Morgunblaðið - 27.05.2003, Blaðsíða 49
FÓLK Í FRÉTTUM
MORGUNBLAÐIÐ ÞRIÐJUDAGUR 27. MAÍ 2003 49
KAFFFIHLAÐBORÐ og skemmt-
un var í Iðnó á sunnudaginn til
styrktar Noregsferð leikhópsins
Perlunnar. Leikfélagið Ofleikur
gaf vinnu sína til að styrkja Perl-
una, sem heldur í ferðalag til Nor-
egs í júlí. Þar hyggst hópurinn
sýna ævintýrið Hringilhyrning á
Regine-dögum, að því gefnu að
hægt verði að fjármagna ferðina.
Perlan sýndi atriði á sunnudag-
inn, Ofleikur var með keppni í
leikhússporti og Björgvin Franz
Gíslason söng tvö lög. „Þetta gekk
ofsalega vel. Það var mjög
skemmtilegt að styrkja leikhópinn
Perluna. Við lögðum okkar hönd á
plóg,“ segir Jón Gunnar Þórð-
arson, leikstjóri Ofleiks, en leik-
arar hópsins koma úr framhalds-
skólunum og er þetta í raun
sameinað leikfélag MH, MR,
Kvennó og Verzló.
Ofleikur vonast eftir að geta
starfað í sumar á vegum borg-
arinnar, sem skapandi sumar-
hópur á vegum Hins hússins, að
sögn Jóns Gunnars, „í stað þess að
reyta arfa“.
Leikhópurinn stefnir á að sýna
grínleikritið Date í Iðnó í sumar
en þetta er nýtt leikrit hópsins,
sem fjallar um stefnumót, en áætl-
að er að verkið verði frumsýnt í
lok júlí. „Þetta er um stefnumót,
hvað maður á ekki að segja og
gera á stefnumóti. Við tökum sam-
skipti kynjanna fyrir,“ segir hann.
Ókeypis leikhús hjá Ofleik
Af því tilefni ætlar Ofleikur að
bjóða í leikhús á miðvikudags-
kvöld og einnig til að gefa fólki
færi á að kynnast hópnum. „Við
ætlum að leika tvö atriði úr Date
og keppa í leikhússporti. Við leik-
um, syngjum og dönsum og það er
ópera líka,“ segir Jón Gunnar en
áhorfendur ráða hvað þeir horfa
á.
Fyrir utan leikhússport og valin
atriði úr Date verða tónlistaratriði
því nú eru nokkrar hljómsveitir
farnar að semja tónlist fyrir leik-
ritið. „Rapphljómsveitin ONE er
búin að semja eitt lag fyrir okkur
og fer það í spilun í byrjun júní,“
segir Jón Gunnar og vekur athygli
á því að í Iðnó séu aðeins 150 sæti.
„Þar gildir reglan fyrstir koma,
fyrstir fá,“ segir hann og lofar
góðri skemmtun á miðvikudag.
Leikhópurinn Ofleikur heiðrar Perluna
Von á
meiri
Ofleik
Morgunblaðið/Sverrir
Leikhópurinn Ofleikur gaf vinnu sína til að styrkja Perluna.
Bæði gestir og leikarar skemmtu
sér vel en Perlan var með eitt at-
riði, Ofleikur annað og Björgvin
Franz Gíslason tók lagið.
Leikarinn Egill Ólafsson, Jón Gunnar Þórðarson, leikstjóri Ofleiks, og
Benedikt Karl Gröndal leikari samankomnir í Iðnó.
Ofleikur í Iðnó á miðvikudagskvöld
klukkan 20. Aðgangur ókeypis.
LÖGGU- OG bófamyndir eru oft-
ar en ekki hreinræktaðar stríðs-
myndir. Heilu borgarhlutarnir loga í
átökum milli þessara hópa, skotvopn
af öllum stærðum og gerðum ber
fyrir augu og ef um fíkniefnalöggur
er að ræða er erfitt að greina á milli
hetja og fanta. Svo er í Eiturlyfja-
löggum, sem eins og nafnið bendir
til fjallar um hatramma baráttu á
milli stríðsaðilanna þar sem saklaus-
ir borgarar dragast inn í djöfulskap-
inn. Kostur myndarinnar er óvenju
vel skrifað handrit og mannleg flétta
sem þraukar af allt það yfirgengi-
lega ofbeldi, barsmíðar, kjaftbrúk,
hraða og úlfúð manna á milli sem
ræður ríkjum í hrottalegustu mynd
síðari ára.
Tellis (Jason Patrick) er fíkni-
efnalögga í Detroit sem verða á
mannleg mistök sem kosta hann
stöðuna. Mörgum mánuðum síðar er
honum boðið að hefja störf á nýjan
leik, nú við rannsókn á óvenju
gruggugu morðmáli þar sem starfs-
bróðir hans lét lífið. Sér til fulltingis
fær Tellis gamalreyndan og orðlagð-
an harðjaxl, Henry Oak (Ray
Liotta), sem jafnframt var vinur
hins myrta.
