Morgunblaðið - 04.03.2004, Blaðsíða 35

UMRÆÐAN
MORGUNBLAÐIÐ FIMMTUDAGUR 4. MARS 2004 35
HUGI Hreiðarsson fer mikinn í
grein sinni í Morgunblaðinu 27. febr-
úar sl. um samkeppni á
eldsneytismarkaði. Í
sjálfu sér ætla ég ekki
að gera það að venju
minni að svara enda-
lausum rangfærslum
Huga en lengi skal
manninn reyna.
Olíufélagið rekur
ábyrga verðstefnu á
neytendamarkaði. Sú
verðstefna stendur á
tveimur fótum og er
gegnsæ. Annars vegar
er horft til þróunar á
heimsmarkaði og verð-
ið lækkað þegar verð á heimsmarkaði
lækkar og öfugt. Hins vegar er horft
til samkeppnisstöðu á markaði en Ol-
íufélagið lofar að bjóða viðskipta-
vinum sínum ætíð hagstætt verð á
eldsneyti. Til þess að vera trú þeirri
stefnu er vel fylgst með hegðan keppi-
nautanna og verð aðlagað til að standa
ávallt við gefin loforð.
Oft gerast einstaklingar og fyr-
irtæki sjálfhverf í samkeppninni og
halda að keppinautarnir séu bara að
hugsa um þeirra fyrirtæki. Án þess að
vilja móðga Huga, þá horfum við hjá
Essó ekki sérstaklega á verðlagningu
hans fyrirtækis í verðákvörðunum
okkar. Einkunnarorðin „Veldu ódýrt
bensín“ eru ekki til höfuðs Huga. Þau
eru hluti af markaðs- og
auglýsingaherferð sem
við hófum í febrúar 2003
– löngu áður en Hugi tók
til við að selja bensín.
Hugi fjallar í grein
sinni töluvert um nýlega
kæru sína til Samkeppn-
isstofnunar og ætlar
greinilega að reka þá
kæru í fjölmiðlum. Ég
legg til að við bíðum með
umræðuna þar til Sam-
keppnisstofnun hefur úr-
skurðað í málinu. Það vill
nefnilega svo til að sam-
keppnislögin voru ekki sett til að Hugi
fengi að spila einleik á markaðinum.
Nei, öðru nær, nálgun Huga er mikil
einföldun því samkeppnislögin eru
fyrst og fremst hugsuð til að stuðla að
samkeppni á markaði og samkeppni
byggist jú á því að menn takist á!
Annars er afar athyglisvert að sjá
Huga tala um efnahagslegan styrk
fyrirtækja. Þar ruglar hann reyndar
saman Olíufélaginu og móðurfélagi
þess, Keri. Fróðlegt þætti hins vegar
mörgum að sjá efnahagslegan styrk
Bandaríkjamannsins Brandon Rose
og fjölskyldu hans sem er hinn raun-
verulegi eigandi Atlantsolíu.
Einu er ég þó sammála í grein
Huga. Það er sú staðhæfing að valdið
sé neytendanna. Því valdi vill Olíufé-
lagið Esso sannarlega lúta. Við vitum
að neytandinn vill þjónustu. Neyt-
endur vita að þjónusta Olíufélagsins
er ekkert skyndiupphlaup, það er allt-
af hægt að treysta á að Esso eigi elds-
neyti. Neytendur vita að Olíufélagið
Esso rekur yfir 100 eldsneytisstöðvar
um allt land sem landsbyggðarfólk
getur treyst á allt árið og aðrir Íslend-
ingar ganga að vísum í ferðum sínum
víðs vegar um landið. Neytendur vita
einnig að Olíufélagið Esso er ábyrgur
þegn í samfélaginu og uppfyllir ítr-
ustu kröfur í öryggis- og umhverf-
ismálum. Eða eins og við hjá Esso
segjum: „Þitt er valið.“
Látum neytendur velja!
Hjörleifur Jakobsson svarar
Huga Hreiðarssyni
Hjörleifur Jakobsson
’Neytendur vita aðþjónusta Olíufélagsins
er ekkert skyndiupp-
hlaup…‘
Höfundur er forstjóri
Olíufélagsins ehf.
