Morgunblaðið - 16.08.2003, Blaðsíða 45

MORGUNBLAÐIÐ LAUGARDAGUR 16. ÁGÚST 2003 45
DAGBÓK
STJÖRNUSPÁ
Frances Drake
LJÓN
Afmælisbörn dagsins:
Þú ert í tengslum við jörðina,
ert dramatísk og djörf mann-
eskja. Þú getur líka sýnt mik-
inn sprengikraft. Þrátt fyrir
þetta skrautlega yfirborð ertu
rólyndissál undir niðri. Árið
framundan verður auðugt af
tækifærum.
Hrútur
(21. mars - 19. apríl)

Annar dýrðardagur fram-
undan. Gefðu þér góðan tíma til
að sinna öllum verkum. Væntu
smá tafa og skorts að morgni,
en morgunninn er að sama
skapi góður tími til að rækta
félagslegu hliðina.
Naut
(20. apríl - 20. maí) 
Í dag er góður dagur til að njóta
nærveru fjölskyldunnar og ein-
faldlega njóta notalegrar veru
heima fyrir. Við eigum öll við
vanda að stríða en þú ættir að
setjast niður og líta á það góða í
lífinu.
Tvíburar
(21. maí - 20. júní) 
Þú skalt takast á við daginn
með drifkrafti og áhuga. Þetta
verður forvitnilegur dagur með
jákvæðum samskiptum og
óvæntum uppákomum síðdegis.
Ekki versla árla dags.
Krabbi
(21. júní - 22. júlí) 
Þar sem þú einbeitir þér að við-
skiptum og verslun um þessar
mundir er rétt að þú vitir að nú
er slæmur tími til að eyða fé.
Bíddu þar til síðdegis.
Ljón
(23. júlí - 22. ágúst) 
Í dag er heillandi dagur fyrir
þitt stjörnumerki. Samræður
um óvenjulega hluti örva huga
þinn. Þú getur lært mikilvægan
hlut í dag.
Meyja
(23. ágúst - 22. sept.) 
Reyndu að fá næði í fallegu um-
hverfi ef þú átt þess kost. Farðu
til dæmis í garð eða farðu í bíl-
túr út í sveit. Orka þín endur-
nýjast í ró náttúrunnar.
Vog
(23. sept. - 22. okt.) 
Þér finnst þú vera heillandi fé-
lagsvera í dag. En ekki gera
stórar skuldbindingar eða fall-
ast á mikilvæg loforð. Vinsældir
þínar eru miklar núna.
Sporðdreki
(23. okt. - 21. nóv.) 
Þú kannt að gera eitthvað í dag
sem dregur athyglina sérstak-
lega að þér. (Vonandi ekki rifr-
ildi á almannafæri.) Ekki skort-
ir sjálfstraustið og jákvæðnina í
dag.
Bogmaður
(22. nóv. - 21. des.)
Líkur eru á rómantík úr
óvæntri átt í dag. Rómantíkin
gæti tengst einstaklingi frá
öðru landi eða menningarsvæði.
Ef ekki verður rómantík, þá
verður hið minnsta notalegt
samtal.
Steingeit
(22. des. - 19. janúar)

Nýttu þér auðlindir annarra til
að gera bætur heimavið eða
innan fjölskyldunnar í dag. Ein-
hver er viljugur til að hjálpa þér
með vissan hlut í dag.
Vatnsberi
(20. jan. - 18. febr.) 
Samræður við systkin eða
maka í dag eru líflegar en engu
að síður ánægjulegar. Þú nýtur
þess að koma þér upp vina-
tengslum, og átt sérstaklega
auðvelt með það í dag.
Fiskar
(19. feb. - 20. mars) 
Undanfarið hefurðu keppst við
að taka til og skipuleggja heima
við og í vinnu. Taktu þér dag frá
til að sinna andlegri velferð.
Slappaðu af. Bíddu með mik-
ilvæg innkaup þar til síðdegis.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
ASKURINN
Hríðar um gættir, hreysið skelfur,
hrikta bjálkar og dyr.
Skáldið í Bólu er skinið af hungri,
en skapið líkt og fyr,
og heldur en bugast, beygja kné
og bjóða dauðanum inn,
sker það máttuga meginstafi
og myndir – í askinn sinn.
Þungum sökum er bóndi borinn
og bannfærð skáldsins ljóð.
Í rökkrinu minna rauðar glæður
á rjúkandi sauðablóð.