Þeir félagar eru lengi að komast á
sporið, kemba öngstræti verstu
hverfanna, yfirheyra mannsora í
hrönnum uns þeir finna tengsl sem
færa Tellis heim sanninn um grimm-
an veruleikann.
Frá uppphafi er linnulaust áreiti í
Eiturlyfjalöggum allt til hrottalegra
endaloka. Menn eru blóði drifnir,
andstuttir, öskrandi og gargandi.
Byssukúlum rignir, hljóðrásin
byggð upp á ertandi hávaða sem
lætur mann ekki í friði eitt einasta
augnablik. Jafnvel í atriðum utan
blóðvallarins, þegar löggurnar leita
skjóls heima hjá sér. Þá tekur ekki
betra við; hjónarimmur og barns-
grátur.
Myndin vekur mann betur en
flestar aðrar til umhugsunar um
hversu ómennskt og vanþakklátt
starf lögreglumanna er í sorahverf-
um stórborga eins og Detroit. Þeir
eru aldrei óhultir um líf sitt, and-
stæðingarnir aumasta rakkarapakk
sem stendur nákvæmlega á sama
um eigið líf, hvað þá annarra. Svo
eiga þessir menn að koma heim til
sín og vera eðlilegir? Konurnar
þeirra hljóta að vera jafn firrtar af
þeim eilífa ótta og spennu sem ligg-
ur í loftinu og ógnar því sem þeim er
helgast. Tellis og Oak eru báðir
vænstu menn sem hefur tekist, hvor
á sinn hátt, að þrauka af í frumskógi
skepnuskaparins. En örlög þeirra
eru engu skárri en mannsýklanna
sem þeir eru að berjast við að út-
rýma alla daga: Á þessum vígvelli
eru allir dæmdir til að tapa.
Carnahan vinnur athyglisverðan
sigur í sinni annarri mynd, drífur
hana áfram af fítonskrafti jafnframt
því sem hann leggur mikla áherslu á
að fínpússa minnstu smáatriði.
Hann hefur góða yfirsýn yfir blóð-
völlinn sinn, fyllir áhorfandann
skelfingu með óvæginni notkun á
þríkrossuðum meðölum og kemst
upp með það. Honum finnst gaman
að beita brellum eins og að skipta
myndfletinum í tvennt eða fleiri
hluta, hraðar tökur, skerpa og deyfa
liti, o.s.frv. Hann kemst yfir það.
Átakaatriðin minna á meistara
Peckinpah – þegar best lætur – og
hann nær fram góðum leik hjá
Jason Patrick. Nokkuð sem fáir
reikna með sem séð hafa Speed II...
Það er síðan enginn annar en Ray
Liotta sem stelur myndinni í
klæðskerasniðnu hlutverki fyrir
þennan fáséða gæðaleikara sem hef-
ur góð tök á að leika allt frá ljúflingi
til ofstopamanns. Nú fær hann tæki-
færið og grípur það traustum tök-
um.
Jason Patric og Ray Liotta í hlut-
verkum sínum.
Tapað stríð
KVIKMYNDIR
Regnboginn
Leikstjórn og handrit: Joe Carnahan:
Kvikmyndatökustjóri: Alex Nepomn-
iaschy. Tónlist: Cliff Martinez. Aðalleik-
endur: Jason Patric , Ray Liotta, Busta
Rhymes , Chi McBride. 107 mínútur.
Paramount Pictures. Bandaríkin 2002.
Eiturlyfjalöggur (Narc) Sæbjörn Valdimarsson
ÞÁ er „hitt“ þungarokksblaðið,
Metal Hammer, búið að fella
sinn dóm yfir nýjustu afurð
Mínus, Halldóri Laxness.
Ásamt Kerrang! er blaðið talið
helsta heimild um hvað í gangi
er í heimi harðrar rokktónlist-
ar. Rýnir Metal Hammer gefur
plötunni 9 af 10 sem telst frá-
bært en Kerrang! gaf plötunni
fullt hús stiga, fimm K. Segir
gagnrýnandi Metal Hammer
plötuna búa yfir djassaðri
uppátækjasemi, rafrænni til-
raunastarfsemi. Hann segir
þessu fléttað listilega saman við
víraða gítara og stór og feit
rokkstef, lögin ljómi af fegurð
og spennu í senn og það sé eins
og þau ætli sér alltaf út af spor-
inu en það geri þau hins vegar
aldrei. Með þessari plötu hafi
sveitin stigið risakref fram á við
og hún sé frumleg og algerlega
einstök, erfitt sé að pinna plöt-
una niður á einhverja stefnu.
Rýnir lýkur svo dóm með því að
segja plötuna stórkostlegt
verk, hér sé á ferðinni sannköll-
uð brautryðjendaplata.
Til þessa hefur Halldór Lax-
ness fengið einróma lof gagn-
rýnenda og hafa NME, Morg-
unblaðið og The Independent
verið á svipuðum nótum og
ofangreind blöð.
Metal Hamm-
er gefur
Mínus 9/10