Morgunblaðið - 19.03.2003, Blaðsíða 21

SUÐURNES
MORGUNBLAÐIÐ MIÐVIKUDAGUR 19. MARS 2003 21
BÆJARSTJÓRN Sandgerðisbæjar
hefur ákveðið að verja fimm milljón-
um króna í átak til að draga úr at-
vinnuleysi í bæjarfélaginu. Um 40
manns eru á atvinnuleysisskrá um
þessar mundir og telur bæjarstjórinn
að efri mörkunum sé nú náð. Fjár-
munirnir sem bæjarfélagið veitir til
verkefnisins duga til að tryggja þeim
sem eru atvinnulausir verkefni í þrjá
mánuði.
Átaksverkefnið var samþykkt sam-
hljóða á fundi bæjarstjórnar í síðustu
viku og lýstu bæjarfulltrúar almennri
ánægju sinni með það. Þá lagði Ólafur
Þór Ólafsson, bæjarfulltrúi og oddviti
Sandgerðislistans, fram tillögu um at-
vinnumál á Suðurnesjum.
Sameiginlegar aðgerðir
sveitarstjórna gegn atvinnuleysi
Leggur hann til að bæjarstjórn fari
þess á leit við stjórn Sambands sveit-
arfélaga á Suðurnesjum að hún skipi
starfshóp með fulltrúum frá sveitar-
stjórnum, fyrirtækjum, hagsmunaað-
ilum og stofnunum á svæðinu sem
skili tillögum um sameiginlegar að-
gerðir í atvinnumálum fyrir svæðið í
heild.
Í greinargerð með tillögunni segir
m.a.: „Stjórn Sambands sveitarfélaga
á Suðurnesjum er í lykilaðstöðu til að
stilla strengi Suðurnesjamanna sam-
an og því eðlilegt að sameiginleg
stefnumótunarvinna í atvinnumálum
fari fram á hennar vegum,“ segir þar.
Tillaga Ólafs var samþykkt sam-
hljóða á fundi bæjarstjórnar.
Sigurður Valur Ásbjarnarson, bæj-
arstjóri Sandgerðisbæjar, segir að í
átaki til þess að sporna gegn atvinnu-
leysi verði einblínt á aðstoð við þá
sem eru atvinnulausir þessa stund-
ina. Verkefnið er unnið í tengslum við
Atvinnuleysistryggingasjóð en er al-
farið á vegum bæjarfélagsins. Bæj-
arfélagið fær hins vegar endur-
greiðslu að hluta frá sjóðnum vegna
verkefnisins.
Sigurður segir að næg verkefni séu
fyrir hendi handa atvinnulausum.
„Við höfum næg verkefni, það er ekki
vandamálið.“ Hann segir að um sé að
ræða verkefni sem bæjarfélagið sinni
að öllu jöfnu ekki, m.a. ýmiss konar
umhverfisátakaverkefni.
Spurður út í atvinnumál almennt á
Suðurnesjum og tillögu Ólafs sem
samþykkt var á bæjarstjórnarfundi
bendir bæjarstjóri jafnframt á að
meirihluti bæjarstjórnar hafi þegar
stigið fyrstu skrefin til að taka á at-
vinnuástandinu og það verði einkum
gert með tvennum hætti. Annars veg-
ar með því að auka kvótann í bæj-
arfélaginu og hins vegar að efla alla
starfsemi í kringum Fræðasetrið og
Náttúrustofu Reykjaness í Sand-
gerði.
Fundur með Byggðastofnun
Forseti bæjarstjórnar, formaður
bæjarráðs og bæjarstjóri eru sem
stendur fyrir norðan þar sem ráðgert
er að þeir eigi fundi með Byggða-
stofnun á Sauðárkróki og forsvars-
mönnum Byggðasetursins á Akur-
eyri til að ræða átaksverkefni í
atvinnumálum sem bæjaryfirvöld í
Sandgerði eru með í huga ef opinber
stuðningur fæst fyrir þeim.
„Þetta eru upplýsingafundir sem
við förum á í dag [í gær] og á morgun.
Við vitum að það er fundur í Byggða-
stofnun næstkomandi mánudag,
þannig að við þurfum að vinna hratt
ef við leggjum fram umsókn í fram-
haldi af þessum fundum. Þá verðum
við að gera það fyrir helgina,“ segir
Sigurður.
Sigurður segist telja að hámarkinu
sé nú náð hvað snertir atvinnuleysi í
Sandgerðisbæ. Lengi vel hafi 36
manns verið á atvinnuleysisskrá en
þeir séu nú komnir upp fyrir 40.
