Morgunblaðið - 25.04.2003, Blaðsíða 10

FRÉTTIR
10 FÖSTUDAGUR 25. APRÍL 2003 MORGUNBLAÐIÐ
BARNAVINAFÉLAGIÐ Sumargjöf
afhenti í gær styrki til málefna
barna á sviði rannsókna og lista.
Af sautján umsóknum sem bárust
voru fjögur verkefni styrkt að
þessu sinni en styrkirnir voru af-
hentir við hátíðlega athöfn í leik-
skólanum Grænuborg.
Tveir styrkjanna voru að upp-
hæð 600 þúsund krónur. Annars
vegar rannsókn á þáttum sem hafa
áhrif á námsframvindu asískra
nemenda á Íslandi og tók Anh-Dao
Tran MA við honum fyrir hönd
verkefnahóps. Hins vegar hlutu Sif
Konráðsdóttir hæstaréttarlögmað-
ur og Hulda Elsa Björgvinsdóttir
lögfræðingur styrk til rannsóknar
á öllum dómum sem hafa gengið
hérlendis um kynferðisafbrot gegn
börnum frá árinu 1992 í þeim til-
gangi að skoða hvaða þættir hafa
áhrif á það hvort sönnun tekst fyr-
ir dómstólum.
Tvö verkefni hlutu 300 þúsund
króna styrk. Guðrún Hannesdóttir
bókasafns- og upplýsingafræð-
ingur fékk styrk til að safna,
flokka og gefa út gamlar barna-
gælur, þulur og vísur í tölvutæku
og prentuðu formi auk þess sem
hún mun myndskreyta þær. Þá
fékk Ólafur B. Ólafsson tón-
menntakennari styrk til að gefa út
bókina Tuma og fjársjóðinn og
geisladisk með efni hennar til
kennslu fyrir ung börn.
Barnavinafélagið Sumargjöf var
stofnað á sumardaginn fyrsta vor-
ið 1924 og annaðist lengst af
rekstur dagheimila og leikskóla í
Reykjavík. Síðastliðin ár hefur fé-
lagið haslað sér völl sem styrktar-
aðili ýmissa málefna sem varða
heill barna í Reykjavík.
Morgunblaðið/Halldór Kolbeins
Frá afhendingu styrkja Barnavinafélagsins Sumargjafar í gær: Ragnar Jónasson, Ingibjörg K. Jónsdóttir og Jón
Freyr Þórarinsson frá Sumargjöf, og styrkþegarnir Toshiki Toma, Anh-Dao Tran og Andrea S. Siengboon, Sif
Konráðsdóttir og Hulda Elsa Björgvinsdóttir, Ólafur B. Ólafsson og Guðrún Hannesdóttir.
Sumargjöf styrkir fjögur verkefni
INGIBJÖRG Sólrún Gísladóttir,
talsmaður Samfylkingarinnar,
sagði í ávarpi á hátíð sem haldin var
sumardaginn fyrsta í kosningamið-
stöð flokksins, að jafnréttismál
ættu að verða eitt af forgangsverk-
efnum næstu ríkisstjórnar. Ingi-
björg Sólrún sagðist heita því að
fengi hún til þess umboð að gegna
starfi forsætisráðherra á næsta
kjörtímabili yrði kynbundið launa-
misrétti minnkað um a.m.k. helm-
ing á næsta kjörtímabili, hlutur
kynja í stjórnunar- og ábyrgðar-
stöðum hjá ríkinu verði jafnaður og
jafnframt hét hún því að jafnrétt-
ismál yrðu vistuð hjá forsætisráðu-
neytinu.
Ingibjörg Sólrún sagði Samfylk-
inguna setja jafnréttismálin á dag-
skrá í kosningunum m.a. vegna þess
hver staða þessara mála hjá ríkinu
væri í dag. Hún sagði að eitt af
fyrstu verkum Samfylkingarinnar í
ríkisstjórn yrði að láta fara fram
rannsókn á launamun kynjanna líkt
og gert hefði verið hjá Reykjavík-
urborg. Samfylkingin muni setja
sér það markmið að ná launamun
kynjanna niður um helming á næstu
fjórum árum.
