Morgunblaðið - 10.02.2003, Blaðsíða 36
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 10. FEBRÚAR 2003 VERÐ Í LAUSASÖLU 190 KR. MEÐ VSK.
Smáralind - Glæsibæ
VELFERÐARSJÓÐUR barna hefur úthlutað
um 150 milljónum króna til verkefna sem efla
velferð íslenskra barna en hann var stofn-
aður fyrir þremur árum með ríflega 500
milljóna króna framlagi Íslenskrar erfða-
greiningar og byggist alfarið á stofnframlag-
inu.
Stefnt er að því að rekstur hvíldar- og end-
urhæfingarheimilis fyrir langveik börn hefj-
ist í Kópavogi í haust og var samningur þess
efnis milli Velferðarsjóðs barna og rík-
isstjórnar Íslands undirritaður í Iðnó í gær.
Sjóðurinn leggur fram 45 til 50 milljónir til
endurbóta á húsnæðinu og ríkissjóður leggur
fram húsnæðið og tryggir fé til reksturs
heimilisins, 20 milljónir á þessu ári og um 84
milljónir á fjárlögum eftir það, miðað við
áætlaðan rekstrarkostnað. Sjóðstjórn Vel-
ferðarsjóðsins er heimilt að ráðstafa á hverju
ári allt að 12% af uppreiknuðum höfuðstól
sjóðsins til verkefna sem snerta velferð
barna. Ingibjörg Pálmadóttir, fram-
kvæmdastjóri sjóðsins, segir að vel hafi tekist
að ávaxta sjóðinn, hann eigi nú um 640 millj-
ónir og hægt sé að úthluta um 80 milljónum
króna á ári.
Fyrir utan framlagið til hjúkrunarheimilis-
ins fyrir langveik börn hefur sjóðurinn út-
hlutað um 100 milljónum króna til ýmissa
annarra verkefna. Þar á meðal eru Mentor-
verkefnið – vinátta, þar sem háskólastúd-
entar taka grunnskólanema að sér; Víðátta,
sem byggist á því að koma fyrir fjar-
kennslubúnaði í grunnskólum; misþroska
börn, sem er stuðningur til þriggja ára við
Félag foreldra misþroska barna og stuðn-
ingur við Alþjóðahúsið, Mæðrastyrksnefnd
og Hjálparstofnun kirkjunnar auk stuðnings
við gerð fræðsluefnis fyrir Félag foreldra
barna með Downs-heilkenni og stuðningur
við gerð fræðsluefnis fyrir Félag samkyn-
hneigðra. Þá hefur sjóðurinn styrkt börn sem
minna mega sín með sumargjöfum í gegnum
félagsmálastofnanir sveitarfélaga, styrkt
Vímulausa æsku vegna námskeiða og ráð-
gjafarþjónustu fyrir börn alkóhólista og
styrkt gerð táknmálsbanka og útgáfu
kennsluefnis fyrir heyrnardauf börn auk
annarra verkefna.
Velferðarsjóður
barna styrkir
uppbyggingu
hjúkrunarheimilis
Morgunblaðið/Þorkell
Ingibjörg Pálmadóttir, framkvæmdastjóri Velferðarsjóðs barna, Davíð Oddsson forsætisráðherra og Kári Stefánsson, forstjóri Íslenskrar erfða-
greiningar, greindu í gær frá stofnun hvíldar- og endurhæfingarheimilis fyrir langveik börn, sem ráðgert er að opna í Kópavogi í haust.
Hefur úthlutað um
150 milljónum til barna
Hjúkrunarheimili/4
GENGIÐ hefur verið frá nýjum samningi
við Evrópusambandið um að það styrki vís-
indamenn til rannsókna við Rannsóknastöð-
ina í Sandgerði. Mun ESB veita liðlega 20
milljónum kr. til verkefnisins næstu tvö ár-
in. Um fjórar milljónir botndýra hafa verið
flokkuð í stöðinni og tugum nýrra dýrateg-
unda hefur verið lýst á þeim tíu árum sem
liðin eru frá því stöðin var tekin í gagnið.
Markmið verkefnisins er að kanna hvaða
dýr lifa á hafsbotninum í íslenskri lögsögu, í
hve miklu magni og hvernig útbreiðslu
þeirra er háttað. Áætlað er að sýnatöku
ljúki á næsta ári og flokkun í lok árs 2005.
ESB styrkir
vísindamenn
í Sandgerði
Hafa fundið/6
SAMKAUP hf. áforma að opna Kaskó-lág-
vöruverðsverslun í Reykjavík eða ná-
grenni í þeim tilgangi að auka hlut sinn í
versluninni, en fyrirtækið rekur slíka
verslun í Reykjanesbæ.
Guðjón Stefánsson, framkvæmdastjóri
Samkaupa, segir að fyrirtækið hafi hug á
að opna Kaskó-verslun á Reykjavíkur-
svæðinu því það sé stærsta markaðssvæðið
auk þess sem þrengt hafi verið að versl-
unum fyrirtækisins á landsbyggðinni, en
fyrirtækið rekur verslanirnar Nettó, Sam-
kaup, Úrval, Sparkaup, Strax og Kaskó,
alls 25 verslanir, víða um land.