Hann bítur á jaxlinn, bölvar í hljóði
og beitir oddinum fast.
Allt hans líf var storkandi stríð
við stormanna iðukast.
– – –
Davíð Stefánsson
LJÓÐABROT
ÁRNAÐ HEILLA
75 ÁRA afmæli. EinarGrétar Björnsson
matsveinn, Naustabryggju
5, Reykjavík, verður sjötíu
og fimm ára á morgun,
sunnudaginn 17. ágúst. Af
því tilefni ætla hann og kona
hans, Angela Guðbjörg Guð-
jónsdóttir, að taka á móti
gestum á heimili sínu í dag,
laugardaginn 16. ágúst, á
milli kl. 15 og 20.
HJÁLMTÝR R. Bald-
ursson hreifst af spilinu sem
Ásmundur Pálsson sá í
beinni útsendingu á OK-
Bridge og birtist hér í þætt-
inum fyrir skömmu: „Ég
lenti í svipaðri uppákomu
um daginn þegar ég horfði
„yfir öxlina“ á einum á
MsnZone.com,“ skrifar
Hjálmtýr í bréfi til þáttarins
og teiknar upp þessa stöðu-
mynd:
Suður gefur; AV á hættu.
Norður
♠ K542
♥ Á64
♦ K85
♣K73
Vestur Austur
♠ ÁDG10 ♠ 9873
♥ 7 ♥ K52
♦ DG76 ♦ 94
♣Á1052 ♣G984
Suður
♠ 4
♥ DG10983
♦ Á1032
♣D6
Vestur Norður Austur Suður
– – – 2 hjörtu
Dobl 4 hjörtu Pass Pass
Pass
Hjálmtýr lýsir spilinu
svo:
„Vestur spilaði út trompi.
Lítið úr borði og austur tók
á kónginn og trompaði aftur
út. Fljótt á litið blasa við
sagnhafa fjórir gjafaslagir,
einn á hvern lit. En ekki er
allt sem sýnist, eins og þar
stendur. Sagnir eru lýsandi
og suður getur í raun spilað
sem á opnu borði. Hann tók
slag númer tvö heima og
spilaði spaða að kóngnum.
Vestur drap og spilaði spaða
áfram, sem sagnhafi tromp-
aði heima. Spilaði svo litlu
laufi undan drottningunni
að kóngnum og vestur gat
valið um það hvort hann yrði
skotinn eða hengdur. Hann
lét lítið lauf og kóngurinn
átti slaginn. Nafni hans í
spaða kom næst og lauf-
drottningu var hent. Síðan
spilaði sagnhafi tígli þrisvar
og vestur lenti inni og fjórði
tígullinn var loks trompaður
í borði með ásnum.“
Spilamennska suðurs er
glæsileg og byggist á bragði
sem heitir á ensku Mortons
Fork, eða gaffalbiti Mor-
tons. Umræddur Morton ku
hafa verið fjármálaráðherra
Hinriks áttunda og gat sér
það til frægðar að finna
óbrigðula leið til skattpína
aðalinn. Rök hans voru
þessi: Þeir sem berast mikið
á hljóta að vera ríkir og geta
því borgað háan skatt. Á
hinn bóginn safna hinir ráð-
deildarsömu gildum sjóðum
og eru því vel aflögufærir.
Kóngurinn þarf sitt.
Í þessu tiltekna spili hefði
austur getað bjargað makk-
er sínum undan gaffli Mor-
tons með því að skipta yfir í
lauf í öðrum slag.
BRIDS
Guðmundur Páll Arnarson
1. e4 c5 2. Rf3 Rc6 3. d4 cxd4
4. Rxd4 Rf6 5. Rc3 e5 6.
Rdb5 d6 7. Bg5 a6 8. Ra3 b5
9. Bxf6 gxf6 10. Rd5 Bg7 11.
Bd3 Re7 12. Rxe7 Dxe7 13.
c4 f5 14. O-O O-O 15.
Df3 d5 16. cxd5 f4 17.
Hfc1 Kh8 18. Rc2
Bd7 19. Re1 Hg8 20.
Be2 Bf8 21. Rd3 He8
22. Hc7 Dd8 23. Hac1
Hg6 24. Dh5 Bd6 25.
Ha7 De7 26. h3 f5 27.
exf5 Hf6.
Staðan kom upp í
ofurmóti í Dortmund
sem lauk fyrir
skömmu. Vladimir
Kramnik (2.785)
hafði hvítt gegn
Teimour Radjabov
(2.648). 28. Rc5! Hc8
Svartur fengi tapað tafl ef
sjöunda reitaröðin myndi
opnast fyrir hrókinn eftir 28.
