Morgunblaðið - 03.09.2003, Blaðsíða 10
FRÉTTIR
10 MIÐVIKUDAGUR 3. SEPTEMBER 2003 MORGUNBLAÐIÐ
FORSTJÓRI Íslenskra aðalverk-
taka, Stefán Friðfinnsson, segist
engan áhuga hafa á að krefja Vega-
gerðina skaðabóta þó að kæru-
nefnd útboðsmála telji þá ákvörðun
vera skaðabótaskylda og ólögmæta
að hafa hafnað öllum tilboðum í
gerð Héðinsfjarðarganga í vor.
Bæði fyrirtækin, ÍAV og sænski
verktakinn NCC International,
hafi meiri áhuga á að semja við
Vegagerðina um að fyrirtækin fái
verkið sem lægstbjóðendur þegar
framkvæmdir eigi að hefjast.
Sturla Böðvarsson samgöngu-
ráðherra telur eðlilegt að greiða
skaðabætur í samræmi við úrskurð
kærunefndar. Gert hafi verið ráð
fyrir því að bjóða göngin út að
nýju. Sú ákvörðun hafi ekki verið
dregin til baka að hafna öllum til-
boðum. Málið sé nú í höndum
Vegagerðarinnar.
Stefán Friðfinnsson segir að
fljótlega eftir að kærunefndin hafi
fellt úrskurð sinn hafi ÍAV og NCC
sent Vegagerðinni bréf og farið
fram á samningaviðræður. Ekkert
hafi gerst enn í þeim efnum en bú-
ast megi við fundahöldum með
Vegagerðinni á næstunni.
„Vegagerðin vill væntanlega
ekki sitja undir því að hafa brotið
lög og þá teljum við einfaldast að
ganga til samninga og klára þetta.
Við höfum engan áhuga á skaða-
bótum en ef ekki um semst þá
munum við skoða þann möguleika,“
segir Stefán.
Útlagður kostnaður fyrirtækj-
anna allt að 50 milljónir króna
Spurður um útlagðan kostnað
fyrirtækjanna við tilboðsgerðina
segir Stefán það ekki hafa verið
tekið saman. Þó sé ljóst að um tugi
milljóna króna sé að ræða, allt að
50 milljónir.
Kröfu ÍAV og NCC um að Vega-
gerðinni verði gert að halda útboð-
inu áfram var hafnað af kærunefnd
útboðsmála. Spurður um þetta seg-
ir Stefán að nefndin geti ekki neytt
menn til samninga sem ekki vilja
semja. Einfaldast sé að semja við
fyrirtækin sem skiluðu lægsta til-
boði.
Sturla Böðvarsson samgöngu-
ráðherra segist í samtali við Morg-
unblaðið ekki deila við dómarann
en hann sé engu að síður ekki sátt-
ur við niðurstöðu kærunefndar út-
boðsmála. Hún komi sér á óvart
þar sem í útboðsgögnum hafi verið
ótvíræð ákvæði um að verkkaupi
geti hafnað öllum tilboðum. Vega-
gerðin muni væntanlega ganga til
samninga við verktakana á grund-
velli úrskurðar nefndarinnar. Slíkir
samningar þurfi að standast út-
boðsreglur.
„Ég er ósáttur við niðurstöðu
nefndarinnar. Mikilvægt er að
stjórnvöld hafi möguleika á að
breyta framkvæmdaröð ef aðstæð-
ur og horfur eru þannig að hægja
þurfi á útgjöldum ríkisins,“ segir
Sturla.
Samgönguráðherra um útboð Héðinsfjarðarganga
Bætur verði greiddar í
samræmi við úrskurð
ÍAV vilja semja við Vegagerðina um að fá verkið
„ÞAÐ er greinilegt að Slóvenar
leggja mikla áherslu á að eiga við
okkur góð samskipti sem við kunn-
um vel að meta,“ sagði Halldór Blön-
dal, forseti Alþingis, í samtali við
Morgunblaðið í gær en hann er
staddur í Slóveníu, í opinberri heim-
sókn í boði Boruts Pahor, forseta
slóvenska þingsins. Með honum í för
eru þingmennirnir Guðmundur Árni
Stefánsson, Samfylkingu, og Einar
K. Guðfinnson, Sjálfstæðisflokki,
auk Þorsteins Magnússonar, for-
stöðumanns almennrar skrifstofu
Alþingis.
