Morgunblaðið - 02.09.2003, Page 4
FRÉTTIR
4 ÞRIÐJUDAGUR 2. SEPTEMBER 2003 MORGUNBLAÐIÐ
Skógarhlíð 18, sími 595 1000. www.heimsferdir.is
Nú getur þú
tryggt þér síðustu sætin í sólina í sept-
ember á hreint ótrúlegum kjörum og
tryggt þér síðustu sætin til Benidorm,
þessa vinsæla áfangastaðar. Hér ríkir
sumarhiti út október og hér getur þú
notið lífsins við
frábærar aðstæð-
ur og nýtur
traustrar þjónustu
fararstjóra
Heimsferða allan
tímann.
Munið Mastercard
ferðaávísunina
Stökktu til
Benidorm
17. og 24. sept.
frá kr. 29.963
Verð kr. 29.963
M.v. hjón með 2 börn, 2–11 ára, flug,
gisting, skattar. Staðgreiðsluverð.
24. sept. Ferðir til og frá flugvelli kr.
1.800. Almennt verð, kr. 31.460.
Síðustu sætin
Verð kr. 39.950
M.v. 2 í íbúð, flug, gisting, skattar.
24. sept. Ferðir til og frá flugvelli kr.
1.800. Almennt verð, kr. 41.950.
Hvenær er laust
3. sept. – 5 sæti
10. sept. – uppselt
17. sept. – 21 sæti
24. sept. – 19 sæti
1. okt. – 23 sæti
RANNSÓKNARNEFND flugslysa
hefur beint því til Flugmálastjórnar,
Landsvirkjunar, RARIK og Símans
að þessi fyrirtæki og stofnanir vinni
saman að því að draga úr slysahættu
vegna loftlína nálægt flugbrautum.
Koma þessi tilmæli fram í rannsókn-
arskýrslu nefndarinnar um óhapp
sem varð í júní í fyrra þegar flugvél
lenti á raflínu við flugvöllinn við For-
sæti í Villingaholtshreppi.
Vélin var af gerðinni Piper PA 28-
140. Fram kemur í skýrslunni að
flugmaðurinn hafi ákveðið að lenda á
flugvellinum á Forsæti áður en hann
hélt heim á leið til Vestmannaeyja.
Raflína er í aðflugsstefnu inn á flug-
brautina um 200 metra frá flug-
brautarendanum í um sjö metra hæð
yfir jörðu. Endi flugbrautarinnar er
ógreinilegur en þröskuldur hennar
auðkenndur með appelsínugulum
höttum.
Rannsóknarnefndin telur að flug-
maðurinn hafi ekki undirbúið aðflug
sitt að flugvellinum á Forsæti nægj-
anlega vel og álitið mörk moldar-
svæðis, sem er við enda flugbraut-
arinnar, vera flugbrautarendann.
Aðflugið hafi því verið framkvæmt í
of lítilli hæð. Í lokaaðfluginu sá flug-
maðurinn ekki raflínu sem var þvert
á aðflugsstefnuna þannig að flugvél-
in flaug á línuna. Raflínan slitnaði við
áreksturinn en áður hafði dregið það
mikið úr hraða flugvélarinnar að hún
ofreis og brotlenti um 150 metra frá
flugbrautarendanum. Flugmaðurinn
komst sjálfur út úr flakinu ómeiddur
og var búinn að slökkva á höfuðrofa
rafkerfisins, loka fyrir eldsneytið og
slökkva á neyðarsendi flugvélarinn-
ar þegar vegfarendur komu að slys-
staðnum.
Undantekningar að
símalínur séu enn í lofti
Í skýrslunni segir, samkvæmt
upplýsingum í Flugmálahandbók
Flugmálastjórnar, að loftlínur séu
allvíða við flugvelli. Nokkur slys hafa
orðið hér á landi þegar flugvélar hafa
flogið á slíkar línur. Í skýrslu Flug-
slysanefndar um flugóhapp þar sem
flugvél flaug á raflínu í aðflugi að
flugvellinum á Einholtsmelum þann
17. ágúst 1985 var eftirfarandi til-
lögu í öryggisátt beint til Flugmála-
stjórnar: „Athugað verði í samráði
við RARIK og LÍ [Landssíma Ís-
lands] á hvaða hátt sé áhrifaríkast að
gera raflínur, símalínur eða staura
þeirra, sem eru víða, nálægt braut-
arendum meira áberandi fyrir flug-
vélar í aðflugi.“
Rannsóknarnefndin segir að sam-
kvæmt upplýsingum frá Símanum
muni allar símalínur í dreifbýli hafa
verið lagðar í jörðu fyrir 15 til 20 ár-
um og heyri til undantekninga ef
loftlínur séu notaðar frá þeim tíma.
