Morgunblaðið - 27.05.2003, Blaðsíða 36

MINNINGAR
36 ÞRIÐJUDAGUR 27. MAÍ 2003 MORGUNBLAÐIÐ
þeirra í vetur hafði langþráður
draumur ræst og Guðrún Helga hafði
fullkomnað líf sitt. Þessi litla ástríka
fjölskylda hafði áður á lífsleiðinni
upplifað sorgina sem fylgir ástvina-
missi og óttann sem fylgdi ávallt veik-
indum Guðrúnar Helgu en jafnframt
upplifðu þau gleðina og hamingjuna
svo innilega í lífinu.
Áður en skugga bar fyrir hjörtu
okkar sem elskuðum Guðrúnu Helgu
á fallegum vordegi í maí, segir mín til-
finning mér að hún hafi meðtekið birt-
una í sitt hjarta. Síðustu misseri hafði
hugur hennar verið opinn fyrir al-
mættinu og mætti hans ásamt hjálp-
semi ástvina. Sá lífsins kraftur varð til
þess að hún öðlaðist frið og sigraðist á
óttanum sem hafði fylgt henni eins og
skuggi allt frá því veikindi hennar
gerðu fyrst vart við sig.
Elsku Geir, Arnar Sveinn og Ragn-
heiður Katrín Rós, ykkar missir er
mikill. Mína dýpstu samúð votta ég
ykkur og fjölskyldu Guðrúnar Helgu,
sem og öðrum ættingjum og vinum á
þessari stundu og bið góðan Guð ykk-
ur að geyma.
Vegsömum þann tíma sem Guðrún
Helga gaf okkur því hann situr eftir í
minningunni og hún mun lifa í huga
okkar og draumum um ókomna tíð.
Þú ert löngun þín
hin dýpsta löngun þín er vilji þinn.
Vilji þinn skapar verk þín.
Og verk þín skapa örlög þín.
(Brihadaranyka Upanishad IV.4.5.)
Þín elskandi vinkona,
Anna Karen.
Orð fá ekki lýst þeirri vanlíðan og
sorg sem fylgdi fregninni um ótíma-
bært fráfall Guðrúnar Helgu. Í langri
baráttu við illvígan sjúkdóm, hafði
hún ávallt náð yfirhöndinni og haldið
velli þó oft á tíðum hafi öll sund virst
lokuð. Í ljósi þess trúðum við og von-
uðum að fullnaðarsigur hefði náðst,
ekki síst vegna óbilandi trúar hennar
sjálfrar. Guðrún Helga sýndi mikið
hugrekki og virtist eflast við hverja
raun. Hún bjó ekki einungis yfir orku
til þess að fleyta sér og sínum yfir erf-
iða hjalla, heldur beitti hún sér einnig
af alefli í gegnum stuðningsfélagið
Kraft til þess að hjálpa öðrum ein-
staklingum í sömu sporum.
Leiðir okkar lágu fyrst saman fyrir
um 25 árum síðan, þegar Geiri og hún
fóru að draga sig saman. Það er af
mörgu að taka þegar litið er yfir far-
inn veg. Eitt af því sem stendur upp
úr er hvernig tveir sterkir einstak-
lingar, með mikla orku og athafnaþrá,
hafa þroskast saman, bætt upp og
stutt hvort annað þrátt fyrir ólík
áhugamál og miklar annir. Kraftur-
inn og atorkan einkenndi fas Guðrún-
ar Helgu og það gustaði af henni hvar
sem hún kom. Hún lá ekki á skoð-
unum sínum og leiddi það oft á tíðum
til skemmtilegra rökræðna, þar sem
menn voru ekki endilega sammála,
enda ekki markmiðið í sjálfu sér. Með
hreinskilni sinni átti hún þátt í að
halda okkur handboltastrákunum við
jörðina með því að benda okkur á það
sem skipti meginmáli, en studdi okk-
ur einnig á jákvæðan hátt þegar á
móti blés.
