Morgunblaðið - 03.09.2003, Blaðsíða 42
ÍÞRÓTTIR
42 MIÐVIKUDAGUR 3. SEPTEMBER 2003 MORGUNBLAÐIÐ
SAM Allardyce, knattspyrnustjóri
Bolton, er afar vonsvikinn yfir því að
hafa ekki tekist að fá Úkraínumann-
inn Sergei Rebrov leigðan til félags-
ins áður en frestur til félagsskipta
rann út í fyrradag. Rebrov er á
samningi hjá Tottenham en var í
sumar leigður til Fenerbahce í Tyrk-
landi. Allardyce segir að yfirvöldum
í Englandi hafi ekki lánast að ljúka
nauðsynlegri pappírsvinnu vegna
samningsins í tíma, en Rebrov og
Bolton höfðu hinsvegar náð sam-
komulagi um laun og ýmis persónu-
leg atriði.
STJÓRN þýska knattspyrnuliðs-
ins Borussia Dortmund hefur óskað
eftir því við leikmenn sína að þeir
taki á sig allt að 20% launalækkun.
Félaginu er nauðsynlegt að lækka
kostnað eftir að því mistókst að vinna
sér sæti í meistaradeild Evrópu.
Flestir leikmenn hafa tekið málaleit-
an stjórnarinnar vel, a.m.k. sýnt
henni skilning og eru tilbúnir að setj-
ast niður og ræða málið.
STEVE Harper, markvörður
Newcastle, verður frá keppni um
tíma eftir að í ljós kom að hann togn-
aði illa í aftanverðum lærvöðva í leik
gegn Aston Villa í ensku úrvalsdeild-
inni sl. laugardag.
FRANCO Sensi, forseti ítalska
liðsins Roma, segist hafa afþakkað
tæplega 25 millj. punda boð, jafnvirði
3,3 millj, króna, frá Chelsea í bras-
ilíska miðvallarleikmanninn Emer-
son.
PATRICK Viera, fyrirliði Arsenal,
segir að takist landa hans, Claude
Makalele að sýna sínar bestu hliðar
með Chelsea þá verði það til þess að
liðið geti keppt við Arsenal um enska
meistaratitilinn í knattspyrnu.
NICOLAS Anelka segir að Kevin
Keegan, knattspyrnustjóri Man-
chester City, hafi reynt að fá hann
ofan af þeirri ákvörðun að hætta að
leika með franska landsliðinu.
Anelka afþakkaði sæti í franska
landsliðinu í fyrravetur við litla kát-
ínu Jacques Santini, landsliðsþjálf-
ara. Nokkru síðar lýsti Anelka því
yfir að hann myndi ekki leika framar
með franska landsliðinu. Segir hann
þá ákvörðun sína standa óhaggaða.
QUINTON Fortune segir það vel
koma til greina að hann gefi ekki
kost á sér í landslið Suður-Afríku
sem tekur þátt í Afríkukeppni lands-
liða snemma á næsta ári ef þátttaka
hans í keppninni komi illa við vinnu-
veitendur hans hjá Manchester Unit-
ed. Á sama tíma og keppnin stendur
yfir verða leiknar fjórar umferðir í
ensku deildinni og tvær umferðir í
bikarkeppninni. Margir Afríkumenn
leika í ensku deildinni og hefur þátt-
takra sumra þeirra í Afríkukeppn-
inni á undanförnum árum valdið titr-
ingi á milli liða þeirra og landsliða.
FÓLK
VALSMENNIRNIR Ármann Smári Björnsson og Sig-
urður Sæberg Þorsteinsson voru úrskurðaðir í eins
leiks bann af aganefnd KSÍ í gær.
Þeir munu því ekki geta leikið gegn Fram 14.
september í 17. umferð Landsbankadeildarinnar.
Framarar munu ekki heldur geta stillt upp sínu
sterkasta liði því Baldur Þór Bjarnason verður í
leikbanni.
Guðmundur Sævarsson, FH, og Guðjón Heiðar
Sveinsson, ÍA, voru einnig úrskurðaðir í eins leiks
bann. Þorvaldur Makan Sigbjörnsson, KA, var
dæmdur í tveggja leikja bann og hann mun missa af
undanúrslitaleik KA og ÍA í bikarkeppninni og leik
KA gegn Fylki í 17. umferð efstu deildar.
Guðmundur Sævarsson mun ekki geta spilað með
FH gegn KR í undanúrslitum bikarkeppninnar en
Guðjón Heiðar verður í leikbanni þegar ÍA mætir
Grindavík sunnudaginn 14. september í Lands-
bankadeildinni.
Tveir Valsmenn í
banni í 17. umferð
Þetta er eitt besta sumar semKeflavík hefur átt. Við höfum
spilað marga góða leiki og verið sig-
ursælir. Okkur hef-
ur í raun gengið
mjög vel síðustu tíu
mánuði og það er
alltaf gaman að vera
hjá liði sem er mjög sigursælt,“
sagði Milan.
