Morgunblaðið - 15.05.2004, Page 68

ÍÞRÓTTIR
68 LAUGARDAGUR 15. MAÍ 2004 MORGUNBLAÐIÐ
 ÓLAFUR Jóhannesson þjálfari
FH-inga tekur út leikbann í leik FH
gegn KR í opnunarleik Íslandsmóts-
ins sem fram fer á KR-vellinum í dag
en Ólafur var úrskurðaður í eins
leiks bann á síðasta fundi aganefnd-
ar KSÍ á síðasta ári vegna fjögurra
gulra spjalda. Það kemur því í hlut
Leifs Sigfinns Garðarssonar, að-
stoðarþjálfara, að stjórna FH-liðinu
í dag.
 FRAMTÍÐ knattspyrnustjórans
Harry Redknapp hjá enska úrvals-
deildarliðinu Portsmouth er í óvissu
en hann hefur sent stjórnarformanni
liðsins Milan Mandaric kaldar kveðj-
ur að undanförnu. Mandaric sem er
Serbi hefur sagt að til greina komi að
fá erlenda þjálfara til þess að vinna
með Redknapp en Jim Smith hefur
verið þjálfari liðsins í vetur.
 REDKNAPP segir að ekki komi til
greina að láta Smith víkja úr starfi
sínu en Mandaric hefur svarað því
með þeim hætti að það hafi upphaf-
lega verið hugmynd Redknapp að
láta Smith fara frá liðinu. Redknapp
er ósáttur við orð Mandaric og hefur
Redknapp hótað því að vera ekki á
hliðarlínunni í síðasta leik liðsins
gegn Middlesbrough í dag.
 LOTHAR Mätthaus þjálfari ung-
verska landsliðsins í knattspyrnu er
sagður vera á leiðinni til tyrkneska
félagsins Besiktas. Mätthaus hitti
Yildirim Demiroren í Mílanó á Ítalíu
á miðvikudaginn en hann er talinn
líklegur til þess að verða næsti for-
seti Besiktas. Mätthaus er 43 ára
gamall og er samningsbundinn fram
til ársins 2005 hjá ungverska knatt-
spyrnusambandinu.
 JUAN Sebastian Veron, landsliðs-
maður Argentínu og leikmaður
Chelsea, vill fara frá Lundúnaliðinu
– aftur til Ítalíu, þá til Inter Mílanó.
Chelsea keypti hann á 15 millj.
punda frá Manchester United sl.
sumar.
 DION Dublin og Ronny Johnsen
yfirgefa Aston Villa í sumar en þeim
hefur verið tilkynnt að samningar
þeirra við félagið verði ekki endur-
nýjaðir. Dublin er 35 ára gamall og
hefur verið í herbúðum Villa í fimm
ár en Johnsen, sem er 34 ára gamall,
gekk í raðir liðsins frá Manchester
United fyrir tveimur árum.
 ARSENE Wenger knattspyrnu-
stjóri Arsenal hefur hvatt sína leik-
menn til að halda fullri einbeitingu í
leiknum gegn Leicester í dag og
ljúka tímabilinu án ósigurs í úrvals-
deildinni.
 ROY Kenae leikur ekki með Man-
chester United í lokaumferð ensku
úrvalsdeildarinnar í knattspyrnu í
dag þegar Aston Villa mætir á Old
Trafford. Keane hefur glímt við
meiðsli og Alex Ferguson vill ekki
taka neina áhættu fyrir bikarúrslita-
leikinn við Millwall eftir viku og
ákvað að gefa Keane frí.
FÓLK
ÉG vonast til þess að fá mig lausan frá Real
Betis í sumar og geti þar með samið við annað
lið á eigin forsendum,“ sagði íslenski landsliðs-
maðurinn Jóhannes Karl Guðjónsson í gær en
hann er á lánssamning hjá Wolves sem leikur í
ensku 1. deildinni á næstu leiktíð.
„Forráðamenn Wolves eru hugsanlega að
gera Real Betis tilboð um að kaupa mig en
Spánverjarnir hafa ekki staðið við þá samn-
inga sem ég gerði við liðið í upphafi. Þeir hafa
ekki staðið í skilum með samning sem kallast
„image“ samningur og er algengt að knatt-
spyrnumenn geri. Frá þeim tíma hef ég ekki
fengið krónu frá þeim, eða í tvö og hálft ár.
Aston Villa og Wolves sem ég hef leikið með að undanförnu hafa
staðið við allt sitt gagnvart Betis og ég tel að samningsstaða mín
við spænska liðið sé ágæt þar sem þeir hafa ekki staðið við sam-
komulag sem þeir gerðu við mig í upphafi,“ sagði Jóhannes Karl
í gær.
