Morgunblaðið - 06.10.2003, Blaðsíða 15

DAGLEGT LÍF
MORGUNBLAÐIÐ MÁNUDAGUR 6. OKTÓBER 2003 15
Silicon - Linsur
Eru gerðar úr silicon-hydrogel sem er byltingarkennt
efni og í raun tækniundur á sviði linsuframleiðslu.
Linsurnar bjóða upp á mikla hollustu og aukin
þægindi fyrir suma einstaklinga.
Hentar þeim sem :
* þurfa að nota linsur mjög mikið
* þurfa að sofa með linsur
* hafa óþol gegn öðrum linsutegundum
* þjást af einkennum augnþurrks
CONTACTLINSUDEILDIN
Sérstök áhersla er lögð á að hjálpa fólki
sem hefur þolað linsur illa eða alls ekki
SJÓNVERND - ÞJÓNUSTUMIÐSTÖÐ
www.sjonvernd.is - ÞVERHOLTI 14 - S. 511 3311
GALDRARNIR eru spennandi,þeir eru það skemmtilegastavið bækurnar um Ísfólkið,“
segir María Lena Sigurðardóttir, en
hún ásamt vinkonunum Hönnu Rún
Arnarsdóttur og Ástrós Helgu Hilm-
arsdóttur hafa mjög mikinn áhuga á
göldrum að eigin sögn og lesa Ís-
fólkið, Galdrameistarann, tímaritið
Galdrastelpur og horfa á sjónvarps-
þættina Charmed til að svala galdra-
þorstanum.
María komst yfir eina bók um Ís-
fólkið í sumarbústað í fyrra og þar
með var áhuginn á þessari marg-
brotnu ættarsögu norna og galdra-
manna í Noregi kveiktur. „Síðan fór
ég á bókasafnið í skólanum og fann
nokkrar bækur þar og byrjaði að
lesa,“ útskýrir María. „Ég fann ekki
fyrstu bókina svo ég byrjaði á bók
númer 20.“
Þeir sem þekkja til Ísfólksins,
metsölubóka norska höfundarins
Margit Sandemo, vita að þar er
fjallað um afkomendur Þengils hins
illa sem seldi djöflinum sálu sína og
því verður ætíð einn í hverri kynslóð
afkomenda hans bannfærður. Sög-
urnar fjalla svo um afkomendurna
sem reyna að aflétta bölvuninni en
sumir vilja þó gangast illum öflum á
vald.
„Það eru mjög margar galdra-
nornir í sögunum, sem er skemmti-
legt,“ segir María og Hanna Rún,
sem hefur líka geysimikinn áhuga á
Ísfólkinu, tekur í sama streng. „Það
eru galdrarnir sem eru langmest
spennandi.“
Stelpur sem ráða yfir
krafti vatns, elds og vinds
Ástrós segist enn ekki vera byrjuð
að lesa Ísfólkið en hefur engu að síð-
ur logandi áhuga á göldrum. Hún er
áskrifandi að blaðinu Galdrastelpur
sem fjallar um stelpur sem „ráða yf-
ir vatni, eldi og vindi og nota það til
að bjarga sér úr klípu,“ útskýrir
Ástrós. María og Hanna Rún hafa
líka lesið blöðin og segja þau
skemmtileg. „Við skiptumst á að
lesa bækurnar og blöðin,“ útskýrir
María. Hún og Hanna Rún eru líka á
bólakafi í að lesa
Galdrameistarann eft-
ir sama höfund og Ís-
fólkið. „Já, ég er sjúk í
galdrabækur,“ segir
María og vinkonurnar
samsinna því skelli-
hlæjandi.
En það er ekkert
einfalt mál að komast
yfir bækur um Ísfólk-
ið að sögn stelpnanna.
Þær eru einstaka
sinnum til sölu á
bókamörkuðum og þá
er um að gera að vera
fljótur til því að bæk-
urnar rjúka út eins og
heitar lummur. „Við
vissum af nokkrum
bókum á bókamarkaði í Smáralind-
inni en þær voru svo fljótar að fara
að við náðum ekki að kaupa allar
bækurnar,“ útskýrir María, en hún
og Hanna Rún heimsækja Kolaport-
ið annað slagið í von um að finna Ís-
fólksbækur sem þær hafi ekki lesið.
„Þær rífast alveg um bækurnar í
Kolaportinu,“ segir Ástrós hlæjandi
og hnippir í vinkonurnar sem játa
engu. „Við höfum líka leitað að bók-
unum á bókasöfnum, en það eru fáar
bækur á hverju safni,“ segir María.
Tala oft saman um galdra
Sjónvarpsþættirnir Charmed eru
í miklu uppáhaldi hjá vinkonunum
og Ástrós segist eiga alla þættina á
spólu og horfi oft á þá. Í þeim segir
af þremur systrum sem þurfa að
berjast við púka og ára með snið-
ugum göldrum. „Galdrarnir eru svo
raunverulegir,“ segir Hanna Rún
um Charmed.
Þær vinkonurnar tala oft saman
um galdra og segjast allar gjarnan
vilja kunna einn galdur eða tvo. Ást-
rós segist hafa laumast til að prófa
galdur sem hún sá í sjónvarpsþátt-
unum en að það hafi ekki gengið.
„Þetta virkaði ekki baun,“ játar hún
og hristir höfuðið hlæjandi.
„Ég er nú fegin að við getum ekki
galdrað, maður yrði alveg brjál-
aður,“ segir Hanna Rún.
Fíll í fyrralífi?
Kvikmyndirnar um
Harry Potter falla
einnig vel í kramið hjá
stelpunum sem segja
myndirnar þó svolítið
„óraunverulegar“.
Þær bíða hins vegar
mjög spenntar eftir að
síðasta myndin um
Hringadróttinssögu
komi í kvikmynda-
hús.
Hanna Rún og Ást-
rós hafa líka mikinn
áhuga á að vita hvað
þær hafi verið í fyrra
lífi. „Ég hef örugg-
lega verið strútur eða
eitthvað,“ grínast
Ástrós og vinkon-
urnar hlæja mikið.
„Kannski hef ég verið fíll,“ segir
Hanna Rún og færir rök fyrir því:
„Einu sinni var kona sem hafði rosa-
lega mikinn áhuga á indíánum. Síð-
an fór hún í dáleiðslu og fékk að vita
að hún hefði verið indíáni í fyrra lífi.
Ég hef nefnilega svo voða mikinn
áhuga á fílum!“
Ástrós, María og Hanna Rún
bralla ýmislegt saman, en segja
hlæjandi að lokum að það sé senni-
lega galdraáhuginn sem tengi þær
saman.
Morgunblaðið/Sverrir
Töfrandi lesefni: Vinkonurnar Hanna Rún, Ástrós og María blaða í galdrabókum og -blöðum.
Glaðbeittar
galdrastelpur

ÁHUGAMÁL
Þær eru heillaðar af
göldrum og gramsa
í Kolaportinu í leit að
bókum um Ísfólkið.
Þær gáfu sér smá
tíma til að líta upp úr
galdraskruddunum
og spjalla við Sunnu
Ósk Logadóttur um
áhugann á yfirnátt-
úrulegum hlutum. Kvikmyndirnar um
Harry Potter falla
vel í kramið hjá vin-
konunum, sem
gjarnan vildu kunna
einn galdur eða tvo.
sunna@mbl.is

    







  



      Skreytingar við öll tækifæri
Laugavegi 63 • sími 551 2040