Morgunblaðið - 27.05.2003, Blaðsíða 24
LISTIR
24 ÞRIÐJUDAGUR 27. MAÍ 2003 MORGUNBLAÐIÐ
MÁLÞING um Þór-
berg Þórðarson verður
haldið að Hrollaugs-
stöðum í Suðursveit á
fimmtudag. Þar verður
gengið frá formlegri
stofnun sjálfseignar-
stofnunar um Þór-
bergssetur að Hala og
skrifað undir sam-
starfssamning við um
tíu rannsóknar- og
menningarstofnanir um
uppbyggingu setursins.
Meðal fyrirlesara á
málþinginu verða Pétur
Gunnarsson rithöfund-
ur, Soffía Auður Birg-
isdóttir bókmennta-
fræðingur, Vésteinn Ólason for-
stöðumaður Árnastofnunar, Svavar
Sigmundsson for-
stöðumaður Örnefna-
stofnunar, Guðrún
Kvaran forstöðumað-
ur Orðabókar Háskól-
ans og Hjörleifur
Guttormsson fv. al-
þingismaður. Þá
verða Sobbeggi afi og
Mammagagga aðal-
persónurnar í frásögn
lillu Heggu (Helgu
Jónu Ásbjarnardótt-
ur) og Jón Hjartarson
leikari stígur á svið.
Hægt er að nálgast
dagskrá ráðstefnunn-
ar á vefnum www.-
thorbergur.is og þar
er einnig hægt að skrá sig til þátt-
töku.
Málþing um Þór-
berg Þórðarson
Þórbergur
Þórðarson
Réttindastofa
Eddu – útgáfu
hefur gengið frá
samningi um út-
gáfu á þremur
bókum Arnaldar
Indriðasonar er-
lendis. Tékk-
neska forlagið
Bastei-Moba hef-
ur tryggt sér út-
gáfuréttinn á
Mýrinni og Bastei-Lübbe í Þýska-
landi hefur fest kaup á Napóleons-
skjölunum og Dauðarósum. Dauða-
rósir komu út hjá Vöku-Helgafelli
árið 1998 og Napóleonsskjölin ári
síðar.
Bastei-Moba er eins og nafnið
gefur til kynna í nánum tengslum
við Bastei-Lübbe sem er meðal öfl-
ugustu forlaga Þýskalands en það
hefur nú tryggt sér útgáfuréttinn á
öllum útgefnum bókum Arnaldar.
Mýrin hefur þar með verið seld til
átta landa en Þýskaland er fyrsta
landið sem Napóleonsskjölin og
Dauðarósir fara til.
Nú eru í undirbúningi kvikmynd-
ir eftir Mýrinni og Napóleonsskjöl-
unum. Arnaldur Indriðason hlaut
Glerlykilinn, Norrænu glæpasagna-
verðlaunin í fyrra fyrir Mýrina.
Hann er tilnefndur til sömu verð-
launa í ár af Íslands hálfu fyrir
Grafarþögn.
Mýrin eftir Arnald
kemur út í Tyrklandi
Arnaldur
Indriðason
LÚÐRASVEIT Reykjavíkur heldur
vortónleika sína í Borgarleikhúsinu í
kvöld kl. 20. Að sögn stjórnanda
sveitarinnar, Lárusar Halldórs
Grímssonar, verða tónleikarnir
djassskotnir að þessu sinni. „Við
hefjum tónleikana á hinu þekkta lagi
með Weather Report, Birdland, sem
var ein frægasta djassrokksveitin
hérna á árum áður,“ segir hann í
samtali við Morgunblaðið. „Síðan
leikur ungur maður og efnilegur,
Sigurbjörn Ari Hróðmarsson, bás-
únukonsert eftir Rimsky-Korsakov.
Þessi konsert er þó ekkert djassaður
og ekki heldur Overture Jubiloso
eftir Frank Erickson sem við leikum
næst, en að öðru leyti er efnisskráin
svolítið djössuð.“
Ólafur Kjartan Sigurðarson barí-
tonsöngvari mun taka nokkra
þekkta standarda með lúðrasveit-
inni, til dæmis Over the Rainbow eft-
ir Arlen og Harburg, og harmon-
ikkuleikarinn Tatu Kantomaa mun
leika nokkur tangóverk með sveit-
inni. „Við leikum þrjá tangóa eftir
höfund sem er fæddur og uppalinn í
Úrúgvæ, en býr núna í Finnlandi.
