Morgunblaðið - 28.12.2003, Blaðsíða 9
FRÉTTIR
MORGUNBLAÐIÐ SUNNUDAGUR 28. DESEMBER 2003 9
Mikið úrval
5 % aukaafsláttur m.v. staðgreiðslu
á handhnýttum, austurlenskum gæðateppum
á Grand Hóteli, Sigtúni, Reykjavík
Í dag, sunnudag 28. desember, kl. 13-19,
mánudaginn 29. desember, kl. 13-19 og
þriðjudaginn 30. desember, kl. 13-19.
Verðdæmi Stærð Verð áður Nú staðgr.
Bænamottur 80x140 cm 12-16.000 8.900
Pakistönsk ca 90x150 cm 29.800 18.700
Rauður Afghan 200x260 cm 90.000 64.100
og margar fleiri gerðir.
RAÐGREIÐSLUR
Sími 861 4883
Töfrateppið
Áramótaútsala
ÞEGAR snjórinn kemur gleðjast krakkar yfirleitt og
fara út að leika sér. Hvolpar eru ekkert ósvipaðir börn-
um að þessu leyti. Hvolparnir Fókus og Gerpla, sem
eru af border collie-kyni og tilvonandi smalahundar,
skemmtu sér konunglega við að leika sér í sköflunum
og urðu eins og tveir snjóboltar eftir veltinginn í snjón-
um. Það voru því tveir þreyttir hvolpar sem komu inn
til að hlýja sér öðru hverju.
Morgunblaðið/Jónas Erlendsson
Ungviðið leikur sér í snjónum
RÍKISSAKSÓKNARI áfrýjaði að
eigin frumkvæði ellefu sakamálum
til Hæstaréttar árið 2002 og var
dæmd þynging í fimm þeirra. Þrír
dómar voru staðfestir og þremur
málum vísað aftur heim í hérað. 62
málum var áfrýjað að frumkvæði
dómfelldra í héraðsdómi. Áfrýjun-
armálin voru því alls 73 og hefur
farið fjölgandi á allra síðustu árum
samkvæmt ársskýrslu ríkissak-
sóknara 2002.
Áfrýjað var 20 kynferðisafbrota-
dómum, tíu fíkniefnadómum, níu
auðgunarbrotadómum, níu líkams-
árasardómum og tveimur fiskveiði-
brotadómum.
Af 62 dómum sem dómfelldu
áfrýjuðu voru 34 staðfestir í
Hæstarétti, tíu dómar þyngdir,
átta mildaðir og sýkna dæmd í
fimm málum.
Dómar féllu í þremur mann-
drápsmálum árið 2002 og lauk
þeim öllum með sakfellingardómi í
héraði. Í tveimur málum til við-
bótar var sýknað af refsikröfu
vegna ósakhæfis en ákærðu gert að
sæta öryggisgæslu á viðeigandi
stofnun
Ákært var fyrir stórfelldar lík-
amsmeiðingar í 32 málum. Í flest-
um tilvikum var hnífi eða eggvopn-
um beitt.
Á árinu gengu þrír dómar í
Hæstarétti vegna stórfelldra fíkni-
efnabrota. Tveir ákærðu voru
sýknaðir en þrír fengu fimm, níu
og tíu ára fangelsi. 21 maður var
ákærður í sex málum fyrir stór-
felld fíkniefnabrot.
Þá flutti ríkissaksóknari sautján
kynferðisbrotamál sem vörðuðu
brot gegn fullorðnum og féllu dóm-
ar í sjö slíkum nauðgunarmálum.
Sakfellt var í fjórum þar af lauk
þremur með dómi Hæstaréttar þar
sem héraðsdómur var staðfestur.
Tveir menn voru sýknaðir í héraði
og þeim málum ekki áfrýjað. Í einu
máli var ákært fyrir nauðgunartil-
raun ásamt öðrum brotum og var
ákærði sakfelldur í héraði en sýkn-
aður í Hæstarétti.
28 kynferðisbrotamál
gegn börnum
28 kynferðisbrotamál sem vörð-
uðu brot gegn börnum voru flutt
árið 2002. Þremur málum þar sem
ákært var fyrir samræði eða önnur
kynferðismök við barn sitt eða
niðja, lauk með sakfellingu í
Hæstarétti og einu með sýknu í
héraði.
Ellefu dómar féllu í málum þar
sem ákært var fyrir samræði eða
önnur kynferðismök við börn yngri
en 14 ára. Sakfellt var í sjö málum
í héraði og þar af var fjórum skotið
til Hæstaréttar sem staðfesti hér-
aðsdómana. Sýknað var í fjórum
málum. Þá féllu sex dómar þar sem
ákært var fyrir kynferðislega
áreitni gegn börnum yngri en 14
ára. Sakfellt var í þremur málanna
en sýknað í hinum þremur.
Þá féllu dómar eða viðurlaga
ákvarðanir sem eru ígildi dóma í
ellefu málum sem vörðuðu brot
gegn blygðunarsemi og í fimm mál-
um sem vörðuðu barnaklám.
Þá voru 24 einstaklingar ákærðir
í tíu málum fyrir rán og lauk öllum
málum í héraðsdómi. Sýknað var í
tveimur málum en sakfellt í átta.
Ríkissaksóknari féll frá saksókn
í níu málum árið 2002.
Alls var 73 sakamálum áfrýjað til Hæstaréttar á síðasta ári
Áfrýjunarmálum hefur farið
fjölgandi á allra síðustu árum
SIV Friðleifsdóttir umhverfisráð-
herra hefur staðfest tillögu veður-
stofustjóra að nýju skipuriti Veður-
stofu Íslands sem gengur í gildi 1.
janúar 2004.
