Morgunblaðið - 13.03.2003, Síða 4

FRÉTTIR
4 FIMMTUDAGUR 13. MARS 2003 MORGUNBLAÐIÐ
MIKILL stærðfræðiáhugi virðist
vera í 10. bekk í Landakotsskóla en
fjórir af þeim tíu nemendum tíunda-
bekkjar sem lentu í tíu efstu sæt-
unum í stærðfræðikeppni sem hald-
in var í Menntaskólanum í Reykjavík
nýlega komu úr Landakotsskóla.
Gátu nemendur í 8.–10. bekk Aust-
urbæjarskóla, Hagaskóla, Hlíða-
skóla, Landakotsskóla og Valhúsa-
skóla tekið þátt í keppninni og
mættu alls 152 nemendur til leiks. Á
sunnudag var nemendunum sem
lentu í tíu efstu sætunum úr hverjum
árgangi boðið til verðlaunaafhend-
ingar og fengu þrír efstu í hverjum
árgangi peningaverðlaun.
Bjarni Björnsson í tíunda bekk í
Landakotsskóla bar sigur úr býtum í
sínum flokki og lenti bekkjarbróðir
hans, James Frigge, í öðru sæti.
Benedikt Örn Bjarnason varð í
sjötta sæti og Klara Jóhanna Arn-
alds í því níunda. Aðeins tuttugu
nemendur eru í tíunda bekk í Landa-
kotsskóla og hlýtur það því að teljast
góður árangur að fjórir úr bekknum
náðu í hóp þeirra tíu efstu. Þriðja
sætið fór til Hagaskóla en það
hreppti Halla Oddný Magnúsdóttir.
Foreldrarnir kveiktu áhugann
Blaðamaður hváir þegar Bjarni
upplýsir að hann hafi fengið áhuga á
stærðfræði þegar hann var aðeins
sjö ára gamall. Hann segir að for-
eldrar hans hafi komið honum á
sporið. „Það var kennaraverkfall
einmitt þá, pabbi greip tækifærið og
sagði: „jæja krakki, farðu að læra!“
Hann byrjaði á því að kenna mér
annan bekk, það tók mánuð eða svo.
Maður þarf bara að komast á gott
skrið, taka klukkutíma á dag í þetta
og þá er þetta ekkert mál,“ segir
Bjarni.
Aðspurður hvað heilli mest við
stærðfræðina segir Bjarni svo
skemmtilegt að finna kerfi í hlut-
unum. „Það er alveg rosalega gam-
an þegar maður er að reikna ótrú-
lega erfitt og langt dæmi, búinn að
stara á það í hálftíma og koma svo
allt í einu auga á lausnina. Það er al-
veg rosalega góð tilfinning,“ segir
Bjarni. Hann fékk 17.500 krónur í
verðlaun. „Ætli ég kaupi ekki eitt-
hvað skemmtilegt, kannski tölvu-
leiki. Við mamma erum með svolítið
plan, helmingurinn af öllu sem ég
vinn mér inn fer inn á bankabók sem
ég fæ ekki fyrr en ég verð 18 ára.
Þannig að ég fæ ekki nema 8.750
krónur,“ segir Bjarni, greinilega
fljótur að deila 17.500 krónum í tvo
hluta í huganum. Bjarni vinnur í
Vídeóheimum með skólanum og seg-
ir það lítið mál. „Ég tek mér kannski
frí í mánuð fyrir próf. Maður verður
að passa sig á þessum samræmdu
prófum,“ segir Bjarni. Hann segist
ekki vera búinn að ákveða hvað
hann ætli að verða í framtíðinni. „Er
það ekki allt of snemmt?“ spyr hann.
Matreiðsla skemmtilegust
Í 9. bekk varð Pétur Orri Ragn-
arsson, Valhúsaskóla, hlutskarp-
astur og deildu Jón Gunnar Jónsson,
Hagaskóla, og Rósa Björk Þórólfs-
dóttir, Hlíðaskóla, með sér öðru og
þriðja sætinu. Pétur Orri segir að
hann hafi ekki sérstakan áhuga á
stærðfræði, honum finnist skemmti-
legast í matreiðslu.
Þeir sem lentu í þremur efstu sæt-
unum í keppninni í 8. bekk eru allir
úr Hagaskóla. Hlín Önnudóttir varð
í fyrsta sæti, Torfi Ásgeirsson í öðru
sæti og Sólveig Thoroddsen Jóns-
dóttir í því þriðja.
