Morgunblaðið - 13.03.2004, Side 2

Á LÍFSGÖNGUNNI þurfa menn öðru hvoru
að staldra við og taka áttir. Á vori lífsins
er löng leið fram undan og því mikilsvert
að taka stefnu sem ekki leiðir fólk um
alltof grýtta stigu eða í hreina ófæru.
Fermingin er ákveðin vegamót í
mannsævinni. Á því skeiði geta legið
leiðir í margar áttir, leiðir sem eru oft
„illa merktar“. Því er rétt að nota hvern
þann vegvísi sem tök eru á.
Ein er sú iðja sem unglingar á ferm-
ingaraldri þekkja vel, en það eru tölvu-
leikir. Þeir ganga margir út á það að
reyna að forðast hinar margvíslegustu
hættur og ná ýmsir mikilli leikni í að var-
ast þær gildrur sem lagðar eru fyrir hinar
saklausu aðalpersónur tölvuleikjanna.
Smám saman lærist að smeygja sér
framhjá árásum og atlögum og þeir
leiknustu komast jafnvel á endastöð.
Þetta er auðvitað ekkert annað en
grófleg einföldun á lífsgöngunni sjálfri,
sem ber í sér margan háskann. Aðferðin
til að sneiða hjá hættum, gildrum og
freistingum er svipuð og í tölvuleikjunum,
að vera snöggur að bregðast við en
hugsa jafnframt vel sitt ráð þegar óvíst
sýnist hvað gera eigi og leikslok eru
óviss.
Menn þurfa að hafa sjálfsaga til þess
að forðast glapstigu, kjark til þess að
ráðast gegn aðsteðjandi ógn – og dóm-
greind til að átta sig á hvað eigi við
hverju sinni.
Nokkrir vegvísar eru til sem hjálpa fólki
í þessum efnum. Kristin siðfræði svarar
mörgum spurningum sem upp koma.
Gömul heilræði eins og t.d.: „Vertu heið-
arlegur, reglusamur og duglegur, þá fer
allt vel“, eiga við nú ekki síður en áður.
Miklu skiptir í hinni tvísýnu „tölvulist“
lífsins að leggja sig allan fram og vera
heill en ekki hálfur, hvort heldur er í
einkalífi, námi eða starfi. Sé allt þetta
haft hugfast verður aðveldara að sjá
hættumerki og bregðast við þeim á
heillavænlegan hátt þegar áttir eru tekn-
ar á lífsgöngunni.
Hin tvísýna „tölvulist“ lífsins
Morgunblaðið/Gudrún
FERMINGAR 2004 | UMSJÓN EFNIS: Guðrún Guðlaugsdóttir | UMBROT: Sigrún Ragnarsdóttir, Björn Arnar Ólafsson | FORSÍÐUMYND: Jim Smart
| FYRIRSÆTUR Á FORSÍÐU: Bryndís Högna Ingunnardóttir, Gylfi Bragi Guðlaugsson
Fermingartertan
er borðprýði.
Þrír skólafélagar
sem fara
ólíkar leiðir.
Stefanía Stefánsdóttir
stjórnaði undirbúningi
„fermingarveislunnar
góðu“.
Sigurbjörg
Einarsson
biskup
fermdist
1925 á
hælaháum
skóm.
Fermingartískan í
ýmsum myndum. 4626
4
22
12