Morgunblaðið - 03.11.2003, Síða 1

STOFNAÐ 1913 298. TBL. 91. ÁRG. MÁNUDAGUR 3. NÓVEMBER 2003 PRENTSMIÐJA ÁRVAKURS HF. mbl.is
Skagamyndir
fyrir alla
Ljósmyndasafn Akraness skannar
myndirnar inn á vefinn 12
Sessý og Jóhanna Vala hlutskarp-
astar í stjörnuleitinni Fólk 31
Brenndu
bréfið
Fjörlegar umræður á Hugvís-
indaþingi Listir 16
Sáu og
sigruðu
KJÓSENDUR í Georgíu gengu að kjörborð-
inu í þingkosningum í gær, en úrslit þeirra
eru sögð munu segja til um hvaða stjórn-
málamaður verði til að taka við af Eduard
Shevardnadze forseta, en fylgi við hann hef-
ur hrunið vegna ófremdarástands í öryggis-
og efnahagsmálum landsins. Samkvæmt út-
gönguspám unnu stjórnarandstöðuflokkar
verulega á, að sögn fréttavefjar BBC.
Framkvæmd kosninganna gekk að sögn
erlendra eftirlitsmanna ekki hnökralaust
fyrir sig. Tafir urðu m.a. vegna þess að nöfn
kjósenda fundust ekki á kjörskrá. Þrír Ís-
lendingar taka þátt í kosningaeftirlitinu.
Úrslita var ekki að vænta fyrr en í dag.
Stjórnarand-
stöðu spáð sigri
SÆNSKA lögreglan hefur fundið buxur,
þaktar blóði utanríkisráðherrans myrta,
Önnu Lindh, eftir því sem Stokkhólmsblað-
ið Expressen greindi frá
í gær.
Sagðist blaðið hafa
fengið það staðfest á
rannsóknarstofu sænsku
lögreglunnar að buxurn-
ar, sem fundust úti í
skógi, hefðu verið þaktar
blóði úr Lindh. „Á
ákveðnum stað í buxun-
um var líka hlutur sem
gerir okkur kleift að segja með vissu að bux-
urnar séu af hinum 24 ára gamla manni,“ er
haft eftir ónafngreindum lögreglumanni.
Þetta túlkar blaðið sem staðfestingu á að
buxurnar séu af Mijailo Mijailovic, sem ver-
ið hefur í meira en mánuð í gæzluvarðhaldi
vegna morðsins, en nú eru aðeins fjórir dag-
ar eftir af þeim fresti sem ákæruvaldið hef-
ur til að leggja fram formlega ákæru. Senni-
legt þykir þó að gæzluvarðhaldið verði
framlengt einu sinni enn þar sem saksókn-
ari vilji undirbúa ákæruna betur.
Buxnafundurinn bætist við önnur sönn-
unargögn, sem áður eru kunn, svo sem
erfðaefnisgreiningu á lífsýnum af hnífnum
sem Lindh var stungin með og úr hettu sem
árásarmaðurinn skildi eftir á flóttanum.
Mijailovic hefur ekki játað á sig verknaðinn.
Fundu buxur
með blóði Lindh
Stokkhólmi. AFP.
Mijailovic
FIMMTÁN bandarískir hermenn fórust og 21
særðist er herskáir andstæðingar hernámsins í
Írak skutu niður Chinook-þyrlu Bandaríkjahers
rétt sunnan við borgina Fallujah í gærmorgun.
Þyrlan var að ferja hermenn sem voru á leið
heim í leyfi.
Þá staðfestu talsmenn hernámsyfirvalda
einnig í gærkvöldi, að tveir óbreyttir Banda-
ríkjamenn, sem störfuðu sem verktakar fyrir
Bandaríkjaher við að eyða vopnum sem gerð
hafa verið upptæk út um allt Írak, hefðu farizt
er sprengja sprakk í gær við bíl þeirra, einnig
nærri Fallujah. Þetta er mesta mannfall sem
Bandaríkjamenn hafa orðið fyrir á einum degi í
Írak frá því innrásin stóð sem hæst í lok marz sl.
„Þetta er augljóslega sorgardagur fyrir
Bandaríkin,“ sagði bandaríski varnarmálaráð-
herrann Donald H. Rumsfeld í viðtalsþætti á
sjónvarpsstöðinni ABC. Og hann bætti við: „Í
löngu og ströngu stríði er óhjákvæmilegt að
sorgardagar komi, eins og þessi. Þeir eru hluti
af því að heyja stríð sem er erfitt og flókið.“
Trent Duffy, talsmaður Hvíta hússins, sagði
Bandaríkjastjórn staðráðna í að halda „stríðinu
gegn hryðjuverkum“ ótrauð áfram, þrátt fyrir
harmafregnir eins og þær sem nú hefðu borizt
af vettvangi í Írak. „Hryðjuverkamennirnir
reyna að drepa hermenn bandamanna og sak-
lausa Íraka vegna þess að þeir vilja að við tökum
til fótanna, en vilji okkar og einbeitni eru óhagg-
anleg,“ sagði Duffy. „Við munum hafa betur á
þessari mikilvægu víglínu stríðsins gegn
hryðjuverkum vegna þess að of mikið er lagt
undir til þess að sætta sig við nokkuð minna,“
áréttaði forsetatalsmaðurinn.