Halldór, Guðmundur Árni og Ein-
ar áttu fund með forseta slóvenska
þingsins í höfuðborginni Ljúbljana í
gær, en íslenska sendinefndin kom
til borgarinnar í fyrradag. Þeir
ræddi einnig við forsætisráðherra
Slóveníu, Anton Rop, í gær, sem og
utanríkisráðherra landsins, Dimitri
Rupel og mennta- og menninga-
málaráðherrann, Andreju Richter.
Halldór sagði að þeir og forseti
slóvenska þingsins hefðu m.a. rætt
samskipti landanna og innra starf
þinganna. Sagði hann að fundur
þeirra hefði verið mjög gagnlegur.
„Við lögðum áherslu á að það væri
mjög gagnlegt fyrir okkur að efla
samstarf þinganna og kynni milli
einstakra þingmanna.“
Vinahópur Íslands
stofnaður
Halldór sagði að þeim hefði þóttt
ánægjulegt að sjá að innan slóv-
enska þingsins hefði verið stofnaður
sérstakur vinahópur Íslands. Sagði
hann að þeir hefðu hitt formann
hópsins og rætt við hann í gær.
Hann sagði að þar hefði m.a. komið
fram mikill vilji til að efla samstarf
landanna „og auðvitað tókum við
undir það.“
Þá sagði Halldór að þeir hefðu
m.a. rætt um inngöngu Slóveníu í
Evrópusambandið, við forsætisráð-
herrann og utanríkisráðherra sem
og um þau vandamál sem við væri að
glíma í Slóveníu. Halldór sagði að
það væri ánægjulegt að sjá hve íbú-
um Slóveníu hefði tekist vel að
byggja upp sinn efnahag. „Hér er
jafnvægi í efnahagsmálum og ekki
annað að sjá en að allar forsendur
séu fyrir því að Slóvenum takist að
skipa sér í röð fremstu þjóða í Evr-
ópu innan fárra ára, bæði hvað varð-
ar lífskjör og alhliða uppbyggingu.“
Aðspurður sagði Halldór að vel
hefði verið tekið á móti íslenska
hópnum, en með honum í för er
einnig eiginkona hans, Kristrún Ey-
mundsdóttir.
„Mér er efst í huga hversu höfð-
inglegar og góðar móttökur við höf-
um fengið hér í Slóveníu,“ sagði
hann. Heimsókninni lýkur á morg-
un.
Halldór Blöndal í opinberri heimsókn í Slóveníu
Leggja áherslu á góð
samskipti við Ísland
Ljósmynd/Manca Juvan
Halldór Blöndal, forseti Alþingis, og Anton Rop, forsætisráðherra Slóveníu, fyrir fundinn í gær.
HALLDÓR Ásgrímsson, utanríkis-
ráðherra, segir að við nýjar aðstæð-
ur í alþjóðamálum verði mikilvæg-
ustu úrlausnarefni ríkja eins og
Íslands ekki leyst með innlendum
ráðstöfunum heldur með samstarfi
ríkja. Þetta kom fram í erindi sem
Halldór Ásgrímsson flutti á hádeg-
isverðarfundi í gær. „Grundvallar-
hagsmunir á borð við frið og öryggi
og afleiðurnar sem eru traustur
efnahagur, trygg atvinna, heilbrigt
umhverfi og sjálfbær auðlindanýt-
ing verða ekki varðir nema í milli-
ríkjasamstarfi,“ sagði utanríkisráð-
herra.
