Morgunblaðið - 27.05.2003, Blaðsíða 13

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 27. MAÍ 2003 13
HUGBÚNAÐARFYRIRTÆKIÐ
Hugur stendur fyrir ráðstefnu í
dag, þriðjudag, þar sem kynntar
verða nýjungar í afgeiðslukerfinu
POSis, sem þekkt er undir nafninu
Auður hérlendis, á erlendum mörk-
uðum.
Hugur selur POSis-kerfið í Bret-
landi í samstarfi við systurfélag sitt
EJS UK. Meðal þess sem kynnt
verður á ráðstefnunni er nýr bak-
vinnsluhluti sem þróaður hefur ver-
ið í samstarfi við erlenda endur-
söluaðila kerfisins og viðskiptavini
þeirra.
Snorri Guðmundsson, tæknilegur
framkvæmdastjóri EJS UK Ltd.,
segir að nú sé verið að ljúka við að
setja POSis-kerfi upp hjá bresku
skartgripaverslanakeðju Syming-
tons, sem rekur 22 verslanir í Skot-
landi, Englandi og á Norður-Ír-
landi. Þá sé lokið uppsetningu
kerfisins í höfuðstöðvum vöruhúsa-
keðjunnar Loon Fung Cash &
Carry í London og mun það vera
sett upp í verslunum keðjunnar í
sumar. Auk þess er unnið að nokkr-
um uppsetningum í gegnum endur-
söluaðila.
„Við höfum verið að aðlaga kerfið
að breska markaðnum og bætt
ýmsu inn í það, eins og bakvinnslu-
kerfinu sem sér m.a. um pantanir
og birgðahald. Bretarnir gera kröfu
um slíkt inni í kerfinu á meðan ís-
lenskir viðskiptavinir Hugar hafa
notað miðlæg viðskiptakerfi fyrir
sína bakvinnslu.“
Selt um net
endursöluaðila
Sölu- og markaðsstarfið er í
höndum EJS UK, sem staðsett er í
Glasgow, en þar starfa 15 manns.
Meirihlutinn vinnur að viðskipta-
kerfinu Concorde XAL en sérstök
deild annast sölu POSis afgreiðslu-
kerfa. Snorri segir að valin hafi ver-
ið sú leið að koma upp neti endur-
söluaðila í stað þess að
markaðssetja nafnið. Endursöluað-
ilarnir eru nú fjórir og starfa á mis-
munandi markaðssvæðum og í mis-
munandi atvinnugeirum, en að sögn
Snorra nýtist kerfið ekki einungis í
verslunum. Það hefur einnig verið
notað á bensínstöðvum, apótekum,
veitingastöðum og hvar sem þörf er
fyrir afgreiðslukerfi.
Snorri segir talsverðar vonir
bundnar við kynningu kerfisins á
sýningu sem haldin verður í Birm-
ingham í byrjun júní. Hér á landi
hefur kerfið verið notað frá 1997 og
er í notkun hjá mörgum af stærstu
fyrirtækjum landsins s.s. Hagkaup,
Samkaup, Esso, Skeljungi, Olís,
Lyfju og Lyf og heilsu.
POSis ráðstefnan verður haldin á
Grand Hótel þriðjudaginn 27. maí
kl. 9.
Sala POSis
eykst í Bretlandi
Ný lausn þróuð í samstarfi
við erlenda viðskiptavini
GREINILEG merki eru um það að
inn- og útflutningur sé að aukast, en
undanfarnar vikur hafa verið mjög
annasamar hjá Eimskip og í seinustu
viku var metvika bæði í innflutningi
og útflutningi. Þá var nýtt met sett
hjá Eimskip þegar Íslandstengdir
flutningar á sjó og landi nálguðust
60.000 tonn.
Goðafoss, stærsta kaupskip ís-
lenska flotans, kom drekkhlaðinn í
seinustu viku til Íslands frá Evrópu.
Innflutningur frá Ameríku hefur
einnig aukist verulega og er það að-
allega vegna aukins innflutnings á
neysluvöru auk þess sem rækjuveið-
ar á Flæmska hattinum hafa gengið
mjög vel undanfarið.
Nú um þessar mundir eru flutn-
ingar fyrir Kárahnjúkavirkjun að
hefjast. Fyrstu gámarnir fyrir Kára-
hnjúkavirkjun koma til landsins í
næstu viku og eru það íbúðargámar
sem staðsettir verða upp við virkjun
á meðan á framkvæmd stendur.
Mikill hluti af flutningum austur fer
með Mánafossi, strandferðaskipi
Eimskips en undanfarið hefur verið
hver metvikan á fætur annarri hjá
strandferðaskipinu. Mánafoss er
eina strandferðaskipið sem siglir í
kringum Ísland. Á landi sér Eimskip
einnig um að flytja vinnubúðir, sem-
ent, sprengiefni, vélar, tæki og ann-
að tilfallandi upp að Kárahnjúkum.
Þó nokkurt magn fer líka með bílum
Flytjanda sem er dótturfyrirtæki
Eimskips en Flytjandi er eina flutn-
ingafyrirtækið sem haldið hefur uppi
föstum áætlunarferðum upp að
Kárahnjúkum.
Metvikur í
flutningum
hjá Eimskip