Jafna hlut kynjanna í stjórn-
unar- og ábyrgðarstöðum
Í öðru lagi sagði hún þá stað-
reynd blasa við að einungis 18,7%
stjórnenda í ráðuneytum og ríkis-
stofnunum væru konur. Sagði hún
óskiljanlegt að ríkið skyldi hafa náð
svo slökum árangri í jafnréttismál-
um þrátt fyrir jafnréttislöggjöf og
jafnréttis- og framkvæmdaáætlanir
sem gerðar hefðu verið. „Við viljum
auðvitað breyta þessu og ná þeim
árangri sem við höfum náð hjá
Reykjavíkurborg. Þegar ég tók við
stjórn borgarinnar voru einungis
10% af æðstu stjórnendum Reykja-
víkurborgar konur. Nú er þetta
hlutfall 50%,“ sagði hún.
Ingibjörg Sólrún sagði Samfylk-
inguna einnig mundu leggja áherslu
á að jafnréttismálin yrðu færð undir
forsætisráðuneytið. Forsætisráð-
herra yrði þannig ábyrgur fyrir því
að ríkisstjórnin samþætti jafnrétt-
ismálin allri sinni stefnumótun eins
og henni bæri að gera.
Konur fá 24 milljörðum
minna í laun en þeim ber
Ingibjörg Sólrún fjallaði einnig
um launamun kynjanna í þjóðfélag-
inu og sagði að óútskýrður launa-
munur kynjanna á Íslandi væri um
15%. Benti hún á að heildartekju-
skattstofn einstaklinga vegna
álagningar í fyrra var samt. 434
milljaðar kr. Þar af var tekju-
skattstofn kvenna 159 milljarðar en
karla 275 milljarðar. Tekjuskatts-
tofn kvenna væri þannig einungis
58% af tekjum karla. Þó að þennan
tekjumun megi að einhverju leyti
skýra með meiri atvinnuþáttttöku
karla verði að hafa hugfast að at-
vinnuþátttaka kvenna á Íslandi
væri sú mesta sem þekktist innan
OECD. Ingibjörg Sólrún sagði að
væri miðað við tekjuskattstofn
kvenna fyrir árið 2002 þýddi þetta
að íslenskar konur fengju árlega 24
milljörðum minna í laun en þeim
bæri.
Ingibjörg Sólrún vill færa jafnréttis-
mál undir forsætisráðuneytið
Launamunur
minnkaður um
helming á 4 árum
VEGNA þeirrar yfirlýsingar í Morg-
unblaðinu í gær að menntamálaráð-
herra sé ekki heimilt að gefa Kvik-
myndamiðstöð fyrirmæli um einstakar
styrkveitingar úr Kvikmyndasjóði vill
Tómas Ingi Olrich menntamálaráð-
herra taka eftirfarandi fram:
„Samkvæmt nýjum kvikmyndalög-
um tekur forstöðumaður Kvikmynda-
miðstöðvar endanlega ákvörðun um út-
hlutun úr Kvikmyndasjóði, en
forsendur úthlutunar eru ekki fyrir
hendi fyrr en reglugerð um sjóðinn
hefur verið sett og þeim skilyrðum sem
þar koma fram um undirbúning úthlut-
unar og greiðslur úr sjóðnum hefur
verið fullnægt. Í 7. gr. laganna segir:
„Í reglugerð sem menntamálaráð-
herra setur að fenginni umsögn kvik-
myndaráðs skal kveðið á um skilyrði
fyrir framlögum úr sjóðnum með
styrkjum, lánum eða veitingu tíma-
bundinna vilyrða fyrir stuðningi. Jafn-
framt skulu sett ákvæði m.a. um und-
irbúning úthlutunar og greiðslur úr
sjóðnum. Þar skal enn fremur kveðið á
um meginskiptingu fjárveitinga Kvik-
myndasjóðs milli einstakra greina
kvikmyndagerðar, svo og um tilhögun
mats á umsóknum, störf úthlutunar-
nefnda og um kvikmyndaráðgjafa.“
Afstaða ráðuneytisins var byggð á
skýrum lagaákvæðum um forsendur
úthlutunar. Hún var almenns eðlis og
tekin án tillits til einstakra umsókna.