FASTEIGNASALAN
GIMLI
4RA HERBERGJA
NJÁLSGATA - ÚTSÝNI Nýtt á skrá
rúmgóð og björt 102 fm íbúð á 4. hæð í stein-
steyptu fjölb. Þrjú svefnherbergi og stór
stofa sem nýtist einnig sem borðstofa.
Glæsilegt útsýni af norðursvölum. Viðrunar-
svalir í suður. Nýlegt járn á þaki. Hús byggt
árið 1960. Verð 13,6 millj. Áhv. 4,0 millj.
HOLTSGATA - JEPPASKÚR Erum
með í sölu góða 4ra herbergja 95 fm íbúð.
Íbúðin skiptist í fjögur herbergi, stofu með
útg. á suðvestursvalir, eldhús með góðum
borðkrók og uppgert baðherbergi með bað-
kari, sér sturtuklefa og góðri innréttingu.
Jeppabílskúr 40 fm og afar rúmgóður. Í
skúrnum er rafmagn, kalt vatn og góð sal-
ernisaðstaða. Áhv. 5,7 millj. Verð 15,5 millj.
SÓLVALLAGATA Vorum að fá í einka-
sölu einstaklega fallega 81 fm 4ra herbergja
íbúð á tveimur hæðum á þessum frábæra
stað. Íbúðin sem skiptist í tvö herbergi, ann-
að með nýjum skápum, tvær stofur, eldhús
með fallegri nýlegri innréttingu, gashellu-
borði og veggofni. Baðherbergið er flísalagt
í hólf og gólf, með baðkari og góðri innrétt-
ingu. Góð og falleg eign á frábærum stað.
Áhv. 10,2 millj. Verð 15,6 millj.
3JA HERBERGJA
FURUGRUND - LAUS FLJÓTLEGA
Nýtt á skrá falleg og vel skipulögð 3ja herb.
íbúð á 1. hæð í nýviðgerðu og máluðu fjölb.
Tvö svefnherbergi, Baðherbergi endurnýjað.
Suðursvalir úr stofu. Parket á gólfum. Tengi
fyrir þvottavél á baði. Verð 11,9 millj. Áhv. 5,8
millj.
RAUÐARÁRSTÍGUR - 1. HÆÐ Vel
skipulögð og björt 3ja herb. 63 fm íbúð með
vestursvölum. Holið er rúmgott, tvö svefn-
herbergi, annað með fataskáp. Rúmgóð
stofa. Járn á þaki endurn. og gler. Verð 9,8
millj. Áhv. 5,0 millj.
KLAPPARSTÍGUR - HÆÐ OG RIS
Nýtt á skrá sérlega falleg og mikið endur-
nýjuð 3ja herb. 78,8 fm íbúð á 3. hæð með
austursvölum. Íbúðin er á tveimur hæðum.
Risið er nýtt sem eitt stórt rými. Eldhús með
nýlegri innréttingu, gaseldavél, borðkrókur.
Baðherbergi með móasík flísum í hólf og
gólf, sturtuklefi. Parket á öllu nema risi.
Verð 12,9 millj. Áhv. 6,0 millj.
SÓLVALLAGATA - LAUS FLJÓT-
LEGA Sérlega falleg, björt og mikið endur-
nýjuð 3ja herb. íbúð á 1. hæð í þríbýli. Búið
er að endurnýja t.a.m. skolplögn, rafmagn
ídregið + rafmagnstafla, gler endurnýjað og
parket á gólfum. rúmgott svefnherbergi
með miklu skápaplássi. Samliggjandi stofur
(aðra hægt að nýta sem svefnherb.) með
rennihurð á milli, suðursvalir úr stofu. Verð
12,9 millj. Áhv. 5,8 millj.
HRÍSATEIGUR - 3JA HERB. HÆÐ
Vorum að fá í sölu glæsilega 3ja herbergja
íbúð á 1. hæð. Góðar innr. og parket á
gólfum. 2 svherb., gott eldhús og stofa. Nýl.
endurnýjað eldhús, raflagnir, pípulagnir að
hluta og þakjárn. Húsið er járnklætt timbur-
hús og er í góðu standi. Eignin getur losnað
fljótlega. Áhv. 6,1 millj. Verð 13,4 millj.
