Morgunblaðið - 24.07.2003, Blaðsíða 20
AUSTURLAND
20 FIMMTUDAGUR 24. JÚLÍ 2003 MORGUNBLAÐIÐ
LANDIÐ
ÞAÐ er ekki ólíklegt að staðhættir við
Steingrímsfjörð á Ströndum hafi eitt-
hvað með þá staðreynd að gera að
þaðan koma bæði Strandamaðurinn
sterki Hreinn Halldórsson og Sverrir
Guðbrandsson sem sigraði í krafta-
keppni á sumarhátíð í Sævangi annað
árið í röð.
Það var Sauðfjársetur á Ströndum
sem stóð fyrir keppninni, en á vegum
setursins er nú starfrækt sögusýning
í Sævangi annað árið í röð. Krafta-
keppnin var liður í sumarhátíð sem
fór fram í blíðskaparveðri. Fjöldi
manns lagði leið sína í Sævang og
tóku flestir viðstaddra þátt í leikjum
og hvers konar þrautum, s.s. belgja-
boðhlaupi, gestaþrautum og fjöl-
skyldufótbolta. Eins og aðra sunnu-
daga í sumar var boðið upp á
kaffihlaðborð. Heimalningarnir á
staðnum fylgdust forvitnir með því
sem fram fór, en gestum gefst kostur
á að gefa þeim á föstum tímum á
morgnana og seinnipart dags.
Það voru svo tíu tröllauknir
Strandamenn sem skráðu sig í áður-
nefnda kraftakeppnina sem var afar
jöfn og spennandi. Sverrir þótti fyr-
irfram sigurstranglegur, en til að
veita honum sem harðasta samkeppni
skoraði stjórnandinn á íbúa handan
fjalls og framsóknarmenn að senda
sína fulltrúa til keppni.
Hvorir tveggja tóku áskorun en
auk þeirra Kristins H. Gunnarssonar
alþingismanns og Jens V. Hanssonar
bónda í Mýrartungu í Reykhólasveit
voru keppendur úr flestum hreppum í
Strandasýslu. Fyrsta keppnisgreinin
var brúsaburður og tók Sverrir þá
þegar forystu í keppninni. Þá var
járnkarlakast og þar átti Jens úr
Reykhólasveitinni lengsta kastið sem
mældist rúmir tíu metrar. Þá köstuðu
menn girðingastaurum þar sem
lengsta kastið taldi einnig til stiga.
Því næst var farið í drumbadrátt en
þrátt fyrir að rekaviðardrumbar séu í
hverri fjöru á Ströndum virtist þessi
keppnisgrein vera kraftajötnunum
einna erfiðust. Athygli vakti frammi-
staða yngsta keppandans, Jóns Gústa
Jónssonar. Hann er aðeins 15 ára
gamall og var að sögn viðstaddra sá
eini sem var grennri en drumburinn.
Lokagreinin var svo dráttarvéla-
dráttur og var einn sýningargripanna
af Massey Fergusson gerð nýttur í
þeirri grein. Þegar yfir lauk var ljóst
að Sverrir Guðbrandsson hafði sigrað
keppnina með 20 stig af 25 mögu-
legum en næstir komu Pétur Matth-
íasson í 2. sæti, Jens V. Hansson í
þriðja sæti, Matthías Lýðsson í fjórða
sæti og Guðjón Fr. Jónsson í 5. sæti.
Morgunblaðið/Kristín Einarsdóttir
Efstu menn í kraftakeppninni, frá vinstri Guðjón Fr. Jónsson, Matthías
Lýðsson, Jens, Pétur Matthíasson og Sverrir Guðbrandsson.
Sterkasti
Strandamaðurinn
Hólmavík
GÓÐUR matur á lágu verði og góð
þjónusta eru aðaláhersluatriði
nýrra eigenda Hótels Hvolsvallar á
Hvolsvelli. Síðastliðið vor festu
kaup á hótelinu þau Sigurður Jó-
hannsson og börn hans tvö, þau Jó-
hann Páll matreiðslumeistari og
Bryndís, ásamt manni hennar,
Halldóri Óskarssyni.