Þá muni Síminn láta fjarlægja síma-
línur ef upplýsingar berist um ein-
hvern stað þar sem slíkar línur séu í
nánd við flugvelli.
Þá hafa RARIK lýst sig fúsar til
að taka þátt í samstarfi við Flug-
málastjórn og aðra aðila til að fara
yfir öryggiskröfur varðandi línur í
nánd við flugvelli og leita leiða til að
draga úr slysahættu.
Tilmæli í skýrslu flugslysanefndar um atvik við Forsæti í júní 2002
Dregið verði úr hættu
vegna loftlína við flugvelli
Ljósmynd/Valdimar Guðjónsson
Frá vettvangi flugóhappsins við Forsæti í júní árið 2002. Öll hjól vélarinnar
brotnuðu þegar hún lenti í kartöflugarði við enda flugbrautarinnar.
HAUKUR Guðmundsson, eig-
andi Íshúss Njarðvíkur og Guð-
rúnar Gísladóttur, sem liggur á
hafsbotni við Lófóten í Noregi,
vonar að samningur við norska
björgunarfyrirtækið um áfram-
haldandi björgun fjölveiði-
skipsins klárist í dag. Í honum
felst að Seløy Under-
vannsservice tekur yfir eignar-
haldið á Guðrúnu, sem nokkurs
konar tryggingu fyrir greiðslu,
þangað til hún nær upp á yf-
irborð sjávar. Þá hefur fyrir-
tæki Hauks forkaupsrétt á
skipinu.
Haukur segir eigendur hafa
haft frumkvæði að þessum
samningi og reiknar með að
greiða björgunarmönnunum
eitthvað upp í um 50 milljóna
króna skuld í dag. Nú þegar
hafi 32 milljónir verið greiddar.
Þá hefjist björgunaraðgerðir
væntanlega aftur á morgun.
„Þetta snýst um það að leysa
þetta mál. Þeir og við eigum
þarna sameiginlegra hagsmuna
að gæta. Verið er að koma mál-
inu í þann farveg að við getum
lokið þessu verki og þá verða
allir sæmilega glaðir,“ segir
Haukur.
Hann segir að þessi tími, sem
farið hefur í björgun Guðrúnar,
hafi flestum stundum verið
skemmtilegur og spennandi.
Aðspurður hvort hann græði á
þessu neitar hann og segir að
það hafi aldrei verið hugmynd-
in. „Það var hugsanlegt að hafa
eitthvað upp úr þessu í upphafi
en það er löngu liðin tíð. Nú
snýst þetta um að klára verk-
efnið og komast eins skikkan-
lega frá þessu og hægt er,“ seg-
ir Haukur.
Græðir ekkert á
björgun Guðrúnar
Eignar-
haldi skips-
ins breyttGUÐNI Ágústsson landbúnaðarráðherra hefur
gert innflytjanda notaðs gripaflutningabíls og
tengivagns að senda tækin úr landi, en þau komu
hingað frá Þýskalandi. Styðst ráðherra þar við
lög um dýrasjúkdóma og varnir gegn þeim. Aft-
urkallar ráðherra þarna áður útgefna heimild
þar sem skilyrði fyrir innflutningnum, sem yfir-
dýralæknir setti, höfðu ekki verið uppfyllt.
Var bílnum, ásamt tengivagni, landað upp úr
einu skipa Eimskips fyrir helgi og hefur staðið
óhreyfður í Sundahöfn. Bílasali flutti ökutækin
inn fyrir hönd bónda úr Borgarfirði en þau voru
áður notuð til svínaflutninga í Þýskalandi. Voru
áform uppi um að breyta honum til flutninga á
sauðfé. Áður en bíllinn kom til landsins gaf land-
búnaðarráðherra út heimild að uppfylltum ýms-
um skilyrðum sem embætti yfirdýralæknis setti.
