Morgunblaðið - 04.03.2004, Blaðsíða 24

Þéttvafnar: Rauðar rósir með brúðarslöri og
smáum grænum blöðum vöktu athygli í róm-
antíska þemanu.
BLÓM og blómaskreytingar eru ómissandi þeg-
ar halda á brúðkaup. Til að auðvelda litaval og
jafnvel þema hafa Garðheimar staðið fyrir Brúð-
arhelgi undanfarin ár og kynnt, það sem hæst
ber í samsetningu á brúðarvöndum. „Rauði lit-
urinn er mjög áberandi í brúðarvöndum og
skreytingum í ár,“ segir Jóhanna Hilmarsdóttir,
deildarstjóri í Garðheimum. „Við vorum með
þrjá bása og tilvísun í þrjú þemu, sem við köll-
uðum rómantík, ævintýri og náttúru. Sýning-
argestir hrifust greinilega af rómantíkinni sem
var mjög stílhrein og rauð og eins af því sem við
kölluðum náttúruþema og var sett upp í sér-
stöku tjaldi. “
Jóhanna segir að brúðhjónin hafi oftast
ákveðnar hugmyndir um hvernig þau vilji hafa
skreytingarnar, bæði liti og eins hvaða blóm eigi
að vera í brúðarvendinum en vilji jafnframt fá
aðstoð og ráðleggingar. Ef um fágæt blóm er að
ræða tekur 10 daga til hálfan mánuð að sér-
panta þau að utan.

BRÚÐARVENDIR
Fjölbreytni: Fjólublár hringur með hýjas-
intublómum umvefur þennan brúðarvönd.
Hvítar: Fresíur og birkigreinar
mynda umgjörð um calla-blóm.
Gular: Ilmandi fresíur í
stílhreinum brúðarvendi.
Sumarlegur: Brúðarvöndur með
margarítum og safaríblómum.
Rauð rómantík
vinsælust
Morgunblaðið/Sverrir
Á sumum jakkafötum
er hnappagat á boð-
ungnum sem hægt er
að stinga blóminu í en
ella verður að festa það
með títuprjóni.
DAGLEGT LÍF
24 FIMMTUDAGUR 4. MARS 2004 MORGUNBLAÐIÐ
1 4 4 4
w w w. g u l a l i n a n . i s
FYRSTU næturnar þínar vöktum
við töluvert mikið saman, þú og ég.
Við fórum fram úr um það bil tvisv-
ar á nóttu og vorum í um einn og
hálfan tíma saman að dúlla okkur.
Oft sofnaðir þú í fanginu á mér en
ég bara tímdi ekki að sleppa, horfði
bara á þig og öll svipbrigðin þín.
Meðgangan býr mann reyndar
ágætlega undir þessa næturvöku.
Síðustu vikur meðgöngunnar er
maður alveg hættur að sofa heilan
svefn, bumban er orðin svo stór og
fyrirferðarmikil að maður vaknar
við hverja hreyfingu. Snúningslakið
er samt alveg stórkostleg uppfinn-
ing, ég var farin að nota það strax á
fimmta eða sjötta mánuði. Þetta lak
er þannig úr garði gert að það er
tvöfalt og snýst eiginlega á sjálfu
sér. Í hvert sinn sem ég hreyfði mig,
snerist því lakið á sjálfu sér og auð-
veldaði mér hreyfingarnar. Bumban
er reyndar eitt merkilegasta ferlið í
óléttunni. Í byrjun meðgöngunnar
stóð ég stundum fyrir framan speg-
ilinn á baðinu og þandi magann á
mér út eins og ég gat, var að reyna
að ímynda mér hvernig þetta yrði
allt saman. Ég gat varla beðið. Þeg-
ar maginn fór síðan að stækka,
gerðist það svo hratt að það varð
eiginlega vandræðanlegt.
Ég man að á mánudegi fór pabbi
þinn út á sjó og ég fór þann daginn í
hefðbundinni buxnadragt í vinnuna.
Þetta var einn síðasti dagurinn sem
ég klæddist mínum gömlu fötum.
Um kvöldið mátaði mamma á mig
pils sem hún var að sauma á mig.
Þremur dögum síðar þurfti hún að
víkka pilsið, það var orðið of þröngt!
Þessi reynslumikla saumakona ætl-
aði varla að trúa sínum eigin aug-
um. Á laugardeginum á undan hafði
ég farið á fund og hitt fullt af fólki.
Viku síðar fór ég á sams konar fund,
hitti sama fólkið en þá kasólétt!
Auðvitað ýki ég þetta aðeins en ég
man nú samt að eitt kvöldið sat ég
uppi í rúmi, horfði á magann á mér
og hugsaði: Hvernig getur þetta
verið að gerast? Mittið var að fara
og maginn á mér að stækka og
breyta um lögun. Hvoru tveggja
hafði ég beðið eftir en þetta var nú
samt sem áður að gerast ískyggi-
lega hratt. Ég spurði því lækninn
minn: Er þetta eðlilegt? „Jú, þetta
er fullkomlega eðlilegt og bara mis-
jafnt hjá konum. Náttúran sér bara
til þess að þetta fari í þann farveg
sem líkamanum hentar hverju sinni.
Þú verður fljót að fá kúlu.“ Ég hef
því alltaf sagt að ég hafi orðið ólétt
svo snemma að það hafi verið farið
að sjást á mér daginn eftir!