Þar í landi er einhverra hluta vegna
mikil tangómenning, sem loðir ekki
við önnur Norðurlönd og enginn veit
af hverju þetta skaut sér niður
þarna. Við leikum jafnframt hið
fræga Csardas eftir Monti og stykki
eftir Astor Piazzola, sem er einn
frægasti tangóhöfundurinn sem er
nýlega dáinn, því miður. Ég varð
sjálfur þeirrar ánægju aðnjótandi að
sjá hann tvívegis á tónleikum og er
mikill unnandi tónlistar hans,“ segir
Lárus.
Hann segir Lúðrasveit Reykjavík-
ur hafa það fyrir sið að fá til liðs við
sig gesti til að koma fram með hljóm-
sveitinni á tónleikum og er þess
skemmst að minnast þegar hljóm-
sveitin kom fram á Myrkum músík-
dögum fyrr í vor ásamt Steindóri
Andersen kvæðamanni. „Markmiðið
er auðvitað að hafa tónleika sem fjöl-
breyttasta og skemmtilegasta fyrir
áhorfendur,“ segir Lárus.
Þeir þrír gestir sem fram koma
með hljómsveitinni að þessu sinni
þreyta nú frumraun sína með Lúðra-
sveit Reykjavíkur. „Ólafur Kjartan
hefur aldrei sungið með lúðrasveit
áður, þannig að loksins, loksins, er
hann kominn í lúðrasveit, eins og
hann segir sjálfur. Það er það sama
með Tatu, sem spilar mikið með
Rússíbönunum og á eigin vegum,
hann hefur ekki gert mikið af því að
spila með svona stóru bandi, að ég
held.“ Þriðji gestur sveitarinnar,
Sigurbjörn Ari Hróðmarsson, er
fyrsti básúnuleikari Lúðrasveitar
Reykjavíkur. „Hann er að læra í
Tónskóla Sigursveins og hefur leikið
með sveitinni alveg frá því að hann
flutti hingað frá Akureyri fyrir fimm
árum. Þetta er frumraun hans sem
einleikari með svona stórri lúðra-
sveit.“
Lárus segir Lúðrasveitina áður
hafa verið með djassaða efnisskrá, á
borð við þá sem flutt verður á tón-
leikunum í kvöld, við miklar vinsæld-
ir. „Gagnstætt því sem margir halda
erum við ekki mikið að spila þessa
hefðbundnu lúðrasveitartónlist,
marsa og þess háttar, þegar við höld-
um tónleika – við geymum það fyrir
tyllidagana niðri í bæ. Á tónleikum
eins og þessum býður maður einfald-
lega upp á konsertefnisskrá og vand-
ar til hennar eins og mögulegt er.
Annars er ekkert gaman að þessu.“
Djass- og tangó-
skotnir vortónleikar
Morgunblaðið/Sverrir
Gestir á vortónleikum Lúðrasveitar Reykjavíkur, sem fram fara í Borgar-
leikhúsinu í kvöld, ásamt stjórnanda sveitarinnar: Sigurbjörn Ari Hróð-
marsson básúnuleikari, Ólafur Kjartan Sigurðarson barítonsöngvari, Lár-
us Halldór Grímsson stjórnandi og Tatu Kantomaa harmonikkuleikari.
KAMMERSVEIT Reykjavíkur lék í
gær fyrir fullu húsi í Bolshoi-
salnum í Konservatoríinu í Moskvu
undir stjórn Vladimirs Ashkenazy,
sem jafnframt var einleikari á pí-
anó. Að sögn Rutar Ingólfsdóttur,
konsertmeistara sveitarinnar,
heppnuðust tónleikarnir afar vel og
var flytjendum klappað lof í lófa.
Þar með lauk tónleikaferð Kamm-
ersveitarinnar um Belgíu og Rúss-
land.
„Það hefur verið stígandi í þess-
ari ferð og þetta var hápunkt-
urinn,“ sagði Rut í samtali við
Morgunblaðið eftir tónleikana í
gærkvöldi. „Þetta er heimsfrægur
salur, þar sem verk fjölmargra
merkra tónskálda hafa verið frum-
flutt, og það var ótrúleg upplifun að
koma þarna fram.“
Rut hafði ekki sætafjölda á
reiðum höndum en taldi að salurinn
tæki um tvö þúsund manns. Hvert
sæti var skipað.
„Viðtökur voru gífurlega góðar.
