Morgunblaðið - 07.08.2004, Síða 4
FRÉTTIR
4 LAUGARDAGUR 7. ÁGÚST 2004 MORGUNBLAÐIÐ
Forsvarsmenn Landsvirkj-unar og ítalska verktaka-fyrirtækisins Impregilosegja að ekkert sé að ótt-
ast þrátt fyrir mikla vatnavexti í
Jökulsá á Dal. Enginn hafi verið né
sé í hættu og sama máli gegni um
tækjabúnað, þótt brúin yfir Jöklu
hafi eitthvað skemmst.
Guðmundur Pétursson, verkefn-
isstjóri Kárahnjúkavirkjunar hjá
Landsvirkjun, fylgdi Morgunblaðs-
mönnum um svæðið í gær og út-
skýrði aðstæður. Hvarvetna eru
þungavinnuvélar, stórvirkir grjót-
flutningabílar á iði, sömuleiðis app-
elsínugulklæddir verkamenn, með
hjálma, að störfum, eins og litlir
maurar, í þessu stórbrotna lands-
lagi, þar sem jafnvel risavaxinn
trukkur virkar rétt eins og kræki-
ber í helvíti.
Guðmundur útskýrir: „Aðal-
áherslan nú er lögð á að hækka
varastífluvegginn. Hann var hækk-
aður um fimm metra í gær og í dag
verður hann hækkaður um aðra
fimm. Þetta gengur allt samkvæmt
áætlun, enda leggjast allir á eitt. Við
viljum vera viðbúnir því að það
hækki jafnmikið í Jöklu í kvöld og
gerði í gær, þegar vatnsyfirborð ár-
innar hækkaði um 10 metra, þannig
að brúin yfir Jöklu var á bólakafi,
sennilega voru einir tveir metrar
niður á brúargóflið, þegar mest
var.“
Menn og tæki aldrei
í neinni hættu
Þegar aðrennslisgöngin voru
hönnuð var miðað við að hámarks-
rennsli Jökulsár gæti orðið 1.050
rúmmetrar á sekúndu, að sögn Guð-
mundar. Rennslið í hámarki í fyrra-
kvöld hafi verið vel innan þeirra
marka, eða rúmir 900 rúmmetrar á
sekúndu, en ekki hafi verið hægt að
skýra hversvegna önnur göngin hafi
ekki afkastað meiru en raun bar
vitni. Það muni koma á daginn þeg-
ar sjatnar aftur í ánni og hægt verð-
ur að fara inn í göngin og kanna
hvað hafi gerst. Árið 1991 hafi
rennslið mælst í hámarki rúmir 800
rúmmetrar á sekúndu og árið 1977
hafi Jökla í hámarki mælst með 930
rúmmetra á sekúndu, sem sé það
mesta sem mælst hefur, frá því
mælingar hófust fyrir fjörutíu árum
eða svo.
Aðspurður hvort raunverulegt
hættuástand hafi myndast á
fimmtudagskvöld, þegar Jökla hafði
hækkað eins og raun bar vitni, segir
Guðmundur: „Það eina sem hefur
verið spursmál um, er brúin yfir
Jöklu, en eins og þú sérð, þá hefur
hún staðið þetta af sér og við vonum
að það sama verði upp á teningnum
í kvöld. Hún er auðvitað eitthvað
löskuð, en við leggjum ekki endan-
legt mat á ástand hennar, fyrr en
þetta er afstaðið.
Þannig að þótt rætt hafi verið um
hættuástand, þá var það aldrei svo,
að menn og tæki væru í neinni
hættu, aldrei.“
– Nú hlýtur að hafa borist gríð-
arlegt magn af aur og leir yfir ein-
hvern hluta vinnusvæðis ykkar.
Þýðir þetta ekki að þið verðið að
ráðast í miklar hreinsunaraðgerðir,
áður en raunverulegum fram-
kvæmdum verður haldið áfram?
„Nei, alls ekki. Vinnan við að-
alstífluna fer öll fram neðan við var-
astíflugarðinn og þar er bara um
það að ræða að lítilsháttar leki hefur
orðið í gegnum varastíflugarðinn, en
ekkert sem skiptir sköpum, og þeg-
ar hefur verið brugðist við þeim
leka. Það hefur því ekki orðið nein
truflun á framkvæmdum við aðal-
stífluna.“
Ekki hægt að segja á þessu
stigi hvað þetta þýðir
Giovanni Matta er yfirmaður
stíflugerðar ítalska verktakafyr-
irtækisins Impregilo í Kára-
hnjúkum. Hann er fyrst spurður
hvort rennslisaukningin í Jöklu hafi
skapað fyrirtækinu mikla örðug-
leika.
