Morgunblaðið - 29.03.2003, Blaðsíða 8

FRÉTTIR
8 LAUGARDAGUR 29. MARS 2003 MORGUNBLAÐIÐ
Málþing um æskulýðsmál
Að „taka þátt“
er lífsstíll
BLÁSIÐ hefur veriðtil málþings umæskulýðsmál sem
haldið verður í Borgar-
holtsskóla í dag og verð-
ur það sett klukkan 10.
Hins vegar verður húsið
opnað með morgunkaffi
og óformlegri kynningu á
æskulýðsstarfi almennt
hér á landi klukkustundu
fyrr, eða klukkan níu.
Yfirskrift málþingsins er
„Þátttaka er lífsstíll“ og
meðal annars efnis mun
menntamálaráðherra,
Tómas Ingi Olrich, kynna
niðurstöður nefndar sem
fjallaði um stöðu og fram-
tíð félags- og tómstunda-
starfs ungs fólks á Ís-
landi og við opnun
þingsins verður ennfrem-
ur flutt erindið „Þátttaka er lífs-
stíll. Eftir setninguna verður
unnið fram eftir degi í nokkrum
málstofum, auk sérstakrar ung-
mennamálstofu. Þingforseti
verður Svanhildur Hólm Vals-
dóttir, formaður Æskulýðsráðs
ríkisins. En verkefnisstjóri
UMFÍ fyrir málþingið er Greip-
ur Gíslason athafnamaður og
svaraði hann nokkrum spurn-
ingum.
– Hver heldur þetta málþing?
„Það eru nokkur æskulýðs-
samtök og hópar með stuðningi
menntamálaráðuneytis og æsku-
lýðsráðs ríkisins. Ég get nefnt
UMFÍ, KFUM og KFUK, SAM-
FÉS, Slysavarnafélagið lands-
björg, Æskulýðsstarf þjóðkirkj-
unnar, BÍSN, AFS og BÍS.“
– Viltu byrja á því að veita
okkur innsýn í yfirskrift mál-
þingsins „Þátttaka er lífsstíll“,
hvað merkir hún?
„Það að taka þátt er ákveðinn
lífsstíll og við vísum í það. Í stað
þess að sitja heima og gera ekk-
ert þá tekur fólk þátt í alls kyns
starfi, frá því að vera í skemmti-
nefnd fyrir árshátíð vinnustað-
arins upp í að vera stjórnarmað-
ur í stórum æskulýðssamtökum,
selja klósettpappír fyrir skíða-
deildina upp í að stýra risastóru
forvarnarátaki. Allt er þetta
þátttaka og stór lífsstíll ekki
satt?“
– Á hvaða hátt verður fjallað
um yfirskrift málþingsins og
hvaða spurningum verður leitast
við að svara?
„Á málþinginu verður horft á
æskulýðsstarf frá mörgum sjón-
arhornum og unnið í málstofum
tileinkuðum mörgum vinklum.
Meðal annars er fjallað um ný-
útkomna skýrslu menntamála-
ráðherra um stöðu og framtíð
æskulýðsmála á Íslandi, um
kostun og kynningu á starfinu,
starf að tómstundamálum sem
óformlega menntun auk þess
sem ungt fólk fær sérstaka mál-
stofu til að tala saman.“
– Hver myndir þú segja að
væri hápunktur málþingsins?
„Án efa er það umfjöllun og
kynning menntamála-
ráðherra og Ástu
Möller alþingismanns
á skýrslu um stöðu og
framtíð æskulýðsmála
á Íslandi sem allir í
bransanum hafa beðið eftir með
óþreyju enda málaflokkurinn
hálfgert í lausu lofti og kominn
tími til að ráðuneytið marki sér
skýrari stefnu í honum.“
– Hver eru markmið þessa
málþings og hvernig verða þau
metin þegar upp er staðið í mál-
þingslok?
„Hver málstofa leggur fram
ályktanir í lok þingsins sem
unnið verður úr í framhaldinu.
Það eru skýr skilaboð til þeirra
sem þátt taka í málþinginu að
málstofurnar skilji eitthvað eftir
þegar dagurinn er liðinn sem við
getum svo unnið úr.“
– Hverjar eru þessar málstof-
ur og hverjar eru helstu áhersl-
ur þeirra?
„Þær eru nokkrar eins og ég
gat um áður. Fyrsta er með yf-
irskriftina Þátttaka er lífsstíll.
Fjallað verður um lífsstílinn að
taka þátt og um leið þátttöku-
leysið og félagslega einangrun.
Önnur málstofa er með yfir-
skriftina Staða og framtíð fé-
lags- og tómstundastarfa á Ís-
landi og þar er á ferðinni
kynning og umræða um áður-
nefnda skýrslu menntamálaráð-
herra.
Þriðja málstofan er með yf-
irskriftina Óformleg menntun
og vottun í tómstundastarfi, en
þar verður fjallað um þátttöku í
félagsstarfi sem óformlega
menntun og vottunarkerfi í tóm-
stundastarfi.
Fjórða málstofan hefur yfir-
skriftina Kostun, kynningarmál
og almannatengsl í æskulýðs-
starfi, en þar verður fjallað um
hvernig æskulýðsstarfi er komið
á framfæri og styrkja aflað. Þá
er málstofa með yfirskriftinni
Nýjungar í æskulýðsmálum, en
þar verður fjallað um nokkrar
góðar hugmyndir úr félags- og
tómstundastarfi. Loks er að
nefna málstofu með
yfirskriftinni Ung-
mennastofa þar sem
ungmenni fjalla um
helstu umræðuefni
málþingsins og nokk-
ur önnur mál.“
– Hverjir eiga helst erindi á
þetta málþing?
„Allir sem koma að æskulýðs-
starfi eiga erindi á þingið, þátt-
takendur og aðstandendur, auk
stjórnmálamanna, sem hafa al-
gjörlega gert þátttöku að sínum
lífsstíl, auk áhugamanna um
bætta æskulýðsmenningu á Ís-
landi.“
Greipur Gíslason
 Greipur Gíslason er fæddur á
Ísafirði 12. júlí 1982 og hefur bú-
ið þar alla tíð. Útskrifaður stúd-
ent frá Menntaskólanum á Ísa-
firði um jólin 2002. Stofnaði
Morrann – atvinnuleikhús ungs
fólks á Ísafirði 1999 og var tals-
maður hópsins í þrjú sumur.
Stofnaði 2001 Íslandsleikhús,
farandleikhús með þátttöku 7
sveitarfélaga og er verkefnis-
stjóri og stjórnarformaður þess
síðan. Síðustu sumur hefur hann
auk þess unnið hjá Vesturferðum
á Ísafirði. Er nú verkefnisstjóri
hjá UMFÍ.
Ráðuneytið
marki sér
skýrari stefnu
Við erum komin í tölu stórvelda, foringi. Það er farið að brenna fánann okkar.