… Bxc5 29. Hxc5 Dxc5 30.
Hxd7 He7 31. Hd8+ og hvít-
ur vinnur. Í framhaldinu er
staða svarts gjörtöpuð. 29.
Hxd7 Hxc5 30. Hxe7 Hxc1+
31. Kh2 og svartur gafst upp.
SKÁK
Umsjón Helgi Áss
Grétarsson
Hvítur á leik.
Einn af dáðustu leik-
urum þjóðarinnar, Ró-
bert Arnfinnsson,
stendur í dag á merk-
um tímamótum. Hann
er kominn í hóp þeirra
sem fyllt hafa áttunda
áratuginn.
Róbert á að baki
meira en hálfrar aldar
glæsilegan leikferil.
Mörg hlutverka hans
gleymast ekki þeim
sem fylgst hafa með
leikhúslífi og eru komn-
ir yfir miðjan aldur.
Hver man ekki eftir
honum í hlutverki Púntila bónda,
Jóns Hreggviðssonar í Íslandsklukk-
unni, Bastíans bæjarfógeta í Kardi-
mommubænum og Salieris í Ama-
deusi – svo fáein dæmi séu nefnd?
Flestir muna þó líklega best eftir
Róberti í hlutverki Tevje mjólkur-
pósts í Fiðlaranum á þakinu. Þá sýn-
ingu bar hann uppi með þjóðkunnri
leiksnilli sinni, djúpri innlifun og
þekkingu, og miðlaði hann sviðinu
þeirri birtu sem gerði verkið stór-
kostlegt. Rúmlega 53 þúsund manns
sáu Fiðlarann á þakinu á sínum tíma
og var uppselt á allar sýningar sem
voru hátt í 100.
Það er unun að lesa þá leikdóma
sem Róbert hefur fengið á löngum
ferli. Hann hefur unnið marga leik-
sigra – og ekki aðeins hér heima
heldur einnig í Vestur-Þýskalandi
þar sem hann starfaði um tíma.
Róberti hefur hlotnast margvís-
legur heiður fyrir frammistöðu sína á
leiksviði, nú síðast orða frá forseta
Þýskalands. Sjálfur hefur hann þó
aldrei sóst eftir viðurkenningum af
neinu tagi. Hann er hæverskur að
upplagi og hefur velgengnin aldrei
stigið honum til höfuðs. Sú umbun
sem honum hefur verið dýrmætust í
starfi, er þakklæti fólksins og gleði
þess yfir því sem hann hefur verið að
gera. Hann hefur ekki beðið um
meira.
Róbert hefur leikið meira en 200
sviðshlutverk og í rúmlega 600 út-
varpsleikritum, auk þess sem hann
hefur leikið í fjölda sjónvarpsleikrita
og kvikmynda. Það liggur því í aug-
um uppi að hann hefur kynnst helstu
leik- og bókmenntaverkum þjóðar-
innar betur en margur annar. Hann
hefur þurft að skoða persónur og um-
hverfi frá mörgum sjónarhólum og
lifa sig inn í hlutverkin. Það er því
ekki lítið nám sem hann hefur að
baki!
Róbert er nákvæmnismaður og
ann sér ekki hvíldar fyrr en hann hef-
ur náð góðum tökum á þeirri persónu
sem hann á að túlka hverju sinni.
RÓBERT
ARNFINNSSON
Ófáar nætur gekk hann
um gólf heima hjá sér á
meðan hann var að
gæða leikpersónu þeim
tóni sem hæfði verkinu.
Einna erfiðastur var
Bjartur í Sumarhúsum
en honum tókst um síð-
ir að ná honum þótt
aldrei yrði hann sáttur
við að leika hann.
Róbert er einlægur
og sannur í öllu því sem
hann tekur sér fyrir
hendur. Hann hefur
einstaklega fallega og
blæbrigðaríka rödd og
djúpt mannlegt innsæi sem nýtist
honum vel í starfi. Sjálfur hefur hann
sagt opinberlega að hæfilegur metn-
aður, sjálfsögun og sjálfstraust sé
lykillinn að því að árangur geti orðið
góður. Einnig hefur hann þakkað vel-
gengni sína því að hann hefur starfað
með góðu fólki alla tíð.