KLEIFARSEL - GLÆSIEIGN Vorum
að fá í sölu góða 3ja-4ra herbergja 86 fm
íbúð. Íbúðin er öll hin vandaðasta, með
tveimur svefnherbergjum, stofu, borðstofu
og baðherbergi. Gólfefni er parket og dúkur
á baðherbergi. Hús í góðu ásigkomulagi.
Verð 11,9 millj.
2JA HERBERGJA
ÞÓRSGATA - LAUS STRAX Sérlega
sjarmerandi og björt 2ja herb. íbúð í risi í
steinsteyptu þríbýli. stofa, borðstofu og
svefnherbergi. Parket er á íbúðinni, nema á
baði. Búið er að endurnýja rafmagnstöflu.
Sameiginlegt þvottahús og geymsla. Í heild
sérlega sjarmerandi risíbúð á einum eftir-
sóttasta stað í Þingholtunum. Áhv. húsbr.
4,3 millj. Verð 8,9 millj.
• Einbýli í vesturbæ Kópavogs. Verð allt að 28,0 millj. Uppl. gefur Grétar s. 696 1126.
• Einbýlishús í Heiðargerði, ríflegur afhtími. Verð allt að 30 millj. Uppl. gefur Hákon s.
898 9396.
• Raðhús í Fossvogi, ríflegur afhtími. Verð allt að 30 millj. Uppl. gefur Hákon s. 898 9396.
• Sérhæð í vesturbæ Kópavogs. Uppl gefur Sveinn s. 695 9808.
• Sérbýli/sérhæð í vesturbæ Reykjavíkur. Uppl. gefur Sveinn s. 695 9808.
• 4ra til 5 herb. íbúð helst m/sérinngang í Grafarvogi. Uppl. gefur Sveinn s. 695 9808.
• 3ja til 4ra herb. íbúð í Breiðholti eða Grafarvogi. Uppl. gefur Grétar s. 696 1126.
• 2ja herb. íbúð miðsvæðis í Reykjavík, með sérgarði, ekki kjallara. Uppl. gefur Hákon s.
898 9396.
ETIRTALDAR EIGNIR ÓSKAST
FYRIR TRAUSTA KAUPENDUR
GRENSÁSVEGI 13,
SÍMI 570 4800 - FAX 570 4810
Traust þjónusta í 20 ár
www.gimli.is - ww.mbl.is/gimli
Árni Stefánsson viðskiptafræðingur og lögg. fasteignasali
MEÐAL sérhverrar kynslóðar
nemenda í grunnskólum landsins er
hópur sem á erfitt upp-
dráttar í bóklegu námi.
Þessir nemendur verða
oft utangátta, eru sett-
ir í sérkennslu og jafn-
vel lagðir í einelti.
Flestir hafa þá reynslu
að hafa verið í bekk,
þar sem minnst tveir
nemendur voru í þess-
ari aðstöðu. Eftir því
sem á líður skaðast
sjálfsmynd þessara
barna, vegna síend-
urtekinnar niðurlæg-
ingar. Að auki missa
þau virðingu fyrir sjálfum sér og trú á
getu sína og hæfni.
Menntakerfi okkar býður ekki upp
á mikið fyrir þessa einstaklinga. Svig-
rúm fyrir fjölbreytni er lítið og alltaf
er lögð mest áhersla á stærðfræði, ís-
lensku og aðrar bóklegar greinar.
Samræmdu prófin bæta svo gráu ofan
á svart. Próf þessi gera lítið annað en
að mismuna nemendum eftir getu í
bóknámi, flokka þá og dæma. Þegar
komið er í gagnfræðiskóla eru sumir
búnir að fá sig fullsadda og staðráðnir
í að hætta í skóla. Síðast-
liðin ár hefur brottfall í
10. bekk og á fyrsta ári
framhaldsskólanna stór-
aukist og er það mjög
slæm þróun.
