Pressan - 26.08.1993, Blaðsíða 24

Pressan - 26.08.1993, Blaðsíða 24
24 PRESSAN OG KA KO Fimmtudagurinn 26. ágúst 1993 &$?£& &(/, /, , sígamttu- munnstyKKið mítt? Sigurður A. Magnússon rithöfundur Sígarettumunnstykkið og Sigurður eru eitt, það er að segja þegar hann reykir. Og það kemur ekki til af góðu enda ríkir á milli hans og munnstykkisins mikil hat- ursást. „I raun og veru hata ég þetta munnstykki því það gerir mér kleift að reykja jafhvel þótt ég sé stöðugt að reyna að hætta. Ég rakst á það fyrir 13 árum í tóbaks- verslun í Þýskalandi en þá var ég að því kominn að kafha úr tóbaksreykingum. 1 þessu skrítna verkfæri er filter sem dregur úr því tjörumagni sem maður sogar ofan í lungun og hef- ur því með öllu komið í veg fyrir að ég frelsaðist." EnnafBjörk Falsað £ax, stórtónleik- ar Qg lélegur domur Eins og alþjóð veit er Björk Guð- mundsdóttir um þessar mundir að leggja að fótum sér hið vestræna samfélagmeð breiðskífunni „Debut". í síðustu PRESSU var sagt frá því að ís- lendingar gætu hringt í ákveðið síma- númer hjá sjónvarpsstöðinni MTV og greitt myndbandi Bjarkar við lagið „Human Behavior" atkvæði sitt. Til- kynning um þetta barst fjölmiðlum landsins á faxi sem undirritað var af „Einari Emi, Bogomil Font og hinum Sykurmolunum." Hinir undirrituðu höfðu hins vegar ekki hugmynd um faxið og brugðust illa við þessari mis- notkun á nöfnum sínum og hafa að undanfömu verið að reyna aö komast að uppruna faxins. Einhverjir telja lík- legt að faxið sé ættað frá Stöð 2 í tengslum við markaðssetningu á MTV á komandi hausti. Einar Örn vissi ekk- ert um málið en sagði það „verulega vont mál þegar Ríkissjónvarpið tekur myndbréf með vélritaðn undirritun minni sem gefnum hlut. Ég lærði að skrifa sex ára og ætti því aö geta skrif- að undir það sem ég sendi frá mér." Á meðan þessu fer fram er Björk hinsvegar byrjuð að halda tónleika með sjö manna sveit sinni. Hún spil- aði í London Forum fyrir viku og hitaði upp fyrir U2 á Wembley sl. laugardag. Annað kvöld hitar hún aftur upp fyrir U2 á tónleikum í Dublin. I september eru tvennir tónleikar bókaðir hjá Björk í Englandi og er þegar uppselt á þá. Allt útlit er nú fyrir að Björk komi hingað í lok september og haldi tvenna tón- leika í Óperunni ásamt undirleikurun- um sjö. Ný smáskífa með laginu „Ven- us as a boy" kom út á mánudaginn og þar er m.a. að finna endurhljóðblönd- un sem Mick Hucknall söngvari Simply Red gerði af laginu. En þótt Björk njóti mikillar hylli með- al evrópskra gagnrýnenda eru starfs- bræður þeirra í Bandaríkjunum á allt öðru máli. Þegar hefur PRESSAN sagt frá lélegum dómi í bandaríska tímarit- inu Entertainment og í nýjasta hefti Rolling Stone, útbreiddasta tónlistar- tímarits heims, fær „Debut" hræði- lega dóma, aðeins eina og hálfa stjörnu sem er það minnsta sem blað- ið gefur í því tölublaði. Gagnrýnandinn Tom Graves segir plötuna „algjör von- brigði" og kennir útsetjaranum Nellee Hooper um að hafa „eyðilagt tónlistar- gáfur Bjarkar með ómerkilegum raf- magnsbrögðum." Þrátt fyrir lélega dóma er plata Bjarkar nú í 81. sæti Billboard-listans í Bandaríkjunum og á uppleið, eftir að hafa komið inn í 143. sæti fyrir fjórum vikum. „Debut" hefur selst í um 220 þúsund eintökum í Bandaríkjunum og í u.