Bremer beinir spjótum að Sýrlandi
Paul Bremer, æðsti fulltrúi Bandaríkja-
stjórnar í Írak, sagði í sjónvarpsviðtali í gær að
flestir liðsmenn al-Qaeda-hryðjuverkasamtak-
anna sem væru í Írak hefðu komið yfir landa-
mærin frá Sýrlandi. Mæltist hann til þess að
þarlend stjórnvöld stæðu sig betur í eftirliti á
landamærunum. Bandarískir ráðamenn hafa
ítrekað gagnrýnt Sýrlendinga fyrir meintan
skort á samstarfsvilja.
Fimmtán hermenn farast er bandarísk herþyrla er skotin niður í Írak
Mannfallið mikið áfall
Reuters
Liðsmenn Bandaríkjahers á vettvangi við flak Chinook-herflutningaþyrlunnar sem hrapaði við Fallujah, um 50 km vestur af Bagdad í gær.
Fallujah, Washington, Bagdad. AP, AFP.
„Sorgardagur“ segir
Donald H. Rumsfeld
♦ ♦ ♦
AFNÁM tekjutengingar barnabóta
var meðal ályktana sem landsfund-
ur Samfylkingarinnar samþykkti í
gær, en Össur Skarphéðinsson, for-
maður Samfylkingarinnar, sleit
fundinum síðdegis. Þá var sam-
þykkt ályktun um atvinnumál þar
sem fram kom m.a. að atvinnuleys-
isbætur ættu að taka mið af fyrri
tekjum. Í lokaræðu sinni lagði Öss-
ur þó einkum áherslu á þá ályktun
fundarins að Samfylkingin vildi
beita sér fyrir því að skoða nýjar
leiðir og fjölbreyttari rekstrarform
í heilbrigðismálum. Sagði hann að
flokkurinn ætlaði sér að taka for-
ystu í þeim málaflokki.
Össur var endurkjörinn formað-
ur Samfylkingarinnar á fundinum
og Ingibjörg Sólrún Gísladóttir var
kjörin varaformaður „með engu
greiddu atkvæði“, eins og hún orð-
aði það. Þau voru bæði sjálfkjörin
þar sem engin mótframboð bárust.
Þá var Stefán Jón Hafstein endur-
kjörinn formaður framkvæmda-
stjórnar flokksins með 61,43%
greiddra atkvæða. Margrét Frí-
mannsdóttir, fyrrverandi varafor-
maður Samfylkingarinnar, gaf ekki
kost á sér til formennsku í fram-
kvæmdastjórn, eins og hún hafði
íhugað fyrir fundinn.
Öflugur flokkur
Össur sagði m.a., eftir að endur-
kjör hans hafði verið tilkynnt, að
hann væri stoltur af því að fá að
leiða Samfylkinguna. „Ég tel að
þessi landsfundur hafi sýnt svo ekki
verði um villst hversu öflug við er-
um orðin.“ Hann sagði ennfremur
að það væri enginn efi í sínum huga
að hann og „sín góða vinkona“, eins
og hann orðaði það og vísaði þar til
Ingibjargar, ættu eftir að eiga góða
samtíð og framtíð í flokknum.
Ingibjörg sagði, eftir að hún var
orðin varaformaður flokksins, að
þeir sem sætu á landsfundi Sam-
fylkingarinnar væru fulltrúar tæp-
lega 57 þúsund kjósenda. „Þriðj-
ungur þjóðarinnar er á bak við
okkur og mun fleiri eru tilbúnir til
þess að fylkja sér á bak við okkur.“
Ingibjörg sagði að sú staðreynd
legði jafnframt miklar skyldur og
mikla ábyrgð á flokkinn. „Við erum
flokkur sem alltaf mun verða með
stjórnartaumana innan seilingar.
Og stuðningsmenn okkar eiga rétt
á því að við gerum það sem í okkar
valdi stendur til að ná tökum á þess-
um taumum; að við klúðrum ekki
þeim tækifærum sem við fáum og
að við vinnum sem einn maður að
því að undirbúa okkur fyrir hlut-
deild í ríkisvaldinu.“
Fjölmargar ályktanir voru sam-
þykktar á síðasta degi fundarins.
Meðal annars var samþykkt álykt-
un um bann við kaupum á vændi.
Vegna tímaskorts tókst þó ekki að
fjalla um allar þær tillögur að álykt-
unum sem lagðar höfðu verið fram
á fundinum. Var nokkrum þeirra
vísað til framkvæmdastjórnar Sam-
fylkingarinnar. Hópur ungra jafn-
aðarmanna var ekki sáttur við þá
afgreiðslu.
Landsfundi Samfylkingarinnar lauk í Hafnarfirði síðdegis í gær
Morgunblaðið/Árni Sæberg
Össur Skarphéðinsson, formaður Samfylkingarinnar, og Ingibjörg Sól-
rún Gísladóttir varaformaður fagna kjöri sínu á fundinum.
Ályktuðu að afnema skuli
tekjutengingu barnabóta

Flokkur/10–11
BREZKI ævintýramaðurinn Sir Ranulph
Fiennes (t.h.) spjallar hér við fréttamenn
ásamt hlaupafélaga sínum Mike Stroud eft-
ir að þeir komu í mark í New York-
maraþonhlaupinu í gærkvöldi, en þar með
luku þeir sjöunda og síðasta maraþonhlaup-
inu sem þeir hlupu á jafnmörgum dögum í
heimsálfunum sjö. Sir Ranulph, sem er 59
ára og gekkst nýlega undir hjartaaðgerð,
lagði hlaupin á sig til að safna áheitum fyrir
góðgerðarsamtök hjartasjúklinga.
Reuters
Luku sjöföldu
maraþonhlaupi
♦ ♦ ♦