Morgunblaðið - 24.07.2003, Blaðsíða 12

SJÖ ráðherrar jafnréttismála á Norð-
urlöndum og Eystrasaltslöndum
sendu í gær mótmælabréf til borg-
arstjórans í Aþenu þar sem þeir lýsa
„viðbjóði“ sínum á þeirri áætlun
Grikkja að fjölga rekstrarleyfum
vændishúsa fyrir Ólympíuleikana á
næsta ári.
„Okkur til reiði og undrunar höfum
við heyrt að Grikkir hyggist efla
starfsemi vændishúsa meðan á Ól-
ympíuleikunum árið 2004 stendur.
Ýtir þetta enn frekar undir að konur
séu misnotaðar,“ segir meðal annars í
yfirlýsingunni frá ráðherrum Íslands,
Noregs, Svíþjóðar, Finnlands, Eist-
lands, Lettlands og Litháens. Árni
Magnússon félagsmálaráðherra
skrifaði undir fyr-
ir hönd Íslands.
Danir, einir Norð-
urlandaþjóða,
skrifuðu ekki und-
ir mótmælin.
Þá segja ráð-
herrarnir að
vændisþjónusta
og þau grundvall-
arsjónarmið sem
liggja að baki Ólympíuleikunum fari
ekki saman. Samkvæmt grískum lög-
um mega 200 vændishús hafa starfs-
leyfi en borgaryfirvöld hafa lagt til að
þeim verði fjölgað um 30 fyrir Ólymp-
íuleikana 2004.
Margareta Winberg, jafnréttisráð-
herra Svíþjóðar, sagði í viðtali við Aft-
onbladet í gær, að fjölgunin yrði til
þess að hvetja gesti leikanna til að
kaupa sér kynlífsþjónustu og myndi
um leið senda þau skilaboð til grísks
almennings að slíkt væri nokkuð sem
konur ættu að sætta sig við.
Segist aðeins
vilja útfæra lögin
Borgarstjórinn í Aþenu, Dora
Bakoyianni, svaraði bréfinu í gær. „Í
Aþenu eins og annars staðar í Grikk-
landi eru lög sem krefjast þess að
leyfi þurfi fyrir þess háttar starfsemi
og borgaryfirvöld í Aþenu ákváðu ein-
ungis að útfæra lögin, það er allt og
sumt,“ sagði í yfirlýsingu frá henni.
Ráðherrar Norður- og Eystrasaltslanda senda bréf til Aþenu
Mótmæla vændis-
húsaáætlun Grikkja
Stokkhólmi. AP.
Dora Bakoyanni
ERLENT
12 FIMMTUDAGUR 24. JÚLÍ 2003 MORGUNBLAÐIÐ
F Æ R Ð U K Ö R F U N A F R Í T T ?
BRESKA ríkisútvarpið, BBC, á seg-
ulbandsupptöku sem gæti staðfest
umdeilda frétt þess um meðferð
stjórnvalda á leyniþjónustuupplýs-
ingum í aðdraganda Íraksstríðsins.
Á upptökunni má heyra vopnasér-
fræðinginn David Kelly láta í ljós efa-
semdir um það hvernig upplýsingar
voru settar fram. Líklegt er að upp-
takan verði lögð fram við, opinbera
rannsókn á dauða Kellys. Kelly var
ónafngreindur embættismaður sem
vitnað var í í frétt BBC um að stjórn-
völd hefðu ýkt ógnina er stafaði af
meintri gereyðingarvopnaeign Íraka.
Ræðir við fréttakonu
Hann fyrirfór sér í síðastliðinni
viku, nokkrum dögum eftir að hann
var kallaður fyrir þingnefnd sem
rannsakaði meðhöndlun stjórnvalda á
upplýsingum um vopnaeign Íraka.
Á upptökunni er samtal hans við
Susan Watts, fréttakonu BBC.
BBC á upptöku af
samtali við Kelly
London. AP.
TVEIR Bretar sem eru í haldi Bandaríkjamanna í
Guantanamo á Kúbu, sakaðir um aðild að hryðjuverka-
starfsemi, eiga ekki yfir höfði sér dauðarefsingu, að því
er Jack Straw, utanríkisráðherra Bretlands, greindi
frá.
Svo virðist sem Bandaríkjamenn hafi látið undan
þrýstingi Breta um hver verði örlög fanganna, en við-
ræður um þau stóðu í tvo daga í Washington, fyrr í vik-
unni. Sagðist Straw nú þrýsta á um að allir Bretar sem
dæmdir hafi verið af bandarískum herdómstóli verði
sendir heim til Bretlands og látnir afplána dóma sína
þar.
Alls eru níu Bretar á meðal þeirra 600 fanga sem
sitja í fangelsi Bandaríkjamanna á Kúbu. Fyrr í mán-
uðinum sögðu Bandaríkjamenn að sex fangar yrðu
dregnir fyrir herrétt og kynnu að hljóta dauðadóma.
Vakti það gífurleg mótmæli á alþjóðavettvangi. Banda-
rísk stjórnvöld sögðu að allir fangarnir sex væru með-
limir í al-Qaeda, hryðjuverkasamtökunum sem stóðu að
ódæðunum í Bandaríkjunum 11. september 2001.
Bretarnir fá ekki dauðadóm
London. AFP.
ÞRÍTUGUR Hollendingur sem slas-
aðist í öðru af tveim sprengjutilræð-
um á ferðamannastöðum á Spáni í
fyrradag var enn í lífshættu í gær.
Hafa spænsk yfirvöld dreift mynd af
félaga í aðskilnaðarsamtökum Baska
(ETA) en hann er efstur á lista yfir
þá sem grunaðir eru um aðild að til-
ræðunum.
Þjóðverji, 24 ára, sem einnig slas-
aðist alvarlega í sprengingunum, var
úr lífshættu að lokinni aðgerð, að
sögn spænskra embættismanna.
Hollendingurinn og Þjóðverjinn
voru meðal átta manna sem slösuð-
ust í fyrri sprengingunni, á hóteli á
Alicante. Nokkrum mínútum síðar
særðust fjórir lögreglumenn sem
voru að girða af hótel þar sem
sprengja sprakk á Benidorm.
Sprengjan í ferðatösku
Héraðsstjórinn í Valenciahéraði,
sagði að maður á tvítugsaldri, sem
hafði pantað tvær nætur á hótelinu í
Alicante, væri talinn hafa skilið eftir
ferðatösku með sprengju á herbergi
sínu.
Hryðjuverkadeild spænsku lög-
reglunnar sagði manninn vera Jon
Joseba Troitino, 23 ára son dæmds
ETA-liða, Domingos Troitinos.
Spænsk yfirvöld lýsa eftir ETA-manni
Einn ferðamaður
enn í lífshættu
Madríd. AFP.