DAGBÓK MÓÐUR
Mittið fer
og maginn
stækkar
Meira á morgun.
Á SÍÐUSTU árum hafa orðið miklar
breytingar á íslensku samfélagi, sem
er orðið fjölbreyttara en áður. Til-
koma Netsins og nýrra sjónvarps- og
útvarpsstöðva, sem hafa börn, ung-
linga og ungt fólk sem markhóp, gera
það að verkum að þessir hópar eru
ekki í eins miklum tengslum við heim
fullorðinna og fyrri kynslóðir. Kyn-
slóðin sem nú er að vaxa úr grasi býr
við frábær skilyrði sem eiga sér eng-
an sinn líka í veraldarsögunni. Þetta
er fyrsta kynslóðin sem á augnabliki
hefur aðgang að allri þekkingu sem
mannskepnan hefur aflað sér. Skóla-
börn geta á nokkrum mínútum sótt
sér upplýsingar sem hefði tekið sér-
fræðing marga mánuði að safna sam-
an fyrir aldarfjórðungi. Samfélagið
einkennist af hraða, miklu aðgengi að
upplýsingum og breytingum sem eru
svo örar að erfitt er að sjá fyrir í
hvaða átt samfélagið mun þróast.
Æskilegt er að menntakerfið end-
urspegli þarfir þjóðfélagsins á hverj-
um tíma. Gefa þarf einstaklingum
kost á að tileinka sér þá færni sem er
nauðsynleg til að dafna í samfélag-
inu.
Breytt þjóðfélagsgerð kallar á
nýja manngerð sem er fjölhæf og
fljót að laga sig að nýjum aðstæðum.
Skólakerfið hefur reynt að koma til
móts við breytta samfélagsgerð með
breyttum kennsluháttum þar sem
lögð er áhersla á frelsi einstaklings-
ins og sjálfstæði í vinnubrögðum. Þar
er að finna hluta skýringar á því
hvers vegna agavandamál eru að
aukast í skólum landsins. Varla er
hægt að þjálfa sjálfstæði nema gefa
börnum lausari taum. Heimilin virð-
ast færast í sömu átt, þ.e. foreldrar
veita meira frelsi og þurfa því að
beita sér meira en áður til að halda
boðvaldi yfir börnum sínum. Börn í
dag eru tilbúnari en áður að véfengja
hvort kennari, foreldrar eða aðrir
fullorðnir hafi boðvald yfir þeim.
Uppalendur verða að bregðast við
breyttri þjóðfélagsgerð og gera gott
samfélag betra með því að taka
ábyrga afstöðu og koma henni á
framfæri sem víðast. Foreldrar og
skóli þurfa að gera upp við sig hvaða
gildum og hegðunarreglum á að
miðla milli kynslóða. Það er nauðsyn-
legt vegna þess að hin nýja þjóð-
félagsgerð gefur börnum og ungling-
um kost á að velja sig frá
fullorðinsheiminum, sem aftur þýðir
að hætta er á að eðlilegur tilflutn-
ingur á grunnviðmiðum og gildum
samfélagsins miðlist ekki með eðli-
legum hætti milli kynslóðanna.
Öruggir snertifletir barna við fullorð-
insheiminn eru foreldrar og skóli.
Undirritaður telur að heimili, skóli
og aðrir sem koma að uppeldi, beri
sameiginlega ábyrgð á því að miðla
leikreglum samfélagsins til nýrrar
kynslóðar.

FRÁ LANDLÆKNISEMBÆTTINU | Breytt samfélagsgerð
Morgunblaðið/Kristinn
Gylfi Jón Gylfason,
yfirsálfræðingur á Fræðslu-
skrifstofu Reykjanesbæjar.
Foreldrar og skóli
þurfa að gera upp
við sig hvaða gildum
og hegðunarreglum
á að miðla milli
kynslóða.
Aukin ábyrgð uppalenda