Pressan - 26.08.1993, Blaðsíða 19

Pressan - 26.08.1993, Blaðsíða 19
Fimmtudagurinn 26. ágúst 1993 E R LE N T PRESSAN 19 Mannréttindasamtökin Human Rights Watch: Getuleysi Sameinuöu þjóðanna ýtir undir mannréttindabrot „Það hefur verið litið á mannréttindi eins og munað sem hægt er að vera án, en ekki sem lykilaðriðið í að ná árangri við hjálparstörf og friðargæslu Sameinuðu þjóð- anna. Gjaldið sem þurft hefur að greiða vegna þessarar van- rækslu er gríðarlega hátt því SÞ hafa glatað trúnaðartrausti sínu, of mörg mistök hafa átt sér stað við aðgerðir og oft hefur starfið ekki skilað ár- angri." Þessi þungi áfellisdóm- ur yfir störfum Sameinuðu þjóðanna er niðurstaða 170 síðna skýrslu bandarísku mannréttindasamtakanna Human Rights Watch, sem var nýverið gerð opinber í Bandaríkjunum. í skýrslunni sem fjallar um fimm aðgerðir SÞ, í Salvador, Kambódíu, fyrrum Júgóslav- íu, Sómalíu og írak, er borinn saman yfirlýstur tilgangur SÞ og raunverulegar aðgerðir þeirra þegar á hólminn er komið. Niðurstöðurnar eru sláandi. í fjórum tilfellum af fimm hefur Mannréttindasáttmál- inn verið hundsaður þegar kemur að því að raða verkefh- um SÞ í forgangsröð. Undan- tekningin, sem sannar regl- una, er Salvador, en þangað voru hundrað eftirlitsmenn SÞ sendir gagngert til þess að koma í veg fyrir ofbeldi og byggja upp andrúmsloft trausts, svo stríðandi fylking- arnar gætu komist að sam- komulagi. Eiga aö rannsaka striðsglæpi Human Rights Watch met- ur það svo að SÞ hafí látið allt reka á reiðanum í Kambódíu, þar á meðal þá höfuðskyldu sína að standa vörð um mannréttindi, til að hægt væri að skipuleggja kosningar í skyndi. í Júgóslavíu hafa SÞ ekki getað hindrað tilgangslitl- ar og endalausar samninga- viðræður, sem voru ekki til annars en að breiða yfir áframhaldandi blóðbað, í stað þess að stöðva ósanngjarnar kröfur og þjóð- armorð. í Sóm- alíu voru bar- dagar stríðsherr- anna ástæða en ekki afleiðing hungursneyðar- innar, en þar hafa SÞ hagað sér líkt og eina markmiðþeirra væri að koma þangað hjálpar- gögnum, en ekki binda á enda á stríðið. Mestu mistökin voru þó að láta stríðsherrunum eftir aðalhlut- verkið í friðar- viðræðunum, í stað þess að rannsaka glæpi þeirra, dæma þá seka og losa þá undan allri ábyrgð á framtíð landanna. Loks létu SÞ sér nægja að setja flugbann yfir ákveðnum svæðum í írak, þegar ljóst var að sítarnir í suð- urhluta landsins voru fórnar- lömb blóðugrar undirokunar, en það hefur ekki kom í veg fyrir að ástandið versnaði. Friðagæsluliðar S.Þ. leita að jarðsprengju í Kambódíu. Máttleysi SÞ Human Rights Watch benda á fjögur atriði sem rót- ina að þessum mistökum: SÞ eru svo uppteknar af hlutleysi sínu að hlutverk gæsluliðanna hefur verið takmarkað við sáttaumleitun og aðgerðar- leysi, á meðan þeir ættu í rauninni að vera virkir og sjá til þess að ákveðnum grund- vallarreglum væri framfylgt; öfgafull varkárni í milliríkja- samskiptum hefur útilokað alla möguleika á fordæmingu og jafhvel opinberri gagnrýni þau ríki eða hópa sem bera ábyrgð á því að Mannrétt- indasáttmálinn er virtur að vettugi; varnarleysið gegn pól- itískum hótunum gerir það að verkum að ákveðnar ríkis- stjórnir geta keypt þögn SÞ á eigjn glæpum með því að lofa að senda hjálpargögn til þurf- andi svæða; loks hafa hár kostnaður og flóknar aðgerðir ýtt SÞ út í fljóthugsaðar fram- kvæmdir í sparnaðarskyni, en þessi óþolinmæði er ósam- rýmanleg þeirri ákveðni sem þarf til að fylgja Mannrétt- indasáttmálanum eftir. Human Rights Watch legg- ur til að komið verði upp kerfi sem geri SÞ kleift að bregðast skjótt við þar sem hættu- ástand hefur skapast, benda á þá sem bera ábyrgðina og dæma þá. Þeir eru þeirrar skoðunar að ef Mannréttinda- sáttmálinn er ekki virtur séu aðgerðir SÞ dæmdar til þess aðmistakast Byggt á Le Nouvel Observateur. Dularfullt hvarf alkó hólmagns í rauðvíni Undarlegir hlutir hafa átt sér stað