Morgunblaðið - 04.03.2004, Blaðsíða 19

HÖFUÐBORGARSVÆÐIÐ
MORGUNBLAÐIÐ FIMMTUDAGUR 4. MARS 2004 19
Reykjavíkurhöfn | Fiskverkendur
og útgerðarmenn við Reykjavíkur-
höfn eru sumir hverjir ekki sáttir
við hugmyndir um uppbyggingu og
íbúðarbyggð á svæðinu, og segir
einn þeirra að enn hafi ekki verið
rætt við sig, þrátt fyrir að hús fyr-
irtækisins virðist ekki inni á nýjum
hugmyndum að skipulagi.
„Við erum alveg á þessum reit
sem verið er að skipuleggja núna,
og húsið okkar er ekki á þessum til-
lögum sem við erum að sjá. Það
gæti þýtt það að við þurfum að fara
eitthvað annað, hvort sem það verð-
ur annars staðar í Reykjavík eða
eitthvað annað,“ segir Ásbjörn
Jónsson, framkvæmdastjóri hjá
Jóni Ásbjörnssyni og Fiskkaupum.
Ásbjörn segist hafa það á tilfinn-
ingunni að borgaryfirvöld vilji að
fyrirtækið fari eitthvað annað. „Ég
held að það sé ágætt að gera eitt-
hvað í þessu skipulagi, en það hlýtur
þá að þurfa að færa þessa fisk-
vinnslu og útgerð annað, annað
hvort annars staðar í höfninni eða
aðra höfn.“
Talsverðar vangaveltur hafa verið
um hvað eigi að gera á svæðinu, og
óvissa um framtíðina. Ásbjörn segir
að t.d. hafi starfsfólk verið óöruggt
og spurt um framtíð fyrirtækisins,
og ekki hafi verið ljóst hversu miklu
eigi að verja í viðhald á húsi. Hann
segir þó að eftir samtöl við hafn-
arstjóra og aðra sjái hann ekki ann-
að en fyrirtækið fái að vera þarna
einhver ár í viðbót.
Rúmast varla í
blandaðri byggð
„Þetta eru bara tillögur svo það
er alveg óvíst hvað verður, en mað-
ur fær engin svör,“ segir Ásbjörn.
Hann segir starfsemi fyrirtækisins
varla rúmast í blandaðri íbúða-
byggð. „Maður finnur það að það er
verið að þrengja að okkur hérna,
slippurinn er að fara og þar er að
koma íbúðarbyggð. Svo er búið að
ákveða að það verði tónlistarhús og
jafnvel hótel hérna hinumegin við
okkur svo það er verið að þrengja
að okkur úr báðum áttum. En við
bíðum bara rólegir og sjáum hvað
gerist.“
Aðstaðan sem fyrirtækið er í
núna er mjög góð, segir Ásbjörn,
skipið sem Fiskkaup gerir út getur
landað því sem næst beint inn í hús-
ið. Hann segir ljóst að ekki sé hægt
að finna jafngóða aðstöðu annars-
staðar, en útilokar ekki að fyrirtæk-
ið flytji milli bæjarfélaga verði
þrengt að því við Reykjavíkurhöfn.
Granda ætlaður staður
Kristján Þ. Davíðsson, forstjóri
Granda, segist trúa því að fyrirtæk-
inu sé ætlaður staður þar sem það
er í dag, og hann hafi fengið það
staðfest hjá yfirvöldum. „Ég tel
okkur alveg finna það frá borgaryf-
irvöldum og hafnaryfirvöldum að
menn hafi áhuga á því að halda
Granda í Reykjavík,“ segir Kristján.
„Yfirvöld hafa verið að búa til
garð fyrir okkur hérna og það er
verið að taka massa úr höfninni og
setja hann hérna fyrir utan okkur.
Svo við bæði trúum því og treystum
að okkur sé ætlaður staður hérna,“
segir Kristján. Hann segir þó óviss-
ara hvað verði um loðnuverksmiðj-
una til lengri tíma litið.
Ekki er víst að starfsemin sam-
rýmist blandaðri íbúðarbyggð, en
staðsetning fyrirtækisins geri það
að verkum að það skipti ekki öllu
máli. Hann segir þó að blandaða
byggðin sé þó kannski slæm hug-
mynd, og bendir á að væntanlegir
íbúðarkaupendur væru sennilega
ekki til í að kaupa íbúð fyrir ofan
þvottastöð eða bílaverkstæði.
