Morgunblaðið - 02.07.2003, Page 14
ERLENT
14 MIÐVIKUDAGUR 2. JÚLÍ 2003 MORGUNBLAÐIÐ
Heimilisfang: BRÆÐRABORGARSTÍGUR 24
Stærð eignar: 59,4 fm.
Brunabótamat: 6,9 millj.
Byggingarár: 1906
Áhvílandi: 4,7 millj.
Verð: 8,9 millj.
Falleg og björt 3ja herbergja. íbúð á
jarðhæð með sérinngangi í fallegu
tvíbýlishúsi. Snyrtileg eldhúsinnrétting.
Flísar á gólfum. Saml. gróinn garður og
viðarverönd. Sérbílastæði.
Hrafnhildur Bridde, löggiltur
fasteignasali RE/MAX sýnir eignina í
dag milli kl.18-19.
Hrafnhildur Bridde,
sími 899-1806,
hrafnhildur@remax.is
Hrafnhildur Bridde
lögg. fasteignasali
BRÆÐRABORGARSTÍGUR 24 - VESTURBÆR
TALIÐ er að allt að 400.000 íbúar
Hong Kong hafi í gær tekið þátt í
friðsamlegri kröfugöngu til að mót-
mæla nýjum lögum gegn undirróðri,
sem verða líklega samþykkt innan
nokurra daga, en margir óttast að
lögin kunni að hafa áhrif á pólitískt
frelsi borgaranna. Lögregluyfirvöld
í Hong Kong staðfestu í gær að þetta
séu stærstu mótmæli í borginni frá
því að milljón manns mótmæltu
morðunum á Torgi hins himneska
friðar árið 1989. Mótmælin skyggðu
á hátíðahöld í tilefni þess að í gær
voru sex ár liðin frá því að borgin
varð á ný hluti kínverska ríkisins.
Mótmælendur á öllum aldri héldu
á kröfuspjöldum og hrópuðu slagorð
til að mótmæla 23. grein laga sem
þeir telja skerða borgaraleg réttindi
verulega auk sem þeir óttast að lögin
kunni að ógna málfrelsi og frjálsu
flæði upplýsinga í borginni. Þá eru
margir hræddir um að lögin kunni að
spilla hugmynd sem kennd er við
hugtakið „Eitt land, tvö kerfi“ en
hún átti að róa þá sem óttuðust að
þegar Hong Kong yrði aftur hluti
Kína 1997 myndi það merkja enda-
lok alls frjálsræðis og markaðsskipu-
lags á staðnum.
Telja lögin ólýðræðisleg
Flestir mótmælendurnir voru
klæddir svörtum stuttermabolum
sem áttu að vera táknrænir fyrir
dauða frjálsræðis í Hong Kong. Þá
var áletrunin „Við erum þreytt, við
erum reið, segðu af þér“ rituð á
marga bolina auk þess sem margir
hrópuðu „segðu af þér“ og kröfðust
þannig afsagnar Tung Chee-hwa,
æðsta embættismanns borgarinnar.
Margir mótmælendur sem frétta-
stofa AFP náði tali af sögðu enn
fremur nýju lögin, sem kveða á um
bann við landráði, uppreisnaráróðri,
stuldi á ríkisleyndarmálum og niður-
rifsstarfsemi, vera ólýðræðisleg.
Þegar mótmælendur komu að
skrifstofum ríkisstjórnarinnar var
einungis litlum hópi fólks leyft að
mótmæla þar en lögreglan bað aðra
að halda göngu sinni áfram.
Samgöngukerfi borgarinnar lam-
aðist að nokkru á meðan mótmæl-
endur gengu í gegnum borgina enda
voru þátttakendur mun fleiri en gert
hafði verið ráð fyrir. Þannig þurfti að
loka tveimur neðanjarðarlestar-
stöðvum sem og hinu fræga spor-
vagnakerfi Hong Kong þar sem mót-
mælendur fylltu göturnar og gengu
því einnig á akbrautum ætluðum fyr-
ir sporvagnana. Hitinn í borginni
náði 32 gráðum á meðan á mótmæl-
unum stóð. Því leið fjöldi fólks niður
vegna hitaörmögnunar í miðri kröfu-
göngunni og þurfti sjúkraflutninga-
fólk að bera fólkið á brott.
Mótmælendur tóku margir börnin
sín með sér í kröfugönguna og sögð-
ust ekki vera að mótmæla sín vegna
heldur fyrir komandi kynslóðir. Ein
þeirra var Joanne Chow: „Dóttir mín
spurði mig hvers vegar við þyrftum
að mótmæla. Ég sagði henni að það
væri vegna framtíðar okkar og frels-
is vegna. Það væri mikil ógæfa ef við
þyrftum að búa í samfélagi þar sem
við þorum ekki að tjá skoðanir okkar
af ótta við ofsóknir.“
Mótmæli í Hong Kong
Hong Kong. AP. AFP.