Rétt er að geta þess að fyrrverandi
forstöðumaður Kvikmyndamiðstöðv-
ar leitaði til ráðuneytisins um það
hvort honum væri heimilt að veita
styrk og fékk um það skýr svör að svo
væri ekki. Kemur fram í skýrslu Rík-
isendurskoðunar að afstaða ráðuneyt-
isins hafi stuðst við fullgild lagarök og
að við blasi að afstaða ráðuneytisins
sé í fullu samræmi við lög og góða
stjórnsýsluhætti.“
Yfirlýsing
menntamála-
ráðherra
FRAMBJÓÐENDUR stjórnmálaflokkanna fögnuðu
vorinu með ýmsum hætti í gær á fyrsta degi sumars.
Meðal annars buðu sumir þeirra gestum og gangandi
upp á ýmiss konar veitingar á meðan aðrir nýttu daginn
til íþróttalegra tilburða.
Samfylkingin var áberandi fyrir utan kosninga-
miðstöð sína við Lækjargötu í gær en þar stóðu fram-
bjóðendur í ströngu við pönnukökubakstur sem kjós-
endur og aðrir yngri nutu góðs af. Á sama tíma voru
frambjóðendur Sjálfstæðisflokksins önnum kafnir við að
grilla pylsur fyrir utan Hressingarskálann í Aðalstræti
fyrir gesti og gangandi enda vel viðeigandi þar sem grill-
matur er órjúfanlega tengdur hinu íslenska sumri.
Frambjóðendur Framsóknarflokksins tóku einnig
fram grilláhöldin en þeir buðu vegfarendum í Mjóddinni
upp á grillaðar pylsur auk þess sem yngsta kynslóðin
fékk íspinna í tilefni dagsins.
Vinstri hreyfingin – grænt framboð var hins vegar á
því að brenna hitaeiningum í stað þess að bæta á þær og
skellti sér í Nauthólsvík þar sem eldri og yngri fram-
bjóðendur flokksins nýttu ylströndina til keppni í blaki
sín á milli. Báru ungliðarnir sigur úr býtum en stuttu
seinna náði lið öldunganna að svara fyrir sig í reiptogi.
Það er því óhætt að segja að flokkarnir hafi haft ým-
islegt til að bíta og brenna á þessum fyrsta degi sumars-
ins.
Morgunblaðið/Sverrir
Jónína Bjartmarz, frambjóðandi Framsóknarflokksins, hafði nóg að gera
við að dreifa ís meðal yngstu kynslóðarinnar fyrir utan Mjódd í gær.
Morgunblaðið/Sverrir
Ungliðar og „öldungar“ Vinstrihreyfingarinnar – græns framboðs spöruðu
sig hvergi í æsispennandi blakkeppni á ylströndinni í Nauthólsvík.
Sigurður Kári
Kristjánsson og
Pétur Blöndal,
frambjóðendur
Sjálfstæðis-
flokksins, voru
vígalegir við
grillið utan við
Hressingarskál-
ann í Austur-
stræti í gær.
Morgunblaðið/Halldór Kolbeins Frambjóðendur
Samfylking-
arinnar bökuðu
pönnukökur
handa vegfar-
endum fyrir ut-
an kosninga-
miðstöð sína í
Lækjargötu í
gær og sjálfsagt
hefur ein og ein
horfið ofan í
stjórnmála-
mennina sjálfa.
Frambjóðendur flokkanna fögnuðu sumri víða um borg
Ýmislegt að bíta og brenna