mynd sem hefur hjálpað
Chicago á flestum sviðum með
frumleika sínum og velgengni. En
akademían er kunnari fyrir flest
annað en að vera samkvæm sjálfri
sér.
Sjóðheitar
Chicagonætur
KVIKMYNDIR
Laugarásbíó, Regnboginn
Leikstjóri: Rob Marshall. Handrit: Bill
Condon, byggt á samnefndum söngleik
eftir Bob Fosse og Fred Ebb og leikriti
eftir Maurine Dallas Watkins. Kvik-
myndatökustjóri: Dion Beebee. Tónlist:
John Kander. Textar: Fred Ebb. Frum-
samin kvikmyndatónlist: Danny Elfman.
Dansstjórn: Rob Marshall. Aðalleik-
endur: Renée Zellweger, Catherine Zeta-
Jones, Richard Gere, John C, Reilly,
Queen Latifah, Lucy Liu, Colm Feore,
Chita Rivera, Christine Barinski. 110
mín. Miramax. Bandaríkin 2002.
CHICAGO Renée Zellweger sýnir ótvíræða söng- og danshæfileika í Chicago.
Sæbjörn Valdimarsson