Reuters
Hundruð þúsunda mótmæltu í Hong Kong í gær og stöðvuðu m.a. umferð í Causeway Bay-verslunarhverfinu.
BANDARÍSKIR hermenn í Írak
virðast hvergi vera óhultir um líf sitt
og verða fyrir árásum úr launsátri á
hverjum degi – meðal annars þegar
þeir halda vörð um gasstöðvar eða
rannsaka bílastuldi. Hefur þetta vak-
ið spurningar um hvort árásirnar séu
aðeins fjörbrot stjórnar Saddams
Husseins eða merki um vaxandi ólgu
meðal landsmanna og uppreisn.
Embættismenn í bandaríska varn-
armálaráðuneytinu brjóta heilann um
hversu margir berjist gegn hernáms-
liðinu, hversu vel skipulögð andstað-
an sé og hvernig hægt sé að kveða
hana niður. Sérfræðingar, sem meta
áhættu fjárfestinga í hinum ýmsu
löndum heims, telja talsverðar líkur á
uppreisn í landinu og það gæti orðið
til þess að Írakar yrðu af þeim fjár-
festingum sem þeir þurfa til að rétta
efnahaginn við.
„Auðvitað bindast
þeir samtökum“
Írakar, sem fréttamaður AP ræddi
við á götunum í Bagdad, sögðust þrá
frið og öryggi og vilja að árásunum
linnti. Margir þeirra sögðu þó að
Bandaríkjamenn ættu ekki að vera
undrandi á reiði Íraka í garð þeirra,
bæði meðal stuðningsmanna Sadd-
ams og venjulegs fólks sem er óánægt
með hversu lítið hernámsstjórninni
hefur orðið ágengt við að koma lífi
landsmanna í eðlilegt horf.
„Þetta var fyrirsjáanlegt,“ sagði
íraski stjórnmálafræðingurinn Saad
al-Jawwad. „Hvað er til ráða fyrir
mann þegar örvæntingin hefur náð
tökum á honum? Það eina sem hann
getur gert er að bera vopn og ögra
þeim mönnum sem hernema land
hans og gera ekkert fyrir hann eða
fjölskyldu hans. Hvar er lýðræðið?
Hvergi. Hvar er stöðugleikinn?
Hvergi. Hvar er rafmagnið? Vatnið?“
Al-Jawwad sagði að margir Írakar
hefðu snúist gegn hernámsstjórninni
vegna tilrauna hennar til að fjarlægja
leifarnar af stjórn Saddams Husseins
og víkja frá tugum þúsunda lágt
settra embættismanna og ríkisstarfs-
manna úr Baath-flokknum. Þá ríkti
mikil reiði meðal um 1,5 milljóna fyrr-
verandi hermanna sem væru nú án
atvinnu og hefðu ekki fengið laun í
marga mánuði.
„Hvað haldið þið að þessir menn
geri? Standi kyrrir eins og sauðir?
Auðvitað bindast þeir samtökum,“
sagði Al-Jawwad. „Og það leiðir til
uppreisnar.“
„Fámennir hópar“
Bandarískir embættismenn segja
að flestir Írakar séu Bandaríkja-
mönnum þakklátir fyrir að steypa
Saddam Hussein af stóli og binda
enda á harðstjórn hans. Margir Írak-
ar skilji að það taki hernámsstjórnina
tíma að koma landinu á réttan kjöl.
Embættismennirnir viðurkenna þó
að þeir skilji ekki til fulls hvers vegna
ofbeldið hefur aukist. Þeir viti ekki
hversu margir berjast gegn hernáms-
stjórninni eða hversu skipulögð and-
staðan sé. Og þeir viti ekki hvernig
hægt sé að kveða hana niður.
Donald H. Rumsfeld, varnarmála-
ráðherra Bandaríkjanna, neitaði því
að Bandaríkjaher væri fastur í „kvik-
syndi“ í Írak. „Því hefur verið lýst
réttilega að öllum meiriháttar átökum
er lokið og að í landinu eru enn marg-
ir stuðningsmenn Baath-flokksins og
liðsmenn sérsveita sem eru í nánum
tengslum við Saddam Hussein,“ sagði
Rumsfeld á föstudag. „Við gerum allt
sem við getum til að uppræta þá.“
Rumsfeld kvaðst telja að „fámennir
hópar“ tækju þátt í ofbeldinu, ekki
stórar hersveitir eða uppreisnarsam-
tök. Bandaríski undirhershöfðinginn
John Abizaid, sem á að taka við af
Tommy Franks sem yfirmaður her-
liðsins í Írak, rakti ofbeldið til þriggja
hópa: leifa af öryggissveitum Baath-
flokksins; bókstafstrúaðra múslíma,
meðal annars nokkurra útlendinga;
og glæpamanna sem Saddam lét
sleppa úr fangelsum fyrir stríðið.
