Morgunblaðið - 24.07.2003, Blaðsíða 18
SUÐURNES
18 FIMMTUDAGUR 24. JÚLÍ 2003 MORGUNBLAÐIÐ
AKUREYRI
„ÉG hef alltaf verið með örugga
vinnu á sumrin, þar til í ár. Það var
því fínt að fá vinnu hjá bænum,“
sagði Helgi Már Helgason, flokks-
stjóri í bæjarvinnunni hjá Grinda-
víkurbæ. Hann var ásamt félögum
sínum að skrapa málningu af leik-
skólanum við Dalbraut og búa sig
undir að mála hann.
Vegna breytinga hjá atvinnufyr-
irtækjunum í Grindavík kom upp
sú staða í vor að erfitt var fyrir
nemendur á framhaldsskólaaldri
að fá sumarvinnu. Brást bæj-
arstjórn Grindavíkur við því með
því að efna til sérstaks atvinnu-
átaks og hafa tíu ungmenni unnið í
sumar við fegrun umhverfisins.
Jón Guðmundsson hjá Grindavík-
urbæ segir að krakkarnir hafi stað-
ið sig afar vel í sumar. Þau hafi að-
allega verið að mála. Þannig sé
búið að mála allt sem hægt er að
mála við höfnina en sjaldnast hafi
unnist tími til þess áður að taka allt
í gegn. Ungmennin máluðu hafn-
arkantana, kranana, viktarhúsið og
ljósastaura, auk annars. Þá getur
hann þess að mikið hafi verið unnið
að hreinsun umhverfisins í bænum,
þannig hafi hátt í 600 tonn af járna-
rusli verið flutt úr bænum og reka-
viður hreinsaður af fjörum.
Fimm úr hópnum voru að skrapa
ónýta málningu af leikskólanum
við Dalbraut þegar blaðamaður var
á ferðinni í Grindavík. Helgi Már
og Ragnar Daði Jóhannsson, félagi
hans, sögðu að vel hafi viðrað til
málningarvinnu í sumar og frábært
að geta unnið svona mikið úti við.
„Það er verst að maður brann all-
ur,“ segir Ragnar Daði. Þegar ekki
hefur verið hægt að mála hefur
tíminn verið notaður til að tína rusl
og fleira en þeir félagarnir við-
urkenna að það sé heldur leið-
inlegra en að mála.
Helgi Már er varamarkmaður
Grindavíkurliðsins í knattspyrnu
og var að leika sinn fyrsta leik í
byrjunarliði daginn áður og Ragn-
ar Daði var í liðinu í fyrsta skipti,
að vísu á bekknum allan tímann.
Var það bikarleikur gegn Skaga-
mönnum. Þeir voru ánægðir með
þessi tímamót á íþróttaferlinum en
hörmuðu að leikurinn skyldi tap-
ast.
Tíu ungmenni vinna við sérstakt atvinnuátak í sumar
Hef alltaf haft
örugga sumarvinnu
Morgunblaðið/Helgi Bjarnason
Fimm frískir skrapa málningu af leikskólanum við Dalbraut.
Grindavík
FÉLAGAR í Von, unglingadeild
Slysavarnafélagsins Landsbjargar, í
Sandgerði höfðust við í gúmbjörgun-
arbát í fimmtíu og sex klukkustundir
um helgina. Tilgangurinn var að
safna fjármunum til reksturs deild-
arinnar.
Sextán ungmenni tóku þátt í fjár-
öfluninni. Gúmbjörgunarbátur var
festur við akkeri í Sandgerðishöfn,
nálægt björgunarskipinu Hannesi Þ.
Hafstein. Þar voru þau í blíðskap-
arveðri, fjögur og fjögur í senn.
Safnað var áheitum hjá fyrirtækjum
og einstaklingum fyrir hverja
klukkustund sem ungmennin höfð-
ust við í bátnum. Gekk söfnunin
ágætlega og höfðu þau um 250 þús-
und krónur upp úr henni og koma
þeir fjármuni sér vel við starfsemina.
Morgunblaðið/Reynir Sveinsson
Unglingarnir úr slysavarnadeildinni Von köstuðu sér í höfnina í Sandgerði
og syntu að bryggju þegar takmarkinu í söfnuninni var náð.