En mestu varðar, þegar allt kemur
til alls, að Róbert er ekki aðeins frá-
bær leikari heldur manneskja með
stórt og hlýtt hjarta, gegnheill og
góður drengur, sem finnur til með
því lífi sem bærist í kringum hann!
Um það geta allir þeir vitnað sem
hafa kynnst honum.
Róbert hefur stigið mörg gæfu-
spor um dagana, ekki aðeins á leik-
sviði heldur einnig í einkalífi. Þátta-
skil urðu á ævileið þegar hann giftist
föngulegri Eyjasnót, Stellu Guð-
mundsdóttur, fyrir tæpum 60 árum.
Sjálf átti hún stórafmæli fyrir rúm-
um hálfum mánuði. Það er mála
sannast að saga Róberts verður aldr-
ei skráð nema að hálfu leyti ef ekki er
minnst á þátt eiginkonunnar sem
hefur stutt mann sinn með ráðum og
dáð og búið honum fallegt og hlýlegt
heimili. Saman eiga þau fimm börn,
fjórar dætur og einn son, sem eru
björtustu sólargeislar lífs þeirra.
Róbert Arnfinnsson hefur gefið
þessari þjóð mikið af sjálfum sér.
Fyrir það ber að þakka á tímamót-
um. Hann dansar ekki Sorba lengur
eða breytir Salieri á andartaki úr far-
lama öldungi í mann á besta aldri og
öfugt. Þess í stað nýtur hann ævi-
kvölds með Stellu sinni í Kópavogi og
hlúir að sumargróðri í verðlauna-
garði þeirra hjóna, ekki síður en öðr-
um lífsblómum sem honum eru kær –
og unir sáttur við hlutskipti sitt – og
þakklátur fyrir góða og gjöfula ævi.
Ég þakka Róberti dýrmæta vin-
áttu og óska þeim Stellu báðum
hjartanlega til hamingju með árin
160! Það eru forréttindi að eiga þau
að vinum. Guð blessi þau um ókomin
ár.
Eðvarð Ingólfsson.
AFMÆLI
Þessar glaðlegu stúlkur söfnuðu 3.180 kr. til styrktar
Rauða krossi Íslands. Þær heita Hafdís Ragnarsdóttir,
Birgitta Hrönn Jónsdóttir og Katla Marín Stefáns-
dóttir, en á myndina vantar Ástþór Andra Jónsson,
sem safnaði með þeim.
HLUTAVELTA
Brúðkaup. Gefin voru sam-
an í Dómkirkjunni 14. júní
sl. af sr. Hjálmari Jónssyni,
Lilja Jóhanna Kristjáns-
dóttir og Sigurður Reginn
Ingimundarson.
MORGUNBLAÐIÐ birtir
tilkynningar um afmæli,
brúðkaup, ættarmót og
fleira lesendum sínum að
kostnaðarlausu. Tilkynn-
ingar þurfa að berast með
tveggja daga fyrirvara virka
daga og þriggja daga fyr-
irvara fyrir sunnudagsblað.
Samþykki afmælisbarns
þarf að fylgja afmælis-
tilkynningum og/eða nafn
ábyrgðarmanns og síma-
númer. Fólk getur hringt í
síma 569-1100, sent í bréf-
síma 569-1329, eða sent á
netfangið ritstj @mbl.is.
Einnig er hægt að skrifa:
Árnað heilla,
Morgunblaðinu,
Kringlunni 1
103 Reykjavík
FRANZ Fischler, sjávarútvegs-
stjóri ESB, var hér á ferð á dög-
unum. Við það tækifæri veitti
hann móttöku gjafakörfu með
ýmiss konar sjávarfangi frá ung-
liðum Samfylkingarinnar í
Reykjavík.
Karfan innihélt m.a. neongræn
loðnuhrogn, reyktan rauðmaga,
þorskalifur og kryddlegna síld,
en síld er einmitt ein af þeim út-
flutningsafurðum okkar sem ber
hvað hæst innflutningsgjöld í
löndum sem eru í Evrópusam-
bandinu.
Með afhendingu körfunnar
vildi ungliðahreyfing Samfylking-
arinnar í Reykjavík minna fram-
kvæmdastjórn Evrópusambands-
ins á mikilvægi sjávarútvegs fyrir
íslenskt samfélag og hversu ár-
íðandi er að tillit verði tekið til
sérstöðu Íslands í þeim efnum
þegar kemur að aðildarviðræðum
við sambandið, segir í frétta-
tilkynningu.
Gáfu Fischler sjávarrétti