Kristján segir að það sem valdi
honum hvað mestum áhyggjum við
tillögurnar er að þar sé ekki sé víst
að umferðaræðar til og frá fyrirtæk-
inu séu ekki gerðar fyrir þá umferð
sem þar þurfi að fara um, og lokist í
versta lagi. Hann segist þó í heild-
ina bjartsýnn á framtíð Granda í
Reykjavíkurhöfn.
Útgerðarmenn uggandi
yfir uppbyggingu
Morgunblaðið/Jim Smart
Við Reykjavíkurhöfn: Ekki er víst að fiskverkun og útgerð samrýmist hug-
myndum Reykjavíkurborgar um blandaða íbúðabyggð við höfnina.
„Gæti þýtt að við
þurfum að fara
eitthvað annað“
Mosfellsbær | Leikfélag Mosfells-
sveitar hefur nú gert samning við
Mosfellsbæ um samstarf á leikárinu,
og mun leikfélagið m.a. standa fyrir
sumarskóla fyrir börn, opnu leikhúsi
á góðviðrisdögum auk þess að efla
menningarstarf á hátíðisdögum.
„Við sjáum um ákveðinn þátt í
menningar- og skemmtanastarfi bæj-
arins, til dæmis við vígslu á jólatrénu,
á þrettándanum, 17. júní og á afmæl-
isdegi bæjarins. Þetta sér leikfélagið
um, aukinheldur sem við rekum skóla
sem heitir Leikgleði fyrir börn á
sumrin. Fyrir þetta fáum við ákveðna
upphæð á ári frá bænum“ segir Pétur
R. Pétursson, formaður Leikfélags
Mosfellssveitar.
Mosfellsbær styrkir leikfélagið um
1,5 milljónir króna á ári næstu tvö ár-
in. Leikfélagið er eingöngu skipað
áhugamönnum og hefur engan starfs-
mann á kaupi. Pétur segir þetta fjár-
magn tryggja að hægt sé að setja upp
að lágmarki tvær veglegar sýningar á
ári, sem sé meira en mörg önnur leik-
hús geti gert.
Leikið fyrir gesti og gangandi
Meðal þess sem leikfélagið hefur á
prjónunum er að setja upp svokallað
leikhúskaffi utanhúss á góðviðr-
isdögum í sumar. Þá verður torgið ut-
an við leikhúsið málað eins og ald-
ingarður, sett upp tré og selt kaffi og
meðlæti. Svo verða sett upp leikatriði
fyrir gesti og gangandi. „Þetta verður
ekki gert nema það sé gott veður og
góð spá,“ segir Pétur kíminn, að-
spurður um hvort það sé raunsætt að
gera þetta á Íslandi.
Leikfélagið frumsýnir nú á föstu-
dag leikritið Lú-barinn. Pétur segir
leikritið skemmtifarsa sem gerist á
ný-uppgerðum Lú-barnum, síðasta
daginn áður en staðurinn verður opn-
aður aftur. „Þarna koma ýmsir gest-
ir, bæði gamlir fastagestir og aðrir,
og það er svona „monkeybuisness“ í
kringum þetta allt saman og heljar
grín sem verður úr þessu,“ segir Pét-
ur.
Á eftir sýningunni getur fólk
kynnst Lú-barnum af eigin raun því
barinn verður opinn eftir sýningu, og
hljómsveit barsins, sem spilar undir á
sýningunni, heldur uppi fjörinu.
Verða með opið leikhús á
góðviðrisdögum í sumar
Morgunblaðið/Sverrir
Frumsýning á föstudaginn: Atriði úr leikritinu Lú-barinn, vongóður
trúbador kemur á barinn í leit að góðum stað til að spila tónlistina sína.
Fáðu fréttirnar
sendar í símann þinn
Heilsukoddi
Eirberg
hjálpartæki og heilbrigðisvörur
Stórhöfða 25 • eirberg.is • 569 3100
Fást í verslunum um land allt
H. Blöndal ehf.
Sími 517 2121
www.hblondal.com
Purga-T sjálfvirku
slökkvitækin fyrir
sjónvörp
• Alltaf á vakt
• Slekkur eldinn strax
• Fullkomlega öruggt
FIMMTUDAGS-
TILBOÐ
Suðurlandsbraut
Sími 533 3109
Opið
mán.-fös. kl. 12-18
laugardaga kl. 10-16
Dömukuldaskór
og stígvél frá Zinda
St. 36-40
Litur: Svartur og brúnn
Verð áður 14.995
Verð nú 7.995
St. 36-40
Litur: Svartur og brúnn
Verð áður 18.995
Verð nú 9.995
Úrslitin úr
enska boltanum
beint í
símann þinn