Pressan - 24.09.1992, Blaðsíða 27

FIMMTUDAGUR PRESSAN 24. SEPTEMBER 1992
27
MEÐ ÞESSUM VILDU KARLARNIR EYÐA KVÖLDINU
2. JÓN BALDVIN HANNIBALSSON
Jón Baldvin var einungis sjónarmun
á eftir Davíð. Eins og forsætisráð-
herrann er Jón umdeildur þótt hann
sé hvorki eins vinsæll né eins óvin-
sæll og Davíð. Jón hefur líka orð á
sér fyrir að vera gleðimaður og fynd-
inn; þótt hann sé frekar sögumaður
en brandarakall.
5. FRIÐRIK SOPHUSSON
Friðrik er þriðji ráðherrann á listan-
um. Hann gegnir því ráðherraemb-
ætti sem líklegast er til óvinsælda án
þess að uppskera þær. Friðrik hefur
orð á sér fyrir að vera Ijúfur af stjórn-
málamanni að vera og blessunar-
lega laus við þann hroka sem heldur
þeim flestum á floti. Hann er líka
best klæddur allra stjórnmála-
manna; svo ef til vill vilja karlarnir ^
allt eins fá ráð hjá honum um klæða-
burð eins og að gefa honum ráð um
ríkisfjármálin.
8. ÞORVALDUR GUÐMUNDSSON
Það er hægt að ímynda sér margt
sem karlarnir vilja ræða við Þorvald í
Síld og fisk. Hann er einn ríkasti
maður landsins, farsælasti bisness-
maðurinn og mikilvirkasti málverka-
safnarinn. Eitt umræðuefni mun þó
aldrei koma upp á borðið; hvernig
telja eigi fram til skatts.
1. DAVÍÐ ODDSSON
Davíð er óskafélagi karlmannanna. Hann
er sjálfsagt umdeildasti stjórnmálamaður
landsins oglíklega sá valdamesti jafn-
framt. En Davíð hefur líka orð á sérfyrir
að vera nokkur gleðimaður ogsérdeilis
fyndinn.
3. VIGDÍS FINNBOGADÓTTIR
Vigdís fékk nokkru færri atkvæði en
þeir Davíð og Jón. Ef til vill vegna
þess að hún hefur ekki jafnmisjafna
„áru" og þeir tveir. Þrátt fyrir tuð í
einstaka manni hefur Vigdís verið
óumdeild sem forseti. Og ef marka
má þá sigra sem hún er sögð hafa
unnið á hjörtum erlendra þjóðhöfð-
ingja hlýtur hún að vera skemmtileg
í viðkynningu.
6.GÍSLI SIGURÐSSON
Það verður að viðurkennast að við á
PRESSUNNI áttum okkur ekki alveg
á því hvað Gísli Sigurðsson, umsjón-
armaður Lesbókar Moggans, er að
gera á þessum lista. Hann verður
seint talinn til samkvæmisljóna eða
þeirra sem marka þau spor í líf okkar
að við verðum að ná af þeim tali. Ef
til vill vilja karlarnir bara kvarta við
hann yfir því hversu krossgátan í
Lesbókinni er auðveld.
4. ANDREA GYLFADÓTTIR
Enginn kona vildi hitta Andreu. Að-
eins karlar. Hún telst því komin á
þennan lista fyrir kynþokka sinn —
nema ef karlarnir einir hrífast af blús
hennar og Todmobile-söng. Og ef
Andrea er kyntákn þá ber hún af
sem slík. Það er langt í næstu konu á
listanum.
7. MARKÚS ÖRN ANTONSSON
Eftir því sem Markús er lengur í starfi
borgarstjóra verður hann meira
áberandi í skoðanakönnunum á
borð við þessa. Eitt sinn var hann
valinn verst klæddi karlinn. Nú er
hann meðal þeirra sem flestir vilja
eyða með kvöldstund. Þeir speking-
ar sem sögðu Markús of litlausan til
að halda utan um borgarstjóraemb-
ættið geta því brátt farið að éta þá
speki ofan í sig.
9. AGNES BRAGADÓTTIR
Á sama hátt og Andrea fékk Agnes
aðeins atkvæði frá körlum. Hún telst
því til kyntákna. Agnes var í þættin-
um hans Eiríks Jónssonar fáeinum
kvöldum áður en þessi könnun var
gerð. Þær fimmtán mínútur virðast
ekki hafa verið nóg fyrir stóran hóp
karlmanna.
10. ELLERT B. SCHRAM
Þessi fyrrum fyrirliði KR og óþekkur
þingmaður sjálfstæðismanna er
sjálfsagt kunnastur í dag sem dálka-
höfundur og tækifærisræðumaður.
Hann nýtur álíka vinsælda meðal
beggja kynja.
AÐRIR:
HANNES HÓLM-
STEINN GISSUR-
ARSON
Hannes Hólm-
steinn ereinn
þeirra sem
nokkrir karlar
vildu hitta en
hins vegar eng-
in kona.