Allmargir nemendur
sem hverfa frá námi
hafa gjarnan staðið sig
vel í verklegum grein-
um. Það er þó ekki lagt
til grundvallar við inn-
tökuskilyrði framhalds-
skólanna. Mikilvægt er
að koma á breytingum
varðandi þennan þátt,
þ.e. fjölbreyttari viðmið við inntöku-
skilyrði framhaldsskóla í bók- og
verknámi. Slíkt væri til mikilla hags-
bóta, ekki einungis fyrir tiltekna nem-
endur, heldur skólakerfið og þjóðfé-
lagið í heild. Gott þjóðfélag byggist
m.a. á góðri dreifingu á vinnumark-
aðnum. Ef fólk kemur úr mennta-
kerfinu út á vinnumarkaðinn með ör-
yggi, góða sjálfsmynd og stolt yfir
menntun sinni og gjörðum næst
miklu meiri árangur á öllum sviðum,
þ.e.a.s. meiri afköst, vinnugleði og vel-
ferð.
Skólakerfið er of staðlað. Það er
ekki lagað að einstaklingnum. Þessu
er einnig nauðsynlegt að breyta.
Mögulegt er að auka valfrelsi nem-
enda mun fyrr, því þegar nemendur
eru ungir er hægt að sjá tiltölulega
fljótt hverjar eru sterkustu hliðar
þeirra. Sem dæmi má nefna að Þjóð-
verjar kynna mismunandi leiðir til
náms mjög snemma fyrir nemendum.
Danir eru mjög framarlega í skipulagi
á iðnmenntun, þannig að sá sem nær
ekki ákveðnum bóklegum greinum í
efri bekkjum grunnskóla færist í
millibekk þar sem lögð er áhersla á
atvinnutengt nám.
Iðnnám þyrfti að vera kynnt mun
fyrr í grunnskólum landsins. Það
þyrfti að vera þrepatengt rétt-
indanám, t.d. þannig að eftir eins árs
nám fengi maður réttindi til að vinna
einhvers konar þjónustustörf eða sem
aðstoðarmaður í iðngreininni. Þannig
er því farið í Danmörku. Á Íslandi er
sveinspróf í greininni hins vegar for-
senda starfsréttinda. Einnig er mik-
ilvægt að atvinnulífið sé tilbúið að
greiða götur nemenda.
Á sama hátt væri hægt að atvinnu-
tengja bóknám í menntaskóla. Segj-
um sem svo að nemandi hyggist
stefna á jarðfræði í framtíðinni.
Hvers vegna ekki að leyfa honum að
vinna í því umhverfi í vikutíma eða
svo? Réttast væri að hafa starfskynn-
ingar bæði í bóklegum og verklegum
fögum, t.d. á fyrsta og þriðja ári fram-
haldsskóla. Með þeim myndast hvati
til þess að stunda nám í tiltekinni
grein.
Fordómar gagnvart verklegu námi
eru miklir á Íslandi. En í verklegum
greinum þarf mikið hugvit og ábyrgð,
afrakstur þarf að vera sýnilegur og
háður gæðum og gagnrýni. Iðn-
aðarmaðurinn stendur og fellur með
sínu hug- og handverki. Hann er
fulltrúi iðngreinarinnar í öllu sem
hann tekur sér fyrir hendur.
Ekki hefur mikið borið á hver stað-
an er í menntunarmálum iðnnema. Ef
eitthvað er hefur orðið fækkun í
greinunum, nemendur sækja minna
og minna í þær. Ástæðan er kannski
sú að menntakerfið og atvinnulífið
geta ekki komið sér saman um hvert
stefna eigi, eða hafa lítinn skiling
hvort á öðru.
Það er eitthvað að landi þar sem
iðnmenntun er á niðurleið. Við töpum
gífurlegri þekkingu, sem er und-
irstaða þess að við getum byggt þjóð-
félag. Þar má nefna allt sem snýr að
byggingariðnaði og matvælaiðnaði,
þ.e.a.s. að grunnþörfum manneskj-
unnar.
Í starfsgreinaráðum iðngreinanna
sitja aðilar úr atvinnulífinu, auk eins
fulltrúa úr menntamálaráðuneytinu.
