Morgunblaðið - 27.05.2003, Blaðsíða 25
LISTIR
MORGUNBLAÐIÐ ÞRIÐJUDAGUR 27. MAÍ 2003 25
MASTERKLASS-NÁMSKEIÐ fyrir
hljóðfæranemendur verður haldið í
Vestmannaeyjum dagana 16.–24.
ágúst í sumar. Þetta er árlegt nám-
skeið sem stofnað var til af Áshildi
Haraldsdóttur flautuleikara fyrir
þremur árum, en Áshildur er fram-
kvæmdastjóri námskeiðsins. Miðað er
við nemendur sem fæddir eru 1988 og
fyrr og eru á mið- og framhaldsstigum
náms í hljóðfæraleik.
„Við ætlum bæði að spila saman
kammermúsík og koma fram á tón-
leikum í Vestmannaeyjum, bæði kenn-
arar og nemendur. Þetta er því annars
vegar kennsla og hins vegar tónleika-
hald. Í fyrra komu nemendur alls stað-
ar af landinu á námskeiðið og líka er-
lendir nemendur,“ segir Áshildur.
Einvalalið hljóðfæraleikara sér um
kennsluna. Áshildur kennir sjálf á
flautu, Guðný Guðmundsdóttir kons-
ertmeistari á fiðlu, Sigurgeir Agn-
arsson á selló en frá og með hausti
komanda hefur hann verið ráðinn ann-
ar sellósólisti Sinfóníuhljómsveitar Ís-
lands. Píanókennarar verða tveir,
Nína Margrét Grímsdóttir og Reiko
Hozu, sem er prófessor við kon-
servatoríið í París. „Mér fannst gaman
að fá útlendan kennara í þennan hóp,
svo nemendur gætu kynnst nýjum
hugmyndum. Reiko er japönsk og ég
þekki hana frá námi mínu og störfum í
París.“
Áshildur segir að í fyrra hafi þátt-
taka í námskeiðinu farið fram úr björt-
ustu vonum. „Vestmannaeyjar eru
stórkostlegur staður fyrir námskeið af
öllu tagi. Það myndast sterk sam-
kennd af að vera á eyju og fólkið þar
er jafnvel aðeins öðru vísi en aðrir Ís-
lendingar – meira „spontant“ og
hresst. Hlutirnir gerast hratt þar, og
áður en við vissum af voru krakkarnir
á námskeiðinu farnir að spila í brúð-
kaupi og á fleiri uppákomum í bænum.
Þau spiluðu til dæmis í messu, fyrir
mat í sínum tveimur fyrirtækjum, á
árshátíð, við spiluðum um borð í bát og
víðar. Námskeiðið varð mjög sam-
tvinnað samfélaginu. Náttúrufegurðin
í Vestmannaeyjum er líka einstök, og
við tökum okkur tíma í að njóta henn-
ar. Það eru pysjudagar í Eyjum þessa
daga, mikið um ferðamenn og
stemmningin frábær.“
Guðný Guðmundsdóttir hefur mikla
reynslu af kennslu, og hefur kennt á
masterklössum hér heima og erlendis.
„Það hefur mjög mikið gildi fyrir
hljóðfæranemendur að fá svona tæki-
færi í sumarfríum. Það kostar mikið
að komast á námskeið erlendis, og
auðvitað er það mikilvægt fyrir langt
komna nemendur að geta gert það. Ég
hef tekið með mér allt upp í níu nem-
endur á slík námskeið. Mér finnst
þetta vera gott tækifæri vegna þess að
það er ódýrara fyrir nemendurna og
það er von mín og ósk að þessi mast-
erklass í Vestmannaeyjum geti þróast
upp í eitthvað meira og stærra, með
fleiri hljóðfærum og meiri þátttöku er-
lendis frá. Ég hlakka mjög til að taka
þátt í þessu, og vil að nemendur viti, að
þótt þetta sé bara ein vika, þá getur
þetta orðið stór vítamínsprauta og góð
byrjun á vinnutörninni sem tekur við á
haustin.“
Námskeiðsgjaldið í Vestmanna-
eyjum er 24.000 krónur og gisting er
innifalin, en Guðný segir að slík nám-
skeið erlendis geti kostað um 200.000
krónur og þá eigi eftir að bæta far-
gjaldinu við. „Það er mjög gott að fólk
skuli nú hafa þetta val og geta komið á
gott námskeið hér við bæjardyrnar.“
Áhersla verður lögð á þátttöku nem-
enda í kammertónlist, en allir nem-
endur eiga þó jafnframt kost á einka-
tímum, og segir Áshildur að
nemendur geti svolítið hagrætt hlut-
föllunum þar á milli að vild. Tveir pí-
anókennarar verða til staðar, sem
hlýtur að þýða að píanónemendur
hugsi ekki eingöngu um hljóðfæri sitt
sem einleikshljóðfæri. „Það er engin
spurning að fyrir píanónemendur er
það eitt af því mikilvægasta til að við-
halda tónlistarlegum þroska að vinna
með öðrum tónlistarmönnum,“ segir
Nína Margrét Grímsdóttir. „Þetta er
ómissandi þáttur í píanónáminu en
það geta ekki allir tónlistarskólar á
landinu boðið píanónemendum þátt-
töku í kammertónlist.“
Áshildur segja að framámenn í
Vestmannaeyjum hafi tekið námskeiði
þeirra mjög vel, útvegað aðstöðu og
greitt götu nemenda með því að út-
vega þeim gistiaðstöðu. „Þeir hafa
styrkt okkur á ýmsan hátt, verið já-
kvæðir gagnvart okkur allt frá upphafi
og vilja að námskeiðið verði fastur lið-
ur í menningarlífi Vestmannaeyja.“
Umsóknarfrestur er til 16. júní og
hægt er að sækja um og fá nánari upp-
lýsingar á vef námskeiðsins,
www.masterclass.is, og í gegnum vef-
fangið masterclass@masterclass.is.
