Morgunblaðið - 22.05.2003, Síða 27

var ekki um styrk að ræða. Það var
greiðsla fyrir gæði, land. Það tók
borgina rúman áratug að standa
við samkomulagið um stækkun Vík-
urinnar. Raunar má benda á að
ekki var gert ráð fyrir gatnagerð-
argjöldum til Víkings fyrir Hæð-
argarðinn, eins og síðar í tilviki
Þróttar og kaupum á Hlíðarenda,
landi Vals. Ef jafnræði ríkti í
Reykjavík greiddi borgin Víkingi
gatnagerðargjöld. Það ætti að vera
krafa Víkings. Stórhýsi voru reist
við Hæðargarð og leikskóli. Þrátt
fyrir að bygging leikskólans væri í
andstöðu við samkomulagið frá
1988 studdi Víkingur borgina í von
um gott veður í Fossvogi. Það
reyndist tálsýn.
Árið 1990 hóf borgin viðræður
við gróðrarstöðina Mörk til þess að
framselja Víkingi. Viðræðurnar
leiddu ekki til niðurstöðu en leigu-
samningur var í gildi til 2004.
Stefnan var mörkuð og ákveðið var
að bíða uns leiga rynni út. Árið
2001, þvert á óskir Víkings og ráð
embættismanna, ákvað borgin að
framlengja Markar-samninginn til
2016 og það þrátt fyrir stefnumót-
unina 1990. Sjaldan er ein báran
stök.
Varaformaður ÍTR hefur bent á
að Víkingur hafi fengið þjónustu-
samning árið 2002, lítils háttar
framlag til áhorfendastæða og
kjallara Víkurinnar. Gott og gilt.
En við bíðum eftir samningi um
stúkuna sem félagið hófst handa
um að reisa árið 2001 eftir rausn-
arlega milljónagjöf frá velunnara
félagsins. Ef hún hefði ekki borist,
væri enginn 1. áfangi stúku risinn í
Fossvogi og Víkingur í vondum
málum.
Og ég bendi á að Víkingur og ÍR
eru einu félögin í Reykjavík sem
ekki hafa fengið loforð um gervi-
grasvelli. Báran stök? Ef til vill
blessun. Hvað um skynsamlegt
knattspyrnuhús í Víkina? Það gæti
risið í Mörkinni, núverandi mal-
arvelli eða tennisvöllum. Árið 1990
var hugmyndin að reisa tennishöll í
Mörkinni.
Um árabil hef ég sagt við fjöl-
marga vini mína, Víkinga sem
styðja R-listann, að þeir verði að
klára mál Víkings. Þeir hafa allir
játað því. Samt hefur lítið gerst.
Borgarstjórar koma og fara en
valdið er hið sama. Pólitík skiptir
ekki máli. Víkingi allt.
Áfram Víkingur, beinn í baki.
Höfundur er fyrrverandi formaður Víkings.
UMRÆÐAN
MORGUNBLAÐIÐ FIMMTUDAGUR 22. MAÍ 2003 27
heimsækið www.lancome.com
Glitrandi varalitir og púður eru meðal margra spennandi
nýjunga sem LANCÔME býður upp á þetta vorið.
Ýmis tilboð og glæsilegir kaupaukar.
N Ý T T
N°310
ENDINGARGÓÐUR VARALITUR
ROUGE ATTRACTION GOLD
býður upp á nýjan lúxus og þekur var-
irnar með örfínum perlum úr gulli….
11 mg af hreinu gulli í einum varalit og
brosið verður bjart og ómótstæðilegt.
Láttu varirnar njóta
sín með geislandi
áferð
Kynning
fimmtudag
Melhaga 20, sími 552 2190.
föstudag
Kjarnanum, Selfossi, sími 482 1177.
TRÚÐU Á FEGURÐ
ÞAÐ ríkir þögn í þjóðfélaginu eftir
kosningasigur kvótakarlanna. Engin
skýring er gefin á því sem gerðist. Er
virkilega engan lær-
dóm að finna af úr-
slitum kosninganna?
Skoðanakannanir
sýndu að 80% kjós-
enda voru á móti
kvótakerfinu svo
sem það nú er fram-
kvæmt, hin 20 prósentustigin voru
greinilega hagsmunaaðilarnir, þe.
framsóknarmenn og kvótakarlar. Nú
stendur til að Framsókn ráði höfund
kvótakerfisins sem forsætisráðherra.
Meira kjaftshögg er ekki unnt að
veita þeim sem sýndu kvótakerfinu
andstöðu í kosningunum enda vantaði
þá aðeins 1,4% upp á að ná meiri-
hlutatakmarki sínu og munu þeir nú
verða að hlýta algjörri auðmýkingu
næstu fjögur árin í stöðu stjórn-
arandstæðinga á Alþingi. Þetta er
ekki lýðræðislegt en meirihlutinn
ræður í þeim húsum.