„Við sjáum merki um að það gæti
dregið úr atvinnuleysi og það þýðir í
raun og veru að þá getum við haldið
lengur úti en í þessa þrjá mánuði sem
ég nefndi áðan ef á þarf að halda,“
segir hann.
Morgunblaðið/Reynir Sveinsson
Á dögunum var sagt frá því að fiskimjölsverksmiðju Síldarvinnslunnar í Sandgerði, lengst til hægri á myndinni,
yrði lokað og fjórum starfsmönnum sagt upp störfum. Bæjaryfirvöld hafa nú ákveðið að reyna að sporna við at-
vinnuleysi með átaksverkefni og samvinnu við önnur sveitarfélög.
Fimm milljónum varið í
átak gegn atvinnuleysi
Sandgerðisbær
Sigurður Valur
Ásbjarnarson
bæjarstjóri.
Ólafur Þór
Ólafsson
bæjarfulltrúi.
Um 40 manns
eru á atvinnu-
leysisskrá
„ÞÚ ERT að hlusta á Útvarp Til-
veru fm 97,2. Það er komið að
áskorendakeppninni, verið endi-
lega dugleg að hringja,“ sagði Hall-
dór Þorsteinsson í beinni útsend-
ingu á öðrum degi útvarps-
útsendingar í félagsmiðstöðinni
Trufluð tilvera í Garði. For-
stöðumaður félagsmiðstöðvarinnar
hafði sjálfur tekið áskorun frá ung-
lingunum, lakkað neglur sínar
bleikar. „Svona verð ég að vera
meðan útvarpið verður í gangi, en
síðasti útsendingardagur er 22.
mars,“ sagði Agnar Júlíusson, for-
stöðumaður Truflaðrar tilveru, í
samtali við blaðamann.
„Hér fengu allir að vera með sem
hafa áhuga á að kynnast útvarps-
rekstri. Niðurstaðan varð sú að
hver þáttur er klukkustund í senn
og tveir eru við stjórnvölinn í einu,“
sagði Agnar. Hann sagði misjafnt
hvernig unglingarnir kæmu und-
irbúnir í þættina. „Sumir koma með
eitthvað niðurskrifað á blaði en
aðrir koma án blaða, það fer bara
eftir því hvers þau treysta sér til,“
sagði Agnar með bleiklökkuðu
neglurnar og það var ljóst eftir
stuttan stans blaðamanns að út-
varpsmennska unglinganna í Garði
snýst að miklu leyti um áskoranir.
„Við erum með áskorendakeppni
í hverjum þætti,“ sögðu þáttar-
stjórnendurnir Hannes og Halldór
Þorsteinssynir og tóku skýrt fram
að þeir væru ekki bræður. „Í gær
þurfti ég að hlaupa á nærbuxunum
einum fata hringinn í kringum skól-
ann,“ sagði Hannes og sendi bolt-
ann yfir til Halldórs.
„Já, ég þarf að ræða aðeins þessa
áskorendakeppni við hlustendur,
þetta er orðið allt of gróft.“ Skorað
hafði verið á Halldór að drekka alls
kyns „ógeðsdrykki“, s.s. nokkur
glös af sítrónusafa, glas af ólífuolíu
og glas af hjartarsalti. Hlustendur
fá líka að taka þátt í nokkurs konar
áskorendakeppni þar sem einn
kjarkaður á þess kost að vinna veg-
leg verðlaun.
Jalapeno með tannkremi
„Þessi keppni snýst meira um að
leysa þraut. Í gær snerist þrautin
um að borða jalapeno með tann-
kremi á. Sá sem gerði það fékk veg-
leg verðlaun, m.a. leikjatölvu.“
„Þetta er búið að vera mjög
skemmtilegt,“ og undir það taka
tæknimennirnir Eðvarð Atli
Bjarnason og Sindri Fanndal Júl-
íusson, sem stjórna útsendingum
alla daga frá kl. 16 til 22. „Fólk hef-
ur tekið vel í þetta og er duglegt að
hringja og taka þátt í þessu með
okkur. Við höfum líka fengið góðan
stuðning, bæði í gegnum auglýs-
ingar og styrki. Við viljum sér-
staklega þakka Pizza 67 í Keflavík
fyrir rausnarlegan styrk,“ sögðu
strákarnir að lokum.
Morgunblaðið/Svanhildur Eiríksdóttir
Halldór og Hannes Þorsteinssynir taka við áskorunum frá hlustendum á
hverjum degi á Útvarpi Tilveru. Með þeim í hljóðveri eru tæknimennirnir
Eðvarð Atli Bjarnason og Sindri Fanndal Júlíusson.
Áskorun á
áskorun ofan
Garður