Menntaskólinn í Reykjavík hélt
keppnina í samstarfi við Flensborg-
arskóla í Hafnarfirði. Markmið
keppninnar er að sögn Yngva Pét-
urssonar rektors MR að auka áhuga
grunnskólanemenda á stærðfræði.
Verðbréfadeild Búnaðarbanka Ís-
lands gaf verðlaunaféð.
Stærðfræðiáhuginn
kviknaði við sjö ára aldur
Fjórir af tíu efstu
nemendum í
stærðfræði-
keppni í 10. bekk
eru úr Landa-
kotsskóla
Morgunblaðið/Árni Sæberg
Stærðfræðisnillingarnir Klara Jóhanna Arnalds, Bjarni Björnsson, James Frigge og Benedikt Örn Bjarnason,
nemendur í 10. bekk í Landakotsskóla, sem öll komust í tíu efstu sætin í stærðfræðikeppni sem MR hélt á dögunum.
FLUGRÁÐ leggur til í
umsögn um flutning svo-
nefndra snertilendinga í
æfinga- og kennsluflugi á
Reykjavíkurflugvelli, að
ekki verði ráðist í bygg-
ingu sérstaks flugvallar
til þess að taka við snerti-
lendingum. Þess í stað
verði leitað leiða til þess
að koma þessum æfingum
fyrir annars vegar á
Keflavíkurflugvelli og
hins vegar að hluta af
þeim fjármunum sem fyr-
irhugað er að verja í æfingaflugvöll
verði varið í að endurbæta Sand-
skeiðsflugvöll þannig að hann nýtist
æfinga- og kennsluflugi til snertilend-
inga.
Meirihluti samgöngunefndar Al-
þingis tekur undir þetta og leggur til í
nefndaráliti við samgönguáætlun á
Alþingi, að í samræmi við þessa nið-
urstöðu flugráðs verði hætt við bygg-
ingu sérstaks æfingaflugvallar. Í álit-
inu er gert ráð fyrir að heimilað verði
að endurbæta æfingaflugvelli í ná-
grenni Reykjavíkur, einkum á Sand-
skeiði, þannig að á árinu 2003 verði
framlag á liðnum „Aðrir flugvellir ut-
an grunnnets“ 14 millj. kr. í stað 73
millj. kr. Á árinu 2004 lækki framlag
úr 65 millj. kr. í 6 millj. kr. til æfinga-
flugvalla í nágrenni Reykjavíkur.
Samtals verði því framlag til flugvalla
utan grunnnets 9,2 millj. kr. árið 2004.
Á árunum 2005 og 2006 er lagt til að
ekkert framlag verði á þessum lið.
Samsvarandi breytist liður 2.2.2.3
„Æfingaflugvöllur“ þannig að í stað
73 millj. kr. árið 2003 komi 14 millj.
kr. og í stað 65 millj. kr. árið 2004
komi 6,1 millj. kr. Árin 2005 og 2006
verði ekkert framlag á þessum lið,“
segir í nefndarálitinu.
Snertilendingar í Keflavík
Hilmar B. Baldursson, formaður
flugráðs, segir að lagt hafi verið mat á
reynsluna af snertilendingum og nið-
urstaðan hafi skipt miklu við af-
greiðslu málsins. Tölur sýni að á árinu
2001 skiptust snertilendingar til
helminga á milli Keflavíkurflugvallar
og Reykjavíkurflugvallar og á fyrstu
sex mánuðum ársins 2002 var skipt-
ingin 60% í Keflavík og 40% á Reykja-
víkurflugvelli. Hilmar sagði því
greinilegt að snertilendingar hefðu
færst að stórum hluta til Keflavíkur,
m.a. vegna þess að því hafi á sínum
tíma verið beint til flugskólanna að
leitast við að létta þessu flugi af
Reykjavíkurflugvelli eins og unnt
væri. „Við höfum líka skoðað kostn-
aðinn við að byggja sérstakan æfinga-
flugvöll, sem liggur á bilinu 250 til 400
milljónir. Okkar niðurstaða var því
sú, að frekar en að fara út í þessa
framkvæmd núna þegar okkur vantar
alls staðar peninga til flugmála, að
leggja til að þessu verði beint til
Keflavíkur að eins miklu leyti og
hægt er og síðan verði flugvöllurinn á
Sandskeiði lagfærður til þess að taka
við hluta af þessu,“ segir hann.
„Þetta er að okkar mati lausn sem
getur alveg leyst vanda æfingaflugs-
ins en við höfum hins vegar svolitlar
áhyggjur af einkafluginu og er það
mál sem þarf kannski að skoða á
seinni stigum ef til þess kemur að því
verði úthýst frá Reykjavíkurflug-
velli,“ segir Hilmar.
