Morgunblaðið - 27.03.2004, Síða 12

FRÉTTIR
12 LAUGARDAGUR 27. MARS 2004 MORGUNBLAÐIÐ
ÞAÐ var bjart yfir þessum bygg-
ingarstarfsmönnum í gær þar
sem þeir unnu við að koma upp
nýju lagerhúsi við Kaupfélag
Héraðsbúa á Egilsstöðum.
Einkum var það hann Hjalli
Boggu sem vakti athygli vegfar-
enda fyrir mjög svo léttan og
sumarlegan klæðnað sem helst á
við á heitum sumardögum. Hann
manar vorið fram úr vetrinum og
lætur ekki á sig fá þótt páskahret
ku yfirvofandi samkvæmt veð-
urspá þótt eflaust megi búast við
að vorið sé ekki mjög langt und-
an. Morgunblaðið/Sigurður Aðalsteins
Með vor
í hjarta í
bygging-
arvinnu
Egilsstöðum. Morgunblaðið
AÐ mati utanríkisráðuneytisins má
gera ráð fyrir mikilli fjölgun kín-
verskra ferðamanna til Íslands á
næstu árum. Unnið er að gerð
formlegs ferðamálasamstarfs við
Kína sem á að leiða til þess að Kín-
verjar geta farið í hópferðir til ann-
arra landa sem venjulegir ferða-
menn en eftirlit með endurkomu
þeirra er hert og er á ábyrgð kín-
verskra ferðaskrifstofa.
100 milljónir til annarra
landa eftir nokkur ár
Eiður Guðnason, sendiherra Ís-
lands í Peking, segir í Stiklum, vef-
riti viðskiptaskrifstofu utanríkis-
ráðuneytisins, að ekki leiki minnsti
vafi á því að kínverskum ferða-
mönnum muni fjölga mjög á næstu
árum.
„Þetta nýja fyrirkomulag mun
greiða fyrir auknum ferðamanna-
straumi. Það hafa held ég öll Evr-
ópulönd lent í því að fólk sem til
þeirra hafa komið frá Kína hefur
ekki snúið til baka.
Með nýja fyrirkomulaginu á að
vera tryggt að til þess komi ekki,“
segir Eiður.
Með batnandi efnahag og ört vax-
andi millistétt verður vaxandi fjöldi
Kínverja á faraldsfæti.
Árið 2002 ferðuðust tæplega 16
milljónir Kínverja til útlanda. Eftir
hálfan annan áratug er því spáð að
hundrað milljón Kínverjar muni ár-
lega leggja leið sína til annarra
landa.
Búist við
fleiri kín-
verskum
ferða-
mönnum
STEFNT er að því að búið verði að leggja hita-
veitu í alla bústaði BSRB í Munaðarnesi
snemma í sumar, og geta þá sumarhúsagestir
notið lífsins í heitum pottum eins og vinsælt er í
sumarhúsum. Samkvæmt útboði á að hleypa
heitu vatni á 2. maí og hefja úthlutun frá 11. júní.
Kristján Tryggvason, staðarhaldari í Munað-
arnesi, segir það muna miklu að fá hitaveitu,
ekki síst fyrir þá sem nýta sér bústaðina að vetr-
arlagi. „Þetta er alveg meiriháttar, húsin verða
miklu jafnheitari og notalegra að koma inn í þau.
Svo er það þetta íslenska heitupottaæði, mönn-
um finnst ekki vera almennilegt vetrarorlofshús
nema það sé heitur pottur. Það má eiginlega
segja að pottaleysið hafi háð þessu svæði að ein-
hverju leyti. Fólk spurði fyrst um pott og síðan
um bústaðina.“
Orkuveita Reykjavíkur boraði heitavatnshol-
una síðasta vetur í samvinnu við BSRB, og segir
Kristján að svo virðist sem nægilegt heitt vatn sé
á svæðinu fyrir helmingi fleiri bústaði en eru þar á
vegum BSRB, en samtals eiga samtökin 86 bú-
staði í Munaðarnesi auk nokkurra bygginga þeim
tengdar. Þess vegna sé verið að vinna í samn-
ingum við þá einkaaðila sem eiga bústaði í ná-
grenninu og þeim boðið að fá hitaveitu í sín hús.
Framkvæmdirnar eru í raun að koma þessu
sumarhúsahverfi inn í nútímann, að mati Krist-
jáns. „Þetta er auðvitað 33 til 34 ára gamalt
hverfi og þótti nú flott á sínum tíma. En svo
hafði þetta dregist aftur úr við það að hafa ekki
þessa möguleika sem hitaveitan býður upp á.“
Það er mikið verk að leggja hitaveitu í þessi
90 hús sem eru á svæðinu, og talsvert rask sem
verður vegna framkvæmdanna, enda þarf að
grafa heim að hverju einasta húsi bæði heita-
vatnslögn og drenlagnir. Kristján segir að
viðbúið sé að það taki lungann úr næsta sumri að
ganga alveg frá svæðinu eftir framkvæmdirnar,
tyrfa yfir þar sem hefur verið raskað o.fl. Hann
segir að fólk þurfi hugsanlega að sýna þolin-
mæði vegna framkvæmdanna í sumar, en segir
fólk eflaust tilbúið að fyrirgefa ýmislegt vegna
þessara þörfu framkvæmda.
