Morgunblaðið - 28.12.2003, Síða 11
MORGUNBLAÐIÐ SUNNUDAGUR 28. DESEMBER 2003 11
-
$
.
/$
!""#!""$
10
%
& '(
)&&
0$
0
!""$!""*
+
,-
1$
.
2
!""$!""*
.&%. &
.$$ $
3 4 $
!""*!""/
1$
!
'((''((0
1
+
5
5
'((0'((2
0/
02
/0
01 02
0
0
03 0
0
0
30
03
10/
10 102
0
Margir höfðu efasemdir um ákvörð-
un forráðamanna Cavaliers þegar
þeir völdu James í háskólavalinu sl.
sumar enda með fyrsta valrétt í
höndunum – sem er draumastaða
forráðamanna NBA-liðanna sem
eru alls 29 að tölu.
James hafði vakið mikla athygli
sem leikmaður í liði framhaldsskól-
ans St. Vincent-St. Mary, enda
James tveir metrar á hæð og með
mikið vald á knettinum miðað við
hæð sína. Á fjórum keppnistímabil-
um með St. Vincent-St. Mary skor-
aði James 25,6 stig að meðaltali og
þar af 30,4 stig á fjórða ári sínu. Að
auki tók hann 7,8 fráköst í leik og
gaf 5,1 stoðsendingu.
Þessar tölur gáfu fyrirheit um að
James væri mjög sérstakur leik-
maður og flestir háskólar landsins
höfðu grafið upp símanúmer fjöl-
skyldu hans og boðið honum skóla-
vist. James hafði hug á því að skoða
aðstæður hjá háskólaliðunum Ohio
State, Florida, Duke, North Car-
olina og Louisville en valdi að lokum
að gefa kost á sér í NBA-deildina.
„Jordan-stimpill“
Undanfarin ár hafa margir leik-
menn fengið „Michael Jordan-
stimpil“ á sig áður en þeir hefja fer-
il sinn í NBA. Margir þeirra hafa
ekki staðið undir væntingum og má
þar nefna „baby Jordan“, bakvörð-
inn Harold Miner sem gat stokkið
hátt og troðið knettinum með til-
þrifum en náði aldrei fótfestu í
deildinni.
Margir höfðu efasemdir um að 18
ára pjakkur gæti tekið að sér að
stýra sóknarleik slakasta liðs NBA-
deildarinnar og sögðu jafnframt að
James væri ekki með þann þroska
sem þyrfti til þess að draga vagninn
í Cleveland.
James verður 19 ára gamall 30.
desember en hefur undanfarin ár
haft líkamlegt atgervi þeirra sem
eru mun eldri en hann sjálfur.
Keppnistímabilið í NBA-deildinni
er engu líkt, 82 leikir í deildar-
keppni, og síðan tekur við úrslita-
keppni. Þau lið sem ná alla leið hafa
því leikið yfir 100 leiki á 8 mánaða
tímabili. Nýliðaveggurinn er þekkt
orðatiltæki í NBA þar sem ungir
leikmenn ná að blómstra á fyrri
hluta keppnistímabilsins en þegar
líða fer á tímabilið fer að halla undir
fæti. Enda erfitt að tileinka sér þá
hluti sem þarf til að ná árangri í
NBA á nokkrum mánuðum. James
hefur að loknum 20 leikjum með liði
sínu þaggað niður efasemdaraddir
með ágætri frammistöðu. Hann lék
samtals 104 leiki á fjórum árum
með St. Vincent-St. Mary og verður
að öllu óbreyttu með 82 leiki í
reynslubankanum að loknu fyrsta
keppnistímabilinu. Enda ólíklegt að
Cleveland verði á meðal átta efstu
liðanna í austurdeildinni þetta árið.
Stenst samanburð við Garnett,
Bryant og McGrady
Ef tölfræði leikmannsins er borin
saman við aðra leikmenn sem hafa
stungið sér í NBA-laugina að lokn-
um framhaldsskóla geta forráða-
menn Cleveland verið ánægðir með
framlag James. Leikmenn á borð
við Kevin Garnett, Kobe Bryant og
Tracy McGrady náðu ekki að sýna
hvað í þeim býr á fyrsta ári sínu í
NBA. Og má sjá samanburðinn á
grafinu hér til hliðar.