„Bóndinn var búinn að fá þær upplýsingar að
bíllinn væri hreinsaður og fínn en þegar menn
frá embætti yfirdýralæknis fóru að skoða vagn-
inn, með sínum næmu augum, þá kom í ljós að
hann var illa hreinsaður og illa lyktandi,“ segir
Guðni. Ennfremur kom í ljós að vottorð sem
fylgdi ökutækjunum frá Þýskalandi reyndist ekki
vera opinbert, eins og krafa er gerð um hér á
landi.
Engin áhætta tekin
Landbúnaðarráðherra segir að menn verði að
fara að lögum og reglum. Í ljós hafi komið að
vagninn hafi ekki staðist uppsettar kröfur til
varnar dýrasjúkdómum hér á landi. Engin
áhætta verði tekin í þessum efnum.
„Það er mjög mikilvægt að bæði bændur og
ýmsir þjónustuaðilar í landbúnaði átti sig á því
að þetta er grafalvarlegt mál. Við erum að verja
íslenska búfjárstofna fyrir sjúkdómum, eigum
hreint land og gerum okkur út fyrir að vera með
mikið matvælaöryggi. Þess vegna verður engin
áhætta tekin og svona tækjum verður vísað úr
landi. Við þurfum að verja okkar neytendur og
bjarga þeim frá áhættu á sjúkdómum sem grass-
era víða í Evrópu. Við leggjum ofurkapp á að
halda utan um hreinleika íslensks landbúnaðar
því það er okkar aðalsmerki,“ segir Guðni.
Ráðherra ætlar að senda
gripaflutningabíl úr landi
GÖMUL herflugvél af gerðinni
North American T6 lenti á Reykja-
víkurflugvelli um helgina á leið
sinni yfir Atlantshafið frá Banda-
ríkjunum. Hafði hún viðurnefnið
„Sitting Duck“ málað á stélið.
Sveinn Björnsson, eigandi Flug-
þjónustunnar, segir að vélin hafi
verið notuð til að þjálfa flugmenn
orrustuflugvéla fyrir seinni heims-
styrjöldina. Líklegt sé að hún hafi
verið seld frá Bandaríkjunum til
Evrópu enda vel með farin, stífbón-
uð og ekki olíuflekk að sjá. Slíkar
vélar eru ekki gefins og örugglega
draumur að fljúga þeim segir
Sveinn.
Frá árinu 1938 voru vélarnar
notaðar af flugherjum margra
ríkja. Haldið er fram að engin önn-
ur æfingavél hafi verið notuð af svo
mörgum ríkjum í jafn langan tíma.
Árið 1996 lagði flugherinn í Suður-
Afríku síðustu T6-flugvélinni sem
notuð var til að þjálfa flugmenn.
Morgunblaðið/Júlíus
Gömul herflugvél á Reykjavíkurvelli
FYLGI stjórnmálaflokkanna hefur
lítið breyst frá síðustu þingkosning-
um, samkvæmt nýrri könnun Gallup
sem gerð var í ágústmánuði. Í sömu
könnun sögðust 58% kjósenda styðja
ríkisstjórnina.
Miðað við þá sem afstöðu tóku í
könnuninni sögðust 36% ætla að
kjósa Sjálfstæðisflokkinn, var 34% í
kosningunum í vor, 31% Samfylk-
inguna, sama og í vor, 17% ætluðu að
kjósa Framsóknarflokkinn, sem er
einu prósenti minna en í kosningun-
um, og Vinstri grænir og Frjálslynd-
ir voru með kjörfylgið, eða 9% og
6,5%. Úrtakið var á nítjánda hundrað
kjósenda og svarhlutfallið var 67%.
Um 20% svarenda tóku ekki afstöðu,
neituðu að svara eða sögðust skila
auðu eða ekki kjósa ef kosið yrði nú.
Um 60% þeirra sem tóku þátt í
könnuninni lýstu ánægju með störf
Þórólfs Árnasonar borgarstjóra. Þá
er fylgi við stjórnmálaflokkana í
borgarstjórn Reykjavíkur svipað og
það mældist í febrúar þegar Þórólfur
tók við embætti: R-listinn nýtur 53%
fylgis, D-listi 45% fylgis og F-listi
2%.
Litlar breyt-
ingar á fylgi
flokka
Könnun Gallup