„Betis hefur ekki
staðið við sitt“
LEIKMENN Arsenal geta skrifað nafn liðsins
í sögubækurnar í dag er þeir leika gegn Leic-
ester á Highbury. Ef þeir tapa ekki þá hafa
þeir farið í gegnum úrvalsdeildina taplausir,
sem er einstakt afrek – að leika 38 leiki án
taps. Það eru 115 ár síðan Preston lék í efstu
deild án taps, 1888–1889 – 22 leiki, 18 sig-
urleiki og fjögur jafntefli.
Arsenal hefur leikið 37 leiki án taps – 25
sigurleiki og gert 12 jafntefli.
AC Milan er eina liðið á Ítalíu sem hefur
leikið taplaust á keppnistímabili. Það var
1992 er liðið lék 34 leiki – 22 sigurleiki og
gerði 12 jafntefli.
Á Spáni hafa tvö lið afrekað þetta. Athletic
Bilbao 1929–1930 og Real Madrid tveimur
keppnistímabilum síðar. Bæði liðin léku 18
leiki án taps. Ekkert lið í Þýskalandi hefur af-
rekað að leika taplaust á leiktíð.
Arsenal í
sögubækur?
Sigurbjörn Hreiðarsson, fyrirliðiValsmanna, sagði við Morgun-
blaðið að það kæmi sér ekki á óvart
að þeim væri spáð
góðu gengi.
„Það er gaman að
menn skuli líta á
okkur sem besta lið-
ið og það er krafa okkar sjálfra að
við endum í öðru af tveimur efstu
sætunum í sumar. Ekkert annað
kemur til greina af okkar hálfu, við
erum ekki með lakara lið en í fyrra
og við erum staðráðnir í að bæta
fyrir þann klaufaskap að falla úr úr-
valsdeildinni. Okkur skorti vissan
stöðugleika í fyrra en ég tel að hann
sé fyrir hendi hjá liðinu í dag og við
erum reynslunni ríkari. Reyndar
hefur vörnin okkar tekið talsverðum
breytingum en hún hefur staðið fyr-
ir sínu í vetur og vor og síðan höfum
við fengið til liðs við okkur þá Bald-
ur Aðalsteinsson og Þórhall Hin-
riksson sem gefa okkur meiri vídd í
sóknarleikinn,“ sagði Sigurbjörn.
Breiðablik og Þróttur
skæðustu andstæðingarnir
Hann telur samt að Valsmenn
muni alls ekki fara upp úr deildinni
án fyrirhafnar. „Það er alveg ljóst
að 1. deildin verður erfið í ár, og ég
held að hún hafi aldrei verið sterkari
en einmitt núna. Ég tel að Breiða-
blik og Þróttur verði okkar skæð-
ustu andstæðingar í toppbaráttunni
en síðan eru mörg lið í deildinni
ennþá óskrifað blað. Þórsarar munu
eflaust standa sig, Stjarnan hlýtur
að bæta sig og blanda sér í barátt-
una, Njarðvík og HK hafa fengið til
sín nýja menn, Völsungur er erfiður
á heimavelli og Haukar hafa alltaf
reynst okkur snúnir andstæðingar.
Ég veit ekki með Fjölnismenn en ef
þeir fá sér erlenda leikmenn á síð-
ustu stundu, eins og fleiri hafa verið
að gera, getur þetta allt saman orðið
mjög óútreiknanlegt. Ég er skít-
hræddur við þessi lið sem eru lægra
skrifuð í deildinni, þau verða öll
hættulegir andstæðingar, baráttu-
glöð og vel skipulögð. Svo er knatt-
spyrnan alltaf að verða jafnari, þrjú
sterkustu lið 1. deildar eru svipuð og
flest liðin í úrvalsdeildinni, og hin
standa þeim ekki langt að baki.“
Það ætti að fjölga
í 1. deildinni
Sigurbjörn telur að byrjun móts-
ins hafi geysilega mikið að segja fyr-
ir Valsmenn, sem og önnur lið.
„Þetta er stutt mót og það er sér-
lega mikilvægt að fara vel af stað.
Ég tek heilshugar undir þær raddir
að það ætti að drífa í að fjölga liðum
í 1. deildinni úr tíu í tólf. Þar er
mjög auðvelt að bæta við fjórum
umferðum því bikarleikir, Evrópu-
leikir og landsleikir trufla ekki 1.
deildina, og leikmenn þar fá því
færri verkefni en leikmenn í úrvals-
deild. Með því að fjölga liðum væru
ennfremur meiri líkur á að bestu lið-
in færu upp, því lið sem byrja illa
hefðu þá betra tækifæri til að rétta
sinn hlut.“
Byrjað á Hlíðarenda og
Húsavík á morgun
Flautað verður til leiks í 1. deild-
inni á morgun klukkan 16 en þá
hefjast tveir fyrstu leikirnir. Valur
tekur á móti Þór að Hlíðarenda og á
Húsavík leika nýliðar Völsungs
gegn Þrótti úr Reykjavík.