HERMANN
GUNNARSSON
Karlarnirvildu
vera á tali hjá
Hemma Gunn
eins og konurn-
ar.
BUBBI MORT-
HENS
Bubbi erfyrir
löngu orðinn
stofnun í þjóð-
félaginu og
álíka fastur í
sessi í svona
könnunum og
Davíð og félag
ar.
KRISTJÁN
KRISTJÁNSSON
Þrátt fyrir að KK
nyti áberandi
kvenhyili voru
samt til þeir
karlar sem vildu
hitta hann eitt-
hvert kvöldið.
ÓLAFUR SKÚLA-
SON
Nokkrir karl-
anna vildu eyða
kvöldstundinni
með biskupn-
um.
BESSI BJARNA-
SON
Óskastund
margra varað
verja kvöldinu
með Mikka ref.
ÓTTAR GUÐ-
MUNDSSON
Óttar var eini
læknirinn sem
komst á blað og
vareingöngu
tilnefnduraf
körlum.
ÞORSTEINN
PÁLSSON
Fjórði ráðherr-
ann á listanum
og sá síðasti.
Enginn hinna;
fráJóhönnutil
Halldórs Blön-
dal, komstá
blað.
Á þessu eru nokkrar veigamikl-
ar undantekningar. Þótt Stein-
grímur Hermannsson sé bæði
vinsæll og óvinsæll stjórnmála-
maður virðist enginn vijja eyða
með honum kvöldstund. Jón
Baldvin Hannibalsson hefur ekki
skorað hátt í vinsældavali stjórn-
málamanna í háa herrans tíð. Fólk
virðist hins vegar æst í að eyða
með honum kvöldinu og á það
jafnt við um karla sem konur. Og
þótt fólk beri ekki hlýhug til Jó-
hannesar Nordal er það til í að
verja kvöldinu með honum —
það er að segja konurnar. Eins og
Egill Ólafsson nýtur Jóhannes
frekar kvenhylli en almennrar
hylli. Á sama hátt og Andrea
Gylfadóttir, Gísli Sigurðsson og
Þorvaldur í Síld ogftsk höfðuðu
einvörðungu til karla.
Eins og sjá má á listunum eru
stjórnmálamenn þar mjög áber-
andi. Davíð Oddsson, Jón Baldvin
Hannibalsson, Friðrik Sophussoti
og Markús Örn Antonsson eru
eftirsóttir. Sömuleiðis poppararn-
ir Kristján Kristjánsson, Andrea
Gylfadóttir, Bubbi Morthens og
Egill Ólafsson. Aðrir listamenn
eru fáir: Gísli Sigurðsson, Bessi
Bjarnason, Thor Vilhjálmsson og
Sigrún Hjálmtýsdóttir.
Aðrar stéttir eiga færri fulltrúa.
Vigdís Finnbogadóttir er náttúr-
lega forseti, Ólafur Skúlason er
fulltrúi klerkastéttarinnar, Þor-
valdur í Síld og fisk er fulltrúi at-
hafnaskáldanna, Agnes Braga-
dóttir, Ellert Schram og Hemmi
Gunn eru fulltrúar fjölmiðlunga,
Ögmundur Jónasson er fulltrúi
hinna svokölluðu „aðila vinnu-
markaðarins", Jóhannes Nordal
er eini embœttismaðurinn og
Óttar Guðmundsson eini læknir-
inn.
Merkilegt nokk þá eiga fyrir-
sætur engan fulltrúa. Enginn vill
eyða kvöldstund með Lindu Pét-
ursdóttur eða Hófi. Leikarar vekja
heldur ekki ímyndunarafl þátttak-
enda; utan þeir Bessi Bjarnason og
Egill Ólafsson. Nokkur þekkt kyn-
tákn eru einnig fjarri góðu gamni;
Valdimar Örn Flygenring, Ólöf
Rún Skúladóttir og Helgi Péturs-
son. Samkvæmt því er þjóðin al-
mennt ekki á því að eyða óska-
kvöldstund sinni á rómantískan
hátt. Hún kýs frekar að setjast við
skör einhvers meistara og hlýða á
hann — eða lesa yfir hausamót-
unum á honum.
Það er athyglisvert við svörin
að karlar eru ekki ýkja áfjáðir í að
verja kvöldstundinni með ein-
hverjum af gagnstæðu kyni. Að-
eins þrjár konur komust í átján
efstu sætin. Konurnar vildu hins
vegar ólmar eyða kvöldinu með
körlunum. Hjá þeim voru aðeins
tvær konur í efstu sautján sætun-
um.
Ef kærustum og mökum
kvennanna sem tóku þátt í könn-
uninni væri steypt saman í einn
hefði sá hreppt þriðja sætið hjá
þeim; á eftir Vigdísi og Davíð. Eig-
inkonur og kærustur karlanna
hefðu hins vegar ekki náð nema
tíunda sætinu hjá körlunum. Þetta
afhjúpar náttúrlega mismunandi
þankagang kynjanna.