Sérðu fram á að þurfa styrkja lið-
ið fyrir næsta sumar?
„Það fer eftir því hvort einhverjir
leikmenn munu fara frá okkur eftir
tímabilið. Ég er með mjög góðan
leikmannahóp og ég treysti strák-
unum algjörlega til að spjara sig í
efstu deild. Það getur samt vel verið
að Keflavík muni fá til sín einhverja
nýja leikmenn til að styrkja hópinn
enn frekar.“
Þið hafið haft mikla yfirburði í 1.
deildinni.
„Já, við höfum leikið vel í sumar
og ég hef verið ánægður með strák-
ana. Þeir eru orðnir mjög vanir að
sigra og þeir geta ekki hugsað sér
að tapa leikjum. Við leikum alltaf á
fullum krafti og þó að við séum 3:0
yfir þá slökum við ekkert á. Við
höldum alltaf áfram að sækja og við
viljum sigra með sem mestum mun.
Á æfingum er líka mikil barátta og
strákarnir vilja sigra í öllum leikj-
um, sama hvort það er á æfingum, í
bikarkeppninni eða í fyrstu deild-
inni. Við erum byrjaðir að undirbúa
okkur fyrir næsta ár og við ætlum
að standa okkur vel næsta sumar.
Það er alls ekki auðvelt að vinna
sér sæti í efstu deild. Mörg lið hafa
átt í miklum erfiðleikum með að
komast aftur upp í efstu deild eftir
að hafa misst sæti sitt þar. Það sem
hefur hjálpað okkur á þessu tímabili
er hve andinn í liðinu er góður.
Liðsheildin í Keflavík er góð og
strákarnir hafa frábæran karakter.
Ég var lengi atvinnumaður og hef
upplifað margt í knattspyrnunni en
ég hef aldrei séð jafn samheldan
hóp af leikmönnum eins og í Kefla-
vík. Strákarnir eru allir góðir vinir
og það er virkilega gaman að vinna
með þeim.“
Hvort heldur þú að Þór eða Vík-
ingur fylgi ykkur upp í efstu deild?
„Það er nokkuð ljóst að við í
Keflavík ætlum að vinna báða leik-
ina sem við eigum eftir og annar
þeirra er gegn Víkingum. Við ætl-
um okkur að enda með 45 stig í
deildinni og það þýðir að við verðum
að sigra Víkinga og Njarðvíkinga.
Þór á eftir að spila við Stjörnuna í
Garðabæ og það verður mjög erfitt
fyrir þá að sækja þrjú stig þangað.
Ég get vel trúað því að við sigrum
Víkinga og Stjarnan vinni Þór. Það
er ekki ólíklegt að markatala lið-
anna muni útkljá hvort þeirra fylgi
okkur upp. Þetta verður mjög
spennandi og bæði lið eiga 50%
möguleika á að lenda í öðru sæti,“
segir Milan Stefán Jankovic, þjálf-
ari Keflavíkur.
Morgunblaðið/Brynjar Gauti
Keflvíkingar fögnuðu innilega í leikslok á laugardaginn, enda gulltryggðu þeir sér úrvalsdeild-
arsætið og sigur í 1. deildinni með því að leggja HK að velli.
Frábært sumar
hjá Keflavík
MILAN Stefán Jankovic, þjálfari Keflavíkur, er virkilega ánægður
með frammistöðu liðsins í sumar en Keflavík hefur tryggt sér fyrsta
sætið í 1. deildinni þegar tvær umferðir eru eftir og þar með sæti í
efstu deild næsta vor. Keflavík hefur haft nokkra yfirburði í 1. deild-
inni og það var snemma ljóst að liðið myndi ekki stoppa lengi í
næstefstu deild en Keflavík féll úr efstu deild síðasta haust.
Eftir
Atla
Sævarsson
Leiðrétting
Það var Jökull Elísabetarson sem átti
sendinguna í átt að marki Grindavíkur þeg-
ar KR-ingurinn Arnar Gunnlaugsson skor-
aði fyrsta mark KR gegn Grindavík í fyrra-
kvöld, ekki Kristinn Magnússon eins og
greint var frá í blaðinu í gær. Beðist er vel-
virðingar á mistökunum.
KNATTSPYRNA
3. deild karla
Höttur - Víkingur Ó .................................0:1
Helgi Reynir Guðmundsson 15.
Víkingur Ó í 2. deild, 2:0 samanlagt.
Númi - Leiknir R.......................................1:4
Ómar Bendtsen 60. - Helgi Pétur Jóhanns-
son 2., Róbert Arnarson 43., Einar Örn
Einarsson 48., Þórður G. Einarsson 80.
