Morgunblaðið - 20.02.2004, Blaðsíða 56

56 FÖSTUDAGUR 20. FEBRÚAR 2004 MORGUNBLAÐIÐ
FYRIR nokkrum árum settu tveir stofnfélaga
Sálarinnar hans Jóns míns, þeir Stefán Hilm-
arsson og Jón Ólafsson, á stofn sálarbandið
Stefán & Straumar, aðallega í þeim tilgangi að
svala sálartónlistarfíkn sinni. Sveitin hefur ekki
leikið oft, enda hefur hún fyrst og fremst verið
tómstundaband og aðallega stigið fram í „Sál-
arfríum“. Á næstunni hyggjast Straumar troða
upp í nokkur skipti á veitingastaðnum Nasa við
Austurvöll.
Straumar eru að upplagi fimm manna band,
en á Nasa verða hvorki meira né minna en átta
manns á sviðinu. Straumar eru – auk Stefáns og
Jóns – Sálarverjarnir Friðrik Sturluson og Jó-
hann Hjörleifsson og Guðmundur Cr. Pét-
ursson gítarleikari. Þeim til fulltingis verða svo
til að fullkomna sálarstemninguna söngkonan
Regína Ósk og blásararnir Óskar Guðjónsson
og Snorri Sigurðarson, sem að auki munu leika
á slagverk þegar þeir hafa tíma til. Á dag-
skránni verður „kraftmikil og kjarngóð soul-
tónlist af ýmsu tagi“, eins og þeir skilgreina
hana sjálfir Stefán og Jón og þess má geta, að af
þessu tilefni verður stemningin á Nasa færð
svolítið í „sálargírinn“; á veggjum verða sýndar
skyggnur af helstu sálarhetjum fyrri ára og
starfsfólk staðarins tekur þátt í að skapa
stemninguna.
Soulþyrstir hafa þeir verið
Morgunblaðið náði tali af þeim Straum-
gjöfum Stefáni og Jóni og spurði þá fyrst nánar
út í hvernig þetta kom til með Straumana.
„Við stofnuðum þetta band fyrir nokkrum ár-
um, fyrst og síðast til að svala krónískri soul-
fíkn. Við höfum verið leyniband, bara spilað
stöku sinnum þegar við höfum mátt vera að því.
Hugmyndin er náttúrlega eldgömul og marg-
notuð, m.a. var Sálin á sínum tíma stofnuð með
sömu formerkjum. En Sálin setti soulið fljót-
lega til hliðar, þannig að soulþyrstir höfum við
verið meira eða minna upp frá því. Þetta er
reyndar ekki í fyrsta skipti sem við setjum sam-
an band til að slá á soulþrána, einhverjir muna
e.t.v. eftir Tvöfalda beatinu, sem við stóðum að
ásamt fleirum fyrir mörgum árum.“
– Hefur lengi staðið til að hleypa Straum-
unum á?
„Það hafði legið alllengi í hinu stóra stöðu-
vatni, Farvatninu, að halda alvöru tónleika með
söngkonu, blásurum og fíniríi. Það var reyndar
meiningin við stofnun Straumana að haga því
þannig, en nú er það loks að takast.“
Við lifum aðeins einu sinni
– Hefur þetta eitthvað með að gera sálarlagið
„Við lifum aðeins einu sinni“sem þið sömduð
fyrir úrslitaþátt Idol? Var það kannski það sem
til þurfti?
„Reyndar var Nasa-verkefnið komið á dag-
skrá þegar við vorum beðnir að semja það lag.
Það var beðið um nokkuð hressilegt og grípandi
númer, og þetta kom nánast af sjálfu sér, því á
þessum tíma var kominn í okkur soulfiðringur-
inn. Og auðvitað munum við flytja lagið á Nasa,
og fleiri valin íslensk númer einnig.“
– Aftur á byrjunarreit? Jón og Stefán Hilm-
arz saman í Sálinni?
„Það má e.t.v. segja það, í vissum skilningi.
En auðvitað eiga Straumar ekkert skylt við Sál-
ina eins og fólk þekkir hana gerst. Sálin mun
lifa áfram, en Straumarnir eru og munu verða
„novelty band“. Þannig viljum við hafa það.“
– Ekkert deja vu?
„Nei, varla. Þetta er allt annað umhverfi og
andrúmsloft en var fyrrum, aðrir meðspilarar,
annar leikvöllur.“
– Hvað er það við sálartónlistina sem togar
svona í ykkur?
„Það er ekki auðvelt að svara því. Öll tónlist á
það reyndar sammerkt að toga í og hrífa mann,
og þegar best tekst til verður manni vart sjálf-
rátt og fer sálförum. Við tölum gjarnan um að
„bugast“, þegar við hyggjumst spila soul, og er-
um einhuga um það að bug-gildið sé hærra í so-
ulinu en í flestum öðrum tegundum tónlistar. Af
fremstu soulsöngvurum sögunnar eru lang-
flestir blökkumenn, en það er staðreynd að þeir
tifa öðruvísi og þeim er tamara að „bugast“ en
okkur bleiknefjum.“
– Erum við að tala um eitthvað varanlegt
samstarf?
„Sem fyrr segir, er stefnan að fara frekar
sparlega með Straumana. Bandið verður sjálf-
sagt alltaf til, svona sem gæluprójekt. En við
erum ekkert að fara í sumarreisu um landið eða
slíkt.“
– Eitthvað meira hjá Straumum en Nasa-
dæmi næstu helgar?
„Nei, við hyggjumst bara taka nokkur gigg á
Nasa, þetta verður líkast til stutt en gaman.“
Bræður í „buginu“
– Hvað er á efnisskrá?
„Mest erlend soulnúmer, t.a.m. lög sem
þekkt eru í flutningi Stevie Wonder, Arethu
Franklin, Sam and Dave, The Temptations, Fo-
ur Tops, Jackson Five og margra fleiri. En
einnig verða á dagskrá nokkur íslensk lög sem
við höfum reynt að klæða í soulbúninga eftir því
sem við á. Eitt Sálarlag verður á efnisskránni,
eitt með Ný dönsk og 2–3 Pláhnetulög fljóta
með, en þau hafa ekki verið flutt opinberlega
langa lengi.“
– Hvert sækið þið helst þegar sálartónlistin
er annars vegar (Motown, Stax, Atlantic)
Hvaða áhrifavaldar sérstaklega?
„Við gerum ekki upp á milli plötuútgáfa. Mo-
town er mest poppuð, Stax kannski með mesta
frumkraftinn. Allar útgáfurnar fá sitt, þarna
verða lög eftir Stevie Wonder og Otis Redding,
en einnig lög sem e.t.v. falla ekki undir hina
hefðbundu soul-skilgreiningu, en eru engu að
síður hrynföst og henta vel þessum formerkj-
um, t.d. lagið „Superstar“, úr samnefndum
söngleik, svo eitthvað sé nefnt.“
– Hver er bestur allra sálarsöngvara, eitt-
hvert uppáhald?
Stefán: „Þeir eru mjög margir, get nefnt Ste-
vie Wonder, Levi Stubbs, hinn unga Michael
Jackson og Arethu Franklin.“
Jón: „Mitt uppáhald er Otis Redding.“
– Eitthvert uppáhaldssálarlag?
Stefán: „Allt of mörg, þau detta inn og út hjá
manni. Í augnablikinu er t.d. ég mjög hrifinn af
lögunum „Onion Song“ í flutningi Marvin Gaye
og Tammi Terrel og „The Love You Save“ með
Jackson Five.“
Jón: „„The Dark End of the Street“ í flutn-
ingi James Carr.“
– Má sjá fyrir sér að Jón snúi sér að ein-
hverju öðru og þú haldir Straumadæminu
áfram næstu 20 árin með glæstum árangri?
„Það er ólíklegt, við erum bræður í „buginu“.
Straumar og Stefán troða upp á Nasa í kvöld og næstu helgar
Bugaðir soul-dýrkendur
Morgunblaðið/Golli
Svart og hvítt. Taktur og tregi. Straumar og Stefán.
Fyrsta uppákoma Strauma og Stefáns er
í kvöld á Nasa og verður svo aftur annað
kvöld, næstu helgi 27. og 28. febrúar,
5. mars og 13. mars.
skarpi@mbl.is
Sannkölluð stórmynd
sem hlotið hefur
frábæra dóma og
viðtökur um allan heim.
Tom Cruise hefur aldrei
verið betri!
Frábær gamanmynd frá höfundi
Meet the Parents
EINNIG SÝND Í LÚXUS VIP Í ÁLFABAKKA KL. 6, 8 OG 10.10.
ÁLFABAKKI
Sýnd kl. 3.50, 6, 8 og 10.10.
FRUMSÝNING
HJ. MBL

