Morgunblaðið - 24.07.2003, Blaðsíða 24

LISTIR
24 FIMMTUDAGUR 24. JÚLÍ 2003 MORGUNBLAÐIÐ
FASTEIGNA
MARKAÐURINN
ÓÐINSGÖTU 4. SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri, lögg. fasteigna- og skipasali.
Skólavörðustígur
Stórglæsileg 102 fm útsýnisíbúð á efstu hæð í nýlegu
lyftuhúsi auk sérgeymslu á jarðhæð. Íbúðin sem er á
tveimur hæðum skiptist í forstofu með fataskápum,
stórar saml. stofur með mikilli lofthæð og miklu útsýni,
út af borðstofu eru flísalagðar svalir til suðurs. Gesta-
salerni, rúmgott eldhús með vönduðum innréttingum
og tækjum. Á efri hæð er stórt og vandað baðherb.
auk tveggja stórra herb. með góðum skápum. Mjög
vandaðar innréttingar og gólfefni. Mikil lofthæð. Inn-
felld halogen-lýsing í loftum. Áhv. húsbr. 6,9 millj. Verð
21,9 millj.
Lautasmári - Kóp. - „Penthouse“
Stórglæsileg 3ja herb. íbúð á efstu hæð með þvotta-
herbergi innan íbúðar. Íbúðin skiptist í forstofu,
þvottaherbergi, baðherbergi, eldhús, rúmgóða stofu
með mikilli lofthæð og svölum til suðurs, stórt hjóna-
herbergi og barnaherbergi. Parket á öllum gólfum
nema flísar á baðherbergi og þvottaherbergi. Áhv.
húsbr. 6,3 millj. Verð 13,5 millj.
ÞAÐ kennir óneitanlega margra
grasa í Listasafni Hafnarfjarðar,
Hafnarborg þessa dagana, en auk
afmælissýningar sem haldin er í til-
efni þess að 20 ár eru nú liðin frá því
að Hafnarborg tók að setja svip sinn
á menningarlíf bæjarins, þá hýsir
safnið einnig sýningu á kínverskri
alþýðulist og teikningar bandarísku
listakonunnar Barböru Cooper.
Alþýðulist á fornum grunni
Kínverska alþýðulistin sem finna
má í Apóteki Hafnarborgar er öll úr
safni Wang Shucun, fræðimanns á
sviði kínverskrar mynd- og alþýðu-
listar. Wang hefur sl. 60 ár safnað
að sér þúsundum gamalla kín-
verskra muna á borð við málverk,
tréristur, klippimyndir, útsaum og
fleira og hefur safn hans verið sýnt
víða um heim auk þess sem fræði-
maðurinn sjálfur hefur haldið fyr-
irlestra.
Þau verk sem hér er að finna eru
flest hver pappírsverk, sem ein-
kennast af umtalsverðri breidd, þó
einnig megi finna stöku útsaums-
gripi nýlega ásýndar. Það eru hins
vegar pappírsverkin - steinristur,
tréskurður, ljósprent af myndum og
hefði vera þeirra þurft nánari skýr-
inga við, sem og prentverk sem hafa
verið máluð og unnin frekar og loks
myndir málaðar frá grunni - sem
eru aðall sýningarinnar er einkenn-
ist ekki af minni breidd er kemur að
gæðum verkanna. Enda eru verkin,
líkt og heiti sýningarinnar gefur til
kynna, unnin af ólíkum efnum,
ástæðum og tilefnum, svo ekki sé
minnst á listamennina sjálfa, sem
fæstra er getið með nafni. Þannig
eru sum verkin bæði gróf og stirð-
leg á meðan inn á milli leynast
snilldarvel unnar myndir líkt 8. ald-
ar búddatrúarmyndin af Bodhis-
attvas sem eignuð er Wu Dao-zi,
þekktum listmanni frá Tang keis-
aratímabilinu. Fínlegar skreytingar
og mýkt klæða Bodhisattvas talar
þar sínu máli um hæfni og kunnáttu
listamannsins. Verkin Bómull II og
Bómull IV frá 18. öld eru þá ekki
síður áhugaverð á að líta, fínleg og
full frásagnagleði, þó óhentug stað-
setning þeirra í kaffiteríu safnsins
komi í veg fyrir að þau fái notið sín
til fulls.
Það eru hins vegar sagan og hefð-
irnar, frekar en tæknilega þekking-
in og handverkið, sem eru áhuga-
verðustu þættir sýningar sem
þessarar og það er einmitt í því
samhengi sem stærsti galli sýning-
arinnar leynist. Kínversk menning
stendur á ævafornum grunni sem er
bæði fjarlægur og framandi flestum
sýningargesta Hafnarborgar og
hefði því þurft nánari skýringa við,
annað hvort í formi veggspjalda eða
sýningarskrár. Margt bendir til að
kínversk menning hafi þróast sam-
fleytt í meira en 5.000 ár og sú þró-
un hefur ekki síður haft áhrif á
myndmál og stílbrigði alþýðumynd-
listar, en hinna svo nefndu „hálista“
sem rætur sínar eiga að rekja til
Forboðnu borgarinnar. Báðir þessir
heimar eru íslenskum sýningargest-
um hins vegar afskaplega framandi
og þó fjöldi verka frá 18., 19. og 20.