56 tímar í gúmmíbát
Sandgerði
LIÐLEGA 77 milljóna króna
hagnaður varð af rekstri Bláa
lónsins ehf. á árinu 2002 á
móti 14 milljóna króna tapi
árið áður. Er það í fyrsta
skipti sem hagnaður er af
starfseminni.
Fram kemur í Fréttaveit-
unni, fréttablaði Hitaveitu
Suðurnesja, að gengisþróun
skipti miklu um afkomu Bláa
lónsins vegna þess hversu
skuldsett fyrirtækið sé. Á síð-
asta ári hafi gengisþróun ver-
ið hagstæð um rúmar 62
milljónir króna en árið áður
var hún neikvæð um næstum
því sömu fjárhæð.
Á aðalfundi Bláa lónsins
ehf. var Gunnar Örn Gunn-
arsson kosinn í stjórn félags-
ins sem fulltrúi Nýsköpunar-
sjóðs og Einar Sigurðsson
sem fulltrúi Flugleiða.
Áfram sitja Eðvarð Júl-
íusson, fulltrúi Grindavíkur-
bæjar, en hann er stjórnar-
formaður og Júlíus Jónsson
og Albert Albertsson, báðir
frá Hitaveitu Suðurnesja,
sem á um þriðjung hlutafjár í
félaginu.
Í varastjórn sitja Samúel
Guðmundsson frá Olís og Sig-
urður Valur Ásbjarnarson frá
Eignarhaldsfélagi Suður-
nesja.
Aðalfundur Bláa
lónsins ehf.
Hagnaður
í fyrsta
skipti
Grindavík
FJÖLSKYLDUHÁTÍÐIN „Ein
með öllu!“ verður haldin á Akureyri
um komandi verslunarmannahelgi.
Þetta er þriðja árið í röð sem hátíð-
in er haldin undir sömu formerkj-
um, sem fjölbreytt skemmtun fyrir
alla fjölskylduna. Val á skemmti-
kröftum, skipulag dagskrár og af-
þreyingar og öll umgjörð hátíðar-
innar miða að því að allir
aldurshópar geti fundið eitthvað við
sitt hæfi. Hagsmunafélagið Vinir
Akureyrar stendur fyrir hátíðinni
með fulltingi Akureyrarbæjar og
með þátttöku fjölmargra fyrirtækja
heima og að heiman. Fremri kynn-
ingarþjónusta hefur skipulagt há-
tíðina og heldur utan um fram-
kvæmd hennar, fyrir hönd Vina
Akureyrar.
Ekki þarf að greiða aðgangseyri
þegar komið er til Akureyrar né
heldur á Ráðhústorg eða Akureyr-
arvöll þar sem skemmtidagskrá há-
tíðarinnar fer fram. Fjölbreytt dag-
skrá verður á Ráðhústorgi á
föstudagskvöld, eftir hádegi á laug-
ardag, laugardagskvöld og eftir há-
degi á sunnudag, þar sem blandað
verður saman skemmtiatriðum fyrir
alla fjölskylduna og tónleikum
margra af vinsælustu hjómsveitum
landsins. Unglingadansleikur verð-
ur í KA-heimilinu á laugardags-
kvöld og DJ-partý á sunnudags-
kvöld (aldurstakmark 16 ár). Að
sjálfsögðu verða síðan dansleikir og
diskótek á skemmtistöðum bæjar-
ins öll kvöldin.
Meðal skemmtikrafta sem fram
koma á hátíðinni sjálfri, það er á
Ráðhústorgi og/eða Akureyrarvelli
eru hljómsveitirnar Papar, Í svört-
um fötum, Írafár, Land og synir,
Gis & The Big City Band, Douglas
Wilson, XXX-Rottweiler, Bent &
7Berg, Brain Police, Úlfarnir og
Hundur í óskilum. Þá má nefna at-
riði úr hinum vinsælu barnaleik-
ritum Benedikt búálfi og Stígvélaða
kettinum og Fílinn, Sigurvin Jóns-
son, fyndnasta mann Íslands. Að
auki munu margar áðurnefndra
hljómsveita koma fram á skemmti-
stöðum bæjarins en þar bætast
fleiri sveitir og skemmtikraftar í
hópinn, þeirra á meðal hljómsveitin
Stuðmenn. Hápunktur hátíðarinnar
verður á sunnudagskvöldinu. Hann
hefst með grillveislum í hverfum
bæjarins en lýkur með skemmtun
og flugeldasýningu á Akureyrar-
velli. Auk skipulagðrar dagskrár er
boðið upp á fjölbreytta afþreyingu
sérstaklega í tengslum við hátíðina.