Segir lausnina slæma
Niðurstaða flugráðs hefur verið
gagnrýnd við umræður meðal flug-
manna að undanförnu. Matthías Arn-
grímsson, yfirflugkennari hjá Flug-
félaginu Geirfugli, telur tillögu
flugráðs og meirihluta samgöngu-
nefndar slæma lausn á þessu máli.
Matthías bendir m.a. á að flugvöllur-
inn á Sandskeiði sé mjög óheppilegur
til snertilendinga þar sem hann sé
ekki nothæfur nema hluta úr ári, m.a.
vegna veðurs. „Hann er líka að mestu
leyti grasvöllur en þarna er
ein lítil malarflugbraut. Til
þess að völlurinn verði not-
hæfur sem almennilegur
æfingaflugvöllur þarf að
vera önnur þverbraut og
brautirnar þurfa að vera
malbikaðar,“ segir hann og
bendir einnig á að auk
þessa þurfi að vera til stað-
ar tæki til að hreinsa snjó
af brautunum, slökkvibíll
þurfi að vera til staðar og
jafnvel einhver flugum-
ferðarstjórn.
Matthías segir að verði snertilend-
ingar fluttar á Sandskeið hefði það
líka mjög slæm áhrif á starf Svifflug-
félags Íslands, sem er þar með höf-
uðstöðvar.
Flugskólamenn sáttir
Forsvarsmenn Flugskóla Íslands
eru hins vegar sáttir við niðurstöðu
flugráðs að sögn Össurar Brynjólfs-
sonar, flugrekstrarstjóra og yfir-
kennara við skólann. „Við vorum á
sínum tíma beðnir um að gefa umsögn
um skýrslu sem Flugmálastjórn gaf
út um mögulega æfingaflugvelli í
kringum Reykjavík sem náði allt frá
Borgarfirði, Selfossi og vestur með
Reykjanesinu. Okkar umsögn var
nánast samhljóða umsögn Flugráðs.
Við töldum miklu viturlegra að
byggja upp þessa velli sem eru til
staðar og það væri ekki forsvaranlegt
að fara að byggja nýjan flugvöll á milli
Reykjavíkur og Keflavíkur, sérstak-
lega ef það fæst í gegn að við getum
verið með okkar höfuðstöðvar í
Reykjavík þótt við notum mikið
Keflavík. Þar er örstutt á milli og í
Keflavík er mjög fullkominn flugvöll-
ur. Við erum því mjög sáttir við
þetta,“ segir Össur.
Aðspurður segir hann að ekki séu
flugtæknileg vandamál við notkun
flugvallarins á Sandskeiði til snerti-
lendinga. ,,Auðvitað koma upp þær
veðurfarslegu aðstæður að Sand-
skeiðið er ekki nothæft en ef þar væri
t.d. góð malbikuð braut, sem væri
hugsað um allt árið um kring, þá gæt-
um við notað hana mjög mikið. Við
notum nú þegar Sandskeið mjög mik-
ið yfir sumartímann.“
Tillaga um skipan æfinga- og kennsluflugs
Snertilendingarvöllur
verði ekki byggður
Morgunblaðið/RAX
Deilt er um hvar æfinga- og kennsluflugi sé best fyrir
komið. Myndin er frá flugvellinum við Múlakot í Fljótshlíð.
FORSETI Íslands, Ólafur
Ragnar Grímsson, heldur í op-
inbera heimsókn til Ungverja-
lands og Slóveníu í næstu viku,
dagana 17. til 21. mars. Í för
með forsetanum verða Páll Pét-
ursson félagsmálaráðherra,
embættismenn forsetaskrif-
stofu og utanríkisráðuneytis
auk forystumanna úr íslensku
atvinnulífi.
Ólafur Ragnar mun m.a.
funda með forseta Ungverja-
lands, Ferenc Mádl og heim-
sækja ungverska þjóðþingið
þar sem fundað verður með
Péter Medgyessy forsætisráð-
herra. Þá hittir Ólafur Ragnar
utanríkisráðherra landsins,
László Kovács, og borgarstjóra
Búdapest, Gábor Demszky.
Í Slóveníu hittir Ólafur
Ragnar forseta landsins, dr.
Janez Drnovšek, og Anton Rop,
forsætisráðherra. Einnig hittir
forsetinn borgarstjórann í
Ljublijana, frú Danica Simšiè.
Forseti
Íslands til
Ungverja-
lands og
Slóveníu