Í auglýsingu frá Samkaupum í Morgun-
blaðinu fyrir helgi kom fram að 300.000
krónur yrðu greiddar fyrir ábendingu um
húsnæði sem leiddi til samnings. „Við-
brögð við auglýsingunni eru töluverð,
margar ábendingar komnar en lítið er far-
ið að vinna úr þeim,“ segir Guðjón og bætir
við að margir staðir komi til greina en stað-
setningin verði að vera rétt.
Vilja opna
Kaskó í
Reykjavík
NOKKUR þúsund manns voru á
skíðasvæðunum í nágrenni Reykja-
víkur um helgina en þar er nægur
snjór og skíðafæri var með því
besta sem gerist. Dimm él byrgðu
mönnum þó sýn endrum og sinn-
um.
Í Bláfjöllum og Skálafelli snjóaði
mikið í síðustu viku og forsvars-
menn skíðasvæðanna segjast ekki
ráða annað af veðurspánni en að
enn bæti í snjóinn í þessari viku.
Samkvæmt upplýsingum frá skíða-
svæðunum voru ríflega sex þúsund
manns í skíðabrekkunum um
helgina sem telst dágott. Ungir
sem aldnir, skíðamenn, brettafólk
og snjóþotukappar léku þar listir
sínar, sumir með meiri tilþrifum en
aðrir.
Morgunblaðið/Þorkell
Nokkur þúsund manns
á skíðasvæðunum
GREINARGERÐ um hvernig und-
irbúningi framboðs Íslands til setu í
öryggisráði Sameinuðu þjóðanna
verði háttað, sem kynnt hefur verið í
ríkisstjórninni gerir ráð fyrir að
starfsfólki á skrifstofu fastafulltrúa
Íslands hjá Sameinuðu þjóðunum
verði fjölgað. Ísland stefnir að því að
bjóða fram til setu í ráðinu fyrir tíma-
bilið 2009–2010. Kosningar í embætt-
ið eru fyrirhugaðar haustið 2008.
Gunnar Snorri Gunnarsson, ráðu-
neytisstjóri í utanríkisráðuneytinu, á
von á því að málið verði tekið fyrir
með utanríkismálanefnd Alþingis ein-
hvern tímann á næstu vikum. Fimm
ríki eiga fastafulltrúa í öryggisráðinu,
Bandaríkin, Rússland, Kína, Frakk-
land og Bretland. Kosið er um tíu sæti
í ráðið og falla tvö þessara sæta jafn-
an í skaut Vesturlandaþjóða. Sam-
komulag hefur náðst við hinar Norð-
urlandaþjóðirnar um að Ísland verði
fulltrúi Norðurlandanna í ráðinu fyrir
umrætt tímabil. Gunnar segir að von-
ir standi til þess að einungis verði tvö
framboð á umræddu tímabili. Það
skýrist hins vegar ekki fyrr en á
næstu árum þegar í ljós kemur hvort
einhver þeirra þjóða sem tapar í kosn-
ingunum í millitíðinni muni fara aftur
í framboð.
Hann segir það mikilvægt fyrir Ís-
lendinga að þeir taki virkari þátt í al-
þjóðastarfi. Með því að bjóða sig fram
til setu í öryggisráðinu séu Íslending-
ar að reyna að byggja upp trúverð-
ugleika þjóðarinnar á því sviði. Um
langtímaverkefni sé að ræða. Gunnar
bendir á að á næsta ári sé m.a. fyr-
irhugað að bæta við fólki á skrifstofu
fastafulltrúa Íslands hjá SÞ í New
York.
„Við verðum að vera reiðubúin að
fara í kosningabaráttu. Hins vegar
held ég að það sé okkur í hag að við
höfum aldrei átt eigin fulltrúa í örygg-
isráðinu, ein örfárra Evrópuþjóða.“
Væntanlegt framboð Íslands í öryggisráð SÞ
Skrifstofa fastafulltrúa
Íslands hjá SÞ verður efld
FRÁ áramótum hefur atvinnu-
lausu fólki fjölgað um 1.064. Í gær
voru 6.145 einstaklingar á at-
vinnuleysisskrá, 3.307 karlar og
2.838 konur. Frá áramótum hefur
þeim sem ekki hafa vinnu fjölgað
um 20,1%. Meirihluti atvinnu-
lausra býr á höfuðborgarsvæðinu,
eða 3.853.
Atvinnuleysi mælist núna lið-
lega 4%, en það var 3% í desem-
ber. Þetta er mesta atvinnuleysi
sem mælst hefur hér á landi í
fimm ár. Atvinnuleysi í febrúar í
fyrra var 2,6%. Í fyrra jókst at-
vinnuleysi í febrúar og mars, en úr
því dró í apríl. Það má því gera ráð
fyrir að atvinnuástand eigi enn
eftir að versna.
Lausum störfum hefur fækkað
mikið síðustu vikurnar. Í gær
voru 62 laus störf skráð hjá
Vinnumálastofnun, en í haust
voru að jafnaði 270 störf á skrá.
Atvinnulausum
fjölgar um 1.064
♦ ♦ ♦