Á Hótel Hvolsvelli eru 40 her-
bergi, flest þeirra eru stór og rúm-
góð með baði í nýlegri viðbygg-
ingu við hótelið. Að sögn þeirra
Bryndísar og Jóhanns bjóða þau
uppá hádegis- og kvöldverð-
armatseðil á mjög sanngjörnu
verði eða tveggja rétta hádeg-
isverð frá 990 kr. og tveggja rétta
kvöldverð frá 1850. Reksturinn
leggst vel í systkinin en þau ætla
að efla starfsemina utan hefðbund-
ins ferðamannatíma með því að
höfða til starfsmannahópa og
bjóða uppá veislur og árshátíðir.
Þau vilja starfa í náinni samvinnu
við ferðaþjónustuaðila á svæðinu
og verða m.a. í samstarfi við Sögu-
setrið á Hvolsvelli þar sem hótelið
mun annast veitingar og einnig er
ætlunin að bjóða sérstaka tilboðs-
pakka í samvinnu við Sögusetrið í
vetur.
Á hótelinu verður boðin margs
konar þjónusta fyrir gestina, m.a.
verður nuddari með fasta tíma á
hótelinu fyrir gesti, boðið verður
uppá listsýningar og fl.
Bryndís og Halldór hafa verið
búsett í Rangárþingi eystra und-
anfarin ár en Jóhann Páll hefur
flust búferlum til að taka við hót-
elrekstrinum á Hótel Hvolsvelli.
Á hótelinu vinna nú 10 manns í
fullu starfi.
Morgunblaðið/Steinunn Ósk Kolbeinsdóttir
Á myndinni eru þau Bryndís og Jóhann Páll ásamt starfsstúlkum, þeim
Rebekku Kolbeinsdóttur og Sigurbjörgu Fríðu Ólafsdóttur.
Nýir eigendur taka
við Hótel Hvolsvelli
Hvolsvöllur
NÝTT hótel var opnað á Seyðisfirði
í vikunni og ber það nafnið Hótel
Aldan. Er það svokallað húsahótel
og hefur göngu sína í tveimur
gömlum húsum í miðbænum. Í öðru
húsanna var fyrrum rekið Hótel
Seyðisfjörður og þótti á sinni tíð
með betri hótelum landsins.
Húsin tvö standa við Norðurgötu
2 og Oddagötu 6 og voru þau fyrir
rúmri öld flutt inn til Seyðisfjarðar
ásamt fleiri timburhúsum. Síðar
verður hugað að því hvort hag-
kvæmt er að gera fleiri hús upp og
setja undir Hótel Ölduna.
Hugmyndin um húsahótel kom
fyrst upp fyrir mörgum árum, en
tók ekki á sig mynd fyrr en árið
1999. Þótti við hæfi að finna þess-
um gömlu húsum hlutverk í stað
þess að rífa þau. Þá var einnig ljóst
að svara yrði vaxandi þörf fyrir
gistirými á Seyðisfirði.
Hlutafélagið Fjarðaraldan hf.
var stofnað utan um verkefnið fyrir
um ári og sitja í stjórn þess Jó-
hanna Gísladóttir, Árni Páll Árna-
son og Gunnar Vignisson. Að-
alheiður Borgþórsdóttir, ferða- og
menningarfulltrúi Seyðisfjarðar
var ráðin framkvæmdastjóri fé-
lagsins.
Vinna við hótelið hófst í nóv-
ember á síðasta ári og voru það
einkum heimamenn sem komu að
henni. Arkitektar Hótels Öldunnar
eru Þóra Guðmundsdóttir og Björn
Kristleifsson.
Jóhanna Gísladóttir, stjórn-
arformaður Fjarðaröldunnar hf.,
sagði við opnun Hótels Öldunnar að
kostað hefði blóð, svita og tár að
gera hugmyndina að veruleika.
Margir góðir liðsmenn hefðu safn-
ast um verkefnið. Nefndi hún m.a.
til sögunnar Sigurjón Sighvatsson
kvikmyndagerðarmann, sem einnig
er hluthafi, Jón Karl Ólafsson,
framkvæmdastjóra Flugfélags Ís-
lands og formann Samtaka ferða-
þjónustunnar, Sigfús Jónsson hjá
Nýsi og bæjarstjórn Seyðisfjarðar.
Stórhuga menn sem fyrir
öld fluttu húsin frá Noregi
Sigurjón Sighvatsson sagði í
ávarpi að Jóhanna Gísladóttir,
Þóra Guðmundsdóttir og Að-
alheiður Borgþórsdóttir ættu mest-
an heiðurinn af því að hugmynd-
inni var hrint í framkvæmd og
hefðu þær lagt mikið starf af mörk-
um. Hann sagði að sín hugmynd
hefði fyrst og fremst verið að sjá
hvort hægt væri að tengja saman
einkaframtak og opinbert.
„Þetta hefði ekki hafst og væri
ekki í því sama hugsun, ef ríki og
bær hefðu ekki komið að málum.
Það fylgir gífurlegur stórhugur
þessum framkvæmdum og það er
við hæfi því að það voru stórhuga
menn sem fluttu inn þessi hús og
reistu þau fyrir heilli öld,“ sagði
Sigurjón.
Í húsinu við Oddagötu eru níu
herbergi, öll með baði. Sjö herbergi
eru tveggja manna og tvö þriggja
manna og tvöfaldar lokrekkjur í
þeim tveimur. Öll húsgögn og text-
íll í Oddagötu eru frá Indlandi.
Í húsinu við Norðurgötu eru
fimm herbergi með sameiginlegri
snyrtingu. Þar er einnig veit-
ingasalur og móttaka. Boðið er upp
á morgunverðarhlaðborð og einnig
er hægt að fá morgunverðinn í
rúmið í báðum húsum.
Rekstraraðilar og hótelstjórar
eru hjónin Ríkey Eysteinsdóttir og
Dýri Jónsson. Ríkey segir áherslu
lagða á að fólki líði sérstaklega vel
og andrúmsloftið sé notalegt og
sveitalegt. Ráða eigi úrvalskokk og
bjóða upp á vandaðan matseðil með
ýmsum sérkennum. Veitingasal-
urinn verður opinn sem kaffihús á
daginn og í framtíðinni sem veit-
ingastaður á kvöldin með lifandi
tónlist.
Fullbókað er í öll herbergi út
ágústmánuð og ögrandi framtíð-
arverkefni að laða að ferðamenn
yfir vetrartímann. Ríkey segist
bjartsýn á markaðssetningu hótels-
ins og segir ýmislegt í spilunum í
þeim efnum. Einkum eigi að mark-
aðssetja staðinn innanlands og í
Danmörku á næstunni.
Stærstu hluthafar í Fjarðaröld-
unni hf. eru Seyðisfjarðarkaup-
staður, Sigurjón Sighvatsson og
Byggðastofnun, en hún styrkti
verkefnið með 5 milljóna króna
framlagi. Kostnaður við húsið í
Oddagötu var um 40 milljónir
króna, en húsið í Norðurgötunni
kostaði tæpar 7 milljónir í end-
urgerð.
Draumurinn um húsa-
hótel að veruleika
Hótel Aldan opn-
að í tveimur ald-
argömlum húsum
Hjónin Sigríður Þórisdóttir og Sigurjón Sighvatsson eru hluthafar í hótel-
inu. Hjá þeim standa t.h. Árni Páll Árnason lögfræðingur, sem sá um alla
samningsgerð við verkefnið, og Jónas Hallgrímsson framkvæmdastjóri.
Seyðisfjörður
Morgunblaðið/Steinunn Ásmundsdóttir
Oddagata 6, annað af tveimur húsum hins nýja Hótels Öldunnar.
Dýri Jónsson og Ríkey Eysteinsdóttir eru rekstraraðilar og hótelstjórar
Hótels Öldunnar. Þau eru bjartsýn á framtíðina og ætla að dekra við gesti.