öld kunni að endurspegla daglegt líf
almennings – bænda, fiskimanna og
barna að leik – og ná þannig að
kynna íslenskum sýningargestum
kínverska menningu, trú og lífsvið-
horf að vissu marki, þá er það ekki
nóg. Sýning á borð við Kínverskar
alþýðulistir býr yfir fjölmörgum
möguleikum á að kynna heillandi og
framandi menningarheim fyrir ís-
lenskum áhorfendum og í Hafnar-
borg er það ekki nýtt til fulls.
Náttúran í nærmynd
Það er allt annað yfirbragð yfir
sýningu bandarísku listakonunnar
Barböru Cooper í Sverrissal. Coop-
er sýnir þar formmyndanir náttúr-
unnar í yfirstærð - teikningar með
nöfnum á borð við Ýta, Toga og
Flæða, sem listakonan segir
sprottnar af dvöl sinni sem gesta-
listamaður á Akureyri sumarið 2000
og nálægðinni við íslensk náttúruöfl.
Stórar, svart-hvítar teikningar,
byggðar á hliðstæðum formum og
munstrum sem listakonan sér í jafn
ólíkum fyrirbærum og vatnsrennsli
og vaxtahringjum trjáa búa óneit-
anlega yfir nokkrum krafti, en ná
misvel að halda athygli sýningar-
gestsins. Þannig nær verkið Ýta til
að mynda að draga augað inn í
myndflötinn, á meðan stefnulaus
órói verksins Flæða virkar fráhrind-
andi. Flestar formmyndanir íslensk-
ar náttúru virðast hins vegar í með-
förum Coopers einkennast frekar af
óróanum en kraftinum og orkunni í
Ýta og fanga því, þrátt fyrir líflegar
teikningar listakonunnar, fyrir vikið
ekki áhorfandann sem skyldi.
Alþýðulistir og náttúrutöfrar
MYNDLIST
Listasafn Hafnarfjarðar,
Hafnarborg
Sýningarnar eru opnar frá kl. 11–17 alla
daga nema þriðjudaga og standa til 28.
júlí n.k.
KÍNVERSK ALÞÝÐULIST
BARBARA COOPER – TEIKNINGAR
Morgunblaðið/Árni Torfason
Ýta eftir Barböru Cooper.
Anna Sigríður Einarsdóttir
Morgunblaðið/Árni Torfason
Fögur stúlka á Quing-tímabilinu á
sýningunni kínversk alþýðulist.
LEIKFÉLAGIÐ Ofleikur
frumsýnir í kvöld Date í
Iðnó kl. 20. Leikritið samdi
Jón Gunnar Þórðarson,
stofnandi Ofleiks og leik-
stjóri sýningarinnar, í sam-
vinnu við leikhópinn. „Þeg-
ar við byrjuðum að æfa lá
ekkert fullmótað leikrit fyr-
ir, en ég var með grunn-
hugmynd sem síðan var
þróuð áfram m.a. gegnum
spuna. Kveikjuna að leikrit-
inu má rekja til vandræða-
legs augnabliks þegar einn
af aðstandendum hópsins
hellti óvart rauðvíni yfir stelpu sem
hann hitti á stefnumóti. Af því að þetta
var svo klúðurslegt þá var ágætt að
snúa því bara yfir í gott leikrit. Í raun
er hægt að vinna svo skemmtilega
margt út frá þessari hugmynd og öllu
því vandræðalega við stefnumót. Allir
eiga að vera svo fínir á stefnumótum
og ef eitthvað fer svo úrskeiðis þá er
það enn hrikalegra fyrir vikið. Við er-
um sem sagt bara að gera góðlátlegt
grín að stefnumótamenningunni,“
segir Jón Gunnar. „En vissulega för-
um við líka út fyrir þetta efni og spinn-
um ýmsar sögur út frá persónum leik-
ritsins,“ segir Elín Vigdís Guðmunds-
dóttir sem leikur m.a. Dr. Lindu í
Date og hefur starfað með Ofleik frá
stofnun.