Þegar vinahópurinn hittist enn á
ný um jólin, hvarflaði ekki annað að
okkur en Guðrún Helga hefði unnið
enn einn sigurinn. Hún geislaði af
heilbrigði, kát og ræðin að vanda.
Þessi stund fyllti okkur bjartsýni á
framtíðina. Í janúar, þegar Ragnheið-
ur Katrín Rós bættist við fjölskyld-
una, rættist langþráður draumur og í
spjalli sem við áttum skömmu á eftir
sagðist Guðrún Helga vera full eft-
irvæntingar og hlakkaði mikið til að
takast á hendur uppeldi ungabarns að
nýju.
Guðrún Helga var fyrirmynd ann-
arra í því hvernig hún tókst á við sín
veikindi. Með jákvæðu viðhorfi, æðru-
leysi, bjartsýni og fádæma hugrekki
komst hún lengra en nokkur hefði
getað ímyndað sér. Þannig tókst
henni að gefa þeim sem í kringum
hana voru styrk til þess að takast á við
raunveruleikann og löngun til að
njóta þess að dvelja í nútíðinni, án
þess að láta áhyggjur fortíðar eða
óvissu framtíðar byrgja sér sýn. Þrátt
fyrir að Guðrún Helga sé horfin á
braut verður þetta jákvæða hugarfar,
orkan og krafturinn veganesti þeirra
sem eftir lifa.
Elsku Geiri, Arnar Sveinn, Ragn-
heiður Katrín Rós og fjölskylda. Guð-
rún Helga skilur eftir sig stórt skarð í
ykkar tilvist, sem og allra þeirra sem
hana þekktu. Megi góður Guð styrkja
ykkur til að takast á við þessa miklu
sorg.
Jakob og Fjóla.
Guðrún Helga Arnarsdóttir, einn
okkar Kraft-meiri félagi, kvaddi þann
16. maí síðastliðinn. Flest okkar stóðu
í þeirri trú að Guðrún væri eingöngu
með smáflensu en kæmi aftur til okk-
ar með sinni röggsemi og héldi áfram
að láta verkin tala. Það var nefnilega
svo með Guðrúnu að þegar þú talaðir
við hana greindir þú aldrei neitt nema
lífskraftinn sem hún gaf óskertan af
sér til hvers einstaklings sem sótti
hana heim. Hún var öflugur samherji
sem fannst mikið til lífsins koma og
þess sem það bauð okkur.
Við setjumst niður til að minnast
náins vinar og samstarfskonu. Við
þekktum hana misvel en greinum öll
það sama í fari hennar þegar við rifj-
um upp liðinn tíma. Guðrún Helga
snart hvert og eitt okkar á sinn sér-
staka hátt með látleysi sínu og
öruggri framkomu. Hún átti það til að
setja mann út af laginu með bein-
skeyttum tilsvörum og þessu brosi
sem sagði manni að þarna var kona
sem þú gast treyst. Og það gerðum
við öll, við treystum henni fyrir til-
finningum okkar og harmi. Einnig
gleði og hamingju og það var sama
um hvað var rætt hún tók því og sam-
gladdist þegar gleðin var við völd en
herti okkur þegar sorg eða hugarang-
ur hvíldi á okkur. Hún var alltaf til
staðar og krafðist einskis frá okkur
nema að við virtum lífið, gerðum það
besta úr því og sættum okkur við okk-
ar hlutskipti. Þú þurftir bara að hitta
Guðrúnu Helgu einu sinni til að telja
hana til vina þinna.
