Morgunblaðið - 01.10.2003, Side 4

FRÉTTIR
4 MIÐVIKUDAGUR 1. OKTÓBER 2003 MORGUNBLAÐIÐ
LÍFTÆKNIFYRIRTÆKIÐ de-
CODE, móðurfélag Íslenskrar
erfðagreiningar, tilkynnti í gær um
áfangasigur í rannsóknum sínum á
offitu en fyrirtækið hefur unnið að
rannsóknunum í samvinnu við lyfja-
fyrirtækið Merck. Uppgötvun erfða-
efnisins er talin skipta miklu máli
fyrir þróun lyfja gegn offitu, að því
er segir í tilkynningu frá deCODE.
Ríflega þúsund konur hér á landi
tóku þátt í rannsókninni og tókst vís-
indamönnum deCODE að einangra
gen sem orkar þannig á sumt fólk að
það fitnar um of en á annað að það
heldur sér grönnu. Fyrirtæki munu
nýta sér þessa uppgötvun við
lyfjaþróun, segir ennfremur í til-
kynningunni. Þá mun deCODE fá
áfangagreiðslur fyrir uppgötvunina.
Ekki fékkst uppgefið hjá Íslenskri
erfðagreiningu hve háar þessar
greiðslur væru, en þær munu vera
umtalsverðar samkvæmt upplýsing-
um blaðsins.
Mikilvægt skref í átt að þróun
nýrra lyfja gegn offitu
„Offita og grannur vöxtur eru auð-
vitað nátengd fyrirbæri út frá líf-
fræðilegu sjónarhorni. Þetta eru
mjög spennandi niðurstöður því þær
benda til þess að við höfum fundið
mikilvægan þátt í líffræðilegu ferli
sem tengist stjórnun á líkamsþyngd
hjá konum,“ segir Kári Stefánsson,
forstjóri Íslenskrar erfðagreiningar.
„Við erum nú að vinna að því með
Merck að skilgreina hentug lyfja-
mörk innan þessa ferlis og leita lyfja-
efna sem hafa áhrif á virkni þeirra.
Þetta er mikilvægt skref í átt að þró-
un nýrra lyfja gegn offitu. Það er
mögulegt að slík lyf myndu verka
með því að nýta þau úrræði sem lík-
aminn býr sjálfur yfir til þess að við-
halda grönnum vexti,“ segir Kári.
Niðurstaða þeirra rannsókna sem
fram hafa farið á offitu og sykursýki
verða kynntar nánar á vísindadögum
Íslenskrar erfðagreiningar, sem
fram fara 12. til 19. október næst-
komandi.
DeCODE vinnur áfanga-
sigur í rannsóknum á offitu
Umtalsverðar
áfangagreiðslur
koma frá lyfja-
fyrirtækinu
Merck
KARVEL Ögmundsson útgerð-
armaður og heiðursborgari Njarð-
víkur hélt upp á 100 ára afmælið sitt
í gær. Hann bauð vinum og vanda-
mönnum til veislu á Garðvangi í
Garði og sótti fjölmenni hann heim.
Karvel er fæddur á Hellu í Beru-
vík í Breiðuvíkurhreppi á Snæfells-
nesi, sonur Sólveigar Guðmunds-
dóttur og Ögmundar Andréssonar.
Karvel hóf sjóróðra ungur með
Eggerti móðurbróður sínum, og
lauk stýrimannsprófi frá Stýri-
mannaskólanum á Ísafirði 1927.
Karvel kvæntist konu sinni, Önnu
Margréti Olgeirsdóttur, árið 1928
og fluttu þau fljótlega til Njarðvík-
ur. Karvel eignaðist sex börn með
Önnu, en eftir að hún féll frá eign-
aðist hann einn son til viðbótar með
sambýliskonu sinni, Þórunni Maggý
Guðmundsdóttur.
Karvel hóf útgerð og fiskvinnslu
á Suðurnesjum í samvinnu við Guð-
mund Þórarin bróður sinn og voru
þeir á tímabili með umfangsmestu
fiskverkendum landsins.
Karvel var í hreppsnefnd Kefla-
víkur og síðar Njarðvíkur og lét
mikið að sér kveða við uppbyggingu
Njarðvíkur. Hann tók mikinn þátt í
félagsstörfum og var einn af stofn-
endum Útvegsbænda Keflavíkur.
Hann hóf ritstörf kominn fast að
áttræðu og skrifaði ævisögu sína,
Sjómannsæfi, auk barnabóka.
Karvel Ögmundsson
fagnar aldarafmæli
ÞAÐ eru eflaust margir sem bíða
spenntir eftir að gægjast í fjárlaga-
frumvarpið fyrir næsta ár en því
var pakkað niður í kassa hjá prent-
smiðjunni Gutenberg í gær þar sem
það var prentað. Fjárlaga-
frumvarpið verður lagt fyrir Al-
þingi í dag og má búast við að það
verði milli tannanna á fólkinu í
landinu næstu vikur.
Morgunblaðið/Jim Smart
Fjárlagafrum-
varpinu pakkað
„ÞAÐ var okkar álit að þetta tvennt,
lóðarumsókn Landsbankans og hug-
myndir um tónlistar- og ráðstefnuhús
á Miðbakkanum, útilokaði ekki hvort
annað heldur gæti stutt hvort annað,“
segir Steinunn Valdís Óskarsdóttir,
formaður skipulags- og bygginga-
nefndar Reykjavíkurborgar, um
samþykkt borgarráðs í gær. Þá sam-
þykkti borgarráð að fela formanni
borgarráðs og formanni skipulags- og
byggingarnefndar að ganga til við-
ræðna við stjórnendur Landsbanka
Íslands vegna óskar bankans um lóð
undir höfðustöðvar hans í miðbæn-
um.
Á fundi borgarráðs Reykjavíkur í
gær var lagt fram bréf frá Björgólfi
Guðmundssyni, formanni bankaráðs
Landsbanka Íslands, þar sem óskað
er eftir viðræðum við Reykjavíkur-
borg um möguleika á að fá lóð austan
Pósthússtrætis og sunnan Geirsgötu
til ráðstöfunar fyrir aðalstöðvar
Landsbanka Íslands. „Lóðin þyrfti að
vera nægilega stór til að byggja 8–10
þúsund fermetra höfuðstöðvar á fjór-
um hæðum ásamt rúmgóðum bíla-
stæðum, auk rúmgóðs umhverfis fyr-
ir byggingu af þeirri gerð sem hentar
höfuðstöðvum fremsta banka lands-
ins,“ segir í bréfinu. Steinunn Valdís
Óskarsdóttir segir að samkvæmt
gömlu skipulagi hafi verið gert ráð
fyrir að þarna gæti hugsanlega komið
miðstöð strætisvagna. Í gegnum tíð-
ina hafi margir falast eftir þessari lóð
en ekki hafi verið vilji til að ráðstafa
henni. Núna væri hún að einhverju
leyti hluti af afmörkuðu svæði vegna
fyrirhugaðrar byggingar tónlistar-
húss og ráðstefnuhúss, svonefndu
TRH-svæði, en tillagan, sem hafi ver-
ið valin eftir samkeppni, geri ráð fyrir
því að tónlistar- og ráðstefnuhúsið
yrði norðan Geirsgötu.
Í bréfi Landsbankans kemur fram
að Landsbankinn hafi haft höfuð-
stöðvar sínar í miðborg Reykjavíkur í
rúma öld. Saga miðborgarinnar og
þróun höfuðstöðva bankans sé sam-
ofin og það sé vilji Landsbankans að
halda áfram að vera með aðalstarf-
semi sína í miðborginni. Þess er jafn-
framt getið að bankinn ætli áfram að
nýta bygginguna í Austurstræði 11
fyrir rekstur útibús, fundahöld og
gestamóttöku. „Því er æskilegt að
nýjar höfuðstöðvar verði í alveg
næsta nágrenni við núverandi höfuð-
stöðvar,“ segir í bréfinu og áréttað að
bankinn ætli að taka ákvörðun um
framtíðarhúsnæði á næstu mánuðum.
Að sögn Steinunnar Valdísar á að
reyna að flýta viðræðunum við full-
trúa Landsbankans. „Við teljum það
mjög jákvætt fyrir miðborgina að fá
þessa starfsemi þarna inn.“
Segir umsókn Lands-
bankans jákvæða fyrir
miðborg Reykjavíkur
Landsbankinn vill byggja 8–10 þúsund fermetra
höfuðstöðvar á fjórum hæðum í miðborginni

