þ.b. 70 þúsund eintökum í Englandi. Gunnar Hjálmarsson POPP Blúsað á Púlsinum GUNNAR HJÁLMARSSON VINIR DORA MÉR LÍÐUR VEL •• Kannski er líf meðalíslend- ingsins ekki svo ósvipað lífi svörtu þrælanna á ökrunum í denn. Þrælarnir fundu blú- sinn í stritinu þegar svipu- höggin dundu á þeim og í seinni tíð hafa Islendingar fundið blúsinn þegar svipu- högg verðhækkana, skatt- píningar og nauðaráskriftar að Police Academy 1-5 hafa pínt þá í skammdeginu. Blú- sinn er tónlist endurtekning- arinnar. Það er hægt að ganga að því vísu að hljómarnir verði aldrei fleiri en þrír í hverju lagi. Blúsinn er líka tónlist sem tjáir tilfinningar, og þá oftast blús-tilfinninguna frægu: „Ég vaknaði í morgun og hún var farin." Af þeim Islendingum sem hafa tileinkað sér blúsinn hef- ur Halldór Bragason verið einna iðnastur við kolann. Hann hefur komið sér upp ýmsum blússamböndum sem hafa komið því til leiðar að ýmsir frægir blúsarar hafa heimsótt klakann og tekið lag- ið með Vinunum. Á Púlsin- um/Plúsinum, þar sem Dóri er oftast á ferðinni, er ágæt upptökuaðstaða og því vel til fundið að gefa út tón- leikaupptökur, enda nær blú- sinn hæstu flugi í beinu sam- bandi við sveitta og blúsaða áhorfendur. Hér eru þrettán tónleikaupptökur frá tveggja ára tímabili og greinilegt að gestir hafa oftast verið með á nótunum. Menn koma og fara í Vina- bandi Dóra en þó eru það Ás- geir Óskarsson og Haraldur Þorsteinsson sem oftast sjá um að spila grunninn af sta- bílum vana og kunnáttu. Gít- arhetjan Guðmundur Péturs- son er heldur aldrei langt undan og er hér að vanda óspar á fingrafimina. Helsta tromp plötunnar er þó er- lendu gestaspilararnir sjö, allt grjóthart blúskunnáttufólk, sumt með áratugalanga þekk- ingu og æfingu. Það er Hall- dór sjáífur sem syngur fyrsta lag píötunnar, titilllagið sjálft. „Mér líður vel" er ekki ósvip- að rokkblúsi KK-bandsins. Frekar hratt stuðlag sem reyn- ir að vera dónalegt — Dóri syngur: „Þú ert úti allar næt- ur/ kemur aldrei heim/ reykir þitt hass/ lætur ríða þér í rass." Lagið er þó of þunnt til að klámið geti fræðilega leitt til almennra vinsælda. Titillagið er eina lagið eftir Dóra hér, þótt erfitt sé reyndar að tala um „frumsamin" blúslög — stefhan er einfaldlega orð- inofmikilklisja. Hin lögin tólf eru slagarar, sum reyndar samin af erlendu gestun- um. Billy Boy Arnold er skemmtilegur söngvari og munnhörpuleik- ari. Hann á tvö lög á plötunni og er framlag hans með því allra besta hér. Söng- konurnar Deitra Farr og Shirley King láta heyra í sér. Þeim er auð- vitað mikið niðri fyrir, í bullandi ástarsorg og allt það, og bandið hamast á hljóm- unum þremur á meðan þær tjá sig á útopnu. Chic- ago Beau og Pi- netop Perkins hafa verið tíðir gestir hér og gera á plötunni það wmmÉmmmm sem við er að bú- ast af þeim, vel fluttan gamal- dags blús. Jimmy Dawkins og Tommy McDracken eru yngri í blúshettunni og þar af leið- andi gætir nokkurra rokk- og jafnvel soul-áhrifa í lögum þeirra. Það er ekki sjálfgefið að „Það er ekkisjálfgefið að spila blúsinn vel. Fátt er leiðinlegra en illa spilaður blús, en Vinir Dóra eru með hefðinaþað mikið á hreinu að engin feilspor eru stigin hér. Tónlistarstefnan sjálferþó ofein- strengingsleg og einhœftil að sá semþetta ritar geti hlustað með mikilli ánœgjuá þennan disk." spila blúsinn vel. Fátt er leið- inlegra en illa spilaður blús, en Vinir Dóra eru með hefðina það mikið á hreinu að engin feilspor eru stigin hér. Frum- legheit í blúsi er jafnfráleitt fyrirbæri og angurværð í dauðarokki. Því ættu þeir sem vilja helst heyra það sem þeir hafa heyrt hundrað sinnum áður — og þeir eru í yfirgnæf- andi meirihluta — að hópast að blúsbrunni Dóra, því inni- haldið er fjári kunnuglegt. - POPP FIMMTUDAGURINN 19. ÁGÚST • Eftirlýst er nú hér með lýst eftir. Meðlimir hennar eru ungir, fjórir karlmenn ogein konasem ber nafnið Jóna de Groot - sú er dökkhærð með sítt