Atvinnulífið krafðist þess að hafa
meiri áhrif á uppbyggingu menntunar
í iðngreinunum. Þess vegna voru
starfsgreinaráðin stofnuð. Hvers
vegna er árangurinn ekki meiri? Eitt
stærsta og brýnasta verkefni mennta-
málaráðuneytisins og atvinnulífsins
er að takast á við þessi vandamál.
Eflum og virðum verknám
Emil Hjörvar Petersen
skrifar um menntamál
Emil Hjörvar Petersen
’Það er eitthvað aðlandi þar sem iðnmennt-
un er á niðurleið.‘
Höfundur er háskólanemi
og í stjórn UVG.
ÞANN 11. febrúar síðastliðinn birt-
ist grein eftir mig í Morgunblaðinu,
undir nafninu „HVAÐ
GET ÉG GERT?“ Þar
fór ég svona lauslega
yfir það hvað maður
sjálfur getur gert.
Þarna var ég að beina
orðum mínum að þeim
fjölmörgu sjúklingum
sem eru í sömu stöðu í
dag og ég var fyrir 15
árum og vona ég svo
sannarlega að fólk geti
nýtt sér sögu mína til
að gera eitthvað í sínum
málum.
Með þessari grein
minni vil ég beina orðum mínum til
þeirra sem koma að málefnum geð-
sjúkra og/eða heilbrigðiskerfinu með
einum eða öðrum hætti, en þetta eru
jú starfsmenn í öllum stéttum heil-
brigðiskerfisins, ráðamenn þjóð-
arinnar, alþingismenn, aðstandendur
og allir sem einhvern þekkja sem á við
sjúkdóm að stríða, hvort sem það er á
líkama eða sál.
Jú, þið getið komið að þessu verk-
efni með okkur og verið þátttakendur
í því að koma á fót öflugri þjónustu-
miðstöð utan stofnunar sem við höf-
um kosið að kalla Hlutverkasetur.
Þar munu allir sem á einhvern hátt
hafa ekki fengið tæki-
færi til að sýna getu
sína, t.d. á alm. vinnu-
markaði, geta fundið
sér hlutverk. Þarna
verður unnið á jafn-
ingjagrundvelli, þ.e.a.s.
sérmenntað fagfólk
mun vinna með þeim
sjúklingum (notendum)
heilbrigðiskerfisins sem
vilja leggja sitt af mörk-
um svo að þeir sem
þurfa að ganga í gegn-
um það að verða fatlaðir
eða verða fyrir ein-
hverri röskun, geti tekist á við það af
heilum hug og að þeir sjái að það er til
fólk sem hefur vilja til að hjálpa öðr-
um af heilum hug.
Svona þjónusta er nauðsynleg
stórum hópi fólks, þ.e. geðfötluðum,
líkamlega fötluðum og atvinnulaus-
um.
Geðveiki er ekki glæpur. Geð-
sjúkdómur er ekki dauðadómur.
Sjúkdómar eru yfirstíganlegir. Sjúk-
dómar eru ekki verkefni sem á að
læsa ofan í skúffu. Sjúklingar eru
mannverur eins og þú, við eigum
sama rétt og þú, við erum hvorki
betri né verri. Við höfum öll eitthvað
fram að færa. Hvað hefur þú fram að
færa?
Leggðu þitt af mörkum og komdu
á kynningarfund á verkefnum Hug-
arafls sem haldinn verður á veit-
ingastaðnum Kaffi Reykjavík laug-
ardaginn 6. mars frá kl. 13–16.
Að lokum vil ég biðja ykkur um að
senda okkur svar á netfangið hugar-
afl@hugarafl.is og munu nöfn þátt-
takenda verða birt inni á heimsíðu
Hugarafls, hugarafl.is.
Vinsamlegast takið það fram ef þið
óskið eftir nafnleynd (af einhverjum
ástæðum).
Hvað getur þú gert?
Bergþór Grétar Böðvarsson
skrifar um félagasamtökin
Hugarafl ’Sjúkdómar eru ekkiverkefni sem á að læsa
ofan í skúffu.‘
Bergþór G. Böðvarsson
Höfundur greindist með geð-
hvarfasýki fyrir 15 árum, fyrir einu
ári byrjaði hann að vinna í 50% starfi
hjá Múlalundi, vinnustofu SÍBS.