Fjörbrot liðsmanna
Saddams eða uppreisn?
Bagdad. AP.
AP
Írakar heilsa bandarískum hermanni í Bagdad. Bandarískir hermenn í
Írak segjast aldrei vera óhultir um líf sitt þótt Írakar séu oft vingjarnlegir.
SAMTÖK atvinnulífsins í Noregi
telja nú, að fyrirtæki á Finnmörku og
í Norður-Noregi geti áfram búið við
lægri launatengd gjöld en önnur
norsk fyrirtæki. Hefur Göran Pers-
son, forsætisráðherra Svíþjóðar, fall-
ist á að gera ekki frekari athuga-
semdir við það en málið verður þó
tekið upp aftur hjá ESA, Eftirlits-
stofnun EFTA.
Stjórnvöld á Íslandi og í Liechten-
stein samþykktu í síðustu viku að
gera ekki athugasemdir við þetta fyr-
irkomulag á norskum byggðastyrkj-
um en Norðmenn þurfa einnig að fá
samþykki aðildarríkja Evrópusam-
bandsins, ESB. Þar hafa Svíar verið
erfiður ljár í þúfu en hafa nú eins og
fyrr segir fallist á að láta málið kyrrt
liggja. Segir Persson, að hann hafi
engar sérstakar skoðanir á norskum
byggðamálum en leggur um leið
áherslu á, að vegna samkeppnissjón-
armiða muni Svíar krefjast sömu
undanþágna í byggðamálum.
Í samningnum um Evrópska efna-
hagssvæðið, EES, er ákvæði sem
gerir EFTA-ríkjunum kleift að taka
ákvarðanir í byggðamálum, sem ekki
samrýmast meginreglum ESA. For-
sendan er þó sú, að öll ríkin séu sam-
mála um það og fyrir liggi „sérstakar
ástæður“. Lögfræðingar ESB hafa
hins vegar varað við þessu ákvæði og
segja, að Norðmenn séu komnir út á
mjög grátt svæði og óvíst hvaða laga-
legar og pólitískar afleiðingar það
geti haft.
Svíar fall-
ast á norsk-
an byggða-
styrk
ANDSTÆÐINGAR refaveiða með
hundum fögnuðu í gær eftir að neðri
deild breska þingsins samþykkti
með miklum meirihluta atkvæða
frumvarp um algert bann við veið-
unum. Ólíklegt er þó að frumvarpið
verði að lögum vegna andstöðu lá-
varðadeildarinnar við bannið.
Frumvarpið var samþykkt með
362 atkvæðum gegn 154 í fyrrakvöld
eftir að stjórn Tony Blairs forsætis-
ráðherra ákvað á síðustu stundu að
draga til baka málamiðlunartillögu
um að refaveiðar með hundum yrðu
háðar leyfi en ekki bannaðar. Margir
af þingmönnum Verkamannaflokks-
ins og sjö ráðherrar í stjórn Blairs,
þeirra á meðal John Prescott aðstoð-
arforsætisráðherra, greiddu atkvæði
með banninu. Blair var ekki við-
staddur atkvæðagreiðsluna. Búist er
við að lávarðadeildin hafni banninu
og hún hefur tvisvar sinnum fellt
frumvörp um algert bann við refa-
veiðum með hundum. Andstæðingar
veiðanna fögnuðu samt niðurstöðu
atkvæðagreiðslunnar. Þeir segja að
veiðarnar séu grimmilegar en stuðn-
ingsmenn bannsins neita því og
segja að þær séu árangursrík leið til
að halda refastofnunum niðri og
rótgróin hefð í dreifbýlinu í Bret-
landi.
Stjórnmálaskýrendur lýstu niður-
stöðu atkvæðagreiðslunnar sem auð-
mýkjandi ósigri fyrir Blair en hann
varð einnig fyrir öðru áfalli í gær
þegar Financial Times birti skoðana-
könnun sem bendir til þess að 66%
Breta treysti honum ekki. Aðeins
rúm 30% aðspurðra sögðust ánægð
með frammistöðu hans í embætti.
Um 1.000 manns voru í úrtaki
könnunarinnar.
Refaveiðibann
samþykkt
London. AFP.
Stjórn Blairs bíður ósigur
í neðri deild þingsins