Guðrún Helga starfaði fyrir lífið og
á þeim nótum munum við minnast
hennar. Við sem að Krafti stöndum í
dag höfum misst náinn og kæran fé-
laga. Við eigum minningar um þessa
lífsfjörugu konu sem aldrei gaf upp
baráttu sína fyrir lífinu. Innan Krafts
munum við halda áfram að lifa og
starfa á þeim nótum sem hún hafði til-
einkað sér. Við munum heiðra minn-
ingu hennar best með því að halda fé-
laginu okkar áfram sterku og styðja
þá sem á okkur þurfa að halda. Við
vottum fjölskyldu Guðrúnar Helgu
okkar dýpstu samúðarkveðjur og
vonum að Guð styrki ykkur í því sorg-
arferli sem fram undan er. Hugur
okkar er hjá Geir, Arnari Sveini og
Ragnheiði Katrínu. Við söknum þín
sárt, Guðrún Helga, en þó sorgin sé
mikil þá er gleðin yfir að hafa kynnst
þér enn meiri.
F.h. Krafts, félags ungs fólks sem
greinst hefur með krabbamein og að-
standendur.
Stjórnin.
Kveðja frá
Krabbameinsfélagi Íslands
Hún vakti athygli hvar sem hún
fór. Hún var öðrum fyrirmynd í því,
hvernig unnt var að takast á við erf-
iðleika með bjartsýni og reisn. Hún
var ætíð reiðubúin að miðla öðrum af
tíma sínum og reynslu ef það mætti
verða til þess að auka þeim áræði og
styrk. Hún hafði mikla trú á því að
lífsvilji og kjarkur hjálpaði til við að
sigrast á hverjum vanda.
Þessa hæfileika nýtti Guðrún
Helga Arnarsdóttir vel í starfi sínu
fyrir Kraft síðustu þrjú árin og lagði
ásamt félögum sínum grunninn að
mjög árangursríku starfi, sem vakið
hefur verðskuldaða athygli. Stundum
var því líkast að hún væri í kapphlaupi
við tímann, áhugi hennar og atorka
hreif þá, sem með henni unnu og þá
sem fylgdust með.
Guðrún Helga er mjög eftirminni-
leg kona, nærvera hennar var sterk,
lundin létt en ákveðin, framkoman
frjálsleg. Hennar er sárt saknað.
Krabbameinsfélag Íslands þakkar
Guðrúnu Helgu Arnarsdóttur fyrir
samstarfið og vottar ástvinum hennar
og vinum djúpa samúð.
Hvíli hún í friði.
Sigurður Björnsson
formaður.
Guðrún Helga varð fyrir þeirri
sjaldgæfu reynslu sem ung móðir að
fá brjóstakrabbamein. Hún hafði
ávallt næma skynjun á eigin líkama
og leitaði ótrauð eftir afdráttarlausri
greiningu á því sem hún taldi vera
grunsamlegt. Þetta er sem betur fer
óvanalegur sjúkdómur hjá ungum
konum og mein hennar virtist lítið og
aðgerð gekk vel. Hún tókst á við það
áfall sem sjúkdómurinn var með hug-
prýði og dyggum stuðningi Geirs eig-
inmanns síns, foreldra og fjölskyldu
og sinnti ýmsum störfum eftir það.
Einnig var hún búsett erlendis ásamt
Geir og syni þeirra Arnari Sveini í
nokkur ár.
Sjúkdómur hennar tók sig aftur
upp og fékk hún meðferð við honum
sem ásamt heilbrigðum lífsháttum
veitti henni tímabundna lækningu og
mikil lífsgæði. Hún lærði svæðanudd
og hafði ríka löngun til að styðja aðra
sem höfðu svipaða lífsreynslu, að hafa
fengið illkynja sjúkdóm. Það var því
eðlilegt fyrir hana að slást í hópinn og
taka þátt í uppbyggingu Krafts,
stuðningsfélags ungs fólks sem
greinst hefur með krabbamein og að-
standenda þess sem var stofnað 1.
október 1999 og varð eitt af aðildar-
félögum Krabbameinsfélags Íslands.
