Morgunblaðið - 14.04.2003, Blaðsíða 16
Vikivakar
á þjóð-
lagahátíð
ÞJÓÐLAGAHÁTÍÐIN á Siglu-
firði verður haldin dagana 2.–6.
júlí. Í ár er boðið upp á samtals
11 námskeið fyrir börn og full-
orðna auk fjölda tónleika. Að
þessu sinni verður athyglinni
beint sérstaklega að vikivökum,
hinum fornu söngdönsum Ís-
lendinga.
Setningartónleikar hátíðar-
innar verða miðvikudaginn 2.
júlí. Þar leikur sænski þjóðlaga-
hópurinn Draupnir ásamt Önnu
Pálínu Árnadóttur margvíslega
vikivaka. Tvennir tónleikar
verða á hverjum degi auk nám-
skeiða sem standa yfir 3. og 4.
júlí. M.a. verða kenndir vikivak-
ar, norrænir þjóðdansar, búlg-
örsk þjóðlagatónlist, rímna-
kveðskapur, þæfing og
refilsaumur auk silfursmíði. Þá
verður saga og náttúra Siglu-
fjarðar kynnt á sérstöku útivist-
arnámskeiði. Á laugardagskvöld
verður uppskeruhátíð þar sem
afrakstur námskeiðanna verður
kynntur og á sunnudeginum
lýkur hátíðinni með hljómsveit-
artónleikum. Ungir hljóðfæra-
leikarar ásamt siglfirskum kór-
um flytja íslenska tónlist.
Einsöngvari á tónleikunum er
Hlöðver Sigurðsson og einleik-
ari á píanó Renata Ivan.
Menningarborgarsjóður og
Siglufjarðarkaupstaður styrkja
hátíðina. Nánari upplýsingar
eru á slóðinni www.siglo.is.
LISTIR
16 MÁNUDAGUR 14. APRÍL 2003 MORGUNBLAÐIÐ
Sunnudaginn 4. maí fylgir Morgunblaðinu ríkulega myndskreyttur blaðauki
um sumarhús og garðrækt. Meðal efnis er:
NÝJUNGAR Í GARÐRÆKT
SÓLPALLAR OG VERANDIR
RÆKTUN MATJURTA OG KRYDDJURTA
ÖRYGGISMÁL SUMARHÚSA
STEINSTÍGAR OG HLEÐSLUR Í GARÐA
FRÁRENNSLI SUMARHÚSA
Blaðið er prentað á 60 g pappír og skorið.
Auglýsendum er bent á að nýta allan prentflötinn,
þ.e. að láta auglýsingarnar „blæða“.
Síðustærðin er 26,5x39,8 sm.
Pantið tímanlega!
Pöntunarfrestur er til kl. 16:00 föstudaginn 25. apríl.
Skilatími á fullunnum auglýsingum er til kl. 16:00 mánudaginn 28. apríl.
Hafðu samband við sölufulltrúa auglýsingadeildar
Morgunblaðsins í síma 569 1111 eða augl@mbl.is
Garðurinn 2003
SIGURÐUR Örlygsson myndlist-
armaður er nýsnúinn aftur frá Ind-
landi, þar sem hann hefur dvalið
undanfarna mánuði og unnið að list
sinni. Dvölinni þar ytra lauk hann
með vinnustofusýningu.
„Íslenskur vinur minn, sem er bú-
settur í Indlandi, bauð mér að koma
og dveljast hjá sér um skeið. Ég hélt
því utan í nóvember og bjó hjá hon-
um fyrst um sinn, en flutti svo í það
sem er kallað Cholamandal Artist’s
Village og dvaldi þar. Ég var því úti í
rúma fjóra mánuði,“ segir Sigurður í
samtali við Morgunblaðið. Þorpið er í
Madras í S-Indlandi, sem nú heitir
Chennai, og þar búa margir af þekkt-
ustu myndlistarmönnum Indverja.
Sigurður vann að list sinni meðan
á dvöl hans í þorpinu stóð og hélt
hann að lokum sýningu á afrakstr-
inum í vinnustofu, sem hann hafði í
þorpinu, fyrir hvatningu eins þekkt-
asta myndlistarmanns Indverja, C.