ÓHT. Rás2 6
Tilnefningar til
óskarsverðlauna
m.a. besta mynd ársins
Sýnd kl. 5.45. B.i. 16.
Heimur farfuglanna
Sýnd kl. 8.15.Sýnd kl. 8 og 10.30. B.i. 14 ára.
Mögnuð mynd með
Óskarsverðlaunahöfunum Ben
Kingsley og
Jennifer Connelly
Sýnd kl. 5.50. B.i. 12 ára.
Sýnd kl. 5.30, 8, 9.15 og 10.30.
Sýnd kl. 7.05 og 8.10.
Sýnd kl. 6, 9 og 10.30. B.i. 16.

Kvikmyndir.com

HJ MBL
„Fínasta
skemmtun“
B.Ö.S.
Fréttablaðið
Gamanmynd eins og þær gerast bestar !
Sýnd kl. 5.20.
Diane Keaton tilnefnd til
Óskarsverðlauna fyrir leik sinn
í myndinni
FRUMSÝNING
FRUMSÝNING
Skjóni fer á fjall
Kynnir
Stórbrotin
ogmargverðlaunað
stórmynd með
Óskarsverðlaunahafanum,
Nicole Kidman, Golden
Globe og BAFTA
verðlaunahafanum Renée
Zellweger og Jude Law.

Kvikmyndir.com