í vínkjöllurum franska vínbóndans, Vincent Hareng í Loire-dalnum. Árið 1988 var rauðvínið hans kosið það besta á svæðinu, en síðan hefur allt gengið á afturfótunum hjá vín- bóndanum unga, því undarleg- ir hlutir fóru að gerast í vín- tunnunum hans. Á öðru stigi gerjunarinnar, þar sem sýru- stigið í víninu lækkar og það mýkist svo hið eftirsótta bragð fáist, tapaði vínið skyndilega alkóhólmagni sínu án þess að brugðið væri út af vana í fram- leiðslunni. Á hverju ári síðan hefur sagan endurtekið sig. Enginn líffræðingur hefur get- að fest hendur á sökudólgin- um, sem gengur undir nafhinu „Edouard", en þó er talið lík- legt að hér sé á ferðinni vírus eða bakteríur. Hareng hefur nú tekið þá ákvörðun að hætta allri vínrækt, því hann getur ekki fengið nauðsynlegan gæðastimpil á fram- Edouard hefur cyðilagt uppskeruna fyrir þrjátíu vínbændum. leiðsluna og verður því að selja hana sem ódýrt borðvín. Alls hafa þrjátíu vínkjallarar fengið að kenna á Edouard í Frakklandi. Kate Moss stígur skrefið til fulls Breska tískusýningarstúlkan Kate Moss er án efa ein af skærustu stjörnunum í fyrirsætu- bransanum um þessar mundir. Segja má að Moss hafi orðið fræg á einni nóttu en hún þyk- ir vera fulltrúi nýrrar kynslóðar fyrirsæta sem eiga það sameiginlegt að vera grindhoraðar og stelpulegar í útliti. Náttúruleg, barnsleg fegurð er talin vera aðalsmerki Moss og í takt við nýja strauma tískunnar situr hún iðulega fyrir lítið til höfð; látlaus, ógreidd og svo að segja án nokkurs andlitsfarða. Nýverið birtust kyn- þokkafullar tískumyndir af Moss í hinu breska Vogue þar sem hún auglýsti gegn- sæjan undirfatnað og þótti ýmsum siðavöndum sem þar með væri full- langt gengið. En Moss lét það ekk- ert á sig fá og nú hefur hún stigið skrefið til fulls, því í nýjustu auglýs- ingum tísku- kóngsins Calvins Klein á ilmvatninu Obsession situr Kate Moss fyrir allsnakin.. Myndirnar hafa vakið mikla athygli en í einni auglýsingunni liggur Moss í sófa, að vísu á grúfii, og á hinni berar hún annað brjóstið. Höfundur nektarmyndanna er unnusti Moss, ljósmyndarinn Mario Sorrenti, en hugmyndin að ilmvatnsauglýsingunum ku hafa fæðst eftir að Sorrenti hafði tekið vel heppnaðar myndir af ástinni sinni nakinni í einkasafh sitt. Moss varð að sögn bergnumin þegar hún sá þær myndir og kom aðeins eitt orð upp í hugann: Obsession. KATE MOSS fyrirsætan renglulega birtist allsnakin í nýjustu auglýsingum Calvins Kleiu. Frakkamir Antoine de Caune og Jean-Paul Gaultier stia að stjórna sjónvarpsþætti fyrir Breta í vetur. Fá Frakka til að hugsa upphátt Breskar sjónvarpsstö&var eru nú farnar ao seilast yfir ErmarsundiS til þess að ná sér í þáttastjórnendur. Efstur á blaði hjá þeim af frönskum fjölmi&lamönnum er Antoine de Caune, léttgeggja&i grínistinn í fréttamagasín- inu „Hvergi annars staoar" á Canal plus. De Caune er ekki meS öllu óþekktur á Bretlands- eyjum, því hann hefur í nokkur ár séS um tón- listarþattinn „Rapido", örstuttan þátt þar sem stjórnandinn talar á IjóshraSa. De Caune er í hópi vinsælustu sjónvarpsmanna í sínu heima- landi, enda meo eindæmum orSheppinn og uppáteekjasamur. Nú hefur Channel 4 í Bret- landi sem sagt fengiS hann tíl a& sjá um „Euro Trash", „lifandi þátt um furðulegheit Evrópu- búa". MeSstjórnandi de Caune verSur enginn annar en ratahönnuSurinn Jean-Paul Gauhier, en viS vitum ekki betur en þetta sé frumraun hans á þessu sviSi. Þá er bara eftír aS svara þeirri spurningu, hvers vegna í ósköpunum Bretar þurfa aS leita tjl Frakklands tíl þess aS finna þáttastjómendur. Astæðan ku vera einföld, nefnilega sú aS Eng- lendingar þrá aS talaS sé umhluti sem þá dreymir um — kynlíf, homma og nautnir — en þeir þora ekki að tala um þá sjálfir. ¦ ¦«¦¦!

x

Pressan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Pressan
https://timarit.is/publication/298

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.