Morgunblaðið - 16.08.2003, Blaðsíða 43
FRÉTTIR
MORGUNBLAÐIÐ LAUGARDAGUR 16. ÁGÚST 2003 43
Nánari upplýsingar á www.lv.is og í síma 515 9000.
Verið einnig
velkomin í Kröflu,
Laxá, Búrfell
og Hrauneyjafoss!
Ljóðalestur í Ljósafossstöð á sunnudag
Ung ljó›skáld, félagar í N‡hil, lesa úr verkum sínum á sunnudag kl. 15.
Komi› og sko›i› s‡ninguna „Orka náttúrunnar - Náttúra orkunnar“.
Opi› alla helgina frá kl. 13-18.
Síðustu dagar í Blöndustöð
Nú fer hver a› ver›a sí›astur a› heimsækja
Blöndustö› í sumar.
Sí›asta opnunarhelgi – opi› frá kl. 13-17.
Opið hús í Vatnsfelli
N‡jasta aflstö› Íslendinga. Opi› laugardag og sunnudag frá kl. 13-17.
Spennandi
heimsókn
um helgina!
N
O
N
N
I
O
G
M
A
N
N
I
I Y
D
D
A
•
1
0
0
6
9
•
s
ia
.is
„EFTIR dvöl mína á Ítalíu í fyrra
fóru persónur að gera vart við sig í
málverkinu hjá mér. Ég hef verið að
hugsa um þetta fólk í nokkur ár, og
það var lengi rétt ókomið inn á
myndflötinn – en nú er það komið,“
segir Sjöfn Har myndlistarmaður,
sem segist þó eftir sem áður sjálfri
sér lík í myndlistinni, þar sem ís-
lenskt landslag er með í farteskinu,
en pensilskriftin önnur.
Sjöfn opnar sýningu á verkum
sínum í nýju galleríi að Skólavörðu-
stíg 25a kl. 20 á Menningarnótt fyrir
gesti og gangandi.
„Þetta eru mest konur – konur á
framabraut, ákveðnar og góðar með
sig, en líka einn eða tveir menn.
Þetta eru olíumálverk, en ég er líka
með vatnslitamyndir sem eru ljóð-
rænar stemningar um landið, með
áhrifum frá Ítalíu, en þar á ég við
gullið í myndunum, en það fann ég í
ekta fínni myndlistarbúð í sjálfri
Flórens.“
Sjöfn dvaldi í fimm vikur í Tosc-
ana á Ítalíu í fyrra við að mála, og
segir það alltaf hafa áhrif á sköp-
unina að dvelja á öðrum stað. Lands-
lagið er þó ekta íslenskt segir hún.
„Efnismeðferðin er þó kannski svo-
lítið mýkri í vatnslitunum – ég kem
öðru vísi að mótífinu.“
Góður andi í húsi Tofts
Nýtt gallerí Sjafnar er í þekktu
húsi við Skólavörðustíginn, en þar
var áður verslun H. Toft. „Ég er að
koma mér fyrir í þessu fallega húsi,
hér er bjart og hátt til lofts, gamalt
terrasógólf og gamall eikarstigi og
mjög góður andi. Hér ætla ég að búa
og hafa gallerí – galleríið er stofan
mín og stofan gallerí. Guðmundur
Gunnlaugsson arkitekt hannaði
þetta fyrir mig og gerði það snilld-
arlega. Ef ég fæ gesti get ég dregið
fyrir, þannig að galleríið sést frá
götunni en ég hef stofu fyrir innan.
Þetta er óvenjulegt og alveg frábær
lausn hjá Guðmundi.“
Sjöfn rak um árabil gallerí í List-
húsinu í Laugardal, en hætti því fyr-
ir tveimur árum, en rak áfram
vinnustofu á Eyrarbakka. Þá seldi
hún myndir sínar gegnum Gallerí
Fold. „Mér fannst ég verða sam-
bandslaus og veit ekkert hvert
myndirnar mínar fóru. Ég hef alltaf
nóterað hjá mér hver kaupir verkin
mín og hvert þau fara, því mér þykir
vænt um þau. Ég dafnaði ekki með
því að hafa verk mín eingöngu í sölu
annars staðar, og það er ástæðan
fyrir því að ég fer út í þennan slag
aftur. Þessu fylgir binding og maður
þarf að sinna viðskiptahliðinni á
myndlistinni, en það þykir mér of-
boðslega leiðinlegt. Aftur á móti sé
ég foreldra verkanna minna – þetta
eru jú börnin mín. Ég kann varla á
posavélina. En þetta er allt í lagi –
ég fylgi þá verkunum sjálf eftir alla
leið. Eftir sem áður er ég með vinnu-
stofu í gömlu rafstöðinni á Eyrar-
bakka, en í henni hef ég verið frá því
í vor og þangað hafa komið tæplega
þúsund manns og ég hef selt fullt af
stórum verkum og nóg að gera. Nú
er ég búin að prófa hvort tveggja að
vera listamaður með eigið gallerí og
að láta aðra selja fyrir mig og ég
þori alveg að segja að fyrir mig er
hið fyrra betri kostur.“
Sjöfn lauk prófum frá Myndlista-
og Handíðaskóla Íslands og stund-
aði framhaldsnám við Konunglegu
listakademíuna í Kaupmannahöfn.
