Morgunblaðið - 12.05.2003, Blaðsíða 39

BRÉF TIL BLAÐSINS
MORGUNBLAÐIÐ MÁNUDAGUR 12. MAÍ 2003 39
ÞRÓUNIN hér á landi í mennta-
málum er því miður á þá leið að
réttur einstaklinga til náms er ekki
jafn. Mikll ótti er t.d.við skólagjöld,
að með þeim sé komið í veg fyrir að
lágtekjufólk geti lagt stund á nám.
Annað sem einnig er staðreynd er
að í öllu því framboði sem hér er af
námi er listnám á háskólastigi afar
takmarkað. Hér á landi er aðeins
ein stofnun sem býður uppá listnám
til BA-gráðu en það er Listaháskóli
Íslands.
Það var mikil framför og gleði-
efni þegar LHÍ var stofnaður og
loksins var okkur Íslendingum gert
kleift að stunda listnám á háskóla-
stigi hér heima, sem er sambæri-
legt því sem er í boði erlendis. Því
miður er það þó þannig að aðeins
takmarkaður fjöldi einstaklinga fær
tækifæri að stunda þetta nám. Á
hverju ári eru aðeins teknir inn
örfáir aðilar í LHÍ, svo fáir að það
er í raun hlægilegt miðað við þann
fjölda sem reynir að fá inngöngu.
Þar sem ekki eru aðrir skólar í boði
sem bjóða uppá nám á þessu stigi
er því afar takmarkaður fjöldi sem
fær tækifæri til þess að mennta sig
á þessu sviði.
Annar valkostur er að fara utan í
nám. Það sem verra er að þar eru
víða afar há skólagjöld inní listahá-
skóla og LÍN veitir ekki námslán
fyrir skólagjöldum til BA-gráðu,
einungis framfærslulán, vegna þess
að sams konar nám er kennt hérna
heima! Nám þar sem aðeins brota-
brot af þeim umsækjendum sem
sækja um fá inngöngu í. Þeim sem
ekki fá inngöngu í LHÍ er því ekki
gefinn kostur á því að sækja um lán
fyrir skólagjöldum til þess að leggja
stund á sams konar nám erlendis.
Það sem eftir stendur er það að
annaðhvort þarftu að vera kominn
af efnaðri fjölskyldu sem getur
borgað námið fyrir þig eða þá að
taka bankalán með tilheyrandi vöxt-
um og gjalddögum og koma þér
þannig í ógöngur við það eitt að
læra. Það er því úr vöndu að ráða
fyrir þá sem hyggjast leggja stund
á þess konar nám og algerlega búið
að skerða möguleika hvers og eins
til þess. Þetta þykir mér afar sorg-
legt og neikvætt í þjóðfélagi þar
sem lögð er mikil áhersla á mennt-
un og enginn er eitt eða neitt nema
hann hafi tilskilda gráðu til að
sanna það.
MARÍA KRISTÍN
STEINSSON,
Réttarholtsvegi 87, Reykjavík.
Listnám á háskólastigi – Aðeins fyrir útvalda!
Frá Maríu Kristínu Steinsson:
ÞAÐ er margt sem kemur í huga
minn þegar handboltaveturinn er
senn á enda.
Þó stendur hæst hversu íþróttin
á undir högg að sækja og virðist
sem þetta fyrirkomulag gangi ekki
upp. Einnig virðist sem svo að
handknattleiksforystan hafi það
ekki sem markmið að félögin fái
áhorfendur á leikina. Að byrja úr-
slitakeppnina þegar Manchester
United og Real Madrid eru í beinni
á Sýn, segir allt sem segja þarf.
Það er einnig að verða áhyggju-
efni að sumir íþróttafréttamenn
virðast engan áhuga hafa á íþrótt-
inni og komast bara hreinlega upp
með það. Þetta á mest við um Stöð
2 og Sýn. Þegar Íslandsmeistarar
KA og deildarmeistarar Hauka átt-
ust við í undanúrslitum, sýndu Stöð
2 og Sýn engar myndir frá því sem
mér finnst mjög lélegt.
Það má endalaust tala um dóm-
gæslu og einhvern veginn virðist
það vera þannig að liðið sem tapar,
verður ansi oft ósátt við dómgæsl-
una. Þó hefur dómgæslan verið
slæm í vetur að mínu mati.
Aðalefni þessarar greinar er þó
ótrúleg hegðun hjá Viggó Sigurðs-
syni, þjálfara Hauka, í töluverðan
tíma. Það skal tekið fram, þar sem
undirritaður er KA-maður, að þessi
grein er ekki skrifuð í tapsæri, þar
sem Haukar lögðu KA í gær. Þar
voru Haukar einfaldlega betri og
hafa á að skipa góðu liði. Það er
slæmt ef þjálfarinn setur blett á lið-
ið. Hann er að mínu mati búinn að
skemma fyrir sér og sínum með
sínum yfirgangi og stólakasti.
Eftirfarandi birtist á mbl.is 28/
04:
„Dómgæslan var hneyksli og ég
var hættur að æsa mig yfir þessari
vitleysu. Ósamræmið var alveg
rosalegt og alltaf þegar við kom-
umst í vænlega stöðu gripu dóm-
ararnir í taumana og þeir unnu
kerfisbundið að því að láta okkur
tapa leiknum. Við vorum reknir út
af í tíma og ótíma og svo komu vítin
í kippum. Þessir dómarar hafa ver-
ið áskrifendur að leikjum KA hér
fyrir norðan og það vantaði bara að
treyjurnar þeirra væru gular. Það
væri fróðlegt að skoða það hjá HSÍ
hvað þessir dómarar hafi dæmt oft
hjá KA og hvað þeir hafa fengið
greitt fyrir það. Það er synd að í
svona mikilvægum baráttuleik
tveggja góðra liða skuli dómararnir
hafa verið óhæfir,“ sagði Viggó og
meinti hvert orð.
Þarna eru ansi stór orð látin
falla. Ég fæ ekki betur séð en hann
ásaki dómarana um að þiggja mút-
ur. Þetta er líka einfaldlega rangt
að þessir dómarar í umræddum leik
hafi verið KA-mönnum hliðhollir,
en það er önnur saga og sitt sýnist
hverjum.
Nú finnst mér kominn tími til að
Viggó Sigurðsson sé stoppaður af,
hann er íþróttinni til algjörrar
skammar.
PÉTUR GUÐJÓNSSON,
Snægili 2, Akureyri.
Um hand-
bolta
Frá Pétri Guðjónssyni: