Morgunblaðið - 01.10.2003, Blaðsíða 17

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 1. OKTÓBER 2003 17
STÚDÍÓÍBÚÐIR - LEIGA
Til leigu nýjar og glæsilegar ca 40 fermetra stúdíóíbúðir á Bíldshöfða,
póstnr. 110. Um er að ræða bjartar og rúmgóðar íbúðir með fataskáp-
um, eldhúsinnréttingu, örbylgjuofni og ísskáp. Rúmgott baðherbergi
er innan íbúða með sturtu. Leigutími er frá 1. okt. 2003 til 30. maí
2004 eða lengur. Leiguverð er kr. 48.800 og er rafmagn og hiti innifal-
ið. Hentar sérstaklega vel fyrir nemendur Tækniháskóla Íslands.
Upplýsingar
í síma 590 0800.
Ólafur Blöndal.
Vogahverfi | Í Menntaskólanum við
Sund er hafin notkun á rafrænum
töflum sem eru byltingarkennd nýj-
ung, a.m.k. ef miðað er við hefð-
bundnar tússtöflur og gömlu krít-
artöflurnar. Nýju töflurnar
sameina alla miðlunartækni sem
hægt að er nota við kennslu og gera
kennaranum kleift að tengja saman
á töflunni glærur, upplýsingar af
Netinu, kort af dvd-diskum og í
raun hvað sem er á tölvutæku
formi.
Í kennslustofunni lætur rafræna
taflan lítið yfir sér og minnir í
flestu á hvítu tússtöfluna. Við enda
kennaraborðsins er tölva og í loft-
inu hangir skjávarpi sem varpar
mynd á töfluna ú tölvunni. Rafræna
taflan er hins vegar annað og meira
en sýningartjald. Með sérstökum
rafrænum penna er hægt að stýra
öllu á töflunni sjálfri, bæði til að
vafra um Netið eða skrifa með
hefðbundnum hætti á töfluna. Til
hliðar á töflunni er stika þar sem
hægt er að velja ýmis tól til aðgerða
á töflunni, velja þann lit sem penn-
inn skilur eftir, vista skjámyndina,
stækka myndina o.s.frv.
Þegar blaðamaður leit inn í
kennslustund var Ágúst Ásgeirsson
stærðfræðikennari að útlista fyrir
nemendum hvernig föll haga sér.
Að sögn Ágústs gerir nýja taflan
engan vondan kennara góðan, en
felur í sér ótal möguleika sem góð-
ur kennari getur nýtt sér.
„Eitt atriðið er að allir nemendur
geta haft aðgang að glósum allra
tíma með þessu kerfi. Í annan stað
er hægt á einum stað að skeyta
saman Netinu, skrifum upp á töflu
og öllum öðrum gögnum kennarans
og það verður liðin tíð að kennari
þurfi að mæta með kortin til að
draga niður. Öll myndræn kennsla
verður auðveldari viðfangs, þetta
er mun þjálla og skýrara og það er
mikils virði,“ segir Ágúst.
Stærsta byltingin á ferlinum
Már Vilhjálmsson, rektor
Menntaskólans við Sund, segir að
ákveðið hafi verið um síðustu ára-
mót að endurgera eina álmu skól-
ans og setja fullkomnasta búnað í
stofurnar, m.a. rafrænar töflur í
tvær stofur og fá síðan kennara úr
sem flestum greinum til að prófa
þær. Niðurstaðan er sú að rafrænu
töflurnar henta öllum kennurum
vel, hvort sem það er í stærðfræði,
líffræði, félagsfræði, sögu eða
þýsku.
„Það hafa komið margar tækni-
breytingar og byltingar sem menn
eiga erfitt með að tileinka sér af því
þeir hafa ekki kunnáttuna. Kost-
urinn við rafrænu töflurnar er
hversu einfaldar þær eru í notkun.
Það sagði þýskukennari við mig um
daginn, sem er einn af þeim sem
notar þetta mikið og er búinn að
kenna hér næstum frá stofnun skól-
ans, að þetta væri stærsta byltingin
í kennslu sem hann hefði upplifað á
sínum ferli,“ segir Már.
Einn stór kostur rafrænu töfl-
unnar er sá að nemendur geta skoð-
að allar glósur eftir að kennslu-
stund lýkur. Kennarinn getur látið
kerfið halda utan um allar sínar
glærur, glósur og gögn á rafrænu
formi. Þá getur hann vistað allar
útskýringar sem hann útlistar á
töflunni í tímum og gert þær að-
gengilegar fyrir nemendur. Þeir
geta síðan sótt sér glósurnar og út-
skýringarnar þegar þeim hentar.
Skrift breytt
í prentstafi
Þá segir Már að búast megi við
því í nýrri útgáfum að taflan geti
lesið skrift kennarans og breytt yfir
í prentstafi, en núverandi búnaður
getur tekið einstök orð sem kenn-
arinn skrifar á töfluna og breytt yf-
ir í prentstafi. „Í nýrri útgáfum
verður væntanlega hægt að taka
heilu setningarnar og breyta þeim í
prentstafi. Það verður gífurlegur
munur fyrir kennaranna, þá skrifar
hver með sinni skrift og taflan
breytir í prentstafi með einum
smelli,“ segir Már.
Rafræn tafla notuð í Menntaskólanum við Sund
Byltingarkennd
nýjung við kennslu
Morgunblaðið/Brynjar Gauti
Ágúst stærðfræðikennari útskýrir föll fyrir nemendum við nýju stafrænu töfluna. Á töflunni er einnig heimasíða
skólans og klukka efst sem telur niður mínúturnar í kennslustundinni, svo fátt eitt sé talið af möguleikunum.
Höfuðborgarsvæðinu | Rúmlega
fjórðungur nemenda Flensborgar-
skóla lá veikur heima í gær og segir
Hrefna Geirsdóttir, aðstoðarskóla-
meistari Flensborgarskóla, ástandið
vægast sagt svakalegt. Á mánudag
voru 140 nemendur veikir og komst
talan upp í 150 veika nemendur í gær,
en 560 nemendur eru í Flensborgar-
skóla. „Þetta er alveg ótrúleg tala.
Við höfum aldrei lent í þessu fyrr,“
segir Hrefna.
Hún segir pestina herja mest á
yngri nemendur skólans. Að sögn for-
eldra sem hringja og tilkynna veik-
indi krakkanna virðast þau flest vera
hrjáð af höfuðverk, háum hita, kvefi
og hálsbólgu. „Það er mjög tómlegt í
skólanum og þau eru að mæta fjögur
til fimm í suma hópana og vandræði
að halda uppi kennslu út frá þeirri
kennsluáætlun sem sett var upp.
Þetta byrjaði í síðustu viku, þá var
einn og einn að tínast úr, en síðan
kom holskefla í fyrradag. Þeim sem
voru veikir hefur líka verið að slá nið-
ur, þannig að við vitum ekki hvert
framhaldið verður. Við verðum bara
að reyna að þrauka og vinna síðan vel
þegar við komumst yfir þetta,“ segir
Hrefna.
Í Menntaskólanum við Sund voru
margir nemendur veikir í gær og
taldi Már Vilhjálmsson rektor að hátt
í hundrað nemendur hefðu verið veik-
ir heima, auk þess sem 10% af starfs-
fólki skólans láu heima. Hann segir
að sér hafi brugðið þegar hann mætti
og sá hversu fáir bílar voru á bíla-
stæðum skólans.
Þórður G. Ólafsson, yfirlæknir á
Læknavaktinni, segir að læknar hafi
ekki greint neina inflúensu ennþá.
„En það hefur verið mikið um pestir
eða veirusýkingar, að okkar mati, og
virðist vera fleiri en ein tegund í
gangi. Bæði magapestir, með upp-
köstum og niðurgangi, og eins kvef-
pestir með hita og slæmum hósta og
hálsbólgur einnig. Þessi tími á haust-
in er oft annasamur varðandi pestir,
fólk safnast saman í skólum eftir
sumarið og þá er eins og pestirnar
fari meira af stað.“
Fjórðungur liggur heima
Skæðar pestir
herja á nemendur
Flensborgarskóla
ATVINNA mbl.is
MÁR Vilhjálmsson, rektor MS,
segir að kennslustofan sé að
breytast og nú dugi ekki lengur að
vera eingöngu með skjávarpa og
tölvu. Nú þurfi kennarinn einnig
að hafa hljóðkerfi, rafrænar töflur,
dvd-spilara og myndbandstæki og
þetta þurfi að vera við höndina í
stað þess að sífellt sé verið að
flytja tækin á milli stofa og tengja
hverju sinni. Nýja rafræna taflan
tekur lítið pláss, er alltaf við
höndina og býður upp á notkun
allra mynd- og hljóðmiðla sem
notaðir eru í dag.
Kennslustofan
að breytast