Hún hefur sýnt víða heima og er-
lendis og verk hennar hafa selst til
um 30 landa. Henni hefur verið falið
að vinna ýmis verkefni, þar á meðal
Útflutningsverðlaun forseta Íslands
árið 2001.
Við opnun sýningarinnar leika
harmónikkusnillingarnir Tatu Kant-
omaa og Ólafur B. Ólafsson fyrir
gesti og gangandi.
Morgunblaðið/Kristinn
Sjöfn Har vann að lokafrágangi nýja gallerísins í gærdag.
Fólk komið í málverkið
KÚASÝNINGIN Kýr 2003 var
haldin á Hrafnagili í Eyjafirði í
nokkuð misjöfnu veðri hinn 8.
ágúst síðastliðinn. Keppendur
voru 31, flestir í barnaflokki en
alls voru 18 kálfar og 13 kýr
sýndar. Einnig var keppt í
„sveitafitness“ að hætti Guð-
mundar ráðsmanns og Brynjar
Finnsson bústjóri á Möðruvöllum
sýndi nautateymingu á hesti.
Áætlað er að 400–500 manns
hafi verið á sýningunni þegar
mest var en rigning seinni part-
inn setti nokkurt strik í reikning-
inn. Helstu úrslit voru þau að í
barnaflokki sigraði Ingvi Guð-
mundsson 6 ára með kálfinn
Hjört frá Fellshlíð, í unglinga-
flokki sigraði Eygló Halla Ingva-
dóttir með kvíguna Auðhumlu frá
Auðbrekku í Hörgárdal, fyrsta
kálfs kvígan Frú nr. 7 frá Möðru-
völlum í Hörgárdal varð hlut-
skörpust í sínum flokki og mjólk-
urkýrin Drottning nr. 48 frá
Miðhvammi í Aðaldal sigraði í
flokki mjólkurkúa. Drottning var
einnig valin gripur sýningarinnar.
Nánari úrslit og myndir frá
sýningunni má sjá á heimasíðu
Búgarðs, ráðgjafarþjónustu á
Norðausturlandi www.-
bugardur.is.
Drottning frá Miðhvammi og Árni Snorrason, en Drottning vann flokk
mjólkurkúa og var kjörin besti gripur sýningarinnar.
Drottning besti
gripur sýningarinnar
HEIMILI og menntir ehf. á Selfossi
hefur gefið út bókina: „Forritun í
Java“ eftir Ragnar Geir Brynjólfs-
son. Bókin er 255 síður með efnis-
yfirliti og heimildaskrá. Bókin inni-
heldur fjölda sýnidæma, leyst og
óleyst forritunarverkefni í forritun-
armálinu Java. Hún er fyrst og
fremst skrifuð sem námsefni fyrir
framhaldsskólanema sem leggja
stund á nám í forritun en hún getur
einnig nýst þeim sem áhuga hafa á
forritun í Java og vilja tileinka sér
hana. Menntamálaráðuneytið
styrkti höfundinn við gerð bókarinn-
ar. Til að spara nemendum útgjöld
var ákveðið prenta bókina ekki held-
ur dreifa henni á netinu á pdf formi
og jafnframt fara þess góðfúslega á
leit við hvern og einn sem notar hana
að greiða dálitla upphæð inn á reikn-
ing. Öllum er því heimilt að sækja
bókina á vefslóðina http://
www.home.is. Þar er einnig að finna
nánari upplýsingar. Ragnar Geir
Brynjólfsson er kerfisstjóri og for-
ritunarkennari við Fjölbrautaskóla
Suðurlands á Selfossi þar sem hann
hefur starfað síðan 1989.
Forritun
í java
komin út
Göngugarpar ÍT ferða verða með
göngu á morgun, sunnudaginn 17.
ágúst, upp með Glym. Sunnudaginn
24. ágúst verður gengið á Arnarfell
við Þingvallavatn og 31. ágúst verð-
ur gengið á Lambafellið.
Mæting er kl. 10, við Vetnisstöðina
(Shell/Skalli) við Vesturlandsveg.
Allar frekari upplýsingar á heima-
síðu ÍT ferða, www.itferdir.is
Ýsubeinaútskurður í Minjasafni
Austurlands Sýndur verður listaút-
skurður úr ýsubeinum í Minjasafni
Austurlands á morgun, fimmtudag-
inn 14. ágúst kl. 13–17. Gestir geta
reynt sig við útskurðinn og er þátt-
tökugjald 500 kr., efni er innifalið.
Á MORGUN