Fólk hér var greinilega spennt að
heyra og sjá Ashkenazy. Í huga
þess er hann týndi sonurinn sem
snýr aftur. Fólk stóð í röðum til að
fá eiginhandaráritanir hjá honum,
taka af honum myndir og færa hon-
um blóm. Stemmningin var í einu
orði sagt frábær. Við fréttum meira
að segja að skömmu fyrir tón-
leikana hefðu miðar gengið kaup-
um og sölum á svörtum markaði á
þrjú til fjögur hundruð dollara
stykkið. Það er sama stemmning og
hjá popphljómsveitunum.“
Kammersveitin hélt tvenna tón-
leika í Brügge á fimmtudags- og
föstudagskvöld í síðustu viku og á
sunnudag kom sveitin fram í fæð-
ingarborg Ashkenazys, Nizhny
Novgorod. „Þetta hefur verið mikið
ferðalag en við höfum að mestu
leyti ferðast á nóttunni. En það er
þess virði. Svo sannarlega. Við-
tökur voru mjög góðar í Brügge og
ekki síður í Nizhny Novgorod. Þar
voru þær hjartnæmar.“
Léku verk eftir Þorkel
Sigurbjörnsson
Á efnisskrá tónleikanna voru
konsertar eftir Mozart og Beethov-
en og verkið Mosk eftir Þorkel Sig-
urbjörnsson. Að sögn Rutar var
verki Þorkels vel tekið og á tónleik-
unum í Rússlandi fjallaði Ashken-
azy sérstaklega um það. Tilurð og
inntak. Þess má geta að Þorkell var
sjálfur með í för ásamt eiginkonu
sinni.
35 hljóðfæraleikarar fóru utan
og segir Rut að mikið hafi mætt á
hverjum og einum. „Þegar sami
maður er einleikari og hljómsveit-
arstjóri er mikið álag á öllum hljóð-
færaleikurum, þar sem hljóm-
sveitin hefur stjórnandann ekki
alltaf fyrir framan sig til að gefa
inn og þess háttar. Það verður hins
vegar oft til þess að fólk spilar
þetta eins og kammermúsík, hlust-
ar og spilar saman. Það er mjög
skemmtileg tilfinning þegar vel
tekst til eins og núna.“
Ekki spillti það heldur fyrir að
hafa Ashkenazy með í för. „Það er
yndislegt að ferðast með Ashken-
azy. Hann er svo jákvæður í okkar
garð. Í garð Íslands.“
Að sögn Rutar vöktu tónleikarnir
mikla athygli fjölmiðla í Rússlandi
en fjallað var um þá í sjónvarpi í
gærmorgun. Á hádegi var síðan
haldinn blaðamannafundur hjá
sendiherra Íslands, þar sem rúss-
neskir prent- og ljósvakamiðlar
fjölmenntu. „Það var mjög gaman
að upplifa það en rússnesku blaða-
mennirnir spurðu Ashkenazy spjör-
unum úr.“
„Gífurlega góðar viðtökur“
Morgunblaðið/Þorkell
Vladimir Ashkenazy stjórnar Kammersveit Reykjavíkur á tónleikum í Fjölbrautaskólanum í Garðabæ í fyrra.
Kammersveit Reykjavíkur og Vladimir Ashkenazy á tónleikum í Moskvu
La Tradukisto 1.
tbl. 15. árgangs er
komið út. Um er
að ræða þýðing-
artímarit esper-
antista og er eina
tímaritið á Íslandi
sem eingöngu
birtir þýðingar.
Tímaritið er tví-
skipt og kemur út þrisvar á ári. Í öðr-
um hlutanum eru þýðingar úr íslensku
á esperanto en í hinum síðari þýð-
ingar úr esperanto á íslensku.
La Tradukisto kom fyrst út 12.
mars 1989, á hundrað ára afmæli rit-
höfundarins og esperantistans Þór-
bergs Þórðarsonar og er ritið helgað
honum. Kristján Eiríksson byrjaði að
gefa La Tradukisto út fyrir nemendur
sína í Menntaskólanum að Laug-
arvatni og var þá átta blaðsíður, skrif-
aðar á ritvél. Nú er ritið 24. bls. Rit-
stjórar eru Kristján Eiríksson, Hilmar
Bragason, Baldur Ragnarsson, Pétur
Yngvi Gunnlaugsson og Hafsteinn
Bjargmundsson. Nýlega var opnuð
vefsíða þar sem upplýsingar um ritið
er að finna. Slóðin er www.-
latradukosto.tk.
Tímarit
LEIKRIT Bjark-
ar Jakobsdóttur,
Sellofon, verður
frumsýnt í Weiss-
wind-leikhúsinu í
Sviss nk. laugar-
dag.
Leikstjóri sýn-
ingarinnar er Sig-
mund Tischen-
dorf sem leikið
hefur Hellisbúann þar í landi við
miklar vinsældir.
Sellofon
frumsýnt
í Sviss
Björk Jakobsdóttir
♦ ♦ ♦