Morgunblaðið - 03.09.2003, Blaðsíða 20

LANDIÐ
20 MIÐVIKUDAGUR 3. SEPTEMBER 2003 MORGUNBLAÐIÐ
LJÓSMYNDASÝNING
MORGUNBLAÐSINS Á BLÖNDUÓSI
Í veitingahúsinu Við árbakkann á
Blönduósi stendur yfir sýning á verð-
launamyndum úr ljósmyndasam-
keppni sem Okkar menn, félag frétta-
ritara Morgunblaðsins á landsbyggð-
inni, og Morgunblaðið efndu til í vetur.
Á myndunum má sjá fjölbreytt við-
fangsefni fréttaritara Morgunblaðsins
sem starfa um allt land. Fólk er í
brennidepli linsunnar.
Sýningin stendur út septembermánuð.
Myndirnar eru til sölu í Myndasafni
Morgunblaðsins á mbl.is
LANDSMENN Í LINSUNNI
Ljósmynd: Lögreglan handsamar álft,
Jón Sigurðsson á Blönduósi.
NOKKRIR Mýrdæl-
ingar sem gistu um
helgina í fjallaskála inn við Botnlangalón, sem er
lón með afrennsli í Tungnaá, fengu að sjá hvernig
náttúran getur komið á óvart með öllum sínum fyr-
irbrigðum. Ljósadýrðin á himninum var engu lík og
engin önnur ljós sem trufluðu þessa norðurljósasýn-
ingu.
Morgunblaðið/Jónas Erlendsson
Skrautsýning á himni
Fagridalur
Í SUMAR hafa starfsmenn RARIK
unnið að því að leggja rafmagnskap-
al í jörð í nágrenni Grundarfjarðar.
Sá spotti sem nú hefur verið plægður
í jörð mun vera að nálgast 5 km og er
þar um að ræða lagningu jarðkapals
um Grundarbotn frá Kverná austan
við Grundarfjörð að bænum Grund
og síðan frá Hömrum að Vindási.
Þetta svæði er þekkt fyrir vindálag
að vetrum og mun þessi aðgerð
stuðla að meira öryggi í rafmagns-
málum í framtíðinni. Að sögn starfs-
mannanna mun ætlun RARIK að
halda áfram að leggja rafmagnið
þannig í jörð og munu þá rafmagns-
staurarnir aðeins verða til á ljós-
myndum.
Morgunblaðið/Gunnar Kristjánsson
Starfsmenn Rariks við lagningu jarðkapals við bæinn Vindás í Eyrarsveit.
Rafmagnsstaurarnir
kveðja einn af öðrum
Grundarfjörður
SÍÐASTLIÐINN sunnudag var Sól-
veigu Ólafsdóttur, fyrrverandi
kaupmanni á Grund á Flúðum,
haldið kveðjusamsæti í Félagsheim-
ili Hrunamanna. Sólveig kom að
Flúðum ásamt eiginmanni sínum,
Sigurgeiri Sigmundssyni, árið
1963. Þar voru þá aðeins fáein hús.
Þau stofnuðu nokkrum árum síð-
ar verslunina Grund, sem varð
fljótlega að eins konar „fé-
lagsmiðstöð“ sveitarinnar. Þar
voru margir kaffibollarnir drukkn-
ir og maður hitti mann og annan
eins og tíðkast í litlum samfélögum
og allt sveitafólk þekkir mætavel.
Árið 1985 urðu þau hjón fyrir þeirri
miklu lífsreynslu að verslunin
brann með öllu tilheyrandi. Með
áræði og dugnaði byggðu þau upp
að nýju, mun stæra húsnæði en áð-
ur. Sigurgeir lést í febrúar árið
1997 en Sólveig hélt ótrauð áfram
að þjóna sveitungum sínum með
fjölbreyttu úrvali af varningi sem
okkur sveitafólkið vanhagar helst
um.
Síðastliðið vor seldi hún Sam-
kaupum hf. eignir sínar á Grund.
Á annað hundrað manns sóttu
kveðjuhófið og tóku margir til máls
til að þakka henni árin fjörutíu sem
hún hefur verið hér í sveitarfé-
laginu en hún er flutt til Hafn-
arfjarðar.
Sólveigu
á Grund
haldið
kveðjuhóf
Hrunamannahreppur
Morgunblaðið/Sigurður Sigmundsson
Sólveig sem er fædd og uppalin í Borgarnesi fékk glerlistaverk að gjöf í
lokahófinu. Á því má greina mynd af Hafnarfjalli, Borgarfjarðarbrú og
Brákarey. Guðmundur Sigurdórsson sem hefur búið í næsta húsi við Sól-
veigu alla hennar búskapartíð á Grund afhenti gjöfina.
Á KÍSILVEGI við Geitafell er að
ljúka endurbyggingu vegarins á 3,2
km kafla. Verktaki er Alverk í Að-
aldal, sem er fyrirtæki Gunnars
Jónssonar í Klömbur. Gunnar gaf
sér tíma til að líta upp frá snyrtingu
vegkanta til að ræða við vegfarendur
um landsins gagn og nauðsynjar.
Hann á von á að slitlagið komist á nú
í vikunni og frágangi verður þá langt
til lokið. Gunnar segir næg verkefni
framundan.
Morgunblaðið/Birkir Fanndal
Kísilvegur endurbyggður
Mývatnssveit
FJÖLBRAUTASKÓLI Suðurlands
var settur nýlega og nemendur
fengu afhentar stundaskrár. Nem-
endaráð tók vel á móti nýnemum
með því að gefa þeim vöfflur. Ný-
nemar úr grunnskóla eru um 200 í ár
og alls eru nemendur nú 836 og
starfandi kennarar eru 71 en eftir er
að ganga frá ráðningu kennara í
Meistaraskóla. Aðrir starfsmenn eru
28. Það eru því um 930 manns sem
starfa í Fjölbrautaskóla Suðurlands.
Morgunblaðið/Sigurður Jónsson
Nemendaráð tilbúið með vöfflur og rjóma fyrir nýnemana.
836 nemendur í Fjöl-
brautaskóla Suðurlands
Selfoss