Á dögunum var leikur Cleveland
gegn Detroit Pistons sýndur í
beinni útsendingu sem sjónvarpað
var um öll Bandaríkin og líkaði
James athyglin vel. Skoraði 37 stig
og var maðurinn á bak við sigur
liðsins.
Paul Silas, þjálfari Cleveland,
segir við bandaríska fjölmiðla að
framganga James hafi komið flest-
um á óvart og það sé ekki vandamál
að hann leiki mun fleiri mínútur að
meðaltali en áætlað var. „Strák-
urinn getur spilað allan daginn,
hann er ekki nema 18 ára,“ segir Si-
las. Aðeins fjórir leikmenn í NBA-
deildinni eru meira inná vellinum en
James leikur um 40 mínútur í leik af
alls 48.
Met Oscars Robertson í hættu?
James hefur sagt við forráða-
menn Cleveland að hann ætli sér
fimm ár til þess að ná að feta í fót-
spor Oscar Robertson, fyrrum stór-
stjörnu deildarinnar. Hann er sá
eini sem hefur náð þrefaldri þrennu
að meðaltali á sama keppnistímabili
í NBA. Til þess þurfa leikmenn að
skora yfir 10 stig, taka 10 fráköst og
gefa 10 stoðsendingar að meðaltali.
Paul Silas segir að hann muni ekki
reyna að draga úr áhuga James á
þessu takmarki. „Ég segi við hann
að hann hafi hæfileika til þess að
gera slíkt og að sjálfsögðu á hann
að setja sér slíkt markmið.“
James skoraði 25 stig í fyrsta
NBA-leik sínum gegn Sacramento
29. október. Þar lék hann í 42 mín-
útur, gaf 9 stoðsendingar og tók 6
fráköst.
Körfuknattleikssérfræðingar
vestanhafs voru ekki vissir um
hvert framhaldið yrði hjá hinum
unga leikmanni en af þeim 20 leikj-
um sem teknir eru til samanburðar
að þessu sinni hefur hann aðeins
skorað 10 stig eða minna í ¼ af
þeim leikjum.
600.000 keppnistreyjur
Eins og áður segir er LeBron
James á allra vörum í Bandaríkj-
unum. Fólk flykkist á leiki Clevel-
and til þess að sjá hinn „nýja Jor-
dan“. Á heimaleikjum Clevaland er
17.781 áhorfandi að meðtali en fyrir
ári síðan mættu aðeins 11.496 að
meðaltali á leiki liðsins. Í leik liðsins
í Los Angeles gegn Clippers mættu
margar stjörnur sem sjást sjaldan á
leikjum „litla“ liðsins í kvikmynda-
borginni og má þar nefna leikarann
Billy Crystal og tennisstjörnuna Se-
rena Williams.
Sömu sögu er að segja er liðið er
á ferð um Bandaríkin. Að meðaltali
sjá 18.329 áhorfendur leiki liðsins á
útivelli og er það rúmlega 2.000
fleiri áhorfendur en fyrir ári, enda
vann Cleveland aðeins 17 leiki af
alls 82 í fyrra eða 20,7% vinnings-
hlutfall. Að loknum 24 leikjum á
leiktíðinni er vinningshlutfall liðsins
25%.
Það er ekki aðeins álag í miðasöl-
unni hjá Cleveland, því NBA-deildin
hefur selt um 600.000 keppnistreyj-
ur með nafni LeBron James og
númerið 23 á baki treyjunnar.
Næstur í röðinni er Carmelo Ant-
hony nýliði Denver Nuggets en
margir vilja meina að eftirnöfn
þeirra séu svo algeng í Bandaríkj-
unum að það skýri að hluta hve vel
treyjur þeirra hafa selst.
Þeir aðilar sem sjá um að halda
„ímynd“ Cleveland hátt á lofti sáu
sér leik á borði í sumar er ljóst var
að LeBron James myndi leika með
liðinu og breyttu litasamsetningu
keppnistreyju liðsins. Breytingin
hefur haft þau áhrif að ungt fólk
hefur áhuga á að eignast búning
„kjallaraliðsins“ á ný.