Ásóknin eykst þegar birtir
Það færist sífellt í vöxt að fólk leigi bústaðina í
Munaðarnesi yfir vetrartímann, en samtals
koma þangað um 12.000 gestir á hverju ári.
„Þetta tók nú sérstakan kipp eftir að Hvalfjarð-
argöngin voru opnuð, þá finnst mönnum þetta
orðið svo lítið mál að koma hingað uppeftir. Fólk
veigrar sér ekki eins við að fara,“ segir Kristján.
Hann segir erfitt að geta sér til um hversu
margir komi að meðaltali í viku hverri yfir vetr-
artímann, haldnar séu ráðstefnur og annað sem
geri talningu erfiðari. Þó segir hann að það þyki
gott ef verið er í 30–40 húsum um helgi yfir vetr-
artímann.
„Ásóknin í bústaði byrjar um leið og fer að
birta, svona upp úr miðjum febrúar. Svo er þetta
vinsælt alveg fram í maí, en þá dettur botninn úr
vegna prófa í skólum, útskriftum og því öllu. Svo
er gott alveg fram í október og nóvember. Mér
sýnist þetta vera þannig að þetta sé vinsælt á
vorin því þá er birtan komin, en vinsælt á haust-
in því þá er komin einhver rómantík út af
myrkrinu,“ segir Kristján.
Kristján hefur búið í Munaðarnesi allan árs-
ins hring ásamt konu sinni, Unni Ágústsóttur, í
samtals tæp níu ár. Hann er staðarhaldari, en
hún rekur mötuneyti og annað fyrir starfsfólk,
auk þess að vera aðstoðarstaðarhaldari. Hann
segir það í raun mjög notalegt að vera í Mun-
aðarnesi yfir háveturinn þegar enginn er í hús-
unum. „Það er tilbreyting í því. En það þýðir
ekkert fyrir fólk að vera hérna sem getur ekki
verið í myrkri, maður er bara eins og bóndi sem
verður að geta farið út í fjárhús. Ég held að okk-
ur líði báðum ákaflega vel hérna.“
Unnið í því að leggja hitaveitu í öll sumarhús BSRB í Munaðarnesi eftir góðan árangur af borunum
Ekki lengur al-
mennileg orlofs-
hús án heitra potta
Morgunblaðið/Rax
Kristján Tryggvason og Unnur Ágústsdóttir ásamt þriðja fasta starfsmanninum í Mun-
aðarnesi, og þeim vinsælasta meðal barnanna sem skjóta óhikað á hann föstum skotum.
Sigurður Rúnar Sigurðsson sauð einbeittur saman hitaveiturör sem liggja frá stæði hitaveitu-
tanks að sumarhúsabyggðinni, en samtals verður lögð hitaveita í 90 bústaði og byggingar.
NEMENDUR í skyldunámi hér á
landi voru 44.809 haustið 2003 og
hafa ekki áður verið fleiri nem-
endur í skyldunámi á Íslandi, skv.
Hagtíðindum 2004, sem Hagstofa
Íslands gefur út.
Hlutfallsleg fjölgun nemenda
frá fyrra ári var mest á Austur-
landi, eða 2%. Í grunnskólum á
höfuðborgarsvæðinu utan
Reykjavíkur fjölgaði nemendum
um 1,7% og um 1,3% á Suður-
landi. Á öðrum landssvæðum
fækkaði nemendum og var hlut-
fallsleg fækkun mest á Norður-
landi vestra, eða 2,7%.
Að mati menntamálaráðuneyt-
isins má gera ráð fyrir að nem-
endum á grunnskólastigi hér á
landi fari fækkandi næstu árin
vegna fámennari yngri aldurs-
hópa, að því er fram kemur í um-
fjöllun í nýútkomnu vefriti ráðu-
neytisins. Nemendum á hvern
kennara hefur fækkað síðustu ár
og voru 11 nemendur á hvern
kennara í fullu starfi haustið
2003.
Áætlaður meðalfjöldi nemenda
í bekkjardeild var á sama tíma
17,8 nemendur.
1.340 nemendur
með annað móðurmál
en íslensku
Nemendum með annað móður-
mál en íslensku hefur fjölgað ár
frá ári og voru þeir alls 1.340 eða
3% grunnskólanemenda.
Flestir nemendanna hafa
pólsku að móðurmáli, eða 191.
Næstflestir hafa ensku að móð-
urmáli, 157 talsins. Filippseysk
mál eru töluð af 129 nemendum
og 108 nemendur tala serbókróat-
ísku.
Ekki áður verið fleiri nemendur í skyldunámi í grunnskólunum á Íslandi
Nemendum fjölg-
aði hlutfallslega
mest á Austurlandi