Douglas, sem Sigurður kynntist í
þorpinu. Sýningin hlaut þó nokkra
umfjöllun í tveimur stærstu dag-
blöðum Chennai. „Það kom mér
nokkuð á óvart að mér væri sýndur
svona mikill áhugi, en það vekur
kannski athygli þeirra þegar hvítur
risi kemur og heldur myndlistarsýn-
ingu!“ Þetta er í fyrsta sinn sem
hann ferðast út fyrir Vesturlönd og
segir hann að sér hafi þótt Indland
mjög sérstakt. „Ég ákvað að nota þá
upplifun, sem ég varð fyrir, í list-
sköpun mína þarna úti. Áður en ég
fór út hafði ég verið að mála myndir
af fjölskyldu minni og annað mjög
tengt mér, allskonar fantasíumál-
verk og ég veit ekki hvað. Í staðinn
ákvað ég að mála mjög realistískar
myndir frá Indlandi.“
Sigurður valdi hljóðlátari staði
landsins sem viðfangsefni, frekar en
þá mannmörgu. „Til dæmis málaði
ég myndir af hofi á ströndinni, dýrin,
fólkið og húsin,“ segir hann. Þessi
einvera sem Sigurður kaus að sýna í
myndum sínum vakti sérstaklega at-
hygli gagnrýnenda indversku dag-
blaðanna. Sagði meðal annars í um-
fjöllun í The New Indian Express:
„…verk Sigurðar fá mann til að sjá
hulda fegurð í hlutum, sem myndu
týnast í óreiðu fjöldans.“
Verkin sem hann vann í Indlandi
fylgdu Sigurði heim til Íslands, og
segir hann vel mögulegt að hann
haldi sýningu á þessum verkum í
framtíðinni. „Annars á ég eflaust eft-
ir að vinna meira úr þessari reynslu,“
segir hann að lokum.
Frá vinnustofusýningu Sigurðar í Cholamandal Artist’s Village í Indlandi.
Málaði einveruna
í Indlandi
ODDNÝ lauk námi frá Tónlist-
arskólanum í Kópavogi vorið 2000
með burtfarartónleikum í Salnum.
Eftir að hafa haldið vel heppnaða
tónleika í Stykkisholmi fyrir ekki
löngu, var nú komið að fyrstu
sjálfstæðu einsöngstónleikunum á
höfuðborgarsvæðinu og ekki þurfti
hún að kvarta um áhugaleysi því
Laugarneskirkja var allvel setin
þennan eftirmiðdag.
Fyrri hluti tónleikanna var
helgaður íslenskum tónskáldum og
var þar sungin hver perlan á fæt-
ur annarri. Vorgyðjan kemur eftir
Árna Thorsteinsson, Myndin þín
eftir Eyþór Stefánsson, Viltu fá
minn vin að sjá eftir Karl O. Run-
ólfsson, Draumalandið eftir Sigfús
Einarsson, Svanasöngur á heiði
eftir Sigvalda Kaldalóns, Söknuð-
ur eftir Pál Ísólfsson og Kveðja
eftir Þórarin Guðmundsson rak
síðan lestina. Oddný söng allar
þessar perlur mjög músiklakst,
með fallega mótuðum hendingum
og mjög skýrum textaframburði.
Íslensku sönglögin virðast falla
mjög vel að röddinni og saman
tókst þeim Krystynu að ná sumum
laganna á virkilegt flug, má þar
m.a. nefna Draumalandið, Svana-
sönginn og Kveðjuna. Þetta á
einnig við um ýmis lög í síðari
hluta tónleikanna.
Átta sígaunaljóð op. 103 eftir
Johannes Brahms voru næst.
Brahms samdi ljóðaflokkinn árið
1887 fyrir fjórar söngraddir og pí-
anó. Textinn er ljóð sem kaupmað-
urinn Hugo Conrat gerði eftir
sígaunaþjóðvísum, en tónlistin er
alfarið eftir Brahms sem umritaði
söngvana árið 1888 fyrir eina
söngrödd og píanó og er sú gerð
þekktari og hefur stuðlað að vin-
sældum ljóðaflokksins. Oddný á
við smávandamál að glíma á
neðsta sviði raddarinnar sem er
þó ekki til neinna lýta en þarf
samt að vinna aðeins betur. Hún
fór mjög smekklega með ljóðin við
frábæran meðleik Krystynar og
var heildarsvipurinn góður. Franz
Schubert átti næstu þrjú lög, An
die Laute (1827), An den Mond
(1815) og An Silvia (1826). Hér
skipti Oddný úr þunga Brahms yf-
ir í léttleika Schuberts og komu
hin skörpu skil fram bæði í undir-
leik og raddbeitingu. Ljóðatónlist
Schuberts virðist hæfa rödd Odd-
nýjar vel enda voru lögin vel sung-
in sem og síðasta verkið á efnis-
skránni, Habanera arían úr
Carmen, L’amour est un oiseau
rebelle. Ekki var komist hjá auka-
lögum. Jeg elsker dig eftir Grieg
og Vín, borg minna drauma eftir
Rudolf Sieczynski.
Oddný hefur hér sýnt og sannað
að hún er góð ljóðasöngkona. Hún
hefur mjög fallega og fyllta rödd
sem hún beitir af músikölsku ör-
yggi og mikilli vandvirkni. Túlkun
allra laganna og mótun tónhend-
inga var yfirveguð og sannfærandi
og textaframburður yfirleitt skýr
og góður. Krystina lék með á flyg-
ilinn. Hinn frábæri leikur hennar
var þýður en ákveðinn, með skörp-
um átökum þegar það átti við og
studdi vel við sönginn. Samstarf
þeirra var hnökralaust og í mjög
góðu jafnvægi.