Ogþettaerekkiallt.
Ef fyrirbrigðið „einhver falleg
stúlka" hefði verið tekið gilt sem
ein persóna hefði hún hreppt átt-
unda sætið hjá körlunum og skot-
ið eiginkonunum og kærustunum
ref fyrir rass.
smáa
letrið
Þótt margt gott megi um Jesúm
Krist segja er ekki víst að hann
mundi falla í kramið ef hann væri
uppi í dag. Ekki vegna þess að hann
mundi hrinda um borðum _og
stólum í kirkjum landsins, koll-
varpa efnahagskerfinu með því
að fjölfalda matvæli eða skerða
þjónustugjöld heilbrigðiskerfisins
með lækningum á götum úti; held-
ur vegna þess að hann félli ekki að
þeirri mynd sem JC-hreyfingin,
Stjórnunarfélagið og önnur batterí,
sem láta sér annt um samskipti
undir- og yfirmanna, gera sér um
móral á vinnustöðum. Samkvæmt
þessum fræðum er að minnsta kosti
hægt að líta á Jesúm sem nokkurs
konar yfirmann þeirra Péturs og
lærisveinanna og hann fengi ekki
háa einkunn fyrir samskipti sín við
þá. Ekki í dag.
Tökum dæmi.
Þegar innheimtumenn ríkissjóðs
knúðu dyra hjá Jesú og félögum til
að rukka þá um skattinn kom Pét-
ur til dyra. Eftir að hafa heyrt erindið
fór Pétur til Jesú og sagði honum að
það væru komnir til þeirra menn að
rukka skattinn. Jesús sagði honum
að segja við mennina að maður
skyldi greiða keisaranum það
sem keisarans væri og guði það
sem guðs væri. Pétur endurtók
þessa rullu fyrir innheimtumenn rík-
issjóðs, sem sögðu honum að
halda kjafti og borga skattinn.
Pétur fór þá aftur til Jesú og sagði
^honum að innheimtumönnunum
væri hjartanlega sama um hvað
maður ætti að greiða keisaranum
og hvað guði — þeir vildu fá skatt-
inn greiddan. Þá sagði Jesús Pétri að
fara niður að vatni, kasta út neti og
draga það að landi. í netinu yrði
einn fiskur og í munni hans væru
tveir gulldúkatar Pétur skyldi
borga skattinn með þeim. Og Pétur
gerði það sem fyrir hann var lagt.
Þetta vekur upp margar spurningar:
Hvers vegna lét Jesús Pétur
einfaldlega ekki fá gulldúkat-
ana strax? Til hvers var hann að
láta manninn gera sig að fífli frammi
fyrir innheimtumönnum ríkissjóðs?
Til hvers var hann að senda hann
niður að vatni til að fanga þennan
fisk fyrst hann gat allt eins galdrað
þessa peninga út úr eyranu á sér?
Annaðdæmi:
Þegar Jesús og lærisveinarnir reru
yfir vatnið skall á stormur. Læri-
sveinarnir börðust fyrir að halda
bátnum á floti; reyndu að hemja
seglin þar til blæddi úr lófunum á
þeim og jusu eins og dæmdir
menn. Á meðan svaf Jesús í
skutnum. Það var ekki fyrr en læri-
sveinarnir sáu fram á að þeir mundu
allir farast að einn þeirra áræddi að
vekja Jesúm. Þegar honum hafði
tekist að losa svefninn stóð hann
upp og sussaði á vindinn. Það
varð samstundis logn svo ekki
bærðist hár á höfði. Þótt Jesús gerði
með þessu lítið úr öllu erfiði læri-
sveinanna til að halda lífi virtist það
ekki nóg; heldur sté hann út úr
bátnum og gekk á vatninu. Pétri,
sem var einfaldastur lærisvein-
anna, fannst mikið til koma, vildi
prufa líka og bað Jesúm um leyfi
til að fylgja honum. Jesús bauð hon-
um það. Um leið og Pétur sté út fyr-
ir borðstokkinn sökk hann eins og
steinn. Jesús greip í höndina á hon-
um, dró hann upp og fræddi hann
um það hvers vegna það hefði
klikkað hjá honum að ganga á vatn-
inu; trú hans væri ekki næg.
Þessi saga vekur líka upp spurning-
ar: Til hvers var Jesús að lítilsvirða
lærisveinana með því að sussa á
vindinn sem var að tortíma þeim?
Þurfti hann að sýna mátt sinn
með því að ganga á öldunum sem
stuttu áður virtust ætla að gleypa
lærisveinana?
Svona má lengi telja. í dag þætti
svona framkoma hryssingsleg og
hrokafull. Og það þætti heldur
ekki par fínt að gera upp á milli
þeirra tveggja sem væru teknir af lífi
með manni með því að lofa öðrum
himnaríkisvist en hinum engu. í dag
leyfist mönnum að bölva og bulla
þegar verið er að drepa þá. Ein
slysaleg setning á ekki að ræna
þá himnavist.