 













  

 



   


 ! "
 ! "



 







  
 
TILBOÐ hafa verið opnuð hjá
Landsvirkjun í jarðvinnu og upp-
setningu vinnubúða fyrirtækisins í
Fljótsdal. Sex tilboð bárust og voru
þau öll yfir áætlun upp á 27,5 millj-
ónir króna. Eru vinnubúðirnar að-
allega hugsaðar fyrir eftirlitsmenn
Landsvirkjunar með framkvæmd-
um við Kárahnjúkavirkjun.
Lægst bauð Metalis ehf., eða 27,9
milljónir króna, þá Rafey ehf. með
tæpar 30 milljónir, Kristján Ólafs-
son bauð rúmar 34 milljónir í verk-
ið, Pípulagnaverktakar ehf. 36,5
milljónir, Kristján Jónsson 39,9
milljónir og hæst bauð Kluftir ehf.,
42,6 milljónir króna.
Í Fljótsdal verður Fosskraft
einnig með vinnubúðir, verktakinn
er reisir stöðvarhús Kárahnjúka-
virkjunar neðanjarðar í Teigs-
bjargi.
Útboð á vinnubúðum fyrir
Landsvirkjun í Fljótsdal
STJÓRN Reykjagarðs hf., sem rek-
ur stærsta kjúklingaframleiðslufyr-
irtæki landsins, hefur selt allan
rekstur og eignir fyrirtækisins til
nýs fyrirtækis með sama nafni í eigu
sömu aðila. Sláturfélag Suðurlands,
sem nýlega keypti allt hlutafé
Reykjagarðs af Kaupþingi-Búnaðar-
banka, segir í tilkynningu til Kaup-
hallarinnar að þessi ákvörðun hafi
verið tekin til að tryggja áframhald-
andi rekstur og ótruflaða verðmæta-
sköpun. Söluverð eignanna er 779
milljónir króna. Steinþór Skúlason,
forstjóri SS, segir að Reykjagarður
hafi verið rekinn með miklu tapi und-
anfarin misseri, en auk þess hafi ver-
ið verulegt tap á rekstrinum áður en
það komst í eigu SS. Þarna hafi því
verið mikill uppsafnaður vandi. Mikl-
ir erfiðleikar hafi síðan verið á inn-
lendum kjötmarkaði undanfarið eitt
og hálft ár og afkoma fyrirtækja í ali-
fuglaeldi, slátrun og úrvinnslu slök.
Steinþór segir að samningar sem
gerðir voru í gær, sem miðast við 1.
október, geri ráð fyrir yfirtöku eigna
sem sé mjög nálægt bókfærðu verði.
Samhliða hafi fjárhagur hins nýja fé-
lags verið endurskipulagður og því
muni SS leggja því til aukið eigið fé.
Steinþór segir að hluti skulda eldra
félags verði ekki yfirtekinn af nýjum
rekstraraðila og verði unnið að upp-
gjöri þeirra á næstu mánuðum.
Steinþór sagði aðspurður að þess-
ar breytingar leiði til bókhaldslegs
taps í reikningum SS. Hann sagði þó
meginatriðið vera að mönnum takist
að ná tökum á rekstri Reykjagarðs.
„Við teljum að við munum geta
náð töluverðri hagræðingu í rekstri
fyrirtækisins. Við teljum líka að á
næsta ári muni markaðurinn ná jafn-
vægi og afkoma í greininni komi til
með að batna. Ég tel að það sé alveg
ljóst að það á eftir að verða grisjun á
markaðinum. Með öðrum orðum, að
það muni ekki allir sem eru í rekstri í
dag halda áfram rekstri,“ sagði
Steinþór.
Eignir Reykjagarðs
voru seldar nýju félagi
Hluti skulda
verður eftir í
gamla félaginu