TÓNLIST
Laugarneskirkja
Oddný Sigurðardóttir, mezzosópran og
Krystyna Cortes, píanóleikari. Sunnudag-
urinn 6. apríl 2003 kl. 17.
EINSÖNGSTÓNLEIKAR
Fallegur
ljóðasöngur
Jón Ólafur Sigurðsson
EKKI mun ofmælt að Oddgeir
heitinn Kristjánsson hafi verið einn
ástsælasti söngdansasmiður síðustu
aldar á Íslandi og hann var þjóðar-
tónskáld Vestmannaeyinga. Enn
þekkja fjölmargir Íslendingar lög
hans einsog Ég veit þú kemur í nótt
til mín við ljóð Ása í Bæ og Und-
urfagra ævintýr (Hátíðarnótt í Herj-
ólfsdal) við ljóð Árna úr Eyjum og
þau voru að sjálfsögðu á efnisskrá
tónleika barnabarns hans, Hafsteins
Þórólfssonar, og félaga í Hafnarborg
í Hafnarfirði á þriðjudagskvöld og
miðvikudagskvöldið 16. apríl verða
Geira-lögin flutt í safnaðarheimili
Landakirkju í Vestmannaeyjum og
ekki er að efa að þar verður mikið
klappað og bravóað einsog í Hafn-
arborg á þriðjudagskvöld.
Hafsteinn Þórólfsson er ungur
tenórsöngvari er brátt lýkur námi
hérlendis. Hann hefur mjúka og
þekklega rödd og tókst oftast að
flytja söngdansa afa síns á lág-
stemmdum nótum krúnersins laus
við allan tenórbelging sem síst hæfir
tónlist sem þessari. Þó var hann
meira í ætt við Hrein Pálsson en Sig-
urð Ólafsson; skorti hina rýþmísku
tilfinningu hestamannsins sem hafði
þroskað hana ævilangt í danshúsum
milli þess sem hann brá sér í hlut-
verk einsöngvarans.
Matti Kallio er finnskur nikkari
sem samdi m.a. tónlistina við leikrit
Bertolds Brechts, Punttila og Matti
vinnumaður hans, sem nú er á fjölum
Borgarleikhússins. Ef dæma skal af
þessum tónleikum er hann enginn
Tatu Kantomaa, en tækifærin voru
ekki mörg hjá nikkaranum þótt hann
og Aðalheiður ættu nokkra dúetta og
Söknuð frá 1937 lék hann af innileik
og fraseraði skemmtilega í sóló sín-
um í Ég veit þú kemur. Það er ekk-
ert grín að flytja það lag – í hugum
margra er það lag Ellýjar Vilhjálms
og undirritaður bætir jafnan Orms-
lev við – og ekki tókst Hafsteini þar
upp sem skyldi. Hann var miklu
betri í lögum einsog Glóðir við ljóð
Lofts Guðmundssonar frá 1935 og
Vorvísu við ljóð Ása frá 1950 og þeg-
ar krúnað var sem best var hann
öruggur á tóninum og röddin laus við
klemmu sem stundum vildi bregða
fyrir. Aðalheiður var oft skemmtileg
í píanóleik sínum og búggahrif í
Gömlu götunni. Svona hefur Alfreð
heitinn Washington ábyggilega spil-
að í Eyjum forðum.
Það lag sem mér kom mest á óvart
og þótti hvað best flutt var Báran,
sem Oddgeir samdi við ljóð Jóhanns
Sigurjónssonar á árunum 1941-42.
Lítil perla, ekta í gegn.
Hafsteinn Þórólfsson á framtíðina
fyrir sér og ekki að efa að hann á eft-
ir að þroska og dafna sem listamaður
– og þó að dálítið vanti uppá tækni og
reynslu til að túlka Geira-lögin eins-
og best verður kosið er hann á réttri
leið. Það vantar söngvara hér sem
geta sungið klassíska söngdansa á
klassískan hátt – sem krúnerar en
ekki óperusöngvarar – og er ekki al-
veg nóg af kraftatenórum?
TÓNLIST
Hafnarborg
Hafsteinn Þórólfsson söngur, Aðalheiður
Þorsteinsdóttir píanó og Matti Kallio
harmonikku. Þriðjudagskvöldið
8.4.2003.
DÆGURLÖG
Söngdansar með
skóluðum blæ
Vernharður Linnet
Námskeið
hjá LHÍ
NÁMSKEIÐ í vatnslitamálun
– skissugerð úti og inni, hefst
19. maí í Listaháskóla Íslands.
Kennari er Torfi Jónsson
myndlistarmaður.