„Við höfum aðeins þurft að horf-
ast í augu við þetta vandamál í örfáa
daga. Við reynum eftir megni að
veita Landsvirkjun, viðskiptavini
okkar, þann stuðning og aðstoð sem
við höfum tök á, til þess að lág-
marka það tjón sem verður. Við vit-
um ekki nákvæmlega enn hver stað-
an er, því enn skortir á upplýsingar,
eins og það hvað gerðist í öðrum
göngunum. Það kemur ekki á dag-
inn fyrr en sjatnað hefur í ánni á
nýjan leik.
Það eru horfur á því að brúin yfir
Jöklu muni standa þetta af sér, sem
er vel. Nú bíðum við fyrirmæla frá
Landsvirkjun um það hver eigi að
verða okkar næstu skref.“
Matta var spurður hvort hann
telji að vatnavextir í Jöklu komi til
með að seinka framkvæmdinni að
einhverju ráði.
„Á þessu stigi er ekki hægt að
segja til um það hvort og þá hversu
mikið þetta kemur til með að tefja
okkur. Við erum engir sérfræðingar
í íslensku veðurfari og hegðun jökla
á þessu landi. Auðvitað fylgjumst
við eins grannt með stöðunni og
okkur er unnt og að átta okkur á því
hvernig sé rétt að bregðast við. En
slíkar ákvarðanir eru auðvitað tekn-
ar í samráði við og að undirlagi við-
skiptavinar okkar, Landsvirkjunar.“
Matta segir jafnframt að aldrei
hafi komið upp einhver hræðsla
starfsmanna á svæðinu vegna
rennslisaukningarinnar í Jöklu.
Vandamálið sé alls ekki þeirrar
gerðar og sömuleiðis hafi þeir ekki
haft neinar áhyggjur af tækjum og
tólum þeim sem eru á svæðinu.
Matti var að lokum spurður hvort
þessi aukning vatnsmagns í Jöklu
komi til með að auka kostnað við
framkvæmdirnar og þá hversu mik-
ið.
„Það er engin leið að gera sér
grein fyrir því á þessu stigi, því við
vitum ekki í dag hversu mikið við
tefjumst vegna þessa. Kostnaður er
ekki bara mældur í tíma, heldur
einnig í tækjabúnaði, mannahaldi og
fleiru.
Þetta verður allt skoðað, metið og
reiknað út, þegar heildarupplýs-
ingar liggja fyrir. Þetta eru hlutir
sem við hugsum ekki um í dag og
höfum ekki áhyggjur af. Við veitum
Landsvirkjun allan þann stuðning
og aðstoð sem við getum og sjáum
svo til með framhaldið.“
Áhersla á að hækka stífluna
Miklar framkvæmdir
starfsmanna Lands-
virkjunar og Impreg-
ilo hafa staðið yfir
dag og nótt í Kára-
hnjúkum frá því
Jökla með aðstoð
jökla ákvað að sletta
úr klaufunum og
yggla sig svo um
munaði. Agnes
Bragadóttir og
Sverrir Vilhelmsson
heimsóttu virkj-
unarsvæðið í gær.
Morgunblaðið/Sverrir
Unnið hefur verið nótt og nýtan dag við að hækka varastíflugarðinn. Í fyrradag var hann hækkaður um fimm metra og um aðra fimm í gær.
Giovanni Matta, yfirmaður stíflugerðar Impregilo að
Kárahnjúkum, segir ekki hægt að segja til um það
hversu miklar tafir verða á framkvæmdum, eða hvort
og þá hversu mikinn kostnað tafirnar hafi í för með sér.
Guðmundur Pétursson, verkefnisstjóri Kárahnjúka-
virkjunar hjá Landsvirkjun, segir að menn og tæki séu
ekki og hafi ekki verið í neinni hættu, þrátt fyrir að
rennsli í Jöklu hafi aukist mikið.
Jorge, öryggisvörður hjá Impregilo, stendur vörð um það hverjir fá að koma
inn á framkvæmdasvæðið og hverjir ekki. Hann er æði veðurbarinn og segist
kunna mun betur við portúgalska veðráttu en veðrið við Kárahnjúka.