Meginsviðum fækkað
úr sex í þrjú
Með nýju skipuriti er meginsvið-
um stofnunarinanr fækkað úr sex í
þrjú og nefnast þau veðursvið, eðl-
isfræðisvið og rekstrarsvið. Sviðs-
stjórar hafa verið ráðnir Þóranna
Pálsdóttir veðurfræðingur, Páll
Halldórsson jarðeðlisfræðingur og
Margrét Jónsdóttir viðskiptafræð-
ingur. Veðursvið skiptist í þrjár
deildir, spádeild, rannsókna- og þró-
unardeild og sérþjónustudeild.
Deildarstjórar veðursviðs verða
veðurfræðingarnir Sigrún Karls-
dóttir, Einar Sveinbjörnsson og
Halldór Björnsson. Eðlisfræðisvið
skiptist einnig í þrjár deildir, mæl-
ingadeild, eftirlitsdeild og rann-
sóknadeild. Deildarstjórar eðlis-
fræðisviðs verða Hreinn Hjartarson
veðurfræðingur og jarðeðlisfræðing-
arnir Steinunn S. Jakobsdóttir og
Kristín Vogfjörð.
Nýtt skipurit
Veðurstofu
Íslands
NETNOTKUN landsmanna hrapaði
um jólahátíðina og dagana fyrir hana
ef marka má vefsetur fyrirtækisins
Modernus, sem mælir umferð um
flesta vinsælustu vefi landsins, þar á
meðal Mbl.is. Fjöldi flettinga fór úr
tæpum 2,8 milljónum flettinga á dag
niður í rúmar 1,2 milljónir flettinga
dagana fram að jóladag.
Þessi þróun hefur átt sér stað und-
anfarin ár enda setur fólk gjarnan
aðra hluti í forgang á jólunum en að
vafra um Netið.
Ekkert netráp
yfir jólin
SAMBAND ungra framsóknar-
manna lýsir sig andsnúið því að fara
að nota fjöldatakmarkanir, inntöku-
próf eða skólagjöld inn í Háskóla Ís-
lands eins og stjórnvöld virðast stefna
leynt og ljóst að, segir í tilkynningu
frá SUF. Harmar SUF þær sparnað-
araðgerðir sem skólinn er þvingaður
til að gangast undir á næstunni.
Ungir framsóknarmenn telja að á
Íslandi eigi að vera jafn réttur til
náms og að fyrsta prófraun nýrra
nemanda eigi ekki að vera í byrjun
náms. Próf í námsefni, sem hafi verið
kennt innan Háskóla Íslands, eigi að
ákvarða hæfileika nemandans.
Andsnúnir inn-
tökuprófum
Það liggur vel á Kóngi þessa dag-
ana, enda nóg að gera og hann nýt-
ur ekki hvíldar um jólin eins og
mannfólkið. Kóngur er sex vetra
hrútur, ættaður frá Óttari Svein-
björnssyni á Hellissandi. Eigendur
hans eru Fífill Valdimarsson og
Þorsteinn Jónasson, sauð-
fjárbændur í Stykkishólmi. Þeir eru
mjög hrifnir af Kóngi og segja að
undan honum komi væn lömb.
„Ég vil hafa fjölbreytt litaval á
mínu sauðfé,“ segir Þorsteinn. Þeg-
ar betur er að gáð og komið er inn í
fjárhúsin hans kemur í ljós að þetta
er rétt því aðeins ein kinda hans er
hvít á lit. „Ég er hrifnastur af mó-
leitum kindum og þá er Kóngur á
réttum stað,“ segir Þorsteinn.
Þeir félagar Fífill og Þorsteinn
hafa mikla ánægju af sauð-
fjárbúskap og hafa haft hann sem
tómstundastarf í mörg ár. Fífill,
sem lengi var fjármaður á Skarðs-
strönd, segir að kindurnar séu sitt
líf og yndi.
Að sögn þeirra félaga er mjög
vaxandi áhugi á sauðfjárrækt í
Stykkishólmi. Þeim reiknast það til
að milli 20 og 30 einstaklingar
stundi nú sauðfjárrækt. Fífill segist
hafa reiknað með að tómstundabú-
skapur legðist af með sinni kynslóð,
en nú er margt ungt fólk komið
með kindur og er hann mjög
ánægður með það. „Það er hverjum
manni hollt að umgangast lifandi
skepnur og láta sér þykja vænt um
þær,“ segir Fífill um leið og teymir
Kóng inn í fjárhúsin til að sinna
sínu starfi.
Nóg að gera
hjá Kóngi
Stykkishólmur. Morgunblaðið.
Morgunblaðið/Gunnlaugur Árnason
Félagarnir Fífill Valdimarsson og
Þorsteinn Jónasson á leið með
Kóng í fjárhúsin á jóladag.
FÓLKSBÍLL valt nokkrar veltur
eftir að ökumaður missti stjórn á
bílnum í framúrakstri á Reykjanes-
braut við Vogaveg í gærmorgun.
Ökumaður var einn í bílnum og var
hann fluttur á slysadeild, en hann
hafði skorist á höndum og kenndi sér
meins í baki. Einhver hálka var á
Reykjanesbrautinni er óhappið varð.
Bílvelta á
Reykjanesbraut
ÖLVAÐUR maður skallaði mann á
veitingastað á Ísafirði aðfaranótt
laugardags. Þegar dyravörður ætl-
aði að vísa manninum á dyr skallaði
hann dyravörðinn. Lögregla var
kölluð til en maðurinn náðist ekki,
vitað er hver hann er. Lögreglan var
einnig kölluð í heimahús þar sem
slagsmál höfðu brotist út. Sá sem
fyrir árásinni varð vildi ekki kannast
við málið og því ekkert gert í því.
Skallaði tvo
á Ísafirði
STUTT