Heimilistíminn - 06.06.1974, Side 37

*
Að prjóna hæl
TIL eru margar aðferðir við að prjóna hæl á sokk. Hér eru tvær
þær algengustu, fleyghæll og bandhæll. Prjónið prufu til að átta
ykkur á aðferðinni. Sem dæmi eru hér fitjaðar upp 48 lykkjur og
skift niður á fjóra sokkaprjóna, 12lykkjur á hvern.
Fleyghæll: Þegar komið er að hælnum, eru fyrstu og siðustu 12
lykkjurnar i umferðinni prjónaðar saman yfir á einn prjón og
þessar 24 lykkjur prjónaðar áfram, ca 6 sentimetra. Þá er haldið
þannig áfram: 14 sl, 2sl saman, 1 sl, snúa, 6 sn, 2 sn saman, 1 sn,
snúa, 7sl, 2sl saman, 1 sl, snúa, 8sn, 2sn saman, 1 sn, snúa, 9 sl,
2 sn saman, 1 sl, snúa, 10 sn, 2 sn saman, 1 sn, snúa, 11 sl, 2 sl
saman, 1 sl, snúa, 12 sn, 2 sn saman, 1 sn, snúa, 13 sl, 2 sl saman,
snúa, 13 sn, 2 sn saman og þá eru eftir 141ykkjur.
Setjið þessar 14 1 á tvo prjóna, 7 á hvorn og byrjið frá vinstri
hlið. 1. uinf: 1 pr.: 7 sl, prjónið 12 lykkjur upp meðfram vinstri
hliðhælsins. 2. og 3 p: slétt prjón. 4. p: Prjónið 12 lykkjur upp úr
hægri hliðhælsins, 7 sl. Næsta umf: 1. p: 16 sl, 2 sl saman, 1 sl. 2.
og 3 p: slétt. 4. p: 1 sl, 2 sl saman, 16 sl. Prjóniö eina umf án
úrtöku. Næsta umf: 1. p: 15 sl, 2 sl saman, 1 sl 2. og 3. p: slétt. 4.
p: 1 sl, 2 sl saman, 15 sl. Haldið þannig áfram úrtökum i annarri
hvorri umf, að einni lykkju færra verði á 1. og 4. prjóni 1 hvert
sinn, þar til aftur eru 48 lykkjur á prjónunum og þá er haldið
áfram að tánni.
Bandhæll: Byrjið eins og á fleyghælnum með þvi að prjóna 6 sm
áfram með 24 1, en þá er haldið þannig áfram: 17 sl, 2 sl saman,
snúa x takiðeina 1 fram af, 10 sn, 2 sn saman, snúa, 1 fram af, 10
sl, 2 sl saman, snúa x Endurtakið frá x til x stöðugt þar til ein 1
er eftir á vinstri prj, áður en snúiðer, prjónið þessa 1 snúna og þá
eru 141 á. Haldið svo áfram frá þeim stað 1 uppskriftinni á fleyg-
hælnum, þar sem stendur: Setjið þessar 14 1 á tvo.
Piparávextir
|eru vítamínríkir j
ÞAÐ er mikið af A- og C-vitaminum i piparávöxtum, einkum
þeim rauðu. Þeir eru góðir i ótal rétti. Ferskir eru pipar-
ávextirnir bestir, en þeir fást lika i dósum og krukkum og eru
ekki dýrir. Athugandi er, að ekki sé of mikið edik i leginum á
þeim.
Milljónabuff:Dálitið sérstakur réttur úr kjöti, lauk, sveppum og
piparávöxtum. Allt saman vel brúnað og siðan soðið með dós af
tómötum og kryddi eftir smekk.
Fylltir piparávextir: Geri eins konar milljónabuff úr brúnuðu
kjöti og hrísgrjónum, bragðbættu með lauk og kryddi. Gjarnan
má setja hrisgrjón saman við. Setjið farsið i hálfa piparávexti,
sem tekið hefur verið innan úr. Setjið smjörklipu ofan á og bakið,
þar til ávextirnir eru meyrir.
Hrærð egg: Byrjið á þvi að láta gróft saxaðan piparávöxt
krauma saman við saxaðan lauk og sundurskorna sveppi, þar til
það er meyrt. Þá er eggjahrærunni hellt saman við og látin
stifna.
Grænt salat verður hollara, ef settir eru litlir teningar af
piparávexti út i það.
Ostur og piparávextireiga vel saman. Hægt er að fylla ávöxtinn
með mjukum osti, setja i kæliskáp og skera siðan i sneiðar. Þá er
gott að hræra saxaðan piparávöxt út i smurost og gjarnan má
setja smjör saman við. Þetta er ágætis álegg.
37