Innan vébanda Krafts sinnti Guðrún
Helga markaðs- og kynningarmálum
en hún vann einnig við símaráðgjöf og
svæðanudd heima hjá sér og miðlaði
öðrum þannig óspart af eigin reynslu
og þroska og veitti ráðgjöf og stuðn-
ing. Einnig vann hún hér í húsi
Krabbameinsfélagsins í Skógarhlíð
sem starfsmaður Krafts á árinu 2002
við ráðgjöf og fleira. Guðrún Helga
Sími 562 0200
Erfisdrykkjur
Minningarkort
Hjartaverndar
535 1825
Gíró- og greiðslukortaþjónusta
Lundi V/Nýbýlaveg
564 4566 • www.solsteinar.is
Innilegar þakkir fyrir auðsýnda samúð við and-
lát og útför elskulegrar eiginkonu minnar,
móður okkar, tengdamóður og ömmu,
ERNU KARLSDÓTTUR,
Stekkjarhvammi 54,
Hafnarfirði.
Sérstakar þakkir fyrir frábæra umönnun og
hjartahlýju færum við starfsfólki á deild 11E á
Landspítalanum.
Bjarni Jónsson,
Helgi Már Bjarnason, Klara Katrín Friðriksdóttir,
Brynja Sif Bjarnadóttir,
Arnar Freyr Helgason,
Mikael Adam Hafþórsson.
Ástkær móðir okkar, tengdamóðir, amma
og langamma,
GUÐRÚN HELGADÓTTIR,
Árskógum 2,
áður Goðheimum 21,
Reykjavík,
sem lést miðvikudaginn 21. maí, verður
jarðsungin frá Seljakirkju miðvikudaginn 28. maí
kl. 13.30.
Gunnar Alexandersson, Katrín Óskarsdóttir,
Hafdís Alexandersdóttir, Gísli J. Friðjónsson,
Guðrún Sandra Gunnarsdóttir, Kristinn Albertsson,
Sigursteinn Gunnarsson, Ellen Ásdís Erlingsdóttir,
Guðrún Gísladóttir, Þórður Ágústsson,
Lovísa Ósk Gunnarsdóttir, Kolbrún Edda Gísladóttir
og langömmubörn.
Elskuleg eiginkona mín, móðir, tengdamóðir
og amma,
ARNFRÍÐUR ÍSAKSDÓTTIR,
Bakkavör 32,
Seltjarnarnesi,
sem lést miðvikudaginn 21. maí, verður jarð-
sungin frá Seltjarnarneskirkju miðvikudaginn
28. maí kl. 13.30.
Óskar Ólason,
Óli Þ. Óskarsson, Jónína Sigurjónsdóttir,
Björg Óskarsdóttir, Sigurður Jakobsson,
Lára Óskarsdóttir, Ólafur Þór Jóelsson,
Helgi Rúnar Óskarsson, Ásdís Ósk Erlingsdóttir
og barnabörn.
Ástkær eiginmaður minn og faðir okkar,
HALLDÓR E. SIGURÐSSON
fyrrv. ráðherra,
lést á hjúkrunarheimilinu Skógarbæ, sunnu-
daginn 25. maí.
Margrét Gísladóttir,
Gísli V. Halldórsson,
Sigurður I. Halldórsson,
Sigurbjörg G. Halldórsdóttir.
Innilegar þakkir fyrir vináttu og hlýhug við
andlát og útför móður okkar, tengdamóður,
ömmu, langömmu og langalangömmu,
BÓEL KRISTJÁNSDÓTTUR
fyrrum húsfreyju,
Miðhjáleigu,
Austur-Landeyjum.
Erlingur Ólafsson, Helga Ísleifsdóttir,
Kristján Ólafsson, María Hennley,
Sigmar Ólafsson, Guðlaug Valdimarsdóttir,
Þórir Ólafsson, Ásdís Kristinsdóttir,
Svavar Ólafsson, Halldóra Ólafsdóttir,
Trausti Ólafsson, Kristín Unnsteinsdóttir,
Ásdís Ólafsdóttir, Jónas Traustason,
Indriði Th. Ólafsson,
barnabörn, langömmubörn
og langalangömmubörn.