Date er fjórða leiksýning Ofleiks á
jafn mörgum árum. „Hingað til höfum
við, í hverju leikriti, tekið eitthvert
málefni fyrir sem skiptir miklu máli í
þjóðfélaginu. Ofleikur hefur þannig
verið nokkurs konar baráttufélag
gegn þjóðfélagsmeinum. Í fyrstu upp-
setningu okkar, Einmana, tókum við
t.d. fyrir einelti, í E fjölluðum við um
fíkniefni og í fyrra tókum við fyrir for-
dóma gagnvart samkynhneigðum
með leikritinu Johnny Casanova. Í
Date ber raunar ekki á neinum bein-
um áróðri, en kannski var líka bara
kominn tími til þess að skemmta okk-
ur vel. Mig langaði þannig til að taka
sumarið með trompi í gleði og gamni
áður en ég færi út,“ segir Jón Gunnar,
en í haust liggur leið hans til London
þar sem hann hefur þriggja ára leik-
stjórnarnám við Drama Centre Lond-
on.
Að mati Elínar og Jóns Gunnars á
efniviður leikritsins vel við í dag.
„Þetta málefni er í deiglunni núna eins
og sést best t.d. á vinsældum Djúpu
laugarinnar og uppgangi stefnumóta-
vefsíðna. Þessi stefnumótastemmning
er Íslendingum svo framandi, því við
hreinlega kunnum þetta ekki og fyrir
vikið verður þetta svo skemmtilega
vandræðalegt. Í sýningunni erum við
að reyna að leiðbeina áhorfendum
smávegis, en þó fyrst og fremst að
vara þá við því hvað beri að forðast.
Auk þess gerum við óspart grín að öll-
um sjálfshjálparbókunum sem fjalla
um það hvernig best er að næla sér í
maka,“ segir Jón Gunnar.
Alls taka ellefu leikarar þátt í Date,
auk tónlistarmannanna tveggja sem
mynda hljómsveitina Hr. Sívertsen,
en hátt á fjórða tug kemur nálægt
uppfærslunni. Að sögn Elínar leika
allir fleira en eitt hlutverk því það
koma hátt í fjörutíu persónur fyrir í
verkinu. „Í raun er tvöfalt skemmti-
legra að fá að takast á við fleiri en eina
persónu í einni og sömu sýningunni,“
segir Elín og Jón Gunnar bætir við:
„Það er líka mjög gaman að hafa bún-
inga- og hárkolluskipti á fimm sek-
úndum.“ Að sögn Elínar og Jóns
Gunnars hefur leikhópurinn verið
duglegur að redda öllu sem þurft hef-
ur að redda fyrir sýninguna. „Hóp-
urinn gerir í raun allt sjálfur, smíðar
leikmyndina, sér um búningana og
reddar öllu sem þarf að redda. Þannig
að leikhúsið er bara lífið okkar þessa
dagana.“ Hljómsveitirnar O.N.E. og
Hanz sömdu sitt hvort lagið sem flutt
er í sýningunni og eru lögin þegar
komin í spilun í útvarpinu. Elín Ósk
Gísladóttir sér um hljóð og Ingi Einar
Jóhannesson hannar ljósin. Date er
styrkt af skapandi sumarstörfum
Hins hússins, Ungu fólki í Evrópu og
Kópavogs- og Hafnarfjarðarbæ. Fyrr
í þessum mánuði opnuðu aðstand-
endur sýningarinnar vefsíðuna date.is
og má þar finna allar nánari upplýs-
ingar um persónur og leikendur.
Stefnumót
í spéspegli
Morgunblaðið/Arnaldur
Benedikt Karl Gröndal og Elín Vigdís Guð-
mundsdóttir í hlutverkum sínum.
PÁLÍNA Árnadóttir fiðluleik-
ari og faðir hennar, Árni Ar-
inbjarnarson, organisti
Grensáskirkju, leika á hádeg-
istónleikum í Hallgrímskirkju
kl. 12 í dag. Flutt verða verk
eftir Händel, Bach og Viv-
aldi. Tónskáldin voru sam-
tímamenn, Bach og Händel
fæddir í Þýskalandi árið 1685
og Vivaldi á Ítalíu sjö árum
áður. Engu að síður unnu
þeir við mjög mismunandi að-
stæður. Vivaldi, oft nefndur
rauði presturinn vegna þess
að hann var rauðhærður,
starfaði lengst af sem tónlist-
arkennari við skóla mun-
aðarlausra stúlkna í Fen-
eyjum, Bach var kirkju-
tónlistarmaður í Norður-
Þýskalandi og Händel starf-
aði stóran hluta ævi sinnar á
Englandi.
Fyrst á efnisskránni er
Sónata í d-dúr eftir Georg
Friedrich Händel sem Pálína
leikur við undirleik föður
síns. Þá leikur Árni Prelúdíu
og fúgu í g-dúr eftir Jóhann
Sebastian Bach. Síðast á efn-
isskránni er svo Sónata í
d-moll, op. 2, nr. 3 eftir Ant-
onio Vivaldi.
Feðgin leika á hádegistónleikum
Morgunblaðið/Arnaldur
Árni Arinbjarnarson og Pálína Árnadóttir.