Íþróttavöruframleiðandinn Nike
gerði sjö ára samning við James í
haust. Samningurinn er metinn á
100 millj., sem gerir rúmlega 7,3
milljarða ísl. kr.
„Aðeins“ 290 millj. kr. í laun
Samkvæmt reglum NBA-deildar-
innar verða nýliðar að sætta sig við
ákveðin hámarkslaun sem fara stig-
hækkandi með árunum. James fær
„aðeins“ rúmar 290 millj. kr. í árs-
laun frá liðinu sem hann leikur með
en meðallaun í NBA-deildinni eru
um 270 millj. kr. á ári. Samningur
James rennur út árið 2007 og á
samningstímanum fær hann tæp-
lega 1,4 milljarð kr. í laun.
Kevin Garnett, leikmaður Minne-
sota Timberwolves, er sá tekjuhæsti
með rúma 2 milljarða ísl. kr. í árs-
laun! James á því langt í land með
að ná framherjanum snjalla í
Minnesota á þessu sviði en þeir eru
í hópi þeirra sem hafa valið það að
fara beint í NBA og sleppa háskóla-
námi.
Paul Silas, þjálfari Cleveland,
hefur í mörg horn að líta og er með
„demant“ í sínu liði sem þarf að
slípa, LeBron James. Hann hefur
flogið hátt undanfarin ár og virðist
hafa hæfileika til þess að standast
þær væntingar sem til hans eru
gerðar. Hinsvegar eru margir sem
bíða í ofvæni eftir því að James fat-
ist flugið og gegn Clippers á dög-
unum hitti hann aðeins 2 af 13 skot-
um sínum í leiknum og skorað
aðeins 4 stig. Fjölmiðlar vestanhafs
voru fljótir að dæma hann út frá
þeirri frammistöðu og Silas tók þá
ákvörðun að taka James útaf í
fjórða leikhluta. Hann tók utan um
leikmanninn, hvíslaði í eyra hans og
útskýrði fyrir honum hvers vegna
hann væri ekki inná vellinum.
Skömmu síðar stóð James við
varamannabekk liðsins og veifaði
hvítu handklæði til þess að hvetja
félaga sína áfram. „Mér líkaði það
vel að sjá að hann var enn andlega
með í leiknum þrátt fyrir að vera
utan vallar,“ sagði Silas.
Umræddur leikur var sá annar í
röðinni þar sem að James var ekki
einu sinni besti nýliðinn á keppn-
isgólfinu. Chris Kaman skoraði 14
stig og tók 14 fráköst í liði Clippers.
Kvöldið áður hafði Carmelo Ant-
hony skorað 26 stig fyrir Denver
Nuggets gegn Cleveland. Margir
fjölmiðlar sögðu þá stundina að
James væri ofmetinn og að hann
stæði ekki undir væntingum. James
beit í neðri vörina og svaraði með
því að skora 18, 23, 37 og 27 stig í
fjórum næstu leikjum liðsins en lið-
ið náði þrátt fyrir það aðeins að
sigra í einum þeirra.
LeBron James hefur þaggað niður í efasemdaröddum með tilþrifum sem jafnast á við það besta sem sést hefur í NBA-deildinni
„ÞREFÖLD
tvenna í hverjum
LEIK er takmarkið“
LeBron James er aðeins 18 ára gamall, og ætti á þess-
um tímapunkti í lífi sínu að vera í bandarískum há-
skóla líkt og fjölmargir jafnaldrar hans. Þess í stað er
James í kastljósi NBA-deildarinnar sem leikstjórn-
andi Cleveland Cavaliers. Nú þegar fjórðungur
keppnistímabilsins í NBA er að baki hefur hinn bros-
mildi leikstjórnandi sýnt tilþrif sem jafnast á við það
besta sem sést hefur en að sama skapi hefur hann
mátt glíma við mótlæti sem fylgir því að vera sá sem
þarf að bera lið á herðum sínum.
Reuters
LeBron James treður knettinum í körfuna í fyrsta leik sínum í NBA-deildinni
með liði sínu Cleveland Cavaliers og minnir óneitanlega á leikmann sem lék
með númerið 23 á bakinu. Michael Jordan.
seth@mbl.is
Reuters
Skórnir sem LeBron James leikur í gefa honum rúmlega
7,3 milljarða kr. í tekjur á næstu sjö árum!