Morgunblaðið - 03.09.2003, Blaðsíða 40

ÍÞRÓTTIR
40 MIÐVIKUDAGUR 3. SEPTEMBER 2003 MORGUNBLAÐIÐ
A-RIÐILL 2. deildar í Evrópubik-
arkeppninni í frjálsíþróttum verð-
ur haldinn á Laugardalsvelli dag-
ana 19. og 20. júní á næsta ári.
Meðal Íslendinga í keppninni
verða Danir, Írar, Lúxemborg-
arar og Litháar í karla- og
kvennaflokki, Eistar í karlaflokki
og Norðmenn Austurríkismenn í
kvennaflokki. Síðast var keppni
af þessu tagi haldin hér á landi
árið 1985. Meðal íþróttamanna
sem líklega koma til landsins til
þátttöku eruStephane Graf hin
austurríska hlaupadrottning, Wil-
son Kipketer, heimsmethafi í 800
m hlaupi karla og jafnvel Erki
Nool hinn eistneski fjölþraut-
arkappi sem er Íslendingum að
góðu kunnur.
Alls mæta sjö erlend lið til
leiks og búast má alls við um 350
erlendum íþróttamönnum auk
fararstjóra, þjálfara og annarra
aðstoðarmanna, eða alls um 400
manns, auk Íslendinganna. Þessi
ákvörðun var kynnt á fundi Evr-
ópuþjóða sem haldinn var á und-
an þingi IAAF, sem fram fór í
París dagana 20.-21. ágúst.
„Þetta er stærsta verkefni sem
Frjálsíþróttasamband Íslands hef-
ur tekið að sér í nærri 20 ár,“
segir Jónas, formaður Frjáls-
íþróttasambands Íslands, FRÍ.
„Það var kominn tími til að Ís-
lendingar tækju að sér verkefni
af þessari stærðargráðu auk þess
sem það er mikilvægt fyrir okkur
keppa á heimavelli til þess að
vera fullgildir aðilar í samstarfi
þjóða,“ segir Jónas sem reiknar
með að um 150 starfsmenn komi
að mótinu og kostnaðurinn hlaupi
á allmörgum milljónum, sem að
hluta til verður greiddur af
Frjálsíþróttasambandi Erópu,
EAA. „Við höfum átt gott sam-
starf við Reykjavíkurborg og ég
vænti þess að borgin komi að
þessu verkefni með okkur, en
eigi að síður er ljóst að þetta
kostar þó nokkuð,“ segir Jónas
Egilsson, formaður FRÍ.
Evrópubikar í frjálsíþróttum
á Laugardalsvelli
Alfreð er að hefja sjöunda árið sittmeð félagið og á síðustu þremur
árum hefur hann krækt í sex titla
með liðið. „Ég er með samningsdrög
á borðinu heima um að vera við
stjórnvölinn hjá félaginu til ársins
2007 og ég á von á að ég skrifi undir
það á næstunni enda spennandi
tímar framundan. Við höfum verið
með sterkt lið undanfarin ár en nú er
svo komið að við verðum að endur-
nýja hjá okkur og það tekur einhvern
tíma. Markmiðið er að byggja upp
mjög sterkt lið á næstu tveimur ár-
um, lið sem getur náð langt á öllum
vígstöðvum.
Ég og fjölskyldan kunnum mjög
vel við okkur í Magdeburg og allt í
kringum liðið er eins og ég vil hafa
það – og ég fæ að ráða því sem ég vil
ráða,“ segir Alfreð og glottir.
Hvers vegna komstu til Íslands
með liðið?
„Mig hefur árum saman langað að
koma með liðið mitt hingað en mótið
byrjar of seint fyrir okkur. Hins veg-
ar er unglingalandslið Þýskalands að
keppa á HM í Brasilíu um þessar
mundir og fyrstu leikjum okkar í
deildinni var frestað þannig að tæki-
færi gafst til að koma hingað. Ég
held að skipuleggjendur Opna
Reykjavíkurmótsins ættu að færa
það aðeins framar þannig að fleiri er-
lend lið ættu þess kost að koma og
vera með.“
Hvernig verður veturinn hjá ykk-
ur núna eftir að Ólafur Stefánsson er
farinn?
„Veturinn leggst þokkalega í mig.
Það voru nokkuð mikil meiðsli hjá
lykilmönnum hjá mér í fyrra en nú
eru flestir til í slaginn og meðan ungu
strákarnir eru í formi lítur þetta
ágætlega út.
Við erum ekki með sambærilegan
mann í stöðunni hans Óla en aðrar
stöður eru í fínu lagi. Licu varð nið-
urstaðan hjá okkur í þá stöðu til að
byrja með, hann hefur staðið sig
ágætlega en er hægari en Óli og ekki
eins góður leikmaður, en hann á eftir
að lagast og venjast boltanum í efstu
deild á ný.“
Búinn að finna arftaka Ólafs
Það var fullt af mönnum sem komu
til greina í þessa stöðu, en enginn
þeirra sem ég vildi fá var á lausu. Ég
á þó von á að ég gangi frá samningi
við framtíðarmann í þá stöðu á næstu
dögum – en hann kemur ekki til okk-
ar fyrr en á næsta ári.
Margir miðlungsleikmenn vildu
koma til okkar en þeir vildu fá
þriggja ára samning og fullt af pen-
ingum, en ég vissi að þeir myndu ekki
duga. Licu og Abati verða því að
leysa stöðu Ólafs í vetur.“
Hvaða segja spámennirnir um
stöðu mála í vetur?