Bragi Bergmann hjá Fremri
sagði að markmið Vina Akureyrar
væri að halda fjölskylduhátíð af
bestu gerð, þar sem allir aldurs-
hópar geti fundið fjölbreytta
skemmtun og afþreyingu við sitt
hæfi. Fólk á öllum aldri er velkomið
til bæjarins og að sjálfsögðu er
einnig vonast eftir virkri þátttöku
bæjarbúa. Ekkert aldurstakmark
er á hátíðina en landslögum verður
að sjálfsögðu fylgt á Akureyri um
verslunarmannahelgina eins og á
öðrum tímum árs.
Næg tjaldsvæði eru á Akureyri.
Skátafélagið Klakkur rekur tjald-
svæði við Þórunnarstræti og að
Hömrum í suðurjaðri bæjarins, rétt
norðan Kjarnaskógar. Þar er
skemmtilegt útivistarsvæði og báta-
leiga. Strætisvagnar Akureyrar
verða með ferðir milli miðbæjar
Akureyrar og tjaldsvæðisins að
Hömrum. Bragi sagði mikilvægt að
þeir sem kæmu til Akureyrar um
verslunarmannahelgina færu
ánægðir heim eftir góða dvöl í bæn-
um og kæmu aftur að ári, því stefn-
an væri að festa hátíðina í sessi sem
fjölskylduhátíð og halda hana ár-
lega.
Fjölskylduhátíðin „Ein með öllu“
Markmiðið að
halda fjöl-
skylduhátíð
af bestu gerð
GRÆNLANDSFLUG hefur
fengið framlengt bráðabirgðaleyfi
til áætlunarflugs milli Akureyrar
og Kaupmannahafnar til næstu
áramóta.
Félagið hefur flogið tvisvar í
viku frá 28. apríl síðastliðnum, á
mánudögum og fimmtudögum.
Upphaflega fékkst leyfi til sex
mánaða sem nú er framlengt fram
að áramótum, en það er einungis
tímabundin lausn fyrir félagið.
Ragnheiður Vigfúsdóttir hjá
Ferðaskrifstofu Akureyrar sagði í
samtali við Morgunblaðið að það
væru margir Norðlendingar sem
hefðu nýtt sér þessa þjónustu.
„Við erum að senda á bilinu
fjögur til fimm hundruð manns út
á mánuði sem ég tel nokkuð gott,
en það sem vantar er að fá fleiri á
móti frá Danmörku. Það er reynd-
ar ekki skrítið miðað við þann fyr-
irvara sem var á þessu í byrjun.
Við misstum af hellingi af fólki, því
þetta fór í sölu seint í apríl, en í
febrúar og mars var sprenging á
markaðinum þegar Express kom á
markaðinn og ég tel að þá höfum
við misst töluvert af viðskiptum.
Mér finnst það slakt að framleng-
ingin á leyfinu skuli aðeins vera
fram að áramótum. Það hamlar
okkur verulega því núna eru
Norðurlandabúar og Evrópubúar
að undirbúa sitt prógram fyrir vet-
urinn, en við megum bara selja
fram að áramótum. Ég get nefnt
eitt lítið dæmi þessu til stuðnings,
en við ætluðum að fara að vinna
með skíðafélögum í Danmörku.
Eðlilega þurfa félagsmenn að
ferðast mjög mikið, en við getum
ekkert gert nema Grænlandsflug
fái leyfi til lengri tíma,“ sagði
Ragnheiður.
Ragnhildur Hjartardóttir, ráðu-
neytisstjóri í samgönguráðuneyt-
inu, sagði við Morgunblaðið að það
væru viðræður í gangi um málið.
„Staðan er sú að íslensk stjórn-
völd hittu dönsk stjórnvöld og full-
trúa frá Grænlandsflugi í júní síð-
astliðnum, samningsaðilar fóru
heim með ákveðna vinnu og næsti
fundur verður í september. Þetta
er svolítið óvanalegt mál, vegna
þess að um er að ræða grænlenskt
flugfélag sem flýgur frá Dan-
mörku til Íslands og þá er allt ann-
að regluverk sem er í gangi en ef
það væri að fljúga á milli Græn-
lands og Íslands,“ sagði Ragnhild-
ur.
Kaupmannahafnarflug
Leyfi framlengt
til áramóta