Halldór Ásgrímsson sagði að allt
benti til þess að næstu áratugir
yrðu tímabil hraðra breytinga og
sennilega færu saman breytingar
og frekari framfarir hérlendis. „Það
dugir lítið að velta fyrir sér hvort
menn eru með eða á móti ákveðnum
alþjóðlegum eða fjölþjóðlegum
samtökum og stofnunum því eftir
stendur að þar eru teknar ákvarð-
anir sem varða okkar framtíð. Þar
ber hæst Sameinuðu þjóðirnar, Al-
þjóðaviðskiptastofnunina, Atlants-
hafsbandalagið og Evrópusam-
bandið. Innan sumra þessara má
búast við að meirihlutaákvarðanir
og yfirþjóðlegar ákvarðanir fari
vaxandi. Það hefur vissulega ókosti
en um leið er dregið úr stórveld-
isáhrifum og rétti þess sterka. Svar
Íslands og annarra smærri ríkja
hlýtur því að vera virk og öflug
þátttaka í þessum samtökum og
stofnunum. Innan þeirra allra er
einhver ágreiningur og flokka-
drættir á grundvelli ólíkra hags-
muna eða hugmyndafræði en það
breytir því ekki að stórir og smáir,
hægri og vinstri, suður og norður,
iðnríki og þróunarríki, kristnir-
múslimar-hindúar og búddistar
skiptast á skoðunum, takast á og
leita að niðurstöðu. Við höfum ekki
minna fram að færa en aðrir og get-
um haft áhrif en það getum við að-
eins með öflugu starfi.“
Halldór Ásgrímsson
Virk þátttaka
í alþjóðasam-
tökum mikilvæg
VILHJÁLMUR Þ. Vilhjálmsson,
oddviti Sjálfstæðisflokksins í borg-
arstjórn Reykjavíkur, segir ótrú-
legt að fresta þurfi setningu Klé-
bergsskóla fjórða árið í röð vegna
framkvæmda við skólann.
„Það er ekki viðunandi fyrir
börnin, foreldra þeirra og starfs-
fólk skólans að svona sé að málum
staðið. Það á sérstaklega við síð-
ustu tvö árin eftir að því var bein-
línis lýst yfir að þetta myndi ekki
endurtaka sig,“ segir Vilhjálmur.
Fram kom hjá fulltrúum Sjálf-
stæðisflokksins í borgarráði í gær
að skólasetning hefði farið fram í
nokkrum öðrum skólum á tilsett-
um tíma þrátt fyrir að fram-
kvæmdum væri ekki lokið í skól-
unum. Af því tilefni óskuðu
sjálfstæðismenn eftir ítarlegum
upplýsingum um stöðu fram-
kvæmda í viðkomandi skólum,
ásamt því hvaða áhrif þær hefðu á
skólastarfið, nemendur og starfs-
fólk.
Vilhjálmur segir að foreldrar
barna í Klébergsskóla hefðu í sum-
ar lýst áhyggjum sínum yfir fram-
kvæmdunum og áhrifum þeirra á
skólastarfið, þegar hann mætti
einn borgarfulltrúa á sumarhátíð
hjá íbúafélaginu. Hann hefði þá
talið þær áhyggjur óþarfar enda
var búið að lýsa yfir að skólinn
yrði tilbúinn fyrir skólasetningu.
„Það er ótrúlegt að þetta skuli
síðan gerast fjórða árið í röð,“ seg-
ir Vilhjálmur sem bíður svara
borgarfulltrúa Reykjavíkurlistans.
Vilhjálmur Þ. Vilhjálmsson
Frestun setn-
ingar Klébergs-
skóla ótrúleg
„ÞAÐ kemur mér mjög á óvart að
þessi dráttur hafi orðið og ég
harma það mjög,“ segir Stefán Jón
Hafstein, formaður fræðsluráðs
Reykjavíkur um það að setning
Klébergsskóla á Kjalarnesi dróst
um eina viku en þetta er fjórða ár-
ið í röð sem kennsla dregst vegna
framkvæmda við skólann.
„Á fundi fræðsluráðs 22. ágúst
bauð ég sérstaklega fulltrúum
Fasteignastofu til að gera grein
fyrir stöðu mála í upphafi skóla-
árs,“ útskýrir Stefán Jón. „Þar
kom skýrt fram að hvergi væri
kreppa í uppsiglingu vegna bygg-
ingaframkvæmda. Fræðsluráði var
þó gert ljóst að skólastjóri Klé-
bergssskóla hefði beðið um
tveggja daga frestun á skólasetn-
ingu og var látið gott heita enda
innan skekkjumarka. Hitt lít ég
mjög alvarlegum augum ef satt er
að ekki hafi verið hægt að hefja
kennslu fyrr en viku síðar en ætl-
að er. Ég mun beina því til stjórn-
ar Fasteignastofu að taka málið
upp, enda rétti vettvangurinn, til
að upplýst verði hvað brást svona
illa, sé það málið. Ég tel óvið-
unandi að svona sé staðið að, sér-
staklega þar sem reynt hefur illa á
þolrif þeirra í Klébergsskóla áð-
ur.“
Stefán Jón Hafstein
Óviðunandi að
svona sé staðið
að málum