„Okkur er spáð í efri hlutanum
núna en framan af var okkur spáð
neðar. Við höfum leikið ágætlega á
þeim mótum sem við höfum tekið
þátt í og þess vegna er okkur spáð of-
ar núna. Við höfum reyndar þurft að
notast við lítinn hóp hingað til þar
sem ég er kominn með mjög ungt lið.
Af sautján manna hópi eru níu leik-
menn 22 ára eða yngri.“
Hvaða lið verða í toppbaráttunni?
„Lemgo og Flensburg eru með
svipuð lið og í fyrra og hafa heldur
bætt við sig þannig að þau verða
þarna í efstu sætunum. Önnur lið
eins og við, Gummersbach, Kiel og
Hamborg eru að endurnýja og
byggja upp og það er spurning
hvernig þessi vetur verður hjá þeim.“
Handboltinn alls
ekki deyjandi íþrótt
„Peningurinn er að aukast veru-
lega í þýskum handbolta, hann er að
færast inn í stórborgirnar á nýjan
leik og um leið kemur meira fjár-
magn. Ég held að Íslendingar fylgist
ekki alveg nógu vel með þróuninni í
Evrópu.
Maður heyrir nefnilega þá um-
ræðu hér á landi að handbolti sé
deyjandi íþrótt, en ég er alls ekki
sammála því. Handboltinn í Þýska-
landi er á mikilli uppleið og er þegar
búinn að skjóta íshokkíi og körfu-
bolta aftur fyrir sig.“
Hvað með Sigfús, er hann í góðu
standi fyrir veturinn?
„Fúsi er grennri og kraftmeiri
núna en oft áður. Það er samt stöðug
barátta hjá honum í þessum efnum.
Hann kom dálítið búttaður úr sum-
arleyfinu en hefur náð sér mjög vel á
strik og er búinn að spila fantavel,
nema á Reykjvíkurmótinu – ætli
hann hafi ekki verið eitthvað tauga-
spenntur að spila hérna heima.
Fúsi getur orðið gríðarlega sterk-
ur línumaður ef hann heldur rétt á
spilunum. Hann þarf meiri stöðug-
leika í einkalífinu og þá er ég að tala
um mataræði og annað. Atvinnu-
mennskan stendur aðeins í nokkur ár
og vilji menn standa sig í henni þarf
að fórna ýmsu – menn verða að vera
atvinnumenn í sér til að ná langt. Til
að menn verði stöðugir leikmenn en
ekki sveiflukenndir þannig að þeir
leiki frábærlega einn daginn og öm-
urlega þann næsta þurfa þeir að vera
alvöru atvinnumenn í öllu sem þeir
gera.“
Þið náðuð frábærum árangri á
heimavelli í fyrra, skiptir heimavöll-
urinn miklu máli í Þýskalandi?
„Það er rétt, heimavöllurinn er
mikilvægur í þýska boltanum. Við
vorum með besta árangurinn á
heimavelli, töpuðum ekki stigi, og á
útivelli vorum við með þriðja besta
árangurinn. Það er mjög erfitt að
spila á útivelli í Þýskalandi. Fullar
hallir af áhorfendum sem taka virkan
þátt í leiknum og dómararnir verða
frekar hliðhollir heimamönnum á
lokakafla leikjanna. Ég segi stundum
að til að eiga möguleika á að vinna á
útivelli verði maður að hafa fimm
marka forystu þegar fimm mínútur
eru eftir – þá fyrst á maður mögu-
leika.“
Nú ert þú að byggja upp framtíð-
arlið, sérðu enga Íslendinga í því liði?
„Maður er alltaf að skoða – alltaf
með augun opin fyrir góðum leik-
mönnum. Ég er að safna að mér
hæfileikaríkustu mönnum sem völ er
á, mönnum sem falla inn í þá mynd
sem ég er með af liðinu mínu eftir tvö
ár. Einnig er mikið af leikmönnum
sem kemur upp úr yngri flokkunum
hjá okkur, annar flokkurinn okkar
hefur til dæmis unnið titilinn í mörg
ár. Mínir leikmenn eru uppistaðan í
unglingalandsliðum Þýskalands
þannig að það er bjart framundan.
Það er hins vegar líka á hreinu að ég
fylgist vel með því sem er að gerast,
bæði hér heima og annars staðar.
Það er alltaf pláss fyrir góða leik-
menn, hvort sem þeir koma núna,
eftir tvö ár eða jafnvel þrjú ár.
Það er mikið af efnilegum strákum
hér heima en það vantar einna helst
meiri hæð. Skytturnar sem ég sé hér
eru um 190 sentimetrar, fljótir og
snöggir, en víða úti eru tveggja
metra menn sem eru jafn fljótir og
snöggir,“ sagði Alfreð Gíslason,
þjálfari Magdeburg.
Alfreð Gíslason, þjálfari þýska handknatt-
leiksliðsins Magdeburg, var hér á landi um
síðustu helgi með lið sitt. Í samtali við
Skúla Unnar Sveinsson kemur fram að
hann stendur á nokkrum tímamótum með
liðið, er að byggja upp ungt lið sem hann
ætlar að gera að stórveldi.
Morgunblaðið/Kristinn
Alfreð Gíslason fylgist með leik sinna manna á Opna Reykja-
víkurmótinu um síðustu helgi og landi hans og lærisveinn, Sig-
fús Sigurðsson, situr á varamannabekknum.
Það eru spenn-
andi tímar
framundan
skuli@mbl.is