Morgunblaðið - 05.12.2003, Qupperneq 37

m
37
HRÁSKINKA MEÐ HVÍTRI SÚKKULAÐISÓSU
F. 4
1 bréf Ali hráskinka
2 sætar kartöflur (stórar)
ólífuolía
Sósa:
50 g hvítt súkkulaðI (t.d. Meurisse)
2–3 msk hvítvínsedik
Súkkulaðið er brætt (í vatnsbaði eða örbylgjunni).
Hrærið edikið saman við svo að úr verði mjúk sósa.
Skerið kartöflurnar í um 1 cm þykkar sneiðar,
smyrjið þær með olíunni og steikið á pönnu þar til
þær eru mjúkar í gegn og kælið. Settu 3 kart-
öflusneiðar á hvern disk, skiptið skinkunni jafnt á
diskana og að lokum er sósunni hellt í mjórri bunu,
hring eftir hring í frjálsu falli yfir allt saman.
SÆTAR KRYDDBOLLUR
Um 12 bollur
6 dl hveiti
1 1⁄2 tsk lyftiduft
1 1⁄2 tsk salt
1⁄2 dl sykur
100 g smjör
1 egg
0,75 dl ávaxtasafi
1 dl mjólk
100 g cashewhnetur
2 msk ristaður hvítlaukur
15 basilikulauf
Bakist í 25–35 mín við 190°C.
Blandið þurrefnum í skál og hrærið mjúkt smjörið
saman við þar til er kekkjalaust. Pískið eggin létt
saman við safann og mjólkina og hellið síðan ró-
lega út í hveitiblönduna, hafið hrærivélina á
lægstu stillingu og hrærið þar til deigið er orðið
jafnt og fínt. Setjið grófbrytjaðar hneturnar, hvít-
laukinn og basilikuna að lokum út í.
Það má setja deigið beint í venjuleg muffinsform
en það er líka gaman að klæða 9 muffinshólfa-
form með smjörpappír í góðri yfirstærð, hella
deiginu þar ofan í hvert hólf og er þá komin
pakkning utan um hverja bollu. Sætt á borðið við
hliðina á súpuskálinni!
KÓKOS-LAUKSÚPA
F. 4
1 bufflaukur
3 hvítlauksrif (af risahvítlauk)
2 msk ólífuolía
2 dósir kókosmjólk
1 l vatn
grænt epli
salt og pipar
1 msk Oscar villibráðarkraftur
2–3 msk koníak (má sleppa)
100 g möndluflögur
Sneiðið buff- og hvítlaukinn og mýkið létt í olíunni í
potti. Setjið kókosmjólkina og vatnið út í og látið
malla í um 20 mín. Bætið eplabitum og kryddi og
sjóðið áfram í 5 mín. Möndluflögurnar eru ristaðar
og settar ofan á þegar borið er á borð.
RAUÐ BER OG RÓSAPIPAR
F. 4
1 askja jarðarber
1 askja hindber (eða önnur rauð ber)
1 dl Grand Marnier
3 msk mascarpone ostur
3 msk sýrður rjómi
1 msk rósapipar
1 dl gott hunang
Hitið saman hunangið og rósapiparinn í nokkrar
mínútur og setjið síðan til hliðar.
Setjið berin með líkjörnum í pott og velgið stutta
stund, athugið að ekki má sjóða og ekki hræra svo
mikið að berin fari í mauk! Setjið í skálar, pískið
saman mascarpone-ostinn og sýrða rjómann og
skellið vænum dopputoppi á berin og látið hun-
angspiparinn að endingu drjúpa létt yfir.
Hráskinka með hvítri súkkulaðisósu Rauð ber og rósapipar
ÞAÐ ER UPPLAGT AÐ FINNA TIL NOKKRAR LJÚFFENGAR UPPSKRIFTIR (ENDILEGA GERA TILRAUNIR Á VINUNUM), BRJÓTA UPP ÞRIGGJA
RÉTTA FORMÚLUNA OG LEYFA BRAGÐLAUKUNUM AÐ KOMAST Í STUÐ. LEGGJUM DÁLÍTIÐ UPP ÚR SMÁATRIÐUNUM, ÞAÐ ÞARF OFT EKKI
MIKIÐ TIL AÐ GLEÐJA AUGAÐ OG ÞÁ VERÐUR LEIKUR EINN AÐ GLEÐJA MUNN OG MAGA. UPPSKERAN ER NÆRÐ SÁL OG LÍKAMI, GÓÐA
SKEMMTUN.
Kryddbolla og kókos-lauksúpa
öðruvísi