Leiknir R. í 2. deild, 7:2 samanlagt.
Spánn
Villarreal - Real Madrid ..........................1:1
Sonny Anderson 71. - Nunes 86.
Osasuna - Valencia ...................................0:1
Ruben Baraja 46.
Real Sociedad - Celta Vigo......................1:1
Darko Kovacevic 38. - Milosevic 63.
HJÓLREIÐAR
Gunnlaugur Jónasson vann Kambakeppn-
ina í götuhjólreiðum sem fram fór á sunnu-
daginn. Gunnlaugur kom í mark á 19 mín-
útum 45,2 sekúndum. Gunnlaugur hjólaði
upp brekkuna með 26,4 km/t meðalhraða
og var heildarhækkun um 320 metrar. Í
öðru sæti varð Albert Jakobsson á tíman-
um 21.16,8 mín., og Árni M. Jónsson þriðji
á tímanum 22.20,4.
Andri Egilsson sigraði í unglingaflokki á
27.08,0 og í piltaflokki vann Ólafur Mar-
teinsson á 22.16,1 sem var þriðji besti tími
allra keppenda í ár.
Stuðningsmannaklúbbur íslenska lands-
liðsins í knattspyrnu stofnaður
BÚIÐ er að stofna með formlegum hætti
stuðningsmannaklúbb íslenska landsliðsins
í knattspyrnu og hefur verið opnuð vefsíða
af því tilefni. Slóðin er: http://www.afram-
island.is.
Markmið klúbbsins eru meðal annars að
skapa meiri og betri stemmningu á leikjum
liðsins og auka aðsókn á þá, bæði hér heima
og erlendis.
FÉLAGSLÍF
KNATTSPYRNA
Efsta deild kvenna, Landsbankadeild,
síðasta umferð:
Hásteinsvöllur: ÍBV – KR .........................18
Hlíðarendi: Valur – Þór/KA/KS................18
Ásvellir: Þróttur/Haukar – FH.................18
Stjörnuvöllur: Stjarnan – Breiðablik .......18
Í KVÖLD
HELENA Ólafsdóttir landsliðsþjálfari
kvenna í knattspyrnu hefur valið landsliðs-
hópinn fyrir Evrópuleikinn við Frakka mánu-
daginn 8. september í Frakklandi. Einn nýliði
er í hópnum, Embla S. Grétarsdóttir úr KR.
Hópurinn er þannig skipaður að markverð-
ir eru Þóra Björg Helgadóttir KR og María
Björg Ágústsdóttir Stjörnunni.
Aðrir leikmenn eru: Ásthildur Helgadóttir,
Malmö, Olga Færseth, ÍBV, Erla Hendriks-
dóttir, Köbenhavn, Edda Garðarsdóttir, KR,
Laufey Ólafsdóttir, Val, Hrefna H. Jóhann-
esdóttir, KR, Dóra Stefánsdóttir, Val, Íris
Andrésdóttir, Val, Málfríður Erna Sigurð-
ardóttir, Val, Björg Ásta Þórðardóttir,
Breiðabliki, Margrét Lára Viðarsdóttir, ÍBV,
Erna B. Sigurðardóttir, Breiðabliki, Hólm-
fríður Magnúsdóttir, KR og Embla S. Grét-
arsdóttir, KR.
Embla eini nýliðinn í
kvennalandsliðinu
Helena Ólafsdóttir
Víkingur
og Leiknir
í 2. deild
Knattspyrnuliðið Víkingur
frá Ólafsvík tryggði sér í
gær tilverurétt í 2. deild á
næstu leiktíð en liðið lagði
Hött á Egilsstöðum, 1.0, í
síðari leik liðanna í úrslitum
3. deildar. Víkingar unnu
fyrri leik liðanna, 1:0, sem
fram fór í Ólafsvík s.l. laug-
ardag.
Það eru 18 ár síðan Vík-
ingar léku síðast í 2. deild
en liðið féll úr 2. deild árið
1985.
Höttur var í 2. deild síðast
árið 1996 er liðið féll það
sama ár.
Það er lið Leiknis úr
Reykjavík sem fylgir Vík-
ingum í 2. deild en Leiknir
lagði lið Núma, 7:2, sam-
anlagt, en Leiknir vann síð-
ari leik liðana 4:1. Leiknir
féll úr 2. deild s.l. haust en
lið Núma er að leika í 3.
deild í fyrsta sinn. Leiknir
og Víkingur mætast í úr-
slitaleik þrátt fyrir að liðin
hafi nú þegar tryggt sér
sæti í 2. deild að ári. Lið
Núma og Hattar mætast í
úrslitaleik um 3. sætið.
Sindri frá Hornafirði og
Léttir úr Reykjavík falla úr
2. deild og leika í 3. deild á
næstu leiktíð.