Námskeið fyrir hljóðfæranemendur í Vestmannaeyjum í sumar
„Verðum hluti af
samfélaginu í Eyjum“
Áshildur Haraldsdóttir, Guðný Guðmundsdóttir og Nína Margrét Gríms-
dóttir verða meðal kennara á námskeiðinu í Vestmannaeyjum í sumar.
Morgunblaðið/Kristinn Ingvarsson
TVÍÆRINGURINN í Feneyjum,
verður haldinn í ár. Hátíðin er
haldin annað hvert ár og til
skipulagningar eru fengnir bestu
sýningarstjórar hvaðanæva úr
heiminum. Hópur 20 nemenda úr
Listaháskóla Íslands hefur ákveð-
ið að fara á hátíðina í umsjá Ein-
ars Garibalda Eiríkssonar mynd-
listarmanns og prófessors við
LHÍ. Nemendurnir standa fyrir
fjáröflun af tilefninu og er einn
liður í því listmunauppboð í
Listasafni Reykjavíkur – Hafn-
arhúsi kl. 14 á uppstigningardag.
Þá verða boðin upp listaverk sem
kennarar og prófessorar við
Myndlistardeildina hafa gefið til
styrktar utanförinni. Þar eru m.a.
verk eftir Einar Garibalda, Önnu
Líndal og Ingólf Örn Arnarson,
Finnboga Pétursson, Ósk Vil-
hjálmsdóttur, Heklu Dögg og
Hlyn Hallsson.
Uppboðshaldari er Jakob Frí-
mann Magnússon. Við sama tæki-
færi mun koma fram stórhljóm-
sveit frá tónlistardeildinni sem
leikur fjöruga tónlist með sígau-
naívafi.
Verk kennara
á uppboði
GRADUALE Nobili heldur tón-
leika í Langholtskirkju kl. 20 í
kvöld og er það liður í undirbún-
ingi kórsins fyrir tónleika og
keppnisferð til Finnlands í júní
þar sem hann, ásamt Kammerkór
Langholtskirkju, mun taka þátt í
kórakeppninni í Tampere. Auk
þess munu kórarnir halda tónleika
í dómkirkjunni í Helsinki og Mei-
lahti kirkjunni, einnig í Helsinki.
Á efnisskránni verða keppn-
isverkin sem eru finnska þjóðlagið
On suuri sun rantas aurintu í út-
setningu Matti Hyökky, Barna-
gæla eftir Hjálmar Helga Ragn-
arsson, Móðir mín í kví kví í
útsetningu Jóns Ásgeirssonar,
Unnibahia eftir Robert Sund og
Ave Maria eftir Gustav Holst. Auk
þess syngur kórinn nokkur íslensk
lög, m.a. Brennið þið vitar eftir
Pál Ísólfsson sem hingað til hefur
nær eingöngu verið flutt af karla-
kórum. Einnig verk eftir ung-
verska tónskáldið Zoltán Kodaly
og Einojuhani Rautavaara frá
Finnlandi.
Graduale Nobili er skipaður 24
stúlkum á aldrinum 18 til 24 ára.
Kórinn hefur hlotið verðlaun í al-
þjóðlegum kórakeppnum og verið
tilnefndur til íslensku tónlist-
arverðlaunanna. Stjórnandi kórs-
ins er Jón Stefánsson
Morgunblaðið/Jim Smart
Stúlknakórinn Graduale Nobili og
stjórnandinn Jón Stefánsson.
Stúlknakór syngur
Brennið þið vitar