hár. Ætlunin var að leika á Tveimur vinum í kvöld. Vinsamlegast hafið gott samband. • Draumalandið frá Akranesi tekur púlsinn f Gaukshreiðrinu, öðru nafni Gauki á stöng. • Guðmundur Rúnar er, auk þess að sýna list sína, að spila á Fógetan- um í kvöld. Hann er að auki Hafnfirðingur. FOSTUDAGURINN 20. ÁGÚST • Todmobile eru komnir í bæinn. Þeir leika á Tveimur vinum. Og eru enn í fullu fjöri þrátt fyrir sögusagnir um að þau séu í dauðateygjunum. Þess má geta að svéitin verður í heimsókn hjá Górillunni að morgni föstudagsins. • Sín er tríó sem leikur fyrir gesti Rauða Ijónsíns. Herma fregnir að Arni Ijón ætli hvað ur hverju að koma Neshyrningum á óyart með eínhverju óvæntu uppátæki. • Langbrók hefur fengið tíl liðs við sig tvær Abba- dísir, holdgervinga Anni- frid og Agnethu, (ef þið hafið lokuð augun). Sam- an munu þau leika úrval þekktra laga sænsku sveitarinnar Abba í bland við hressilega rokktónlist á Plúsinum. • Upplyfting reynir að gera sitt til að taka Dans- barínn taki. Lengi lifir í gömlum glæðum. • Undir tunglinu er hin þokkalegasta stormsveit. Hún verður í kvöld og meira að segja annað kvöld einnig á Gauki á Stöng. • Bjossi greifi verður vígreifur á Fógetanum. LAUGARDAGURINN 21 . ÁGÚST • Jójó leikur væntanlega jójó tónlist á Tveimur vin- um. • Langbrók og Abba- dísirnar aftur á Plúsinum. Nöfn fólksins sem kemur við sögu eru Alli, Ofur- baldur, Alfreð og Halli, auk Kandísstálknanna Ásdísar og Önnu Kar- enar. • Sín leíkur fyrir trimmara og aðra Seltirninga á Rauða Ijóninu. • Upplyfting vonandi á hærra plani á Dansbam- um. • Undir tunglinu tekur að sér æðri tónlist á Gauki á Stöng. • Gleðigjaf arnir taka völdin á Hótei Sögu eftir Geirmundarsveiflu þar um síðustu helgi. • Bjössi greifi sómirsér vel sem trúbadúr á Fóget- anum. SUNNUDAGURINN 22.ÁGÚST • Rokkabillyband Reykjavíkur er ógleym- anleg grúbba. Að minnsta kosti minningarnar tengd- ar henní. Hún spilar bestu rokklögin á Gauki á stöng. Sem og á sunnu- dags- og mánudagskvöld. • Haraldur Reynisson heldur áfram þar sem frá var horfið á Fógetanum, með framsóknarmönnun- um. SVEITABÖLL FOSTUDAGURINN 20. ÁGÚST • Sjallinn, Akureyri Dóri og vinir hans ætla að kynna hversu vel þeim líður. Þeir gera það reyndar einnig í kvöld, fimmtudagskvöld. • H „29", Akureyri er gamalt staður með nýtt nafn. Sniglabandið fer þar á taugum. • Sindrabær, Höfn í Hornafirði SSSól í ævín- týraferð um Austurland. • Sjallinn, Akureyri Nýdanskir monta sig af metaðsókn á Akureyri fyrr á árinu. Svokallað Mega- X monitorkerfi er komið í hendur þeirra, því er eins gott að gæta að geðheils- unni. LAUGARDAGURINN 21 . ÁGÚST • Njálsbúö, Vestur Landeyjum Todmobile leikur þar í fyrsta sinn í sumar. Ævintýrin gerast enn. • Bíókaffi, Siglufirði Vinir Dóra flagga Clio verðlaununum í firðinum. Á morgun verða þeir svo á Húsavík, á mánudag á Vopnafirði, þriðjudag a Seyðisfirði og svo mætti áfram telja. • Hreðavatnsskáli hefur verið einn aðaldjamm- staðurinn í sumar. Þang- að streymdu sveinarnir f leit að meyjum. Snigla- bandið, Steinn Agnar Pét- ursson (Mambó-kóngur- inn) sem sér um rekstur- inn á skálanum og gogo- píur á lokadansleiknum. • Egilsbúð, Neskaup- stað þar verða SSSól væntanlega að undirbúa sig og æfa fyrir stórtón- leiKana 10. september. • Ydalir, Aðaldal þeir Jónsi, Gossi, Seppi, Bangsi og Ólsi úr Ný- dönskum hyggja á nýtt aðsóknarmet. „Allt annað er áfall," var haft eftir Seppa Hjöll.

x

Pressan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Pressan
https://timarit.is/publication/298

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.