Morgunblaðið - 08.04.2004, Qupperneq 5

sem komst í alþjóðlega fjölmiðla. Þá
höfðu landsmenn fengið nóg. Þeir
fylltu stræti landsins og mótmæltu
yfirgangi stjórnarinnar. Herinn dró
fram vopn sín og reyndi að hemja
mannfjöldann. Á sex vikum voru að
minnsta kosti 3.000 manns drepnir
og ótölulegur fjöldi settur í fangelsi.
Vegna þrýstings bæði frá heima-
mönnum og alþjóðasamfélaginu lof-
aði stjórnin að halda lýðræðislegar
kosningar. Einn af flokkunum sem
landsmenn settu saman var Nation-
al League for Democracy (NLD).
Talsmaður hans, Aung San Suu Kyi,
varð fljótt afar vinsæl. Hún varð
raunar svo vinsæl að stjórnin sá sér
hollast að loka hana inni. Árið 1989
var Aung San Suu Kyi sett í stofu-
fangelsi. Þrátt fyrir það gjörsigraði
flokkur hennar í kosningunum árið
eftir.
Allt kom fyrir ekki. Herstjórnin
ætlaði sér ekki að láta af völdum.
Æðsti maður stjórnarinnar, Ne Win,
hafði að vísu sagt af sér – en það var
almennt álitið sjónarspil. „Allir vissu
að á bak við tjöldin stjórnaði hann
áfram öllu,“ benti heimamaður
blaðamanni á.
Stjórnin bar hitt og þetta fyrir
sig, sem afsökun fyrir því að af-
henda ekki völdin til réttkjörinna
fulltrúa þjóðarinnar. Eitt var að
fyrst yrði að setja saman nýja
stjórnarskrá. Fjórtán árum síðar
hefur sú skrá ekki enn litið dagsins
ljós.
Friðarverðlaun Nóbels
Þingmenn NLD voru ofsóttir og
sendir í fangelsi. Aung San Suu Kyi
var áfram haldið í stofufangelsi –
hermenn vöktuðu hús hennar og
hún mátti ekki fara út. Henni voru
settir þeir skilmálar að annaðhvort
myndi hún yfirgefa landið og aldrei
koma aftur eða vera haldið áfram
inni. Hún þverneitaði að taka fyrri
kostinn í mál, jafnvel þótt það þýddi
fjarveru frá eiginmanni og sonum í
Englandi.
Árið 1991 fékk Aung San Suu Kyi
friðarverðlaun Nóbels fyrir starf sitt
í þágu friðar og lýðræðis í Myanm-
ar. Stjórnin hirti ekkert um að
sleppa henni úr stofufangelsinu.
Hún losnaði ekki fyrr en árið 1995 –
eftir sex ára vist.
„Ekkert hefur breyst. Mér hefur
bara verið sleppt lausri. Það er allt
og sumt,“ var haft eftir Aung San
Suu Kyi. Menn höfðu bundið vonir
við breytingar. Það kom hins vegar
á daginn að herstjórnin ætlaði sér að
hafa hlutina áfram eftir sínu höfði.
Viðræður á milli Aung San Suu Kyi
og stjórnarinnar skiluðu engum ár-
angri.
Stjórnin vakti áfram yfir Suu Kyi
og setti hana loks aftur í stofufang-
elsi árið 2000. Tveimur árum síðar
var henni sleppt en í maí á síðast-
liðnu ári endurtók sama sagan sig.
Sem stendur er Aung San Suu Kyi
lokuð af á heimili sínu í höfuðborg-
inni Yangon. Hvenær henni verður
sleppt út og hver framtíðin verður
fyrir fólkið í Myanmar verður tím-
inn einn að leiða í ljós.
Litlir bátar eru algengur farkostur. Flestir landsmenn búa í bambuskofum og ná í vatn úr ám og brunnum. Fæst heimili
hafa rafmagn. Rafmagn er dýrt og mikill skortur á því. Víða er það skammtað og dettur út fyrirvaralaust.
Konur af einum fjölmargra þjóðflokka í Myanmar halda af markaði. Á 5 daga
fresti hittast íbúar í þorpunum í kring, selja vörur og kaupa. Margir þurfa að
ganga langar leiðir. Körfur eins og konurnar bera eru mikið notaðar. Ólar krækj-
ast fram fyrir höfuðið og aftan í körfuna, þannig að þunginn liggur á enninu.
siggavidis@hotmail.com
Höfundur er BA í heimspeki.
MORGUNBLAÐIÐ FIMMTUDAGUR 8. APRÍL 2004 D 5
It’s how you live