Fyrstu umferðinni lýkur síðan á
mánudagskvöld en þá eru hinir þrír
leikirnir. HK og Fjölnir leika á
Kópavogsvellinum, Haukar mæta
Stjörnunni á Ásvöllum í Hafnarfirði
og Njarðvík fær Breiðablik í heim-
sókn. Allir leikirnir hefjast klukkan
20.
Samkvæmt spá þjálfara 1. deild-
arliðanna fyrir Lengjuna sem birtist
fyrr í vikunni verður röð liðanna
þessi: Valur, Breiðablik, Þróttur R.,
Þór, Njarðvík, Haukar, Stjarnan,
Völsungur, HK og Fjölnir.
Sigurbjörn Hreiðarsson, fyrirliði Vals, um 1. deildarkeppnina sem hefst á morgun
„Deildin aldrei verið
sterkari en í ár“
VALSMÖNNUM er víðast hvar spáð sigri í 1. deildarkeppninni í
knattspyrnu sem hefst á morgun, sunnudag. Það þarf ekki að koma
á óvart, Valsliðið vantaði herslumuninn til að halda sér í úrvals-
deildinni síðasta sumar og virðist miðað við leiki í vetur og vor
standa flestum liðum efstu deildarinnar snúning. Þetta er í þriðja
skiptið á fimm árum sem Hlíðarendafélagið leikur í 1. deild og í tvö
fyrri skiptin vann það sig viðstöðulaust upp á ný.
Morgunblaðið/Kristinn
Sigurbjörn Hreiðarsson á fleygiferð í leik með Val gegn ÍBV í
efstu deild í fyrra – með Steingrím Jóhannesson á hælunum.
Eftir
Víði
Sigurðsson
AKUREYRARVÖLLUR verður
opnaður fyrr en nokkru sinni áð-
ur þegar KA mætir Keflavík í
fyrstu umferð Íslandsmótsins í
knattspyrnu á sunnudaginn.
Aldrei hefur áður verið leikið á
Akureyrarvelli 16. maí en Ak-
ureyrarliðin KA og Þór hafa nær
undantekningalaust spilað fyrstu
mótsleiki sína á vorin á sínum fé-
lagssvæðum.
„Já, völlurinn er leikfær og
tilbúinn til notkunar. Umsjón-
armenn hans eiga heiður skilinn
fyrir góða umhirðu og grunn-
vinnu sem er að skila sér. Það
munar miklu fyrir okkur að geta
byrjað strax á Akureyrarvelli og
spilað við okkar bestu aðstæður
allt frá byrjun,“ sagði Gunnar
Gunnarsson, framkvæmdastjóri
knattspyrnudeildar KA, við
Morgunblaðið í gær.
Til samanburðar var fyrsti
leikurinn á Akureyrarvelli í
fyrra spilaður 1. júní þegar KA
tók á móti KR. Þá léku KA-menn
á æfingasvæði sínu gegn FH í 2.
umferð 24. maí.
Ekki er jafngott ástand alls
staðar á Norðurlandi. Völsungar
fá Þrótt úr Reykjavík í heimsókn
til Húsavíkur í fyrstu umferð 1.
deildar á sunnudaginn. Þar verð-
ur spilað á æfingasvæði Völs-
ungs því aðalvöllurinn á Húsavík
á langt í land með að vera tilbú-
inn.
Akureyrarvöllur tilbúinn
Jóhannes
Karl
PETER Kenyon, stjórnarformaður
enska úrvalsdeildarliðsins Chelsea,
sagði í ræðu sinni í kvöldverðarboði
félagsins til handa stuðningsmönn-
um liðsins að þar á bæ væru menn
ekki sáttir við árangur leiktíðarinn-
ar, þrátt fyrir að hann væri sá besti
í 49 ár. Hann þakkaði leikmönnum
liðsins fyrir sitt framlag en tók und-
ir orð fyrirliðans John Terry sem
sagði að leikmenn liðsins hefðu
brugðist þegar mest á reyndi en lið-
ið endaði í öðru sæti í úrvalsdeild-
inni og komst í undanúrslit í Meist-
aradeild Evrópu.
Hann sagði ennfremur að í sumar
myndi Chelsea láta mikið að sér
kveða á leikmannamarkaðinum, og
stefna félagsins yrði að ganga frá
kaupum og sölu sem fyrst til þess að
leikmenn gætu undirbúið sig vel
fyrir næstu leiktíð. Enda væri
markmiðið að gera betur í framtíð-
inni. Kenyon sagði ekki hve miklum
fjármunum félagið myndi verja við
kaup á leikmönnum, en það yrði
töluvert há upphæð. Hann staðfesti
að félagið væri á höttunum á eftir
Gianfranco Zola, sem muni fá
kveðjuleik í ágúst á Stamford
Bridge og vonast hann til að Zola
muni starfa hjá félaginu í nánustu
framtíð.
Chelsea ætlar að gera betur