Mistök Samfylkingar og VG
Fiskveiðistefnan eða kvótakerfið
var í raun eina málið sem kosið var
um, því að allir flokkar voru í aðal-
atriðum sammála um alla aðra mála-
flokka. Í ljós kom að agaleysið var
mest hjá Samfylkingunni, því að eftir
að formaður flokksins hafði af stjórn-
vizku sinni boðið upp á borgarstjór-
ann í Reykjavík sem forsætisráð-
herra kom agalaus óbreyttur
þingmaður, sem setti fram algjörlega
óaðgengilegar tillögur í kvótamálinu
sem síðan eyðilögðu úrslit kosning-
anna. Þeim hefndist rækilega fyrir.
Þetta var öðruvísi hjá Vinstri græn-
um, þar setti formaðurinn fram til-
lögur sem enginn kjósandi sá eða
skildi. Það er ekki vænlegt í kosn-
ingum að setja fram flóknar og óskilj-
anlegar tillögur í miðjum kosningum,
þótt skriflegar séu, því að kjósendur
lesa þær ekki. Samstaða um aug-
ljósar tillögur er það eina semn gildir
í kosningum. Annað ekki.
Frjálslyndi flokkurinn
Af stjórnarandstöðuflokkunum var
Frjálslyndi flokkurinn sá eini sem
hélt höfði í kosningabaráttunni.
Þennan flokk vantaði aðeins nokkur
atkvæði í lykilkjördæmum til að
koma í veg fyrir meirihluta rík-
isstjórnarinnar á Alþingi. Augljóst
má telja að þessi flokkur verði marg-
falt stærri í næstu kosningum. Kjarn-
inn í fiskveiðistefnu hans var að skila
veiðiheimildunum aftur til byggðanna
og halda öllu landinu í byggð. Lang-
flestir landsmenn vilja fylgja þessari
stefnu. Það er aðeins hin gráðuga
stefna framsóknarmanna og kvóta-
kónga sem er á annarri braut. Þeir
efndu nú til varnar með hræðslu-
áróðri og hótunum um sviptingu at-
vinnu, sem dugði þeim í þetta skipti.
En þetta dugir aldrei aftur.
Framtíð fiskveiðanna
Kvótakerfið frá 1983 og sér-
staklega lögin um framsal fiskveiði-
réttinda frá árinu 1991, kvótaframsal-
ið, hefir valdið algjörum glundroða í
samfélaginu. Fram til þess tíma
máttu menn róa til fiskjar eftir vilja
og getu svo sem heimilt hafði verið
frá því land byggðist. Nú tóku út-
gerðarfyrirtæki stór erlend lán og
keyptu upp kvótana víðsvegar um
landið. Þannig eru nú kvótar Ísfirð-
inga á Akureyri og Bolvíkinga í
Grindavík, o.s.frv. Fjöldi fiskibyggða
er í hættu vegna þess að þeir sem þar
búa verða að kaupa sér kvóta dýru
verði af þeim sem fá þá fyrir ekki
neitt – fá þá gefins frá ríkisvaldinu.
Þetta ranglæti hrópar á leiðréttingu.
Það er eðlilegt að þessi framsöl öll
gangi til baka þegar framsalslögin
verða afnumin. Kaupendurnir gerðu
þetta á eigin ábyrgð.
Það er mér ekki unnt að gera til-
lögur um nýtt fyrirkomulag fiskveið-
anna við landið. Samt er augljóst að
byggðirnar verða að fá sinn rétt til
baka. Mér sýnist rétt að byggðirnar
eigi sinn rétt til veiða með línu og
handfærum allt út að 50 mílna línunni
kringum allt landið, og er þó mögu-
legt að víkja eitthvað frá því þar sem
sérstaklega stendur á, sérstaklega
með netaveiðum. Kvótakerfið utan
þessarar línu getur aðeins tekið til
þeirrar afgangsstærðar sem eftir er
þegar kvótum byggðanna hefur verið
ráðstafað. Þetta gildir að sjálfsögðu
fyrst og fremst um botnfiskveið-
arnar. Um uppsjávarveiðarnar á
loðnu, síld og kolmunna ættu að gilda
aðrar og sjálfstæðar reglur, enda eru
þær veiðar stundaðar með allt öðrum
hætti.
Eins og nú háttar til væri eðlilegt
að stjórnarandstaðan í öllum flokkum
komi sér saman um nýja stefnu í
þessum málum. Það eru allir þreyttir
á aðgerðaleysinu.
Lærdómurinn af
óförunum
Eftir Ønund Ásgeirsson
Höfundur er fyrrv. forstjóri.